Көлік ұрлау оқиғасы

Алматыда 15 жастағы жасөспірім 12 көлік ұрлаған

205
(Жаңартылды 14:59 15.12.2017)
Алматыда түнде екі көлік ұрлау жайты анықталды

АСТАНА, 14 желтоқсан — Sputnik. Алматыда түн ішінде екі көлік ұрлау жайты анықталып, қос жүргізуші де ұсталды, деп хабарлайды куәгерлер Sputnik Қазақстан агенттігіне.

Бірінші қылмыс сол күні түнде болып, Mazda көлігінен айырылған азамат полицияға арыз беріпті. "Боран-95" полиция экипажы күдікті көлікті байқап, тоқтатады, алайда рөлде отырған жігіт қашып кетуге тырысқан.

Қылмыскер Абай даңғылы бойында, Алтынсарин көшесіне жетпей ұсталды. Ол 2002 жылы туған жасөспірім болып шықты. Ұсталған жасөспірім мойындағандай, Mazda маркалы көлігін 12-ші рет ұрлап отыр екен. Сөзіне сүйенсек, бұл жолы көлік ұрлауға оқиға орнынан қашып кеткен досы көндіріпті.

Екінші көлік ұрлаушы Райымбек және Сүйінбай көшелері бойында ұсталды. Mercedes жүргізушісі Сүйінбай көшесі бойымен келе жатып, рөлге ие бола алмай, нәтижесінде көлік әуелі көпір тірегіне, содан соң қоршауға соғылып, бұзып жарып, ақыры жол ортасында тоқтап қалған.

  • Көлік ұрлау оқиғасы
    Көлік ұрлау оқиғасы
    © Sputnik / Предоставлено очевидцами
  • Көлік ұрлау оқиғасы
    Көлік ұрлау оқиғасы
    © Sputnik / Предоставлено очевидцами
  • Көлік ұрлау оқиғасы
    Көлік ұрлау оқиғасы
    © Sputnik / Предоставлено очевидцами
  • Көлік ұрлау оқиғасы
    Көлік ұрлау оқиғасы
    © Sputnik / Предоставлено очевидцами
  • Көлік ұрлау оқиғасы
    Көлік ұрлау оқиғасы
    © Sputnik / Предоставлено очевидцами
1 / 5
© Sputnik / Предоставлено очевидцами
Көлік ұрлау оқиғасы

Жол апаты салдарынан рөлде отырған ер адам зардап шекті. Полиция қызметкерлері анықтағандай, көлік он күн бұрын Алмалы ауданында ұрланған екен. Жүргізуші ұсталып, Алмалы АІІБ-не жеткізілді.


205
Сот отырысы, архивтегі сурет

Жарамсыз әуе айлағын 240 миллион теңгеге сатып алған экс-әкімге сот үкімі шықты

17
2020 жылдың қарашасында Павлодар облысы Баянауыл ауданының бұрынғы әкімі сыбайлас жемқорлық жасады деген күдікке ілінді

НҰР-СҰЛТАН, 22 қаңтар – Sputnik. Павлодар облысы Баянауыл ауданының бұрынғы әкімі Оразгелді Қайыргелдинов үш жарым жылға бас бостандығын шектеу жазасына кесілді, деп хабарлайды Sputnik Қазақстан тілшісі.

Бұл туралы сыбайлас жемқорлыққа қарсы іс-қимыл агенттігінде өткен брифингте айтылды.

"2021 жылы 18 қаңтарда Баянауыл аудандық сотының үкімімен ауданның бұрынғы әкімі Қайыргелдинов 3 жыл 6 ай мерзімге бас бостандығын шектеуге сотталды", – деді агенттіктің аса маңызды істер жөніндегі тергеушісі Данияр Биғайдаров.

Қайыргелдинов лауазымдық өкілеттігін теріс пайдаланды деп айыпталды.

Экс-әкім Баянауыл ауданының коммуналдық меншігіне кәсіпкерден пайдалануға жарамсыз әуе айлағын заңсыз сатып алған.

Осылайша мемлекетке 240 миллион теңге сомасында шығын келтірді.

Оқи отырыңыз: Тоңазытқыштағы нәресте өлімі: сот залында шу шықты – видео

Еске салсақ, 2020 жылдың қарашасында Павлодар облысы Баянауыл ауданының бұрынғы әкімі Оразгелді Қайыргелдинов сыбайлас жемқорлық жасады деген күдікке ілінді.

Оған қатысты қамауға алу түрінде бұлтартпау шарасы таңдалған еді.

Оразгелді Қайыргелдинов Баянауыл әкімі қызметін 2016 жылдан 2019 жылға дейін атқарды.

17
Кілт сөздер:
экс-әкім, сот үкімі
Тақырып бойынша
Екі судья мен полицейге қатысты тергеу басталғаны хабарланды
Риддердегі атышулы жол апаты: әкім орынбасары сот алдына келеді
Түркістан облысында әкім орынбасарын атып кеткендер сот залынан босатылды
Баянауыл туристерді қабылдай ма – бақылау тобының қорытындысы жарияланды
3 миллионға әжетхана салған экс-әкім ірі көлемде айыппұл төлейтін болды
Құжаттар, архивтегі сурет

Қазақстандық шенеунік қызметке тағайындау үшін 2 млн теңге пара алды

45
Қазіргі таңда күдікті сотқа тапсырылды. Оның кінәлілік дәрежесіне қатысты түпкілікті шешімді сот шығарады

НҰР-СҰЛТАН, 22 қаңтар – Sputnik. Жамбыл облысында қол астындағы қызметкерін жаңа қызметке тағайындау үшін 2 миллион теңге пара алған шенеунікке қатысты іс тергелді, деп хабарлайды Sputnik Қазақстан тілшісі.

Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Биғайдаров Жамбыл облысының сыбайлас жемқорлыққа қарсы қызметі тергеп жатқан іс туралы айтты. Оның сөзіне қарағанда, еңбек, әлеуметтік қорғау және көші-қон комитеті департаменті басшысына қатысты қылмыстық іс қозғалған.

Ол  алаяқтық жасап, департамент басшысының орынбасары лауазымына тағайындауға жәрдемдесу үшін қол астындағы қызметкерінен 2 миллион теңге пара алды деп айыпталып отыр.

"Қазіргі таңда күдікті сотқа тапсырылды. Оның кінәлілік дәрежесіне қатысты түпкілікті шешімді сот шығарады", - деді Биғайдаров.

45
Кілт сөздер:
пара, шенеунік, Қазақстан
Тақырып бойынша
Парамен ұсталған шенеунік өзенге секіріп кетті - видео
Желіде қаскелеңдік шенеуніктің видеосы тарап кетті – әкімдік түсініктемесі
Биыл бірқатар шенеуніктің қылмысы әшкере болды – ұстау операциясының видеосы
Қытайлық шенеунік COVID пандемиясы шын мәнінде қалай басталғанын айтып берді
Шенеунік мектеп құрылысына бөлінген 60 млн теңгені ұрлаған –  сот үкімі шықты
COVID-19 ауруханасы

COVID-19 ауруханасы төңірегіндегі дау: жемқорлыққа қарсы агенттік түсініктеме берді

0
(Жаңартылды 18:36 22.01.2021)
18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды

НҰР-СҰЛТАН, 22 қаңтар – Sputnik. Сыбайлас жемқорлыққа қарсы іс-қимыл агенттігі Алматыда инфекциялық аурухана салу кезінде бюджет қаражатын жымқыру туралы іске түсініктеме берді, деп хабарлайды Sputnik Қазақстан тілшісі. 

"Қылмыстық іс ішкі мемлекеттік аудит актісі бойынша тіркелді. Тергеу барысында келтірілген нақты шығынды анықтау үшін актілер тексеріс жүргізу үшін тіркеледі. Ақшаның ұрланып-ұрланбағанын және сомасын анықтау үшін тиісті сараптамалар тағайындалады. Көп жағдайда бұрын айтылған шығын сомасы расталмай жатады, тіпті, істер тоқтатылған кездер де болған", - деп түсіндірді агенттіктің аса маңызды істер жөніндегі тергеушісі Данияр Биғайдаров брифингте. 

Айтуынша, қазір қылмыстық іс тергеліп жатыр. 

"Тергеу барысында ақша шынымен жымқырылды ма, жоқ әлде бұл қандай да бір заңбұзушылық па, мұның бәрі анықталады", - деп нақтылады ол.

Жемқорлыққа қарсы агенттік тергеу барысы туралы қосымша ақпарат береді. 

"БАҚ-та резонанс туғызбауды өтінеміз. Бұл акті бойынша әдеттегі тіркеу, бізде ондай көп. Тергеу барысы туралы қосымша хабарлаймыз", - деді Биғайдаров. 

COVID-19 ауруханасы төңірегіндегі дау

18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды. Сонымен қатар, бұл іске "Bi-Industrial" ЖШС директорының да қатысы бар екені айтылды.

БАҚ хабарлағандай, олар COVID-19 науқастарына арналған модульдік аурухананы салу кезінде 3,9 миллиард теңге жымқырды деген күдікке ілінді.

Күдіктіге қатысты Қылмыстық кодекстің 189-бабы "сеніп тапсырылған бөтен мүлікті иемденіп алу немесе талан-таражға салу" бойынша қылмыстық іс қозғалғаны хабарланды. 

Бұл бап бойынша мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып немесе жеті жылдан он екі жылға дейінгі мерзімге бас бостандығынан айыру жазасы қарастырылған.

Бұған дейін БАҚ-та Сапар Нұрашевтың ұсталғаны туралы ақпарат тарады. Алайда қала әкімдігі мұны жоққа шығарды. 

Алматы әкімінің баспасөз қызметі Сапар Нұрашевтың өз жұмыс орнында екенін растайтын видео түсірді.

 

0
Кілт сөздер:
түсініктеме, жемқорлық, коронавирус