Қазақстан мен Ресей тулары

Қазақстан мен Ресей екіжақты қарым-қатынасты дамытуда жетістікке қол жеткізді Путин

82
Путин Қазақстанмен стратегиялық серіктестік жан-жақты нығаятынына үміттенетінін жеткізді

НҰР-СҰЛТАН, 30 желтоқсан – Sputnik. Ресей президенті Владимир Путин Қазақстан президенті Қасым-Жомарт Тоқаев пен Елбасы Нұрсұлтан Назарбаевқа жолдаған құттықтауында екі ел еуразиялық интеграциялық процестерді ілгерілетуде және екіжақты қарым-қатынасты дамытуда жетістіктерге қол жеткізгенін атап өтті.

Кремль сайтында хабарланғандай, Владимир Путин күрделі эпидемиологиялық жағдайға қарамастан, екі ел биыл елеулі жетістіктерге қол жеткізгенін айтты. Екіжақты қарым-қатынас дамып, еуразиялық интеграциялық процестер ілгеріледі.

Құттықтауда жазылғандай, бұл бағыттағы ең маңызды іс-шара Қазақстан мен Ресейдің XVII өңіраралық ынтымақтастық форумы болды: жиын қорытындысы бойынша бекітілген келісімдер өзара тиімді кооперация үшін жаңа мүмкіндіктерге жол ашты.

Оқи отырыңыз: Тоқаев пен Путиннің кездесуі: президенттер не туралы сөйлесті

Ресей лидері бірлескен күш-жігер арқасында Ресей мен Қазақстанның бауырлас халықтарының игілігі үшін, өңірлік тұрақтылық пен қауіпсіздік мүддесі үшін стратегиялық серіктестік пен одақтастық одан әрі жан-жақты нығаятынына сенімін білдірді.

82
Кілт сөздер:
Владимир Путин, Ресей
Портфель

Атырау қаласының әкімі қызметінен кетті

3187
(Жаңартылды 15:28 16.01.2022)
Жергілікті бұқаралық ақпарат құралдары әкімнің митингке шыққан халықпен кездеспегені туралы жазды

НҰР-СҰЛТАН, 16 қаңтар – Sputnik. Қайрат Оразбаев Атырау қаласының әкімі қызметінен босатылды, деп хабарлады Атырау облысы әкімінің баспасөз қызметі.

Оразбаев өз еркімен кету туралы өтініш жазған. Соның негізінде облыс әкімі оны 14 қаңтардан бастап қызметінен босаттты. Қазіргі кезде оның орынбасары Жұмабек Қаражанов әкімнің міндетін атқарып жатыр. 

Бұған дейін Атырау әкімінің 31 желтоқсанда еңбек демалысына шыққаны туралы ақпарат тарады. Ал 10 қаңтарда оны жұмысқа шақырып алған. Сол кезде қалада және басқа да аймақтарда наразылық акциялары өтті.

Артынан Оразбаев денсаулығына байланысты тағы демалыс алып кеткен. Жергілікті бұқаралық ақпарат құралдары оның митингке шыққан халықпен кездеспегені туралы жазды. Сол үшін сынға ұшырады. 

Оразбаев қала әкімі қызметінде бір жылдай жұмыс істеді. Бұған дейін мұнай-газ компанияларында басшы қызметтер атқарды.

3187
Қазақстан мен Қырғызстан президенттері

Тоқаев Қырғызстан президентімен телефон арқылы сөйлесті

45
(Жаңартылды 13:48 14.01.2022)
Қырғызстан президенті қысқа мерзімді демалыстан шықты, мемлекет басшылары Қазақстандағы жағдай мен бауырлас мемлекеттің қиын-қыстау кезінде көрсеткен қолдауын талқылады

НҰР-СҰЛТАН, 14 қаңтар – Sputnik. Қазақстан мен Қырғызстан президенттері ҰҚШҰ контингентінің Қазақстанға кіргізілуімен байланысты жағдайды талқылады.

Қасым-Жомарт Тоқаев қырғыз әріптесі Садыр Жапаровқа Алматы мен басқа қалаларда болған қайғылы оқиғалар кезінде көрсеткен қолдауы үшін алғыс айтты. Сонымен қатар ол ҰҚШҰ бітімгерлік контингентінің елден шығарыла бастағаны жайлы ақпарат берді, деп хабарлайды президент Жапаровтың сайты.

Қырғызстанның ҰҚШҰ контингентіне кірген "Скорпион" арнайы жасақ бөлімшесі Қазақстанда ешқандай проблемаға тап болмаған.

"Қазақстанда қызмет атқару кезінде ешқандай оқиға тіркелген жоқ", - деп мәлімдеді Қырғызстан мемлекеттік ұлттық қауіпсіздік комитетінің басшысы Қамшыбек Ташиев бітімгерлер отанына оралған соң.

Ташиевтің айтуынша, барлық әскери қызметкер мен техника Қырғызстанға аман-сау оралды.

Қазақстандағы ҰҚШҰ бітімгерлік миссиясына Қырғызстаннан 150 әскери қызметкер мен 20 бірлік техника қатысты. Олар Алматыда стратегиялық нысандарды күзетті.

45
Кілт сөздер:
Қасым-Жомарт Тоқаев, ҰҚШҰ
архивтегі сурет

Талдықорғандық кәсіпкер қоршауда қалған әскерилер мен полицейлерге тамақ тасыған

0
(Жаңартылды 12:33 17.01.2022)
Талдықорғандағы тергеу изоляторына қарулы шабуыл жасалғанда Тәліпов пен аспаз оқтың астында қалды

НҰР-СҰЛТАН, 17 қаңтар – Sputnik. Танымал қазақстандық блогер Александр Цой ресторатор Дәурен Тәліповтың батыр әрекеті жайында жазды. Ол бүлікшілердің қоршауында қалған полицейлер мен әскерилерге тамақ тасыған.


4 қаңтар күні Талдықорған қаласында жаппай тәртіпсіздіктер басталды. Ал ертеңінде бүлікшілердің белсенділігі күшейе түсті.

"Олар қалалық полиция ғимаратын зақымдады, облыстық әкімдікті жағып жіберді, көліктер де отқа оранды. 101 мен 102 қызметтері жұмыс істеген жоқ. Интернетті өшіріп тастады. Барлық мейрамхана мен тамақтану орындары жабық тұрды. Өрт сөндірушілер, әскерилер мен полиция қызметкерлері ғимараттардан шыға алмады. Барлығы ас-ауқатсыз қалды", - дейді Александр Цой.

Сол кезде ресторатор Дәурен Тәліпов өз міндеттерін аш құрсақ атқарып жатқан тәртіп сақшыларына көмек беруге шешім қабылдады, дейді ол.

Даурен Тәліптовтың айтуынша, оған ешкім өтініш жасаған жоқ. Ол әкімшілік ғимаратын қорғап тұрған адамдардың ауқатсыз қалғанын білді. Аспаздарына хабарласып, тамақ әзірлеуге тапсырма берді. Артынан оны жаяу жүріп таратқан. Себебі қоғамдық көлік те, такси де тоқтап қалды.

"Біз машинаға 300-400 порцияны салып, қала бойынша тараттық. Бірақ алдын ала әскерилер мен полицийлермен қандай белгі беріп өтетінімізді келісіп отырдық. Әйтпесе, бізді атып тастайтын еді", - дейді Дәурен Тәліпов.

Осылайша, аспаздар командасы екі күн бойы ыстық тамақ таратты. Ал 8 қаңтарда Талдықорғандағы тергеу изоляторына төрт рет қарулы шабуыл жасалғанда Тәліпов тағы бір аспазбен оқтың астында қалды.

"Оқты жан-жақтан жаудырды. Сол жерден қатты жылдамдықпен кетіп бара жатқанда бізді БТР тоқтатты. Шамасы, қылмыскерлер деп ойлап қалған. Көлікте тағы бір аспаз келіншек болды. Соққының қатты болғаны сонша, екеуіміз естен танып қалдық. Ауруханада есімізді жидық. Ешкім жедел жәрдем шақырмаған. Жол-жөнекей өтіп бара жатқан адамдар бізді көлікке салып алып, ауруханаға жеткізген екен", - деп еске алды Тәліпов.

Дәурен мен аспазға бірнеше ота жасалды. Қазір жағдайлары жақсы, екеуі де сауығып келеді.

Оқи отырыңыз: 

 

0
Кілт сөздер:
Талдықорған, кәсіпкер, тамақ, полицейлер