Қасым-Жомарт Тоқаев

Президент мемлекеттік тілді білетін азаматтарға үндеу жасады

4926
(Жаңартылды 15:50 05.02.2021)
Президент мемлекеттік тілді білетін әрбір азаматты қазақша үйренгісі келген досымен, әріптесімен немесе танысымен өз білімін бөлісуге шақырды

НҰР-СҰЛТАН, 5 ақпан – Sputnik. Қазақстан президенті Қасым-Жомарт Тоқаев Тәуелсіздіктің 30 жылдығын мерекелеуге дайындық жөніндегі мемлекеттік комиссияның бірінші отырысында қазақ тілін меңгеру біртұтас ұлт болу жолындағы айрықша маңызды қадам екенін мәлімдеді, деп хабарлады Ақорда.  

Президент 30 жылдыққа байланысты шаралар халыққа рухани серпіліс әкелуі қажеттігіне тоқталды. Бұл ретте руханият саласындағы жұмыс бірнеше бағыттан тұрады. Ұлт тарихында өшпес із қалдырған көрнекті тұлғалардың еңбегін насихаттау аса маңызды жұмыстың бірі.

"Биылғы мерейлі жылға бірнеше атаулы дата тұспа-тұс келіп отыр. Жыр алыбы Жамбылдың – 175, Алаш арысы Әлихан Бөкейхановтың – 155, күш атасы Қажымұқанның – 150 жылдығы, тағы басқа бірнеше тарихи тұлғаның мерейтойы. Біз былтыр Абай мен Әл-Фарабидың мерейтойларын өте  мағыналы өткіздік. Олардың тұлғалық келбеті мен өмір жолы, еңбектері халыққа үлкен ой салды. Бұл тәжірибені алдағы уақытта да ұстанған жөн", – деді Қасым-Жомарт Тоқаев.

Сондай-ақ биыл Семей полигонының жабылғанына 30 жыл толып отыр. Мемлекет басшысы ядролық сынаққа тыйым салу арқылы өз тағдырымызға өзіміз жауап бере алатынымызды көрсетіп,  еліміздің әлемдік антиядролық қозғалыстың көшбасшысына айналғанын айтты.

Сондай-ақ мемлекеттік нышандарға құрмет отаншылдықтың көрінісі екенін, осы орайда, ел рәміздерін қолдану ережесін қайта қарауды тапсырғанын, қасиетті көк байрақты үй сыртына және басқа да көрнекті жерлерге ілуге тыйым салуға болмайтынын атап өтті.

Оқи отырыңыз: Тұрмыс түзелмесе, жетістіктерді мақтан етудің қажеті жоқ – Тоқаев 

Қасым-Жомарт Тоқаев қазақ тілін меңгеру  біртұтас ұлт болу жолындағы айрықша маңызды қадам деп бағалады. Сондықтан тіл үйренуге талпынған отандастарымызды бәріміз қолдауға шақырды.

"Мемлекеттік тілді білетін әрбір азамат қазақша үйренгісі келген досымен, әріптесімен немесе танысымен өз білімін бөліссін. Мұндай игі іс бір-бірімізге қамқорлықты арттырып, бірлігімізді нығайта түсері сөзсіз", – деді мемлекет басшысы.

Президент ана тілімізді дамыту жайындағы ойын латын графикасындағы қазақ әліпбиімен түйіндеп, латын қарпіне көшіп жатқанымыз Тәуелсіздіктің жемісі деп бағалады.

4926
Кілт сөздер:
мемлекеттік тіл, Қасым-Жомарт Тоқаев
Тақырып бойынша
"Қазақшаң қалай, шенеунік?": Қазақстанда тағы бір тест жүйесі жасалды
Билік қай тілде сөйлесе, халық та сол тілде сөйлейді – Тасмағамбетов
Терминдердің ішінде көңілге қонбайтын аудармалар аз емес –  депутат
Депутат Қазыбек Иса халыққа заңсыз үстемдік жасап жатқандар жайлы айтты
мәжіліс отырысы өтетін зал

Мәжіліс депутатының өкілеттілігі мерзімінен бұрын тоқтатылды

2408
Қанат Мусин мәжілістің жалпы отырысына келіп, бұрынғы әріптестеріне алғысын жеткізді

НҰР-СҰЛТАН, 16 маусым - Sputnik. Бүгін мәжілістің жалпы отырысында депутат Қанат Мусиннің өкілеттілігі мерзімінен бұрын тоқтатылды, деп хабарлайды Sputnik Қазақстан тілшісі.

Айта кетейік, бұған дейін Қанат Мусин мемлекет басшысының ұсынысымен Жоғарғы сот судьясы қызметіне тағайындалған болатын. Осыған байланысты бүгін оның депутаттық өкілетілігі тоқтатылды. Мусин мәжілістің жалпы отырысына келіп, бұрынғы әріптестеріне алғысын айтты.

"Кез келген заңгер үшін заңдарды жасау кәсіби мансаптың басты көрсеткіші болып саналады. Соны мақтаныш етемін. Nur Otan партиясы мен оның тұрақты көшбасшысы, Қазақстанның тұңғыш президенті Нұрсұлтан Әбішұлы Назарбаевқа сенім білдіргені үшін алғысым шексіз. Маған 5 жылдан астам уақыт бойы заңдармен жұмыс істеуге мүмкіндік берді. Нұрлан Зайроллаұлы және әріптестеріме рақмет айтамын. Сіздер мені екі рет комитет төрағасы ретінде сайладыңыз, осы сенімді ақтауға тырыстым. Бүгінде жаңа қызметке ауысып жатырмын. Оны мемлекет басшысы мен тұңғыш президент тарапынан, сондай-ақ сенаторлардың үлкен сенімі деп білемін. Осы жерде қалай жұмыс істедім, жаңа қызметте тура солай еңбек етуге міндеттімін", - деді Мусин.

Ал мәжіліс төрағасы Нұрлан Нығматулин осы шақырылымнан алғашқы депутаттың "түлеп ұшқанын" ерекше атап өтті. 

"Депутаттық қызметтің табиғаты солай ғой, әсіресе, заңгер үшін заңмен жұмыс жасау аясы кең. Негізі, әрбір шақырылым сайын біздің әріптестеріміз жаңа қызметке ауысып жатады. Бұл олар үшін және депутаттық корпус үшін үлкен жауапкершілік. VII шақырылымнан сіз бірінші болып осы ұядан түлеп ұшып отырсыз. Сізге табыс тілейміз. Сізге қарап депутаттардың жұмысына баға береді", - деп атап көрсетті Нығматулин.

Бүгін мәжіліс депутаттары заңнама және сот-құқықтық реформа комитетінің төрағасын сайлады. Осы қызметке депутат Арман Қожахметов лайық деп шешілді.

2408
Кілт сөздер:
мәжіліс
Қасым-Жомарт Тоқаев

"Who is Mr. Toqayev": президенттің баспасөз хатшысы желіде видео жариялады

530
(Жаңартылды 12:49 15.06.2021)
2021 жылы 12 маусымда Қасым-Жомарт Тоқаевтың президент лауазымына кіріскеніне екі жыл толды

АЛМАТЫ, 15 маусым – Sputnik. Қазақстан президентінің баспасөз хатшысы Берік Уәли әлеуметтік желідегі парақшасында "Who is Mr. Toqayev" деген видео жариялады. Ол жерде Қасым-Жомарт Тоқаевтың президент қызметіне кіріскеннен бері қабылданған заңдар мен енгізілген өзгерістерге шолу жасалған.

Посмотреть эту публикацию в Instagram

Публикация от Berik UALI (@berikuali)

Видео шолуда зейнетақы жинақтарын мерзімінен бұрын алуға рұқсат берілгені, дәрігерлер мен педагогтердің жалақысы екі есе көбейгені, шағын бизнестің 3 жылға салықтан босатылғаны, қазақстандық және шетелдік жұмысшылардың жалақысы теңестірілгені айтылады.

Сондай-ақ жерді шетелдіктерге жалға беруге тыйым салу, "Еститін мемлекет" тұжырымдамасының енуі, жыныстық сипаттағы қылмысқа қатысты берілетін жазаның қатаңдауы, митинг өткізу тәртібінің жеңілдеуі, сайлауда "бәріне қарсы" графасының пайда болуы, ауыл және аудан әкімдерінің тікелей сайлануы, президенттік кадрлық резервтің құрылуы секілді өзгерістер көрсетілген. Бұдан бөлек Тоқаевтың әлемдік аренадағы саясаткерлермен кездесуі кезіндегі фотолар қосылған.

Айта кетейік, Қасым-Жомарт Тоқаев 2019 жылы 9 маусымда өткен кезектен тыс президент сайлауында 70,96% дауыс жинап, Қазақстан Республикасының президенті болып сайланды.

2019 жылы 12 маусымда ҚР Конституциясының 42-бабына сәйкес ант беріп, ресми түрде сайланған президент ретінде мемлекет басшысының лауазымына кірісті.

Жуырда Қасым-Жомарт Тоқаев жайлы деректі фильм түсірілді. Екі бөлімнен тұратын "Преодоление" фильмі "Хабар" телеарнасынан көрсетілді.

 

 

530
Кілт сөздер:
видео, Қасым-Жомарт Тоқаев
Медицина қызметкерлері

Қазақстан медицина қызметкерлері күнін атап өтіп жатыр

0
Қазақстанда жыл сайын маусымның үшінші жексенбісінде медицина қызметкерлері күні мерекеленеді

АЛМАТЫ, 20 маусым – Sputnik. Бүгін – Қазақстанда медицина қызметкерлерінің кәсіби мерекесі.

Қазақстанда жыл сайын маусымның үшінші жексенбісінде медицина қызметкерлері күні мерекеленеді. Биыл бұл кәсіби мереке 20 маусымға түсті. Мереке Қазақстан президентінің жарлығымен 1998 жылы бекітілді.

Бұл күн өз кәсібін медицинамен байланыстырған, өзін адамдардың денсаулығы мен өмірін сақтауға арнаған адамдардың кәсіби мейрамы. Әсіресе былтырдан бері Covid-19 инфекциясының таралуына байланысты медицина мамандарының қызметіне деген құрмет артты.

Мереке қарсаңында Нұр-Сұлтанда дәрігерлердің аллеясы ашылды. Президент Қасым-Жомарт Тоқаев "Дәрігерлер аллеясындағы" "Алтын жүрек" ескерткішінің ашылуына қатысты.

"Дәрігерлер әрбір науқастың дертіне шипа іздеп, күндіз-түні жұмыс істеп жүр. Пандемия кезінде талай адамды өлім аузынан арашалап қалды. Дертіне дауа тапқан мыңдаған отандасымыз, бүкіл халқымыз ақ халатты абзал жандарға қарыздар. Сондықтан олар қандай құрметке де лайық",- деді президент ескерткіштің ашылу рәсімінде.

Тағы оқыңыз: Тоқаев кімдердің еңбекақысы кезең-кезеңімен көбейтілетінін айтты

Сондай-ақ президент медицина қызметкерлерінің қоғамдағы мәртебесін арттыру үшін "Қазақстан Республикасының еңбек сіңірген дәрігері" атағын енгізуді ұсынды. Атақпен бірге материалдық сыйақы да беріледі.

Айта кетейік, Қазақстанда қазір 260 мыңға жуық медицина маманы, оның ішінде 75 мыңнан астам дәрігер мен 185 мың орта медициналық қызметкер жұмыс істейді.

Біздің елімізде күн сайын 2 мыңнан астам операция жасалады, мыңнан астам адам босанады, емханаларда 420 мыңнан астам адамға және 18 мың жедел жәрдем шақыруларына қызмет көрсетіледі.

Елдің стратегиялық ресурсы

Қазақстанның денсаулық сақтау министрі Алексей Цой медицина мамандарының кәсіби мерекесі қарсаңында медицина қызметкерлерін еліміздің стратегиялық ресурсына балап, Қазақстанда өмір сүру ұзақтығы артып, туу көрсеткіші өсіп жатқанын айтты.

"Осы жетістіктердің әрқайсысының артында медицина қызметкерлерінің үлкен еңбегі тұр. Пандемия бізді көптеген құндылықтарды қайта қарауға мәжбүр етті, әсіресе ақ халаттағы адамдарға деген көзқарасты өзгертті. Олар екі жыл бойы көрінбейтін жаумен күресіп, әр науқастың өмірін сақтау үшін өз денсаулығына қауіп төндіреді", - деді Цой.

Аурудан сауыққандар артында пандемиямен күресте мыңдаған медицина қызметкерлерінің қажырлы еңбегі жатыр, деп толықтырды ол.

0
Кілт сөздер:
Қасым-Жомарт Тоқаев, дәрігерлер, медицина