АСТАНА, 26 жел — Sputnik. Ақмола облысында Астанадан Петропавлға аттанған қалааралық автобус тас жолда қалып қойды, жолаушылар эвакуацияланды деп хабарлады төтенше жағдайлар жөніндегі департамент Sputnik Қазақстан агенттігіне.
Ведомство мәліметінше, Шортанды ауданындағы Астана-Бурабай курорты автобанында Volvo автобусы жанармай жетіспегендіктен тоқтап қалды.
Жедел қызметтер мен полиция 20 жолаушыны жол бойындағы кафеге жеткізді, зардап шеккендер мен құрбандар жоқ.
Бұдан бұрын Петропавлда төменнен соққан қатты боранның кесірінен ұшақ қона алмай, Көкшетау аэродромына баруға мәжбүр болған еді.
