Назарбаев пен Матвиенко

РФ Федерация кеңесінің төрағасы Назарбаевқа жеделхат жолдады

31
Матвиенко Назарбаевтың халықаралық мәртебесі ТМД-ның табысты жұмысына және ЕАЭО-ның дамуына оң ықпал ететінін ерекше атап өтті

НҰР-СҰЛТАН, 6 шілде – Sputnik. Ресейдің федерация кеңесінің төрағасы Валентика Матвиенко Қазақстанның тұңғыш президенті Нұрсұлтан Назарбаевты туған күнімен құттықтады. Бүгін Елбасы 81 жасқа толып отыр, деп хабарлайды Sputnik Қазақстан.

"РФ Федералдық жиналысы федерация кеңесі мен жеке өз атымнан сізді туған күніңізбен құттықтаймын. Сіз баға жетпес өмірлік тәжірибесі бар данагөй әрі көреген саясаткер ретінде ең жоғары наградаға ие болып отырсыз. Ол – өз халқыңыздың шынайы махаббаты мен құрметі. Сіз миллиондаған қазақстандыққа үлгі болып жүрсіз", - делінген Матвиенконың жеделхатында.

Оның айтуынша, Назарбаев ұлттық келісім мен көп ғасырлық салт-дәстүрді сақтай отырып, өз елін жасампаздық пен прогресс жолымен жүргізіп келеді.

"Біз сізді Ресейдің үлкен досы ретінде танимыз. Сіздің Ресей мен Қазақстан арасындағы берік тарихи және мәдени байланыстарға негізделген жан-жақты стратегиялық әріптестік пен одақстастықты күшейтуге қосқан үлесіңізді асыра бағалау мүмкін емес", - деп атап көрсетті Матвиенко.

Сондай-ақ Матвиенко Назарбаевтың халықаралық мәртебесі ТМД-ның табысты жұмысына және ЕАЭО-ның дамуына оң ықпал ететінін ерекше атап өтті.

"Сіздің тығыз мемлекетаралық қарым-қатынастарды дамытуға атсалыса беретіңізге сенімім мол", - деді Матвиенко.

Федерация кеңесінің төрағасы Елбасыға денсаулық, ұзақ өмір мен жұмыста табыс тіледі.

Айта кетейік, маусымның соңында Валентика Матвиенко Қазақстанға ресми сапармен келіп кетті.

31
Кілт сөздер:
Назарбаев
Ақорда ғимараты

Президент Пашинянға құттықтау жеделхатын жолдады  

137
(Жаңартылды 19:19 02.08.2021)
Қасым-Жомарт Тоқаев Никол Пашинянның аса жауапты мемлекеттік лауазымдағы қызметі Арменияның тұрақты дамуы мен ілгерілеуіне ықпал ететініне сенім білдірді

НҰР-СҰЛТАН, 2 тамыз – Sputnik. Қазақстан президенті Қасым-Жомарт Тоқаев Армения премьер-министрі Никол Пашинянды осы қызметке қайта сайлануымен құттықтады, деп хабарлады Ақорданың ресми сайты.

"Сізге артылған сенім – қоғамдағы тұрақтылықты, бірлік пен келісімді қамтамасыз етуге, азаматтардың әл-ауқатын арттыруға, Арменияның халықаралық аренадағы беделін нығайтуға бағытталған саясатыңыздың кең қолдау тапқанының айқын көрінісі", – делінген жеделхатта.

Қасым-Жомарт Тоқаев Никол Пашинянның аса жауапты мемлекеттік лауазымдағы қызметі Арменияның тұрақты дамуы мен ілгерілеуіне, сондай-ақ, Қазақстанмен арадағы екіжақты және көпжақты қатынастарды кеңейтіп, тереңдетуге ықпал ететініне сенім білдірді. Сондай-ақ, мемлекет басшысы Арменияның премьер-министріне зор денсаулық пен мол табыс, достас армян халқына игіліктер мен өркендеу тіледі.

Айта кетейік, парламент сайлауында Пашинянның "Азаматтық келісім" партиясы сайлаушылардың 53,92 дауысын жинап, жеңіске жеткен болатын. Бүгін Армения президенті Армен Саркисян Никол Пашинянды премьер-министр лауазымына тағайындау туралы қаулыға қол қойды.

137
Ақорда

Тоқаев Ердоғанға: бауырлас түрік халқына көмек көрсетуге дайынбыз

151
(Жаңартылды 19:43 31.07.2021)
Қазақстан президенті Режеп Ердоғанға елдегі табиғат апатына қарсы күресте сәттілік тіледі

НҰР-СҰЛТАН, 31 шілде – Sputnik. Қазақстан президенті Қасым-Жомарт Тоқаев Түркиядағы алапат өртке байланысты Режеп Тайип Ердоғанға жеделхатын жолдады. Бұл туралы мемлекет басшысының баспасөз хатшысы Берік Уәли хабарлады.

"Мемлекет басшысы Қасым-Жомарт Тоқаев Түркияда болған алапат өрт салдарынан елдің экономикасы мен туристік базасына орасан зор шығын келгеніне және азаматтардың денсаулығына ауыр зардабын тигізгеніне байланысты Түркия президенті Режеп Тайип Ердоғанға ниеттестік білдірген жеделхат жолдады", - деп жазды Уәли.

Қазақстан президенті өз жеделхатында бауырлас түрік халқына гуманитарлық көмек көрсетуге дайын екенін атап өтіп, президент Режеп Ердоғанға елдегі табиғат апатына қарсы күресте сәттілік тіледі.

Айта кетері, Түркияда соңғы бірнеше күнде орман өрті өршіп тұр. Кеше Адана (Пос ауданы), Анталья (Манавгат, Аксеки, Газипаша), Мугла (Мармарис, Кёйджегиз), Мерсин (Айдынджик, Силифке), Османие (Кадирли) аймақтарында он ошақ сөндіріліп жатқаны хабарланды. Өрт салдарынан алты адам қаза болды, 180-нен астамы зардам шекті. Курортта демалып жатқан туристер қауіпсіз аймаққа көшірілді. 

Оқи отырыңыз: Анталиядағы алапат өрт: демалыстағы қазақстандық видео жариялады

 

151
Кілт сөздер:
Қасым-Жомарт Тоқаев, Режеп Тайип Ердоған
Архивтегі сурет

Қазақстанның он тоғыз миллионыншы тұрғыны туралы жаңа дерек шықты

10
Қазақстанның он тоғыз миллионыншы тұрғыны ретінде тіркелген Жания Азаматқызы Алматы қаласында дүниеге келді

НҰР-СҰЛТАН, 4 тамыз – Sputnik. Қазақстанның он тоғыз миллионыншы азаматы 20 маусымда Алматы қаласында туды. Бұл туралы ұлттық статистика бюросы хабарлайды.

Халықтың ағымдағы есебі деректеріне сәйкес 2021 жылдың 20 маусымында Қазақстан Республикасының 19 миллионыншы тұрғыны дүниеге келді.

"Еліміздің он тоғыз миллионыншы тұрғыны ретінде Жания Азаматқызы анықталды. Ол Алматы қаласында туған, отбасында төртінші бала", - делінген хабарламада.

Туу туралы актісіне сәйкес, нәрестенің ата-анасы Алматы облысы Іле ауданы Чапаево ауылында тұрады. Анасы – 1986 жылғы Назгүл Көбентаева, әкесі – 1982 жылғы Азамат Нұрғалиев.

Бұл ретте Ұлттық статистика бюросы он тоғыз миллионыншы тұрғын қалай анықталғанын түсіндірді. Оны анықтау кезінде табиғи қозғалыс өсімі (белгілі бір кезеңде дүниеге келгендер мен қайтыс болғандар арасындағы айырма) және халықтың көші-қон айырымы (ел аумағына белгілі бір кезеңде келгендер саны және оның шегінен тыс кеткендер саны арасындағы айырма) ескерілген. Кандидатура жалпы республика бойынша, тұратын жеріне тәуелсіз анықталды.

Тағы оқыңыз: Алматы облысында еліміздің он тоғыз миллионыншы азаматы дүниеге келді – Тоқаев

Тәуелсіздік жылдары ішінде Қазақстан халқының саны 2 557,9 мың адамға (15,5%) өсіп, биыл 1 шілдеде 19 009,6 мың адамды құрады.

3 тамыз күні президент Қасым-Жомарт Тоқаев Twitter-де Қазақстан халқы 19 миллион адамға жеткенін хабарлады. Мемлекет басшысы он тоғыз миллионыншы азаматтың ата-анасы мен қазақстандықтарды осы қуанышпен құттықтады.

10
Кілт сөздер:
Қазақстан халқы, статистика