Мәжіліс пен мәслихаттар сайлауына шақыру

"Елші хабарласып, шақырды": шетелдегі қазақтар қалай дауыс беретінін айтты

71
(Жаңартылды 15:13 09.01.2021)
10 қаңтарда Қазақстанда парламент сайлауы өтеді. Учаскелер жергілікті уақытпен таңғы жетіден кешкі сегізге дейін ашық болады. Сайлау құқығы бар 11 миллионнан аса қазақстандық дауыс бере алады. Ал шетелде тұрып жатқан қазақстандықтар үшін арнайы сайлау учаскелері ашылды

АЛМАТЫ, 9 қаңтар – Sputnik. Ертең Қазақстанда мәжіліс сайлауы өтеді. 18 жасқа толған әрбір қазақстандықтың дауыс беруге құқығы бар. Сайлау науқаны тек ел ішінде ғана емес, шетелде де жүзеге асады. Ол үшін 53 елде 66 сайлау учаскесі ашылды. Sputnik Қазақстан тілшісі шетелде тұрып жатқан қазақстандықтардан сайлауда қалай дауыс беретінін сұрады.

Елші хабарласып, сайлауға шақырған

Италия астанасында білім алып жүрген Дана Төлеужан елде сайлау болғалы жатқанынан хабары бар екенін айтты. Римде білім алып жатқан қазақ жастарына елшінің өзі хабарласып, дауыс беруге шақырған.

"Римде, мен білім алып жатқан оқу орнында қазақстандықтар көп. Бір-бірімізбен тығыз байланыстамыз. Жақында елде сайлау болатынын әлеуметтік желі арқылы да көріп, талқылап жатырмыз. Мен міндетті түрде дауыс беруге барамын. Себебі, бұл – менің азаматтық борышымның бірі. Шетелде жүрсем де, елдегі жағдайға бей-жай қарамаймын", - дейді Төлеужан.

Италияда оқып жүрген қазақстандық студент Дана Төлеужан
© Photo : Дана Төлеужанның жеке архивінен
Италияда оқып жүрген қазақстандық студент Дана Төлеужан

Ол халықтың болашағы үшін әр қазақстандықтың беретін дауысы маңызды деп санайды.

"Сайлау туралы біраз уақыттан бері хабарланып жүр. Қазақстанның Италиядағы елшілігі мен елшінің өзі хабарласып, сайлауға шақырды. Маған ғана емес, осы жердегі достарыма да хабарласыпты. Енді барлығымыз бірге барып, дауыс береміз", - дейді ол.

Дана Төлеужан сайлауға түскен бес партияның ішінде кімге дауыс беретінін де шешіп қойған. Таңдау жасар кезде партия құрамындағы азаматтарға мән бердім, дейді бойжеткен.

"Алдын ала үгіт-насихат жұмыстары жүргізілді. Елшінің өзі Римде қазақстандықтар жиналған Whatsapp топта хабарлама жіберіп, сайлау болатынын айтты. Ал оның алдында Абай Құнанбайұлының 175 жылдығына орай ұйымдастырылған шарада да 10 қаңтарда сайлау өтетінін еске салды", - деді Дана Төлеужан.

"Емтиханға байланысты бара алмаймын"

Түркияның Измит қаласында докторантурада оқитын қазақстандық Ақбала Ерназар сайлауға бара алмайтынын айтты. Өйткені сайлау учаскелері Түркияның тек үш қаласында – Анкара, Ыстанбұл, Анталияда ашылған.

"Измитте сенбі-жексенбі карантин күшейтіледі, рұқсатсыз көшеге шығуға болмайды. Алайда сайлау қарсаңында елшілік рұқсат қағазын дайындап берді", - дейді ол.

Тағы оқыңыз: Бюллетенді басқаға толтыртуға болады – оған қай кезде рұқсат етіледі

Айтуынша, өзі оқитын оқу орнында шамамен 15 қазақстандық бар. Олар дауыс беру үшін үш қалада ашылған сайлау учаскелеріне еш кедергісіз барып, қайтып келе алады. Ол үшін түрік тарапының құзырлы мекемелерінен тиісті рұқсаттар алынған.

"Мен тұратын қаладан бір жарым сағатта Ыстамбұлға баруға болады. Келесі апта емтихан тапсырамын, сол себепті дауыс беруге бара алмаймын. Бірнеше жыл бұрын президент сайлауына қалмай қатысу туралы үгіт-насихат жұмыстары жақсы жүргізілді. Сол кезде барлығымыз дауыс беруге бардық", - дейді Ерназар.

Қазақстандағы парламент сайлауы

Қазақстанда мәжіліс (парламенттің төменгі палатасы) және мәслихаттар сайлауы 2021 жылы 10 қаңтарда өтеді.

Алдағы сайлауда мәжілістегі орындарға бес партия таласады.

  • Nur Otan;
  • "Ақ жол" демократиялық партиясы;
  • Қазақстанның халық партиясы (бұрынғы коммунистер);
  • "Ауыл" халықтық-демократиялық партиясы;
  • "Адал" партиясы.

Мәжілістің қазіргі алтыншы шақырылымының өкілеттілік мерзімі 2021 жылдың 24 наурызында аяқталады.

71
Кілт сөздер:
сайлау, Мәжіліс
Тақырып:
Мәжіліс сайлауы (157)
Тақырып бойынша
Мәжіліс сайлауы туралы не білу керек
Мәжіліс сайлауы: қазақстандықтар қандай өзгеріс күтетінін айтты - видео
Парламент сайлауы тақап қалды: қазақстандықтар нені білуі тиіс
Сайлау комиссияларының 1,5 мыңға жуық мүшесі жұмыстан шеттетілді
Үкімет үйі

Тоқаевтың төрағалығымен үкіметтің кеңейтілген отырысы басталды

107
(Жаңартылды 10:56 26.01.2021)
Кеңейтілген отырыста елдің әлеуметтік-экономикалық дамуының 2020 жылғы қорытындылары мен алдағы жоспары талқыланады

НҰР-СҰЛТАН, 26 қаңтар – Sputnik. Қазақстан президенті Қасым-Жомарт Тоқаевтың төрағалығымен жаңарған үкіметтің кеңейтілген отырысы басталды, деп хабарлайды Sputnik Қазақстан.

Отырыс онлайн өтіп жатыр. Жиында елдің әлеуметтік-экономикалық дамуының 2020 жылғы қорытындылары мен алдағы жоспары талқыланады.

Журналистер отырыстан жаңалықтарды "Қазмедиа орталығынан" таратады.

Еске салсақ, бұрынғы үкімет 10 қаңтарда өткен парламент сайлауынан кейін отставкаға кеткен болатын.

18 қаңтарда мемлекет басшысы Қазақстан үкіметінің жаңа құрамын бекітті.

Премьер-министр мен министрлердің басым бөлігі өз орнын сақтап қалды. Екі министр ғана ауысты. Еңбек және халықты әлеуметтік қорғау министрлігіне Серік Шәпкенов келсе, ұлттық экономика министрлігін Әсет Ерғалиев басқарды.

Тағы оқыңыз: Мамин екі министрді не себепті ауыстырды – сарапшылар пікірі

Сондай-ақ, сыртқы істер министрі Мұхтар Тілеуберді төртінші вице-премьер қызметін қоса атқарады.

Қазақстанда мәжіліс сайлауы 10 қаңтарда өтті. Дауыс беру қорытындысына сәйкес, парламенттің төменгі палатасына үш партия  – Nur Otan, "Ақ жол" және Қазақстанның халық партиясы (бұрынғы коммунистер партия) өтті.

"Nur Otan" партиясы – 76 мандат, "Ақ жол" демократиялық партиясы – 12 мандат, ал Қазақстанның халық партиясы 10 мандат алды.

Сондай-ақ, мәжіліс депутаттарының қатарына Қазақстан халқы Ассамблеясының өкілдері де енді.

107
Кілт сөздер:
Үкімет, Қасым-Жомарт Тоқаев
Тақырып бойынша
Тоқаев қазақстандықтар қызу талқылап жатқан заң жобасына қатысты пікір білдірді
Қазақстанда көлеңкелі үкімет құрылуы мүмкін бе – министр жауап берді
Тоқаевтың көмекшісі коронавирусқа қарсы вакцинаны екінші рет салдырды
Тоқаев биыл кімдердің жалақысы өсетінін айтты
Су кодексіне түзету енгізілді: Тоқаев заңға қол қойды
Ауыз су

Су кодексіне түзету енгізілді: Тоқаев заңға қол қойды

111
Қолданысқа енгізілген заң ауылдық жерлердегі халықты ауыз сумен жабдықтау қызметінің құнын төмендетуді қарастырады

НҰР-СҰЛТАН, 25 қаңтар – Sputnik. Президент Қасым-Жомарт Тоқаев "Қазақстан Республикасының Су кодексіне жергілікті өкілді, орталық және жергілікті атқарушы органдар арасында ауызсумен жабдықтауды субсидиялау жөніндегі өкілеттіктердің аражігін ажырату мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорданың сайты.

Оқи отырыңыз: Таза ауыз су әрбір үйде болуы керек – Тоқаев

Жаңа түзетулерге сәйкес, енді жергілікті жерде ауыз сумен жабдықтау қызметінің бағасын мәслихаттар анықтайды. Мысалы, мәслихат республика бойынша ең төменгі тарифтен төмен емес және облыстың әлеуметтік-экономикалық дамуын ескере отырып, орташа облыстық деңгейден жоғары емес төлемдер мөлшерін бекіте алады.

Заң жобасының негізгі мақсаты:

  • халықты ауыз сумен жабдықтауды қамтамасыз ету рәсімін оңтайландыру;
  • жаңадан салынған ауыз сумен жабдықтау жүйелерін жеңілдікті объектілер тізіміне қосуды жеделдету;
  • ауылдық жерлердегі халықты ауыз сумен жабдықтау қызметінің құнын төмендету.

Айта кетейік, бүгінде халықты ауыз сумен жабдықтау қызметінің құнын төмендету мақсатында мемлекеттен субсидия бөлініп тұрады. 2021 жылда осы мақсатта 16 миллиард теңге қарастырылған.

Ресми мәліметке сәйкес, қазіргі кезде ауыл халқының 87 проценті орталықтандырылған ауыз сумен қамтамасыз етілген. Осы санатқа 4 078 ауыл кіреді. Олардың ішінде 42 проценті субсидия алған.  

111
Кілт сөздер:
ауыз су, Қасым-Жомарт Тоқаев
Тақырып бойынша
Министрді де алдаған: Павлодар тұрғындары өңірдегі былықты жайып салды
"Бәрі түсінікті": министрден көңілі қалған Нығматулин қолын бір-ақ сілтеді
Ақорда миллиардтаған қаражаттың жымқырылғанын хабарлады
Қызылордада көпқабатты үйдің тұрғындары судың түсінен шошып отыр
Назарбаева сенаттың ұсынысына атүсті қараған үкіметтегі шенеуніктерді сынады  
2025 жылға қарай халық толықтай ауыз сумен қамтылады – Мамин 
Мұхамедқалы Абылғазиев

Қырғызстанның бұрынғы премьер-министрі ұсталды

0
(Жаңартылды 10:08 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанның бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігінің ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған.

Ал егер бұрынғы премьер республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық іс қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

0
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады