Архивтегі фото

 SputnikPro сарапшысы деректер журналистикасының ерекшеліктерін түсіндірді

77
Экономика, қаржы терминдерімен оқырмандардың басын қатырмау үшін жаңалықты қалай жазуға керек, үлкен көлемдегі деректермен тиімді жұмыс істеуге қандай құралдар көмектеседі – БАҚ өкілдеріне арналған кәсіби кеңестер

НҰР-СҰЛТАН, 19 маусым – Sputnik. Көрші елдердің журналистеріне арналған SputnikPro вебинарында "Россия сегодня" ХАА РИА Рейтинг агенттігінің қаржы институттарын талдау басқармасының бастығы Андрей Манько басқа БАҚ назар аударатын зерттеу негізіндегі жаңалықты қалай жазуға болатынын айтты.

"Зерттеудің екі түрі болады: кабинеттегі – компьютерде отырып, бір жерден мәлімет аласыз және сауалнама – адамдардан жауап аласыз. Сауалнамамен жұмыс істеу едәуір қиын. Әр анкета 10-30 сағатта жиналады. Бір нәрсені жіберсе, бір нәрсені жібермейді. Егер  адам-сағатыңыз көп болса, анкета жүргізуге кеңес беремін. Статистикаға қатысты айтсақ, оны үнемі қадағалап отырамыз", - деп атап өтті ол.

Оның пікірінше, зерттеу ақпараттық анықтамалыққа айналуы үшін белгілі бір өлшемдерге сәйкес келуі тиіс.

"Оның сапасы жоғары болуы тиіс. Сапалы зерттеулер де, жай ғана танымал зерттеулер де болады. Онда жаңалық болуы керек: кейде ақпарат сізге мезі болғандай көрінуі мүмкін, бірақ ол шын мәнінде олай бола бермейді, мүмкін сіздің көзіңіз бұлдыраған шығар", - деп түсіндірді сарапшы.

Әдістеме және деректерді жинау сапасы да сақталуы тиіс. Әрине, тақырыптың өзектілігі маңызды.

Андрей Манько ақпарат сандар мен есеп деректеріне толы болған кезде жаңалық дайындауда не нәрсеге назар аудару керектігін түсіндірді.  

"Егер ол рейтинг, құрылымдалған мәліметтерден тұрса, бәсекелес элементтер қызықты болады. Мысалы, бәсекелес елдер бар, оларды салыстыра аласыз. Егер есеп болса, онда өзіңді қызықтыратын нәрсе туралы жазу керек", - деп есептейді ол.

Оның айтуынша, адамдарға абсолютті сан қызық емес, олар динамикаға қызығушылық танытады.

"Динамика алуан түрлі және көп. Адамдар ауқымды түсінбейді, оларға адами құндылықтар берілуі керек" - деді Андрей Манько.

Оқырмандарды мына тақырыптар қызықтырады:

  • ақша - депозит, кредит, зейнетақы;
  • денсаулық - жақсы немесе нашар медициналық қызмет, өмір сапасы;
  • балалар, соның ішінде олардың білімі;
  • демалыс – нені және қалай қарау керек.

"Барлығын салыстыру тақырыбы да қызықты. Ақпаратты беру формасы: кесте, графикалар, инфографика, видео. Міндетті түрде жақсы мәтін болуы тиіс, оны дайындау керек, ал журналистер бір жерден көшіріп алады. Атауы: тақырып қызықты және тартымды, бірақ дәл болғаны дұрыс. Тепе-теңдікті сезіну керек", - деді ол.

Автор ақпаратты іздей білуі тиіс.

"Мысалы, іздеу жүйесінде ақпаратты арнайы кодтық сөйлемдер мен таңбаларды қолдана отырып іздеуге болады, оны жасай білу керек. Машина өңдеген мәтіннің арқасында жұмыс жеңілдейді. Сіз не істеп және не үшін істеп жатқаныңызды түсінуіңіз керек. Бір жағынан, жұмыс азаяды, ал екінші жағынан, ол өзгеріске ұшырайды, соған икемделу керек", - деп атап өтті Андрей Манько.

SputnikPro білім беру жобасының оныншы онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – халықаралық Sputnik ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.  

77
Архивтегі фото

Ресейлік онлайн мектептер сертификатталуы мүмкін

33
Жұмысты Россотрудничество ағарту министрлігімен бірлесіп қолға алды, ол бірінші кезекте шетелде тұратын ресейліктерге бағытталған

НҰР-СҰЛТАН, 24 қыркүйек – Sputnik. Россотрудничество ресейлік онлайн мектептерді сертификаттап, шетелде тұратын ресейліктер үшін емтихан тапсыруды жеңілдетуді ұсынып отыр. Бұл туралы Россотрудничество басшысы Евгений Примаков айтты.

Оқи отырыңыз: Қашықтан оқыту қашан аяқталады – Аймағамбетов эксклюзивті сұқбат берді 

"Біз шетелде мектеп ашу әрдайым мүмкін емес екенін түсінеміз. Сондықтан "отбасылық", " үй" форматындағы онлайн оқытуды қолдаудың болашағы зор, өте қызықты және бізде де, шетелде де сұраныс артып келеді", - деді Примаков.

Ол шетелдегі көптеген ресейлік үшін бұл Ресей стандарттары бойынша білім алудың санаулы тәсілдерінің бірі екенін атап өтті.

"Сертификаттау, емтихан тапсыру мәселесі әлі де бар, бірақ мұны да талқылауға болады, бұл жұмысты ағарту министрлігіндегі әріптестерімізбен бірлесіп жүргізіп жатырмыз, оны сертификаттау үшін не істеу керек екендігі қарастырылуда. Қазір бірнеше ұсыныс бар", - деп түсіндірді Примаков.

Ол сондай-ақ Россотрудничество кез келген білім беру идеясын, алаңдарын, формаландырудың, институттандырудың кез келген дәрежесін қолдайтынын атап өтті.

"Бұл бізге келетін жеке бастамалар, мемлекеттік бастамалар болуы мүмкін, үкіметаралық келісімдер негізінде мектеп құрылған кезде оңайға соқпайды", - деп түсіндірді Россотрудничество басшысы.

Примаков көптеген отандасын Ресейдің білім беру жүйесі - мәдениет, өнер, гуманитарлық білім саласы да, нақты ғылымдар саласы да қызықтыратынын айтты.

"Біз бұл бастамалардың барлығын құптаймыз және қолымыздан келгенше қолдау көрсетуге дайынбыз", - деп аяқтады ол.

33
Тақырып бойынша
Бастауыш сынып оқушыларының 60%-і мектеп партасына отырды
Көпбалалы ана жаңа оқу жылы туралы: бес балам бір телефон қолданады
Қашықтан оқыту баланың оқу үлгерімін төмендете ме – министрдің жауабы
Білім саласында жемқорлық неге көбейді?
Баланы онлайн оқуға қалай дайындау керек – психологтар кеңес берді
Telegram

Әлеуметтік желілер ықпалды саяси алаңға айналды SputnikPro сарапшысы

41
(Жаңартылды 23:04 04.09.2020)
Әлеуметтік желілер ықпалды саяси алаңға айналып, әлем жаңа ақпараттық дәуірге қадам басты, деп пікір білдірді Армен Гаспарян

НҰР-СҰЛТАН, 4 қыркүйек – Sputnik. Sputnik мультимедиа орталықтары дирекциясының таяу шетел және Балтық елдеріндегі радиоконтент өндірісі бөлімінің бастығы Армен Гаспарян дәстүрлі бұқаралық ақпарат құралдары Беларусьтегі оқиғаларға неге дайын болмағанын айтты.    

"Әлеуметтік желілер ықпалды саяси алаңға айналды" деп атап өтті сарапшы. Ол Беларусьтегі наразылық кезінде Telegram каналдары бірінші болып көрерменнің назарын аударғанын, ал дәстүрлі бұқаралық ақпарат құралдары артта қалғанын мысалы ретінде келтірді.   

Оның айтуынша, әуелі БАҚ әлеуметтік желілердегі ақпарат алаңын елемей, уақыт жоғалтты.

Гаспарян ақпараттық соғыс кезінде тараптардың бірі әрқашан есе  жіберетінін баса айтты. Бұл жағдайда "артта қалған" Беларусь бұқаралық ақпарат құралдары болды.

"Ақылға қонымсыз жағдайлар болды: Лукашенканың сөйлеген сөздерінің бірін беларусь бұқаралық ақпарат құралдары таратпады, өйткені дәстүрлі БАҚ техникалық жағынан дайын болған жоқ. Салдарынан басқа елдің бұқаралық ақпарат құралдарында көрсетілді, ал беларусьтар өте кеш таратты", - деп түсіндірді ол.

Наразылық акцияларының екінші аптасында беларусь бұқаралық ақпарат құралдары жағдайды сарапшылар қауымдастығы есебінен түзету керек екенін түсінді, деп атап өтті Гаспарян.

"Билік өзіне деген сенімділікке ие бола бастады, олар ақпаратпен басқаша жұмыс істеуге болатындығын көрді", - дейді ол.

Гаспарян дәстүрлі медианың SMM мамандарының көпшілігі кәсіпқой емес деп есептейді, олар ақпаратты әлеуметтік желілер арқылы жариялау технологияларын жете білмейді.

БАҚ трендте болғысы келсе, жаңа медиаға деген көзқарасын өзгертуі керек, деп толықтырды Гаспарян.

"Telegram – бүгінгі күннің қозғаушы күші екенін түсіну керек. Ертең Tik-Tok, Instagram алға шығуы мүмкін, ол мүлдем жаңа әлеуметтік желі болуы да ғажап емес. Осының бәрін мұқият бақылап, өзің үшін дұрыс қорытынды жасау керек" , - деді сарапшы.

SputnikPro білім беру жобасының он сегізінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.    

41
Процент таңбасы

Қазақстанда шағын кредит беру тәртібі өзгерді

0
Бұдан былай микроқаржы ұйымы екі апта ішінде қарыз алушының өтінішін қарап, қабылданған шешім туралы жазбаша түрде хабарлауы тиіс

НҰР-СҰЛТАН, 26 қазан – Sputnik. Қазақстанда шағын несиелерді рәсімдеу және қарызды қайтару тәртібіне өзгеріс енгізілді, деп хабарлайды Sputnik Қазақстан қаржы нарығын реттеу және дамыту агенттігіне сілтеме жасап.

Агенттік басқармасының қаулысына сәйкес, жеке тұлғалардың микрокредиттер бойынша берешегін сотқа дейін реттеу рәсімі белгіленіп отыр.

"Ал микроқаржы ұйымы шағын кредит бойынша төлеу мерзімінің кешігуі туындаған күннен бастап күнтізбелік 15 күннен кешіктірмей, қарыз алушыға ол туралы хабар беруге міндетті. Қарыз алушы төлеу мерзімінің кешігуі басталған күннен бастап күнтізбелік 30 күннің ішінде берешекті өтеу мәселесін реттеу туралы өтінішпен микроқаржы ұйымына жүгінуге құқылы", – делінген ресми хабарламада.

Микроқаржы ұйымы екі аптаның ішінде қарыз алушының өтінішін қарап, қабылданған шешім туралы жазбаша түрде хабарлайды. Қарыз алушыдан өтініш болмаған жағдайда немесе онымен келісім жасалмаса, берешекті нотариустың атқарушылық жазбасы негізінде өндіріп алуға болады.

Бұдан бөлек, микрокредит беру туралы келісімді ресімдеу шаралары мен оның мазмұнын оңтайландыруға шешім қабылданды. Атап айтқанда, микрокредитті өтеу кестесіне қосымша мәліметтерді енгізуге ұсыныс жасалды. Мысалы, микрокредитті қайта құрылымдау кезінде төлеу мерзімі кейінге қалдырылған төлемдер өтеу кестесінде көрсетілуі тиіс.

Оқи отырыңыз: Ауылда әр отбасының мойнында 900 мың теңге кредит бар – ҰКП төрағасы

Жаңа қағидаларға сәйкес шарттың жасалған күні, микрокредит сомасы, пайыздық мөлшерлеме, шарт талаптарын орындау мерзімдері және басқа да міндетті шарттар туралы ақпаратты шарттың титулдық парағына жазу талап етіледі.

0
Кілт сөздер:
кредит, қаржы нарығы
Тақырып бойынша
Президент қазақстандықтарға кредит беруді шектеуді тапсырды
Павлодарда ер адам ең жақын досының атынан 14 кредит алған
Баспанасы жоқ қазақстандықтарға 5%-тік кредит беру басталды
Енді қазақстандықтар үйден шықпай-ақ банктерден кредит ала алады
Кредит төлеу кешіккенде борышкер не істеу керек – заңгерлер пікірі