Sputnik Қазақстан студиясында Қазақстан ұлттық ғылым академиясының президенті Мұрат Жұрынов

Жұрынов қазақстандық ғалымдардың проблемасын атады

136
(Жаңартылды 09:31 20.11.2018)
Ғылым академиясы президентінің айтуынша, трансұлттық компаниялар отандық ғалымдардың жетістіктерін енгізуге мүдделі емес

АСТАНА, 19 қараша – Sputnik. Қазақстан ұлттық ғылым академиясының президенті Мұрат Жұрынов отандық ғылымның дамуын кенжелетіп отырған проблемаларды атады, деп хабарлайды Sputnik Қазақстан тілшісі. 

Жүріновтің айтуынша, Кеңес одағы кезінде ғылым көптеген бағыт бойынша жетекші орындардан көрінді. Кеңес ғалымдарының жетістіктерін бүкіл әлем, соның ішінде америкалықтар да мойындайтын. Кеңес одағы ғылымға ЖІӨ-нің 4%-ін бөлді. Ал одақ ыдырағаннан кейін ғылымға бөлінетін қаржы едәуір азайып қалған. 

"Қаржыландырудың төмендеуінен ғылыми ұйымдар зардап шекті. Мәселен, салыстыру үшін айтатын болсам, Еуропа елдерінде ғылымды қаржыландыру көлемі 3%-тен 4,5%-ке дейінгі аралықта құбылса, посткеңестік кеңістікте ең жоғары көрсеткіш Ресейде – 1,2%-тен астам. Бізде, өкінішке қарай, экономикалық дағдарысқа байланысқа бұл көрсеткіш 0,13%-ке дейін түсіп кетті", — деді Жұрынов Sputnik Қазақстан мультимедиялық баспасөз орталығында өткен баспасөз мәслихатында. 

Ол индустриялды-инновациялық даму стратегиялық жоспарында 2020 жылы ғылымды қаржыландыру көлемін 1 процентке дейін жеткізу қарастырылғанын атап өтті. 

"Бұл ғылымға көрсетілетін үлкен қолдау. Ғылымды қаржыландыру 6 есеге артады", — деді академия президенті. 

Жұрыновтың айтуынша, іргелі ғылым мен қолданбалы ғылым арасындағы теңгерімді сақтау өте маңызды. Себебі теңгерім бұзылса, жалпы ғылымға орасан зор зиян келеді. 

"Ғылымды қаржыландыратын бизнес пен билік іргелі ғылымнан қайтарым болғанын қалайды. Бұл түсінікті де. Алайда іргелі ғылымның қайтарымы ұзаққа созылуы мүмкін. Соның әсерінен зерттеушілер біртіндеп қолданбалы ғылымға ауысып кетеді. Іргелі зерттеулер қаржыландырудың жалпы көлемінің үштен бірінен кем болмауы керек", — деді ғылым академиясының президенті. 

Жұрынов инновация туралы сөз болғанда, ғылым жайына қалатынын айтып, ренішін білдірді. 

"Кейбіреулері инновация туралы жар салады да, ғылым туралы жақ ашпайды. Ал инновация – ғылымның өнімі. Ол бастауын іргелі зерттеуден алып, содан кейін ғана қолданбалы сипатқа көшеді", — деді ол. 

Академия президенті отандық ғылым жетістіктерін енгізудегі проблемаларға тоқталды. 

"Бізде кәсіпорындардың көбі шетелдік инвесторлардың қолында. Ал олар қазақстандық ғалымдардың жетістіктерін енгізуге мүдделі емес. Себебі трансұлттық компаниялардың өз елдерінде жеке зерттеу институттары бар", — деді Жұрынов. 

 

136
Кілт сөздер:
жетістіктер, қаржыландыру, ғылым академиясы, зерттеу, ғалымдар, ғылым
Тақырып бойынша
Қазақстандық ғалым аталық және аналық бұлттар туралы теория ұсынды
Елбасы Ұлттық ғылым академиясында Досмұхамбетовтың егінін мақтады
Алматыда 72 жастағы ғалым үйсіздерге арналған орталықта тұруға мәжбүр
Қазақстандық ғалым телефонды ұзақ уақыт қуаттамау әдісін ойлап тапты
Ғалым тез арықтаудың жолын айтты
Ғалым ер азаматтар әйелді қандай төрт қасиетіне қарап таңдайтынын айтты
Иллюстративті фото

Пандемия кезінде БАҚ қандай форматта жұмыс істеуі керек

24
Карантин кезеңінде офлайн жобалар онлайнға көшті. SputnikPro мамандары жаңа жылдық мерекелерде аудиторияға қандай қызықты контент дайындауға болатынын айтады

НҰР-СҰЛТАН, 27 қараша – Sputnik. SputnikPro жобасының сарапшылары көрші елдердің журналистеріне локдаун жағдайында жаңа жылдық арнайы жобаларды қалай жүзеге асыруға болатынын айтып берді.

"Санкт-Петербургтегі Комсомольская правда" басылымның бас директоры Иван Власов вебинарға қатысушыларға өзінің ұжымы қандай акциялар ұйымдастырғанын еске түсірді.  

"Жаңа жылдық ғажайып" деп аталатын осындай жобалардың бірі – қарттар үйі мен балалар үйінің тұрғындарына арналған бірлескен жаңажылдық шырша.

Желтоқсан айында басылым мен серіктес компаниялардың өкілдері №2 соғыс және еңбек ардагерлерінің үйіне сыйлық алып барып, ас-шай әзірлеген. Дәстүрлі жаңа жылдық шырша ұйымдастырылды, ардагерлер тосынсый алып, №40 балалар үйі тәрбиеленушілерінің өнерін тамашалады, олармен емін-еркін сұхбат құрды.

Иван Власов арнайы жоба әлеуметтік бағытты қамтып қана қоймай, сонымен қатар бірнеше мақсатты көздейтінін атап өтті: контент жасау және аудитория жинау; ойға алған шаруаны іске асыру үшін демеушілерді тарту; қосымша танылу.

Биыл көптеген ұйымда маркетингтік және жарнамалық жобаларға қаржы болмады, барлығы пандемиямен күресуге кетті. Жаңа жылда ірі мерекелік шаралар өтпейтіндіктен, арнайы жобаларға қызығушылық болады, деп болжайды Власов.

Оның айтуынша, локдаун онлайн-форматтағы қызықты жобаларды табуға және жүзеге асыруға жақсы мүмкіндік береді.   

"Үйде болатын адамдар үшін жаңа жылдық мерекелерге арналған бірнеше формат ұсынамыз. Бұрын редакцияда кезекшілерді қалдырып, бәрі демалысқа шығатын, ал енді жұмыс көп болатыны анық", - деп түсіндірді Иван Власов.

Sputnik Қазақстан бірнеше жыл бойы жүргізген "Мейірімділік шыршасы" қайырымдылық жобасы туралы шеф-редактор Динара Досмұхаметова айтып берді. Ұлттық ана мен бала ғылыми орталығының онкология бөлімінде емделіп жатқан алпыс бала жаңа жылдық тілектерін арнайы ашық хаттарға қалдырды. Жасырын Аяз ата болғысы келген ересек қазақстандықтар оларға синтезатор, планшет және квадрокоптерден бастап трансформер мен кішкентай пониге дейін түрлі сыйлықтар жинады.

Шеф-редактор Sputnik Казахстан Динара Досмухаметова выступает на вебинаре SputnikPro
© Sputnik
Sputnik Қазақстанның шеф-редакторы Динара Досмұхаметова SputnikPro вебинарында сөз сөйлеп жатыр

"Россия сегодня"медиахолдингінің бренд-коммуникациялар басқармасындағы арнайы жобалардың жетекшісі Дмитрий Лукьянчиков медиа өз аудиториясын кеңейту үшін танымал контент жасай отырып, локдаунды қалай қолдана алатындығы туралы баяндады.

Вебинардың тағы бір қонағы – "АиФ Самараның" бас редакторы Павел Сидоров газеттің ең сәтті жобаларын, соның ішінде жалпы карантин кезеңінде оқырмандар арасында кеңінен танымал болған ойындарды таныстырды.

SputnikPro білім беру жобасының отызыншы онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

24
 Астанадағы жаңа мешіт

Сарапшы елордадағы экомешіттің не себепті электр қуатын тарата алмағанын айтты

70
Жаңартылатын энергия көздері саласындағы сарапшы елордадағы экомешіттің бұрыш еңісінің дұрыс болмауына және арнайы қызмет көрсетілмеуіне байланысты электр энергиясын тарата алмағанын жеткізді

АЛМАТЫ, 25 қараша – Sputnik. Күн панельдері арқылы жұмыс істейтін Нұр-Сұлтандағы футуристік экомешіт артық электр энергиясын астаналықтарға сатуды жоспарлаған еді, алайда бұл жоспар орындалмады.

Жаңартылатын энергия көздері саласындағы сарапшы, стратегиялық бастамалар орталығының серіктесі Жәнібек Байдулла Sputnik Қазақстан баспасөз орталығында өткен брифингте бұл бұрыш еңісінің дұрыс болмауы және арнайы қызмет көрсетілмеуіне байланысты екенін хабарлады. Мысалы, оның айтуынша, қыста панельдерде қар тазаланбаған.

"Ол жерде бұрыш еңісі бар болғаны 30 градус. Қазақстанның бұл өңірінде күн панелінің тиімді бұрыш еңісі – 46 градус, ол оңтүстікке бағытталуы тиіс. Содан кейін электр энергиясының максималды генерациясы жүреді. Мұнда біз қыста панельдердің бетіне қар жиналып жатқанын көріп отырмыз, егер ол тазаланбаса, панельдер қажетті электр энергиясын шығармайды", - деп түсіндірді Байдулла.

"Бас тарта алмаймыз": вице-премьер Қытаймен бірлескен 55 жоба туралы айтты 

Оның айтуынша, жаңартылатын энергия көздерінің сенімді жұмыс істеуі өңір мен ауа райына емес, панельдерге дұрыс қызмет көрсетілуіне байланысты.

"Мұны уақыт өте келе пайда болатын мәдениет деп айтуға болады. Жаңадан құрылған жаңартылатын энергия көздері және баламалы энергетика жөніндегі техникалық комитет бұған өз үлесін қоса алады деп санаймын", - деп атап өтті сарапшы.

Оның айтуынша, Қазақстандағы шағын ЖЭК-тің ешқайсысы желіге қосылмайды және электр энергиясын сатпайды. Мұның бірнеше себебі бар, бірақ оның ішінде әкімшілік проблемалар – энергияны үнемдейтін компаниямен электр энергиясын кері жеткізу туралы келісім жасасу оңай болмай тұр.

Инвертерлер станциялар секілді қымбат тұрады, сонымен қатар оларға дұрыс жағдай жасау керек.

Елордадағы экомешіт

2018 жылы елордада ерекше "Ырыскелді қажы" мешіті салынды. Ол жаңартылатын энергия көзі арқылы жұмыс істейді және күн панельдері есебінен өзін электр энергиясымен қамтамасыз етеді. Мешіт пайда тауып, артық энергияны сатады деп жоспарланған болатын.

Мешіттің "Астанаэнергосбыт" компаниясымен келісімі болды.  "Жасыл" энергияның артығы киловатт-сағатына 16,87 теңге тарифі бойынша сатылуы тиіс еді.

Негізінен қайырымдылық есебінен өмір сүретін экомешіт жылына төрт миллион теңге табыс табады деп жоспарланған. Сатудан түскен ақша қызметкерлердің жалақысына (штатта – 15 адам бар, орташа жалақы – 110-150 мың теңге), коммуналдық шығындарға, салыққа жұмсалуы тиіс еді. Бірақ қаражат жеткіліксіз болып отыр.

70
Кілт сөздер:
электр энергиясы, мешіт
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

0
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

0
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады