Вооруженные силы Казахстана

Қазақстан көрші елдерге оқ-дәрі мен әскери техника береді

104
(Жаңартылды 11:15 25.11.2021)
Қазақстан Қырғызстанға өтеусіз негізде әскери-техникалық көмек көрсетеді. Ел үкіметі бір рет патрондарды, оқ-дәрілерді және арнайы жабдықтарды береді

НҰР-СҰЛТАН, 25 қараша – Sputnik. Қазақстан Ауғанстандағы жағдайға байланысты Орта Азия өңіріндегі қауіпсіздікті нығайту үшін көрші елдерге әскери-техникалық көмек көрсетеді. Парламент Қырғызстан мен Тәжікстанға әскери мүлікті беру туралы келісімдерді ратификациялады, деп хабарлайды Sputnik Қазақстан тілшісі.

Қазақстан Қырғызстанға не береді

Қазақстан Қырғызстанға өтеусіз негізде әскери-техникалық көмек көрсетеді. Ел үкіметі бір рет патрондарды, оқ-дәрілерді және арнайы жабдықтарды береді.

Қорғаныс министрінің орынбасары Руслан Шпекбаевтың айтуынша, Қазақстан үкіметі әскери мүлікті Қырғызстанның Қой-Таш елді мекеніне дейін автомобиль көлігімен жеткізу жөніндегі шығыстарды қамтамасыз етеді және өзіне алады.

Қырғыз тарапы алынған әскери мүлікті немесе оны пайдалану құқығын үшінші тарапқа бермеуге уәде етті.

Тәжікстанға көмек

Сондай-ақ парламент Қазақстан мен Тәжікстан үкіметтері арасындағы өтеусіз әскери-техникалық көмек көрсету туралы келісімді ратификациялады.

Оған сәйкес, Қазақстан Тәжікстанға атыс қаруына патрондар, зениттік және миномет артиллериясына оқ-дәрілер береді.

Қазақстан үкіметі әскери мүлікті Тәжікстанның Душанбе қаласына теміржол көлігімен жеткізеді. Шығыстарды Қазақстан үкіметі өзіне алады.

Тәжікстанда кедендік мәселелерді рәсімдеуге арналған шығыстарға тәжік тарапы жауапты. Сондай-ақ Тәжікстан алынған әскери мүлікті немесе оны пайдалану құқығын үшінші тарапқа бермеуге міндеттеледі.

Бұдан бөлек, сенат отырысында екі ел үкіметі арасындағы тәжік-ауған шекарасына іргелес аудандарда қауіпсіздікті қамтамасыз етуде әскери-техникалық жәрдем көрсету туралы келісім де қаралды.

Құжатқа Тәжікстан Қазақстаннан әскери-техникалық көмек көрсетуді сұрағаннан кейін биыл 12 шілдеде қол қойылды.

"Келісім Тәжікстан тарапына әскери мүлікті бір рет беруді көздейді. Оның атауы мен көлемі дипломатиялық арналар арқылы келісілді. Қазақстан тарапы әскери мүлікті Жамбыл облысының Отар станциясынан Душанбе қаласына дейін теміржол көлігімен жеткізіп, барлық шығынды өзі көтереді", - деді Руслан Шпекбаев.

Ал Тәжікстан тарапы Қазақстан берген әскери мүлікті тек тәжік-ауған шекарасына іргелес аудандарда қауіпсіздікті қамтамасыз ету мақсатында қолдануға және оларды үшінші тарапқа бермеуге міндеттенеді.

Министрдің орынбасары әскери мүлікті Тәжікстанға беру Қазақстанның жауынгерлік әзірлігі мен қорғаныс қабілетіне ықпал етпейтінін атап өттті. Өйткені бұл көмек Қазақстан Қарулы күштерінің ағымдағы жабдықтау қорының нормативінен тыс көрсетіледі. Заңды қабылдау республикалық бюджеттен қосымша қаражат бөлуді талап етпейді.

Еске салары, Ауғанстан қазір Талибан* қозғалысының бақылауында. Террористік әрекетіне байланысты БҰҰ қозғалысқа санкция салған.

104
Кілт сөздер:
Қазақстан, әскери техника
Тақырып бойынша
Шымкент көшелеріндегі әскери техникалар қала тұрғындарының зәресін ұшырды
АҚШ Қазақстанда неге жаңа әскери биозертхана салғысы келеді – видео
"Қорқып өлетін болдық": Тараз түбінде бір күнде 400 килограмм оқ-дәрі жойылды
Ұтысқа тіккен: сарбаздардың атына несие рәсімдеген әскери қызметші сотталды
Жамбыл облысында әскери қызметкер өз-өзіне қол салды
Нұрсұлтан Назарбаев

Назарбаев Қазақстан Қырымға қатысты дауыс беруден неге қалыс қалғанын түсіндірді

82
(Жаңартылды 20:14 04.12.2021)
Қазақстанның тұңғыш президенті бауырлас Ресей мен Украина арасындағы қақтығыс оны қатты қынжылтқанын, сондықтан Қазақстанды татуласу алаңы ретінде бірнеше рет ұсынғанын атап өтті

НҰР-СҰЛТАН, 4 желтоқсан — Sputnik. Нұрсұлтан Назарбаев Қазақстан 2014 жылы неге Қырымды мойындау бойынша дауыс беруден неге қалыс қалғанын айтты.

"Qazaq. History of the Golden Man" фильмінің режиссер Оливер Стоунға берген сұхбатында Назарбаев мәселенің түп-төркінін жақсы білетінін атап өтті.

"Референдум болды (Қырымды Ресейге қосу бойынша - Sputnik). Біз Қырымды Ресейге тиесілі деп танымадық. Өйткені Осетия, Абхазия, Косово да мойындауымызды сұрап отыр еді", - деді ол.

Елбасы Қазақстан сол кезде Украинаны да қолдамағанын еске салды. Ол Украинаның сол кездегі басшысы Петр Порошенко одан Украинаның позициясын қолдауды және Ресейге қарсы шығуды сұрағанын айтты.

"Мұның бәрі Киевте болған төңкерістен туындады. Мен Украинаны жақсы көремін, онда оқыдым, болып жатқан оқиғалар үшін уайымдаймын", - деді Назарбаев.

2014 жылы ақпанда Украинадағы төңкерістен кейін Қырым мен Севастополь билігі Ресеймен қайта қосылу туралы референдум өткізді. Оған дауыс беру құқығына ие болғандардың 80%-тен астамы қатысты. Ресеймен қосылуды 96,7% және 95,6%-і таңдады.

18 жылдың 2014 наурызында Ресей президенті Владимир Путин Қырым Республикасы мен Севастопольді Ресей Федерациясына қабылдау туралы келісімге қол қойды. Ал 21 наурызда құжатты федералды жиналыс ратификациялады. Киев Қырымды Ресейдің бір бөлігі деп танудан бас тартты.

82
Кілт сөздер:
Назарбаев, Қырым, Қазақстан, дауыс беру
Тақырып бойынша
Назарбаев өзінің арманы туралы айтты
Назарбаев бұрынғы күйеу баласы Рахат Әлиев туралы ашық айтты
Назарбаев Горбачевтің кабинетінде қандай келеңсіз жайтқа куә болғанын еске алды
Қазақстан АЭС салады, мердігер мен технологияны таңдау қажет – Назарбаев
Қазақстан алдағы жүз жылда ешкімге соғыс ашпайды – Назарбаев
 Ш.Мирзиёев

Өзбекстан президенті Қазақстанға келеді

82
Келіссөздер қорытындысы бойынша екіжақты құжаттарға қол қойылады деп күтілуде

НҰР-СҰЛТАН, 3 желтоқсан — Sputnik. Мемлекет басшысы Қасым-Жомарт Тоқаевтың шақыруымен 5-6 желтоқсан күндері елімізге Өзбекстан республикасының президенті Шавкат Мирзиёев екі күндік мемлекеттік сапармен келеді.

"Көпқырлы қазақ-өзбек қатынастарына тың серпін беру мақсатымен Қазақстан мен Өзбекстан басшыларының шағын және кеңейтілген құрамдағы келіссөздері өтеді", - деп жазды президенттің баспасөз хатшысы Берік Уәли Facebook-те.

Оның сөзінше, келіссөздер қорытындысы бойынша екіжақты құжаттарға қол қойылады деп күтілуде.

Оқи отырыңыз: 

 

82
Кілт сөздер:
Өзбекстан, президент, Қазақстан
Жусан операциясы

Сирияға кеткен мыңға жуық қазақстандықтың 600-і оралды Назарбаев

0
Қазақстанның тұңғыш президенті елге оралған 600 қазақстандықтың ішінде 33 адамға қатысты тергеу жүргізіліп жатқанын мәлімдеді

НҰР-СҰЛТАН, 4 желтоқсан — Sputnik. Нұрсұлтан Назарбаев Сирияға кеткен қазақстандықтар туралы айтты.

"Qazaq. History of the Golden Man" ("Қазақ. Алтын адамның тарихы") фильмінде америкалық режиссер Оливер Стоунға берген сұхбатында Елбасы Ислам мемлекетінің* қызметі толығымен экстремистік идеологияға негізделгенін мәлімдеді.

"Құранда бір адамды өлтіру бүкіл адамзатты өлтірумен тең деп айтылған. Олардың мұсылмандықпен ешқандай байланысы жоқ, олар дінді өз мақсаты үшін пайдаланатын экстремистер. Бұл Исламның өзіне зиян тигізеді", - деді Назарбаев.

Қазақстанның тұңғыш президенті республикадан Сирияға бір мыңға жуық азамат кеткенін, олардың 600-і отанға оралғанын хабарлады.

"Біз 600 адамды қайтардық, оның ішінде 303 ер адам. Отыз үшіне қатысты тергеу жүргізіп жатырмыз. Жұмысы жоқ, қиыншылық көрген адамдар сол жерге кетті. Онда өмір керемет болатынына уәде береді. Сондықтан ол жаққа бүкіл отбасымен бірге барды. Өздерін ұрып-соғып, өлтірген кезде ғана жағдайды түсінді", - деді ол.

Сондай-ақ, Елбасы исламның және бүкіл әлемнің ірі орталықтарының бірі болып табылатын Сирияның қирауы мәселесіне қатысты өз өкінішін білдірді.

"Мен ол жерде болдым, керемет ғимараттарды көрдім... Олар біздің балалар көре алмайтын бүкіл адамзаттың тарихи, мәдени естелігін жойды", - деді Назарбаев.

2019 жылдың қаңтар айынан бастап ұлттық қауіпсіздік комитеті "Жусан" гуманитарлық арнайы операциясы аясында Сирия мен Ирактан қазақстандықтарды қайтару бойынша 5 арнайы операция өткізді.

Бұл арнайы гуманитарлық операцияның бірінші кезеңі Елбасы Нұрсұлтан Назарбаевтың тапсырмасы бойынша 2019 жылдың 6 қаңтарында ұйымдастырылды.

ИМ* – Қазақстанда, Ресейде және басқа да бірқатар елде тыйым салынған террористік ұйым.

0
Кілт сөздер:
Назарбаев, Сирия, қазақстандықтар
Тақырып бойынша
Назарбаев өзінің арманы туралы айтты
Назарбаев Қазақстан Қырымға қатысты дауыс беруден неге қалыс қалғанын түсіндірді
Назарбаев Қазақстан жастарына үндеу жасады – видео
Қазақстан алдағы жүз жылда ешкімге соғыс ашпайды – Назарбаев
Назарбаев Горбачевтің кабинетінде қандай келеңсіз жайтқа куә болғанын еске алды