ЕАЭС елдерінің туы

ЕАЭО елдерінің премьер-министрлері Қазанда қандай мәселелерді талқылады

51
ЕАЭО елдері алдағы бес жыл бойы бірлескен ғарыш жүйесін құрумен айналысуды бастайды. Ал қазіргі кезде Қазақстан мен Ресей және Беларусь бұл саланың драйвері болып отыр

НҰР-СҰЛТАН, 1 мамыр – Sputnik. Еуразия экономикалық одақ елдерінің премьер-министрлері, сондай-ақ Өзбекстан, Куба, Молдова, Түркіменстан және Тәжікстан өкілдері Қазанда соңғы екі күн бойы кеңес өткізді. Мемлекеттердің үкімет басшылары сауда, ғарыш саласындағы ынтымақтастық пен бағаны тұрақтандыру мәселелерін талқылады. Үкіметаралық кеңестің басты қорытындылары туралы Sputnik Қазақстан материалынан оқыңыз.

Азық-түлік бағасының қымбаттауымен күрес

Ресей премьер-министрі Михаил Мишустин ЕАЭО елдеріне Одақ аясындағы экспортты реттеу бойынша іс-шараларды үкімет деңгейінде үйлестіруді ұсынды. Мақсат – тұтынушылық бағаның өсуіне жол бермеу. Бірінші кезекте бұл ауыл шаруашылығы мен шикізаттық өнімге қатысты болып отыр.

РҒА ХЭХҚИ Посткеңестік зерттеулер орталығының посткеңестік елдердің экономикалық дамуы секторының меңгерушісі Елена Кузьмина атап өткендей, бағаны ұстап тұру тек ұлттық деңгейде шешіледі. Оның болжамынша, әрбір мемлекет түрлі тауарлардың шекті жоғарғы құнын белгілейді де, осы шектен аспау керек болады.

"Бағаны алып-сатарлық тәртіпте қымбаттату жайында сөз болып отыр. Мұндай жағдайда әкімшілік тыйым салу мен реттеуші нарық механизмдерінің үйлесімі боулы керек. Тауарды жеткізушілер мен бағаны бақылап, өндірушілерден көтерме саудамен айнлысатындарға дейін барлығын тізбектеп қарастыру керек", – деп санайды экономист.

Расында да пандемияға байланысты соңғы жылы ЕАЭО-де азық-түлік бағасы айтарлықтай қымбаттады. Еуразия экономикалық комиссиясының (ЕЭК) мәліметі бойынша, қант – 56,9%-ке, картоп – 33,5%-ке және күнбағыс майы – 29,5%-ке қымбаттаған. Бірақ бағаның шарықтауы азық-түлік тапшылығынан туындамаған. ЕЭК төрағасы Михаил Мясниковичтің айтуынша, ЕАЭО өзін өзі азық-түлікпен толық қамтамасыз ете алатын ұйым.

"Біз азық-түлік теңгеріміне байланысты ауқымды жұмыс жүргіздік. Бағаның қымбаттауы бұқаралық ақпарат құралдарында жиі айтылып жатқандықтан, бидай, ет, қант, сүт өнімдері бойынша бізде ресурс жеткілікті екенін айтқым келеді. Бұл Одақтың ішкі нарығын тұрақты қамтамасыз етуге және артық тауарды экмспортқа шығаруға жетеді", – деді ол.

Бірыңғай ғарыш жүйесі

ЕАЭО елдері алдағы бес жыл бойы бірлескен ғарыш жүйесін құрумен айналысады.

"Бұл ұйымға мүше-мемлекеттердің спутник топтарын біріктіруді, біріккен ғарыш түсірілімдерінің материалдары бойынша бірыңғай мәліметтер банкін құруды, сондай-ақ ақпаратты қабылдау және өңдеуге арналған жердегі кешендерді модернизациялауды қарастырады", – деді Михаил Мишустин.

ЕЭК алқасы төрағасының көмекшісі Ия Малкина бұл жаһандық жоба 2021-2025 жылдары аралығында үш кезең бойынша жүзеге асырылатынын айтты.

"Мемлекеттер алғашқы іс-шараларды іске асыруға кірісіп те кетті. Нәтижесінде төрт-бес жаңа ғарыш аппараты дайындалады деп болжап отырмыз", – деді ол.

Малкинаның айтуынша, жобаға ЕАЭО-ның барлық елі тартылады. Бүгінде Қазақстан, Ресей Федерациясы мен Беларусь ғарыш саласындағы драйвер болып отыр. Алайда енді бағдарламаға Армения мен Қырғызстан да қатыса алады.

Кез келген елдегі кредит

Жыл соңына дейін ЕАЭО мүшелері кредиттік тарихпен алмасу тәртібі туралы келісімге қол қояды.

"Біздің елдеріміздегі азаматтар, заңды тұлғалар "бестіктің" барлық мемлекетінде кредит алу мүмкіндігіне ие болады. Ал банктер қарыз алушы туралы мәліметті тексере алады", – деді Мишустин.

Ресейлік премьер-министрдің айтуынша, Еуразия экономикалық одағы өңірдегі экономикалық тартылыстың орталығына айналуда. Артықшылығы бар сауда келісіміне қол қою туралы 50-ден астам ұсыныстың түсуі ЕАЭО-ға деген қызығушылықтың артқанына дәлел болып отыр.

ЕАЭО-да зиянкестерге орын жоқ

Үкімет басшылары ЕАЭО-дағы фитосанитарлық қауіпсіздікке назар аударды. Олар қызанақ жемісінің қоңырқай қатпарлылығы, пепино мозаикасы мен қызанақтың дақты шіруі сынды үш аурудың Одақ аумағына кіруіне және таралуына жол бермеу туралы келісті.

"Бұл өзекті мәселе және сарапшылар мен ғылыми қауымдастық деңгейінде терең талқылауды қажет етеді. Осы вирустың ұрықта, көшетте және жемісте бар болуын бақылаумен байланысты бірлескен шаралар қабылдау қажет", – деді Малкина.

Сонымен қатар, үкіметаралық кеңес ЕЭК пен мүше елдерге Одақтың карантин нысандарының бірыңғай тізімінде жоқ жаңа зиянкес ағзаларды анықтау бойынша жедел әрекет ету тәртібін пысықтауды тапсырды.

COVID-сіз саяхат

Михаил Мишустиннің пікірінше, "COVID-сіз саяхатта" қосымшасын дамыту қауіпсіз жолаушылар тасымалын жылдамырақ қайта жаңғыртуға мүмкіндік береді.

"Коронавируспен күрес шаралары күн тәртібіндегі маңызды мәселелердің бірі болып қала береді. Оның үстіне Еуропаның бірқатар елінде коронавирустың үшінші толқыны күннен-күнге өршіп жатыр. Сертификатталған зертханаларда тапсырылған коронавирусты анықтау тестінің нәтижелері жүктелетін "COVID-сіз саяхатта" атты қолайлы әрі сенімді қосымша құрылды. Қазір жобаға Армения, Беларусь, Қырғызстан мен Ресей қатысып отыр. Жақын уақытта Қазақстан да қосылады деп үміттенеміз", – деді Мишустин.

Оқи отырыңыз: ЕАЭО елдері өзара есеп айырысуда доллардан бас тартуы керек - ЕЭК министрі

Еуразия экономикалық одағының (ЕАЭО) үкіметаралық кеңесінің келесі отырысы 19-20 тамызда Қырғызстанда өтеді. Шолпан-Ата қаласы кездесу орны ретінде бекітілді. Іс-шараның күн тәртібі пысықталып жатыр.

51
Кілт сөздер:
үкіметаралық келісім, ЕАЭО
Тақырып бойынша
ЕАЭО аумағындағы такси нарығының жұмысы туралы бейнекөпір
ЕАЭО елдері пандемиядан кейінгі қалпына келтіру шараларына кірісуі керек – Мамин
ЕАЭО аясында өнеркәсіп пен агроөнеркәсіптік кешенді дамыту басымдықтары талқыланды
ЕАЭО үкіметаралық кеңес отырысының қорытындысы бойынша бейнекөпір өтті
Тоқаев пен Лукашенко ЕАЭО аясындағы интеграциялық мәселелерді пысықтады
Қазақстан президенті Қасым-Жомарт Тоқаев Ауғанстан президенті Мохаммад Ашраф Ғанимен кездесті

Тоқаев Ауғанстан президентімен телефон арқылы сөйлесті

36
Ашраф Ғани өз еліне нақты гуманитарлық көмек көрсеткені үшін Қазақстанға ризашылығын білдірді

НҰР-СҰЛТАН, 13 мамыр — Sputnik. Қазақстан президенті Қасым-Жомарт Тоқаев Ауғанстан президенті Ашраф Ғанимен телефон арқылы сөйлесті, деп хабарлады Ақорда.

Ауған тарапының бастамасымен телефон арқылы сөйлескен Қасым-Жомарт Тоқаев пен Ашраф Ғани бір-бірін қасиетті Ораза айт мерекесімен құттықтады. Мемлекет басшысы достас ауған халқына бейбітшілік пен бақ-береке тіледі.

Президенттер АҚШ пен НАТО әскерлерінің Ауғанстан жерінен шығарылып жатқан кездегі ахуал жайында пікір алмасты. Елдегі саяси-дипломатиялық жағдайды ауғандықтардың өзін қатыстыра отырып, бейбіт жолмен реттеуден басқа балама жол жоқ екені нақтыланды.

Қасым-Жомарт Тоқаев Қазақстанның Ауғанстанды терроризмнен және заңсыз есірткі тасымалынан ада, біртұтас, бейбіт, бейтарап ел ретінде қалыптастыру жолында барынша көмек көрсетуге дайын екенін жеткізді. Осы мақсатта екі ел үкіметтері арасындағы экономикалық және гуманитарлық ынтымақтастықтың нақты мәселелерін жедел шешуге бағытталған диалогты жандандыру керек.

Ашраф Ғани ауғанішілік диалогты дәйекті түрде қолдағаны және өз еліне нақты гуманитарлық көмек көрсеткені үшін Қазақстанға ризашылығын білдірді. Ол Қасым-Жомарт Тоқаевтың екі мемлекет арасындағы ықпалдастық мәселелерін шешуде іскерлік тәсілді қолданудың маңыздылығы жөніндегі пікірімен келісті. Сонымен қатар Ашраф Ғани Ауғанстандағы ахуалды реттеуге жұмылдырылған халықаралық күш-жігерге Қазақстанның белсенді араласуын өте маңызды деп санайды.

36
Тақырып бойынша
Тоқаев жерді шетелдіктерге сатуға тыйым салатын заңға қол қойды
Тоқаев Конституциялық кеңеске өтініш түсірді
Тоқаев пен Путин телефон арқылы сөйлесті – Ақорда ресми хабарлама таратты
Тоқаев бес елдің басшысымен телефон арқылы сөйлесті
Қазақстан президентін бірнеше елдің басшысы құттықтады
Тоқаев Жапония премьеріне қандай шешім қабылдағанын айтты
Қасым-Жомарт Тоқаев

Тоқаев бес елдің басшысымен телефон арқылы сөйлесті

4366
Қазақстан, Әзербайжан, Қырғызстан, Тәжікстан, Түрікменстан, Өзбекстан президенттері бір-бірін қасиетті Ораза айт мерекесімен құттықтады

НҰР-СҰЛТАН, 13 мамыр — Sputnik. Президент Қасым-Жомарт Тоқаев бірқатар мемлекеттің басшыларымен телефон арқылы сөйлесті, деп хабарлады Ақорда.

Телефон арқылы әңгімелесу барысында Қасым-Жомарт Тоқаев пен Әзербайжан, Қырғызстан, Тәжікстан, Түрікменстан, Өзбекстан президенттері бір-бірін қасиетті Ораза айт мерекесімен құттықтады. Мемлекет басшысы бауырлас халықтарға жақсылық, бақ-береке тіледі.

Қырғызстан президенті Садыр Жапаровпен сөйлесу кезінде қазақ-қырғыз стратегиялық серіктестігін дамытудың өзекті мәселелері талқыланды. Садыр Жапаровтың биылғы 2-3 наурыз күндері Қазақстанға жасаған мемлекеттік сапарының қорытындысы бойынша қол жеткізілген уағдаластықтардың орындалуына ерекше назар аударылды.

Сонымен қатар тараптар Орталық Азиядағы бейбітшілік пен тұрақтылықты қамтамасыз ету ісіндегі тығыз ықпалдастықты жалғастыра беруге уағдаласты. Қырғыз көшбасшысы гуманитарлық көмек көрсеткені үшін Қасым-Жомарт Тоқаевқа алғыс білдірді.

Президент Эмомали Рахмонмен келіссөз барысында Қасым-Жомарт Тоқаевтың алдағы уақытта Тәжікстанға жасайтын ресми сапарының жай-жапсары қарастырылды.

Президенттердің пікірінше, Душанбеде өтетін келіссөздер қазақ-тәжік ынтымақтастығының көкжиегін кеңейтуге мүмкіндік береді және өңірлік ынтымақтастықты жандандыру жөніндегі жаңа қадамдарды белгілейді.

Мемлекетаралық байланыстардың перспективалары да Қазақстан мен Түрікменстан президенттері сұхбатының негізгі тақырыбы болды.

Қасым-Жомарт Тоқаев пен Гурбангулы Бердімұхамедов қазақ-түрікмен көпжоспарлы серіктестігін жаңа әрі сапалы деңгейге жеткізуге бейілді екенін нақтылады. Мемлекет басшыларының пікірінше, бұған Қазақстан президентінің алдағы уақытта Ашхабадқа жасайтын сапары айтарлықтай септігін тигізеді.

Мемлекет басшысының Өзбекстан президенті Шавкат Мирзиёевпен әңгімелесуі кезінде достық, тату көршілік және стратегиялық серіктестікке негізделген қазақ-өзбек қатынастарының жоғары деңгейде екені айтылды.

Мемлекет басшылары сауда-экономикалық, инвестициялық және мәдени-гуманитарлық байланыстардың даму қарқынын сақтау мақсатындағы екі ел үкіметтерінің ықпалдастығын атап өтті. Қазақстан мен Өзбекстанның көшбасшылары Орталық Азия өңіріндегі ахуал мен Ауғанстан проблемасы бойынша пікір алмасты.

Қасым-Жомарт Тоқаев Шавкат Мирзиёевті биыл Қазақстанға сапармен келуге шақырды.

Әзербайжан президенті Ильхам Әлиевпен әңгімелесу кезінде қазақ-әзербайжан ынтымақтастығының барлық бағытына тың серпін беру үшін әлеуетті барынша пайдаланудың маңыздылығы айтылды.

Өзара сауда-саттықты ұлғайтуға, экономиканың негізгі салаларындағы бірлескен жобаларды іске асыруға бағытталған шаралар қабылдау туралы уағдаластыққа қол жеткізілді. Қасым-Жомарт Тоқаев Түркі кеңесіндегі Қазақстанның бастамаларына қолдау көрсеткені үшін әзербайжандық әріптесіне ризашылығын білдірді.

4366
Кілт сөздер:
ораза айт, Қасым-Жомарт Тоқаев
Полиция автокөлігі

Педофилдер туралы хабарлама Шығыс Қазақстан полициясын әбігерге салды

21
Полиция өңір тұрғындарын шошытқан хабарламаны жоққа шығарып, оның Шығыс Қазақстан облысына еш қатысы жоқ екенін мәлімдеді

АЛМАТЫ, 14 мамыр – Sputnik. Полиция Шығыс Қазақстан облысында "педофилдер тобы" бар екені туралы ақпаратқа түсініктеме берді.

Өйткені, Өскемен тұрғындары мессенджерде педофилдер туралы әртүрлі хабарлама ала бастаған, деп хабарлады жергілікті YK-news.kz басылымы.

"Бұл ақпарат шындыққа жанаспайды және Шығыс Қазақстан облысына қатысы жоқ", – деп хабарлады облыстың полиция департаменті.

Сондай-ақ полиция тұрғындарды жалған хабарламаларға сенбеуге шақырды.

Айта кетейік, жақында Қарағандыда азғындық жасады деген күдікпен 55 жастағы ер адам ұсталды. Ол өңірде жоғалып кеткен кәмелетке толмаған қызбен бірге адам тұрмайтын үйден табылған болатын. Күдікті уақытша ұстау изоляторына қамалды.

Оқи отырыңыз: Президенттің атынан жалған ақпарат таратылып жатыр - Тоқаевтың баспасөз хатшысы

21
Кілт сөздер:
ШҚО, жалған ақпарат, педофил
Тақырып бойынша
"Жалған ақпарат": министр 13,5 млрд доллар туралы жазған блогерлерге жауап берді
"Төбеңнен қойып қалады": әртістер жалған ақпарат тарағанда қандай күйде болатынын айтты
"Фотоға түсіріп, айыппұл салады": әлеуметтік желіде тағы бір жалған ақпарат тарады
Не себепті мұндай жалған ақпарат тарағанын білмеймін – Бекшин
"Тойды ұйымдастырған мен емес": Марат Омаров жалған ақпарат таратқандарды іздеп жатыр