Sputnik Қазақстан Астана футбол клубының ақпараттық серіктесі болды

Sputnik Қазақстан "Астана" футбол клубының ақпараттық серіктесі атанды

41
Әріптестіктің мақсаты – спортты насихаттау, "Астана" футбол клубының қызметі жайлы жедел және сапалы ақпарат тарату

НҰР-СҰЛТАН, 15 ақпан — Sputnik. Sputnik Қазақстан халықаралық ақпарат агенттігі және радио мен елдегі чемпионат көшбасшыларының бірі "Астана" футбол клубы ақпараттық өзара әрекеттестік туралы келісімге қол қойды. 

Елордадағы Sputnik мультимедиялық баспасөз орталығында "Россия сегодня" ХАА Қазақстандағы өкілдігінің жетекшісі Виктор Панов пен "Астана"ФК атқарушы директоры Давид Лория тиісті құжаттарға қол қойды.

Әріптестіктің мақсаты – спортты насихаттау, "Астана" футбол клубының қызметі жайлы жедел және сапалы ақпарат тарату. Ендігі ретте Sputnik Қазақстан өз оқырмандарына команда ойындарының эксклюзивті фото және видеоконтентін, футболшылар мен бапкерлермен сұқбаттар ұсынады, отандық футбол өкілдерінің өмірі жайлы қызықты материал таратады.

"Қазақстандағы интернет БАҚ-тың үздік үштігіне кіретін Sputnik алғаш рет спорттық ұйымның медиа-серіктесі атанып отыр. Бұл әріптестік табысты болатынына сенімдімін. Себебі, біздің аудитория үшін спорт тақырыбы маңызды. Агенттіктің мультимедиялық мүмкіндіктері, заманауи баспасөз орталығы футбол аясындағы ауқымды шаралар мен елдегі жетекші клубтың жетістіктері жайлы түрлі форматта ақпарат таратуға қабілетті", - деп атап өтті Виктор Панов.

Руководитель представительства МИА Россия сегодня в Казахстане Виктор Панов
© Sputnik / Абзал Калиев
"Россия сегодня" ХАА Қазақстандағы өкілдігінің жетекшісі Виктор Панов

"Біз Sputnik Қазақстанмен келісім жасағанымызға қуаныштымыз. Бұл біздің клуб айналасында медиа-кеңістіктегі жұмыс процесін дұрыс үйлестіруге қарай жасалған үлкен қадам. Sputnik өзін Қазақстанда, жалпы ТМД аумағында сенімді серіктес ретінде танытып үлгерді. Біз жаңа биіктерді бірге бағындыратынымызға сенемін", - деді өз кезегінде Давид Лория.

Исполнительный директор футбольного клуба Астана Давид Лория
© Sputnik / Абзал Калиев
"Астана"ФК атқарушы директоры Давид Лория

Sputnik Қазақстан 2016 жылдың қыркүйегінде өз жұмысын бастады. Оның активтері қатарында қазақ және орыс тілдеріндегі ақпараттық портал, интернет-радио және жоғары технологиялық мультимедиялық баспасөз орталығы бар. Sputnik Қазақстан Sputnik халықаралық ақпарат агенттігі және радиосының бір бөлігі.

Sputnik – 31 тілдегі мультимедиялық интернет-сайтты, әлемнің 90-нан астам еліндегі аналогтық және цифрлық радиохабар тарату жүйесін біріктіретін ірі халықаралық БАҚ-тың бірі. Sputnik ағылшын, араб, испан, қытай және парсы тілдерінде әлемнің жетекші басылымдарын тәулік бойы ақпаратпен қамтиды. Sputnik "Россия сегодня" медиатобының құрамына кіреді. Sputnik бас кеңсесі Мәскеуде орналасқан.

2009 жылы құрылған "Астана" футбол клубы – Қазақстан футболындағы беделді клубтардың бірі. Оның қоржынында әлем чемпионатының 6 жүлдесі бар. Ол үш рет Кубок иеленіп, бес рет Қазақстан Суперкубогінің жеңімпазы атанды. Бұдан бөлек, "Астана" ФК Чемпиондар лигасының бірінші топтық кезеңіне өткен қазақстандық алғашқы клуб. Ол Еуропа Лигасының топтық кезеңінде үш рет өнер көрсетті. Ал 2017/2018 маусымында осы турнирдің 1/16 финалында алаңға шықты.

41
Олег Дмитриев

Материал қызықты болу үшін оны қалай жариялау керек SputnikPro кеңес береді

23
(Жаңартылды 21:15 03.02.2021)
Sputnik халықаралық ақпарат және радио агенттігі SputnikPro білім беру жобасының онлайн сессиялары сериясын жалғастырады. Модульге қатысуға қазақстандық журналистер шақырылып отыр

НҰР-СҰЛТАН, 3 ақпан – Sputnik. 5 ақпан күні сағат 16:00-де (Нұр-Сұлтан уақытымен) "Материал қызықты болу үшін оны қалай жариялау керек" деген тақырыпта SputnikPro білім беру жобасының онлайн-сессиясы өтеді. 

Шеберлік сағатында "Россия сегодня" медиа тобының кеңесшісі, колумнист Олег Дмитриев қалай тақырыпты "тарылтып", деректерді дұрыс таңдауға болатынын айтады.  

 "Жас журналистер жиі қателік жіберіп жатады: олар барлық фактіні жазып, тақырыпты "тарылтуға" тырыспайды. Мұндай жағдайда оқырман жалығып кетуі мүмкін – фактілердің көптігінен оны "қорыта" алмайды. Шеберлік сағаты кезінде қалай оқырманды қызықтыруға болатынын айтамыз", - деп атап өтті Дмитриев.  

Модульге қатысу үшін мына сілтеме бойынша тіркелу керек.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

23
Видеооператор на футбольном поле

Неліктен спортшының жеке өмірі спорттың өзіне қарағанда көбірек қызығушылық тудырады

41
Танымал адамдардың да жеке өмірі жеке болып қалуы тиіс. Журналист әрқашан әдеп нормаларын сақтауға міндетті, қиын жағдайға тап болған адамды аяқтан шалмау керек – SputnikPro сарапшысының ұсыныстары

НҰР-СҰЛТАН, 13 қараша – Sputnik. Ресейлік танымал журналист, тележүргізуші және спорт комментаторы, сондай-ақ "Россия сегодня" медиа тобының атқарушы директоры Василий Конов жақын шетелдердің журналистеріне спорттағы спорттық емес жанжалдарды қалай жариялау керектігін айтып берді.

"Дзюбаға қатысты айтар болсақ, оны бірнеше кезеңге бөліп қарауға болады. Бірінші кезеңде видео иелері – қылмыскерлер блогерлерге, телеграмшыларға, бұқаралық ақпарат құралдарына ықпалды адамдарға осы видеоны сатып алуды ұсына бастады. Есі дұрыс адамдардың ешқайсысы бұл видеоны эксклюзивті негізде жариялауға сатып алуға келіспеді. Өйткені бұл жағдайда қылмысқа серіктес болып кететінін бәрі түсінеді", - деп атап өтті ол.   

Сонымен бірге Василий Конов қылмыскерлер жасаған қылмысы үшін – жеке өмірге араласқаны үшін заң алдында жауап беруі керек деген пікірде.  

Кейінірек видео чаттар, Telegram каналдары және әлеуметтік желілер арқылы жылдам тарала бастады.

"Осы кезде ол бірден БАҚ-та жарияланып кетіп, біз бірінші мәселеге тап болдық: оны жариялау қажет пе еді, өйткені осылайша сіз белгілі бір дәрежеде заң бұзған қылмыскерлерге алаң ұсынасыз", - деп түсіндірді сарапшы.

Оның айтуынша, көптеген БАҚ интимді видео шыққан сәттен бастап таңертеңге дейін дамыл көрмеген.

"Бірақ Р-Спорт, Чемпионат және басқа да танымал басылымдар видео туралы жаңалық жарияламады, олар Артем Дзюба өзінің Instagram парақшасын осы жағдайға байланысты жауып тастағанын ғана хабарлады. Sports.ru ресми ақпарат – Станислав Черчесовтың мәлімдемесі пайда болғанға дейін үнсіз қалды. Бұл болған жағдайға алғашқы ресми реакция болды", - деді Василий Конов.

Осыған қарамастан, Ресей құрамасының капитанына қатысты жағдайды "толықтай жариялаған" ресурстар болды.

"Бұл жерде бір нәрсе маңызды: БАҚ қылмыскерлерге көмектесе бастағанда, шын мәнінде БАҚ сыбайласқа айналады. Сондықтан, видео үзіндісін, видео скриншотын көрсету, менің ойымша, шектен шыққандық, оған жол беруге болмайды", - деп баса айтты спикер.

Бұл жағдайда Василий Конов кәсіби әдеп шеңберінде өте қиын жағдайға тап болған спортшыға құрметпен қарауға кеңес береді. Оның пікірінше, журналистерге заңгерлердің немесе қылмыскерлердің құрбаны болған жандарды қандай да бір жолмен қорғап жүргендердің пікірін жариялауға болады.

SputnikPro білім беру жобасының жиырма сегізінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

41
ҰҚШҰ оқу-жаттығуы

ҰҚШҰ-ға әскери оқу-жаттығулар не үшін қажет?

0
Ұжымдық қауіпсіздік туралы шарт ұйымы халықаралық терроризм мен НАТО-ның деструктивті әскери белсенділік қаупі артып келе жатқан қазіргі жағдайда өзінің қорғаныс әлеуетін сәтті дамытып, бірлескен жаттығуларды тұрақты өткізіп келеді

ҰҚШҰ-ның жауапкершілік аясындағы әскери-саяси ахуал әлі де күрделі болып отыр. АҚШ-тың Еуропадағы әскери күшінің кеңеюі, бірқатар батыс мемлекетінің коалициялық және ұлттық әскери әлеуетінің күшеюі, Ауғанстан мен Сириядағы қарулы қақтығыстардың өршуі, халықаралық терроризм мен діни экстремизм ұйым мүшелеріне қауіп төндіруде. Ұжымдық қауіпсіздік жүйесі қауіп-қатерлерге бірлескен әскери дайындық шаралары арқылы жедел жауап беріп отыр. Бұл туралы 25 ақпанда Мәскеуде өткен баспасөз конференциясында ҰҚШҰ Біріккен штабының басшысы генерал-полковник Анатолий Сидоров мәлімдеді.

Американың жаңа әкімшілігі "Стратегиялық шабуылдау қаруын шектеу туралы шартты" ұзартты. Дегенмен, Шығыс Еуропада АҚШ-тың зымыранға қарсы қорғаныс жүйесі дамып жатыр. Румыниядағы (Девеселу) зымыранға қарсы қорғаныс базасына қосымша ретінде 2022 жылы Польшада (Редзиково) осы тектес тағы бір нысан пайда болады. Дәл осы позицияда ұшу қашықтығы 2000 километрден асатын "Томагавк" қанатты зымырандарын қолдану басталуы мүмкін.

Польшадағы, Балтық жағалауындағы елдердегі, Болгариядағы және Румыниядағы әскери базаларда Пентагонның қару-жарақтарын, әскери техникасы және материалдарын жүйелі түрде жинақтау жалғасуда. Вашингтон мен Варшава арасындағы қорғаныс саласындағы кеңейтілген ынтымақтастық туралы келісім поляктердің жерінде 20 мыңға дейін америкалық әскерді тұрақты орналастыруға арналған инфрақұрылым нысандарын салуды көздейді.

ҰҚШҰ елдері Шығыс Еуропа, Орталық Азия және Кавказ бағыттарындағы сын-қатерлерге жауап беруге мәжбүр. 2021 жылғы әскери оқу-жаттығулар антитеррористік бағытта ұйымдастырылып, жауынгерлік дағдыларды жетілдіруге және ҰҚШҰ қорғаныс әлеуетін арттыруға бағытталған.

Тәжікстан Республикасының аумағында өтетін "Мызғымас бауырластық-2021" бірлескен жедел-стратегиялық оқу-жаттығулары маңызды шараға айналмақ. Бұл шара ҰҚШҰ Ұжымдық күштерінің түрлі компоненттерін даярлауды біріктіретін болады.

Орталық Азия аймағындағы оқу-жаттығулар кезінде Ұжымдық күштер тобы алдын ала жоспарға сәйкес ҰҚШҰ аумағына халықаралық террористік ұйымдардың содырлары кіруіне кедергі келтіріп, оқ-дәрі мен қару тасымалдау жолын кеседі. Одан кейін РФ аумағында ҰҚШҰ Бітімгерлер күшімен "Мызғымас бауырластық-2021" бірлескен оқу-жатығулары өтеді.

Сондай-ақ, Мәскеуде Ұйымның дағдарыстық әрекет ету орталығында ҰҚШҰ Бас хатшысының жетекшілік етуімен ұйымға мүше мемлекеттердің министрліктері және ведомсвтолары қатысқан бірлескен іскерлік "ойын" өтеді. ҰҚШҰ әскери дайындығы мен оқужатығулары үшін бұл шаралар тым көп емес пе?

Америкалық топтың Шығыс Еуропа бағытындағы шабуыл күшінің өсуі Беларусь пен Ресей үшін нақты қауіп-қатер болып отыр. Мұнда "Күшейтілген озық қатысу", "Атлантикалық батылдық" және Балтық елдерінің әуе кеңістігін қорғау миссиясында бір уақытта 12 мыңнан астам НАТО әскері жұмылдырылған.

Сонымен қатар, "Солтүстік" (Латвия), "Солтүстік-Шығыс" (Польша), "Оңтүстік-Шығыс" (Румыния) көпұлтты дивизиялар штабы құрылды. Румынияда көпұлтты корпустың штабын орналастыру бойынша келіссөздер жүріп жатыр. 2020 жылдың қарашасында Кентукки штанынан келген АҚШ құрлықтағы әскерінің 5-ші армия корпусы штабының жұмысы Польшада қайта жаңғыртылды. Литва қарулы күштерінің "Пабраде" полигонында Беларусь Республикасының мемлекеттік шекарасына жақын маңда америкалық танк батальоны орналастырылды.

НАТО барлау мүмкіндіктерін арттырап, ядролық әлеуетті соғыс жағдайында қолдануға дайын ұстап отыр.

НАТО қызметінің негізгі бағыттары Вашингтонның тікелей бақылауымен орындалады. Аййта кету керек, "ресейлік агрессияны ұстап тұруға" дайындық ұйымның барлық дерлік доктриналық құжаттарында бекітілген. Ақ үйдің сыртқы саясатының басты бағыты әскери күш қолдану арқылы әлемдік көшбасшылықты қамтамасыз ету екеніне күмән жоқ.

Орталық Азия аймағында ҰҚШҰ елдеріне негізгі қауіп-қатерлер террористік исламшыл топтар тарапынан болып отыр. Генерал-полковник Анатолий Сидоровтың айтуынша, "Талибан" қозғалысының (Қазақстан Республикасында тыйым салынған террористік ұйым) қатарындаға содырлар саны  70 мыңға жуықтайды және олардың шамамен 15 мыңы Тәжікстан мен Өзбекстанға іргелес солтүстік аймақтарда әрекет етеді. Тәлібтер Ауғанстан Ислам Республикасының ауқымды бөлігін бақылауда ұстап, елдің қазіргі билігін құлатуға және "Ауғанстан Ислам Эмиратын" қайта құруды көздейді.

Аймақтағы қауіпсіздікке "Ислам мемлекетінің" Ауғанстандағы филиалы – "Вилаят Хорасан" (Қазақстан Республикасында тыйым салынған террористік ұйым) да қауіп төндіруде. Оның құрамында 4 мыңға жуық содыр бар. Бұл жасақтар шығыс және солтүстік провинцияларда аса белсенді. Лаңкестер Тәжікстан және Пәкістанмен шекаралас аудандарға бақылау орнатып, ыңғайлы плацдарм құруды және одан әрі Орталық Азия мемлекеттерін басып алуды көздейді.

Ауғанстанда сонымен қатар "Өзбекстан ислам қозғалысы", "Әл-Каида", "Шығыс Түркістанның ислам қозғалысы" террористік топтары бар. Оның құрамындағы содырлар саны барлығы 2 500-ге жуық.

Кавказ аймағындағы ұжымдық қауіпсіздікте Грузияның НАТО-мен әскери ынтымақтастығының артуы, өңірдегі АҚШ-тың әскери қатысуы байқалады. Жақында Брюссельде өткен кездесулер нәтижесінде ел билігі мен Солтүстік Атлантикалық Альянс "НАТО – Грузия шараларының маңызды пакеті" толықтырылды. Тараптар 2021 жылы бірлескен жедел және әскери дайындық іс-шараларын арттыру жөнінде келісті.

0