Паспорт

Қазақстанда визасыз елдер тізімі кеңейтіледі

137
2021 жылы электронды виза алу жұмысын жеңілдету мәселесін қарап, электронды виза бағасын 20 долларға төмендету жоспарланып отыр

АЛМАТЫ, 18 ақпан – Sputnik. Қазақстанда 2021 жылы визасыз елдер тізімін кеңейту жоспарланып отыр, деп хабарлайды Sputnik Қазақстан. Бұл туралы мәдениет және спорт вице-министрі Ғабидолла Әбдірахымов министрлік алқасының кеңейтілген отырысында айтты.

2020 жылы визасыз елдер тізімі 74 елге дейін кеңейтілгенін, 105 мемлекеттің азаматтары үшін электрондық виза енгізілгенін атап өткен вце-министр Қытай мен Үндістан азаматтары үшін пилоттық режимде 72 сағаттық визасыз транзит іске қосылғанын айтты.

"30 күнге дейінгі мерзімге келген шетелдіктерді тіркеу тоқтатылды және көші-қон карточкалары да жойылды. 2021 жылы визасыз елдер тізімін 90-ға дейін кеңейту жоспарланып отыр, – деді Әбдірахымов.

Айтуынша, өткен жылы шекарадағы өткізу пункттерін жаңғырту жұмыстары басталды. Сондай-ақ елдің 11 қаласында "Open Sky" режимі енгізілді.

Оқи отырыңыз: Латвия Қазақстанмен визасыз режимнің болғанына мүдделі

Сонымен қатар 2021 жылы электронды виза алу жұмысын жеңілдету мәселесін қарап, электронды виза бағасын 20 долларға төмендету жоспарланып отыр.

137
Кілт сөздер:
виза, визасыз режим
Тақырып бойынша
Қазақстандықтар үшін АҚШ-та визасыз режим қашан енгізіледі?
Қазақстандықтар визасыз бара алатын елдер
Қазақстандық дипломаттар Жапонияға визасыз бара алады
Қазақстан Қытай азаматтары үшін 72 сағаттық визасыз режимді алып тастады
Қазақстан 61 елмен визасыз режим орнатты
Ақорда

Тоқаев екі мемлекеттегі елшіні ауыстырды

481
Ерболат Сембаев Қазақстанның Италиядағы, Болат Сүгірбаев Малайзиядағы төтенше және өкілетті елшісі болып тағайындалды

НҰР-СҰЛТАН, 26 ақпан — Sputnik. Қазақстан президенті Қасым-Жомарт Тоқаев екі мемлекеттегі елшіні тағайындау туралы жарлыққа қол қойды, деп хабарлады Ақорданың сайты.

Сонымен, Ерболат Сембаев Қазақстан Республикасының Италия Республикасындағы төтенше және өкілетті елшісі қызметіне тағайындалды. Бұған дейін ол Қазақстан Республикасының Бельгия Корольдігіндегі елшілігінің кеңесші-уәкілі қызметін атқарған.

Оқи отырыңыз: Президент өзінің көмекшісін лауазымынан босатып, басқа қызметке тағайындады 

Ал Болат Сүгірбаев Қазақстанның Малайзиядағы төтенше және өкілетті елшісі болды. Ол бұрын Қазақстан сыртқы істер министрлігіндегі Америка департаментін басқарған.

Интернеттен Ерболат Сембаев пен Болат Сүгірбаевтың бұрынғы жұмысы туралы басқа ақпарат табылмады.

481
Тақырып бойынша
Ринат Зайытов лауазымды қызметке тағайындалды
Назарбаев Nur Otan партиялық бақылау комитетінің төрағасын тағайындады
Түркия президенті Режеп Тайып Ердоған

Тоқаев Түркия президентіне жеделхат жолдады

71
Қазақстан басшысы Түркия президентін туған күнімен құттықтап, түрік халқының игілігі жолындағы аса жауапты мемлекеттік қызметіне табыс тіледі

АЛМАТЫ, 26 ақпан – Sputnik. Қазақстан президенті Қасым-Жомарт Тоқаев Түркия президенті Режеп Тайып Ердоғанды туған күнімен құттықтап, жедехат жолдады, деп хабарлады Ақорда.

Тоқаев Түркия президентіне түрік халқының игілігі жолындағы аса жауапты мемлекеттік қызметіне табыс тіледі.

"Сіздің пәрменді көшбасшылығыңыз бен саралы саясатыңыздың арқасында Түркия өзінің тұрақты дамуын жалғастырып, азаматтарының ырыс-берекесін еселеуде, ықпалды аймақтық және халықаралық актор ретінде мерейін үстем етуде мол табыстарға қол жеткізуде. Осы тұста, еліңіздің тың белестерді бағындыруына бағытталған маңызды бастамаларыңыз бен жоспарларыңыздың лайым оңынан шығуына тілектестігімді білдіремін", - делінген жеделхатта.

Оқи отырыңыз: Президент Тоқаев туған күнін қалай атап өтеді

Қасым-Жомарт Тоқаев Ердоғанның екі ел арасындағы ынтымақтастықтың жылдан-жылға өркендеуіне, стратегиялық әріптестік аясының кеңеюіне қосқан үлесін өте жоғары бағалады.

"Биік деңгейдегі мазмұнды диалог пен екіжақты қарым-қатынастарды халықтарымыздың игілігі үшін нығайта түсуге дайындығымды қуаттап, мемлекеттеріміз мүдделік танытатын күн тәртібіндегі өзекті мәселелерді талқылау мақсатында өзіңізбен Қазақстанда жүздесетініме үміт артамын", -деп жазылған Қазақстан президентінің құттықтауында.

Мемлекет басшысы Түркия президентіне қажымас қайрат, зор бақыт, ал түрік халқына бақ-береке тіледі.

Айта кетейік, Ердоған 1954 жылы 26 ақпанда Ыстамбұлда туған. Биыл 67 жасқа толды.

71
Кілт сөздер:
Қасым-Жомарт Тоқаев, Режеп Тайип Ердоған
Тақырып бойынша
Тоқаев Тәжікстан президентін туған күнімен құттықтады
Карантинмен тұспа-тұс келген мерейтой: Назарбаев 80 жасқа толды
Тоқаев пен Мирзиёев не туралы сөйлескені айтылды
Назарбаев Путинді туған күнімен құттықтады
Қазақстан зергерлер лигасы заңды тұлғалар бірлестігінің төрағасы Қайсар Жұмағалиев

Қазақстандық шеберлер Еуразия зергерлік бюросының ашылуын күтіп жүр

0
Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол  ашады

НҰР-СҰЛТАН, 26 ақпан — Sputnik. Қазақстандық зергерлер аз уақыт ішінде "Астана" халықаралық қаржы орталығы (АХҚО) алаңында Еуразия зергерлік бюросы ашылады деп үміттеніп отыр. Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол ашады. Осы жөнінде Sputnik Қазақстан баспасөз орталығында өткен онлайн-брифинг кезінде "Қазақстан зергерлер лигасы" заңды тұлғалар бірлестігінің төрағасы Қайсар Жұмағалиев мәлімдеді.

"АХҚО алаңында Еуразия зергерлік бюросының ашылуы біздің зергерлердің экспортқа шығуына ықпал етуі керек. Оның үстіне Ресей Федерациясы зергерлік бұйымдарды сүйемелдеу үшін басқа елдердегі өз сауда өкілдіктерін ұсынуға дайын", - деді Жұмағалиев.

АХҚО жанынан бюро ашу туралы мәселеге бизнес те қолдау көрсеткен. Нәтижесінде зергерлер өз бетінше шеше алмайтын мәселелердің шешімі табылады. Сондай-ақ, Ереван мен Мәскеу де өз аумағында Еуразия зергерлік бюросын ашу құқығы үшін таласқан болатын.

"Астана" АХҚО – бұл посткеңестік кеңістіктегі бірегей қаржы орталығы. Мұнда ағылшын құқығы, арбитраж бар. Мұның барлығы шетелдік инвесторлар үшін қызықты болатыны сөзсіз. Сонымен қатар, мұнда салықтық жеңілдіктер жасалып, инвестицияларды тартудың жеңілдетілген тәртібі құрылады және тағы басқа шаралар қабылданады", - деді ол.

Қазіргі жағдайда қазақстандық зергерлерге өндірісті дамыту және нарыққа шығу оңай соқпай жатыр.

"Мысалы, Еуропаға шығу үшін және өз зергерлік бұйымдарыңды таныстыру үшін миллиондаған доллар қажет. Бұл әрбір зергер көтере алатын шығын емес. Біздің жақында құрылатын ұйымымыз (Еуразия зергерлік бюросы) нарыққа талдау жүргізуге мүмкіндік береді. Біз бірінші қатардағы көрмелерге қатыса аламыз. Бүгінгі күні қазақстандық зергерлер негізінен көпшілікке аса танымал емес екінші және үшінші деңгейдегі көрмелерге қатысып жүр. Сонымен қатар, нарыққа үнемі қатысу қажет. Көрмеге келіп, бір-екі апта тұрып, одан соң кетіп қалу жарамайды. Сені ұмытып кетеді", - деді Лига басшысы.

Ол қазақстандық зергерлердің экспорттық әлеуеті жоғары екенін мәлімдеді. Бұған халықаралық көрмелерде қазақстандық зергерлік бұйымдарға деген жоғары қызығушылық дәлел бола алады.

"Әлі есімде, 2017 жылы Еревандағы халықаралық көрмеге қатыстық. Ол шараға қатысқан француз зергерлер біздің күмістен жасалған бұйымдарымызды түгелдей сатып алды. Француздар мұндай бұйымдарда шебердің саусақ іздері, оның еңбегі көрініп тұрады, қолдан жасалған бұйымның жаны бар деп санайтындарын айтқан", - деді Жұмағалиев.

Жұмағалиев атап өткендей, еуразиялық зергерлік брендті енгізу қосымша ауқымды инвестицияларды қажет етпейді. Себебі  Қазақстанда да сапаға қатысты дәл осындай мемлекеттік стандарттар қолданыста бар.

0