Сыртқы істер министрлігінің ғимараты

Қазақстанның сыртқы істер министрлігі Еуропарламенттің сынына жауап берді

138
2021 жылы 11 ақпанда Еуропа парламенті Қазақстанда адам құқықтарының бұзылғаны туралы қарар қабылдады

НҰР-СҰЛТАН, 15 ақпан – Sputnik. Қазақстанның сыртқы істер министрлігі Еуропарламенттің қарарына қатысты түсініктеме берді.

"Біз қарарда Қазақстандағы адам құқықтарына қатысты үстірт, біржақты және әділетсіз сын бар деп есептейміз. Біздің пікірімізше, қарардың мәтіні еліміздегі істердің нақты жағдайын бұрмалап, деструктивті топтардың жалған ақпаратымен қамтамасыз етілген теріс ниетті саясаткерлердің бастамасымен жасалған. Қазақстан адам құқықтары саласындағы өз міндеттемелерін мақсатты және жүйелі түрде іске асыруда", - деді сыртқы істер министрлігінің баспасөз хатшысы Айбек Смадияров.  

Ол президент Қасым-Жомарт Тоқаев өзі жариялаған "Халық үніне құлақ асатын мемлекет" тұжырымдамасына сәйкес кең ауқымды саяси реформаларға бастамашы болғанын атап өтті.

Айтуынша, ЕО-ға мүше мемлекеттер Тоқаевтың бастамасымен қолға алынған реформаларды қолдайтынын ескерсек, Еуропарламенттің бұл құжаты оны дайындау кезінде пайдаланылған мәліметтердің нақтылығына қатысты толық түсінбестік пен түсініспеушілік тудырады.

"Брюссельдегі кейбір қарарларды еуродепутаттар фактілерді мұқият тексермей немесе мәселенің мәнін зерттемей "автоматты түрде" қабылдайтынын білеміз. Осыған байланысты, жаңа қарарда дәстүрлі түрде бір құжаттан екінші құжатқа "көшіп жүретін" көптеген "ескі кейстер" бар екендігі бізді таңғалдырмайды. Сондай-ақ, бірқатар Еуропарламент мүшелері еліміздің дамуындағы өзекті үрдістерге қатысты оң пікірлеріне қарамастан, өз партияларындағы ішкі тәртіпке сәйкес осы қарарды қабылдауға дауыс бергенін түсінеміз", - деді баспасөз хатшысы.

Ол қарарда объективті пікір білдірген еуродепутаттарға ризашылығын білдірді.

Айтуынша, солардың арқасында қарарда Қазақстандағы объективті өзгерістер танылған. Атап айтқанда, Реформалар жөніндегі жоғары кеңестің құрылуы және қазақстандық биліктің реформалардың жаңа кезеңін жариялауы, оның ішінде, құқық қолдану тәжірибесі, сот жүйесін дамыту және адам құқықтарының басымдығы мәселелері.

Тағы оқыңыз: Қазақстанда өлім жазасы алынып тасталды

Сондай-ақ, Қазақстанның өлім жазасын жоюы және Азаматтық және саяси құқықтар туралы халықаралық пактіге Екінші факультативтік хаттаманы ратификациялауы құпталады.

Смадияров Қазақстан Еуропарламентпен, оның ішінде "Қазақстан Республикасы – Еуропа одағы" парламентаралық ынтымақтастық комитеті сияқты өзара іс-қимылдың маңызды құралы арқылы жұмысты жалғастыруға дайын екенін атап өтті.

Сондай-ақ, Қазақстан үшін тиісті диалогтың адал және өзара сыйластықта болуы өте маңызды екенін жеткізді.

Еуропарламенттің Қазақстанға қатысты қарары

Жуырда Еуропа парламенті Қазақстанда адам құқықтарының бұзылуына қатысты арнайы қарар қабылдады.

Депутаттар Қазақстанда соңғы уақытта адам құқықтарына қатысты жағдайдың нашарлағанын айтып, алаңдаушылық білдірген. Құжатта ел билігі пандемия кезіндегі шектеулерді саяси қуғын-сүргінді күшейту құралы ретінде пайдаланғаны айтылды.

Қарарда, депутаттардың пікірінше елде қысым көріп, қудаланған ондаған құқыққорғаушы, белсенділер мен журналистер, оппозиция жақтастары келтірілген.

Еуропарламент депутаттары Қазақстан билігін адамның негізгі құқықтары мен бостандығын қорғау саласында белсендірек әрекет етуге шақырды.

138
Кілт сөздер:
Айбек Смадияров, сыртқы істер министрлігі, Еуропарламент депутаттары, Қазақстан
Резиденция президента Казахстана Акорда

Президент өзінің көмекшісін лауазымынан босатып, басқа қызметке тағайындады

2379
(Жаңартылды 11:55 25.02.2021)
Мұрат Нұртілеу екі жылға жуық президенттің көмекшісі болып жұмыс істеді – ол 2019 жылдың наурызында тағайындалды

НҰР-СҰЛТАН, 25 ақпан – Sputnik. Мемлекет басшысы Қасым-Жомарт Тоқаев Мұрат Нұртілеуді Қазақстан президенті әкімшілігі басшысының орынбасары етіп тағайындау туралы жарлыққа қол қойды, деп хабарлады Ақорданың ресми сайты.

"Мұрат Нұртілеу Қазақстан Республикасы президенті әкімшілігі басшысының орынбасары лауазымына тағайындалсын, ол Қазақстан Республикасы президентінің көмекшісі лауазымынан босатылсын", - делінген хабарламада.

Ол президенттің көмекшісі болып екі жылға жуық жұмыс істеді.

Мурат Нуртлеуов
Мұрат Нұртілеу

Мұрат Нұртілеу 1976 жылы 11 наурызда дүниеге келген – 44 жаста. Үйленген, төрт бала тәрбиелеп отыр.

Бұған дейін ол Қазақстанның Финляндия және Эстониядағы төтенше және өкілетті елшісі, Президент әкімшілігі сыртқы саясат орталығы басшысының орынбасары болған.

Оқи отырыңыз: Жаңа қызметке тағайындалған Ринат Зайытов жалақысы қанша екенін айтты 

Қазіргі уақытта президент әкімшілігін Ерлан Қошанов басқарып отыр, оның бірінші орынбасары – Дәурен Абаев, тағы үш орынбасар бар – Ержан Жиенбаев, Мәлік Мырзалин және Тимур Сүлейменов.   

2379
Тақырып бойынша
Талдықорған әкімі отставкаға кетті ме – ресми жауап
Қазақстан президентінің кеңесшісі тағайындалды
Тимур Жақсылықов қызметінен кетіп, орнына Бекетаев келді
Танымал актер Артур Төлепов қызметке тағайындалды
Қасым-Жомарт Тоқаев

Тоқаевтың төрағалығымен ұлттық кеңестің бесінші отырысы өтіп жатыр

98
(Жаңартылды 11:01 25.02.2021)
Соңғы отырыста президент 2021 жылы елде экономикалық және саяси реформалар жасалатынын мәлімдеген еді

НҰР-СҰЛТАН, 25 ақпан – Sputnik. Елордада президент Қасым-Жомарт Тоқаевтың төрағалығымен Ұлттық қоғамдық сенім кеңесінің бесінші отырысы басталды, деп хабарлайды Sputnik Қазақстан тілшісі.

"Онлайн форматта өтетін жиында елімізді дамытудың өзекті мәселелері, бұған дейін жасалған ұсыныстардың орындалу барысы талқыланады деп жоспарлануда", - деп жазды президенттің баспасөз хатшысы Берік Уәли Facebook-те.

БАҚ өкілдері үшін "Қазмедиа орталығынан" іс-шарадан ақпарат таратуға мүмкіндік жасалды.

Ұлттық қоғамдық сенім кеңесінің төртінші отырысы былтыр қазан айында өткен еді. Сол жиында президент Қасым-Жомарт Тоқаев 2021 жылы елде экономикалық және саяси реформалар жасалатынын мәлімдеген еді.

Кеңес құрылғаннан бері бір жарым жыл ішінде оның бастамаларын іске асыру аясында 10 заң қабылданды және тағы жеті заң жобасы қарастырылуда.

Кезекті ротация

Биыл қаңтар айында Ұлттық қоғамдық сенім кеңесі құрамында кезекті ротация жасалды.

Кеңес жұмысына "ADAL" партиясы саяси кеңесінің мүшесі - хатшысы Эльдар Жұмағазиев, "ҚазАқпарат" Халықаралық ақпарат агенттігі" АҚ басқарма төрағасы Асқар Омаров, "StopFake.kz" жобасының жетекшісі, президенттік жастар кадрлық резервінің мүшесі Александр Данилов, Ақтөбе қаласындағы "Тандем" телерадиокомпаниясының бас директоры Тәттігүл Талаева, "Team Qazaqstan" жастар қозғалысының белсендісі, білім мәселелері жөніндегі сарапшы Қайсар Тұрсынқожа, "Болашақ" Халықаралық стипендиясы стипендиаттары қауымдастығының атқарушы директоры, президенттік жастар кадрлық резервінің мүшесі Лаура Демесінова тартылды.

Ротация аясында Ұлттық кеңес құрамынан Асылбек Қожахметов, Шыңғыс Мұқан және Ермек Тұрсынов шығарылды.

Ұлттық кеңес туралы не білеміз

Ұлттық қоғамдық сенім кеңесі 2019 жылы 12 маусымда құрылды. Кеңестің алғашқы отырысы сол жылы 6 қыркүйекте өткен еді.

Ұлттық кеңес – президент жанындағы консультативтік-кеңесші орган. Кеңес қызметінің негізгі мақсаты –  жұртшылықтың, саяси партиялар мен азаматтық қоғам өкілдерімен кеңінен талқылау негізінде мемлекеттік саясаттың өзекті мәселелері бойынша ұсыныстар мен ұсынымдар тұжырымдау.

Кеңес құрамына түрлі саяси партиялар мен қоғамдық бірлестіктердің, үкіметтік емес ұйымдардың, БАҚ өкілдері, белгілі қоғам қайраткерлері, құқық қорғаушылар, танымал сарапшылар кіреді.

98
Кілт сөздер:
Қасым-Жомарт Тоқаев
Архивтегі фото

Жұмаға қараған түні белгісіз біреулер мектепке баса-көктеп кірді

0
Нигерияда террористер түнгі уақытта қыздарға арналған мектепке басып кірген. Жергілікті тұрғындар оқушы қыздарды құтқару үшін содырларды іздестіріп жатыр

НҰР-СҰЛТАН, 26 ақпан — Sputnik. Нигерияның солтүстік-батысындағы Замфара штатында қаскүнемдер мектепке баса-көктеп кіріп, 300 оқушыны ұрлап әкетті, деп хабарлады РИА Новости жергілікті PM News газетіне сілтеме жасап.

Оқиға жұмаға қараған түні Джангебе елді мекенінде болған. Ондаған содыр мектеп жанындағы әскери бекетке оқ атып, одан кейін білім ордасына басып кірген. Адам ұрлығы түнгі сағат 02:00 шамасында болған.

5 маусымдағы қырғын: 2016 жылғы Ақтөбедегі терактінің белгісіз тұстары

Жергілікті басылым кейбір әскерилер жарақат алуы ықтимал екенін жазды, дегенмен оқыс оқиғадан көз жұмғандар бар-жоғы әзірге белгісіз. Елді мекен тұрғындары оқушы қыздарды құтқару үшін қаскүнемдерді іздестіріп жатыр.

Айта кетейік, өткен жылы Ниегрияның Кацина штатында осыған ұқсас жағдай болған.

0
Тақырып бойынша
Көп адам өлер еді: ҰҚК Алматыда жоспарланған терактіге қатысты мән-жайды айтты
13 жасында босанды: Сириядан оралған қазақстандық балалардың ауыр тағдыры - видео
Мешіттегі қанды қырғын: желіде оқиға орнында түсірілген видеолар жарияланды
Террористік топтардың қатарында қанша қазақстандық жүргені белгілі болды