АСТАНА, 27 сәуір — Sputnik. Өскеменде полиция патрулі гүлзар қоршауына соғылып қалды.
Жергілікті тұрғындар тәртіп бұзылғандығы жөнінде хабарлап, полиция сол мекенжайға асығып бара жатқан екен. Алайда олар оқиға орнына жетпей апатқа ұшырады.
"Таңғы алтыда көлік Гагарин гүлзарындағы қоршауға соғылды. Жүргізуші рөлге ие бола алмай қалған", — деп мәлімет берді ШҚО ішкі істер департаменті баспасөз қызметі.
"Алтай Ньюс" басылымы жазғандай, жүргізуші полицейге қатысты әкімшілік хаттама толтырылған, қызметтік тексеру басталып кеткен.
Жол апаты салдарынан полицейлер зардап шеккен жоқ.
