Саясат

"Ақ жол" партиясы мәжіліске өткен 12 депутаттың тізімін жариялады

© Sputnik / Абзал Калиев"Ақ жол" партиясының лидері Азат Перуашев
Ақ жол партиясының лидері Азат Перуашев - Sputnik Қазақстан
Жазылу
Мәжіліс сайлауының қорытындысы бойынша "Ақ жол" партиясына 12 мандат бұйырды, алтыншы шақырылымда партиядан төменгі палатаға тек жеті депутат барған еді

НҰР-СҰЛТАН, 12 қаңтар – Sputnik. "Ақ жол" партиясы парламент мәжілісінің жетінші шақырылымына өтетін 12 депутаттың аты-жөнін жариялады.

"Ақ жолдың" баспасөз қызметінің ақпаратынша, сейсенбі күні пленумда партия мүшелері парламентік сайлаудың қорытындысын талқылады. Пленумның бірауыздан қабылдаған шешімімен депутаттар мандаты былай бөлінді:

  • Азат Перуашев – фракция басшысы
  • Азамат Әбілдаев
  • Ерлан Барлыбаев
  • Берік Дүйсембинов
  • Серік Ерубаев
  • Дания Еспаева
  • Айгүл Жұмабаева
  • Қазыбек Иса
  • Андрей Линник
  • Ерлік Өмірғали
  • Мақсат Раманқұлов
  • Азат Сембинов.

Қара шрифтпен мәжілістің қазіргі VI шақырылымында депутат болған партия мүшелері көрсетілген.

Мәжіліс сайлауы

Осы жылдың 10 қаңтарында Қазақстанда парламент сайлауы өтті.

Сайлау нәтижесі бойынша:

  • Nur Otan партиясы – 71,09%;
  • "Ақ жол" демократиялық партиясы –10,95%;
  • Қазақстан халық партиясы – 9,1%;
  • "Ауыл" халықтық-демократиялық партиясы – 5,29%;
  • "Адал" партиясы – 3,57%.

Сайлаушылардың 7%-тен астам дауысын жинаған партиялар парламенттің төменгі палатасына өтті.

12 қаңтарда Орталық сайлау комиссиясы үш партияның қанша мандат алғанын жариялады. "Nur Otan" партиясы – 76 мандат, "Ақ жол" демократиялық партиясы – 12 мандат, ал Қазақстанның халық партиясы 10 мандат алды.

Жаңалықтар
0