қан

Қостанай облысында қасапшы жігіт әпкесін асқан қатыгездікпен өлтірген

2626
(Жаңартылды 17:03 06.05.2018)
Немере әпкесін асқан қатыгездікпен өлтірген ауыл тұрғыны сот алдына келді

АСТАНА, 5 мамыр — Sputnik. Қостанайда қылмыстық істер жөніндегі мамандандырылған сотта әпкесін пышақтап, артынша басын кесіп тастаған ауыл тұрғынына қатысты іс бойынша алдын ала тыңдау өтті, деп жазады kstnews.kz. 

Оқиға өткен жылдың 24 желтоқсанында Қарабалық ауданына қарасты Славенка ауылында болған. Сотталушы – 30 жастағы төрт баланың әкесі Құсбек Алмағамбетов. Оның қолынан қаза болған әйел – немере әпкесі 45 жастағы Күлмар Бекбосынова. Келіншек күйеуінен ажырасып, әкесінің ағасы мен оның баласының үйінде уақытша тұрып жатқан. 

Алмағамбетов еш жерде жұмыс істемейді. Бірақ ауылда қасапшылықпен нәпақа тапқан. Сол күні таңертең жылқысын сойып берген Құсбекке ауылдасы 8 мың теңге төлейді. Жолшыбай әкесі екеуі бір бөтелке арақ пен балаларға тәттілер алады. Кейін оларға көршісі қосылады, ол да құр қол емес, бөтелкесін ала келген. Бұл аз болып, сол күні олар дүкенге тағы екі рет барады. 

Кешке сағат он шамасында дастархан басында бірге ішіп отырған туысқандар арасында жанжал шығады. Құсбек пен Күлмар қорадағы малдың қайсысын соятынын келісе алмай, қызылкеңірдек болып дауласады. Ақырында інісі қолына пышақ алып, әпкесінің арқасына алты рет пышақ салады. Кейін сарапшылар анықтағандай, әйел ауыр жарақат алғанымен, Алмағамбетов оның басын кесіп алып жатқанда тірі болған. Ол қансырап өледі.

Бұл қанды оқиға отбасының көзінше болған. Едәуір уақыт өткеннен кейін ғана балаларымен басқа бөлмеде тығылып қалған Құсбектің әйелі полицияға хабар береді. 

Тергеудің басында Алмағамбетов асқан қатыгездікпен адам өлтіргенін мойындайды. Кейін ол сөзінен айнып қалады. Ал алдын ала тыңдау барысында психологиялық қысым болғанын, сондықтан кінәні мойнына алғанын айтып, жаңа биологиялық сараптама жасауды талап етеді. Айтуынша, әйелдің және өзінің киімі мен пышақта кімнің қаны – оның немесе әкесінің қаны болғанын анықтау керек. Бірақ айыптаушы тарап қосымша молекулалық-генетикалық сараптаманың қажет емес екенін, куәгерлерден жауап алынғанын жеткізді. Күдікті алқабилер сотынан бас тартып отыр. 


2626
Кілт сөздер:
Қостанай облысы, қылмыс, пышақтап өлтірді, басын кесіп тастады, қасапшы жігіт, қанды оқиға, қатыгездік
Сейф

Сейфте 8 млн теңге жатқан: Риддерде әйелдің үйіне ұры түсті

83
Шығыс Қазақстан облысының бұрын істі болған тұрғындары жер үйге кіріп, қолма-қол ақша, ескі тиын, медаль мен жүзік сақталған сейфті ұрлап әкеткен

НҰР-СҰЛТАН, 28 қыркүйек – Sputnik. Риддер қаласының полициясы жер үйден қомақты ақша мен басқа да бағалы заттар сақталған сейфті ұрлап әкеткен екі ер адамды ұстады.

Ұрлық 35 жастағы жергілікті тұрғынның үйінде қыркүйектің ортасында жасалған. Полицейлер қылмысты бейнебақылау камераларының көмегімен ашты, деп хабарлайды polisia.kz.

Екі күдікті таңғы сағат 07.30 бен 09.30 аралығында пластик терезені бұзып, үйге кірген. Үйдің астаң-кестеңін шығарған. Сол сәтте қосалқы үй-жайдағы шағын сейфке көздері түскен. Оны үй ішінде ашуға қорқып, өзімен бірге алып кеткен.

"Сейфте 8 миллион теңге, ер адамдарға арналған алтын сақина, үйдің құжаттары, 1843 жылғы жез тиын, "Еңбегі үшін" медалі болған. Келтірілген материалдық шығынның жалпы мөлшері 10 миллион теңгені құрады", - деп мәлімдеді Шығыс Қазақстан облысы полиция департаментінің баспасөз қызметі.

Күдіктілердің жеке басын анықтап, ұстау үшін полицейлерге бірнеше күн қажет болды. Ұсталғандар 30 жаста, екеуі де жергілікті тұрғын. Бұған дейін бірқатар бап бойынша қылмыстық жауапқа тартылған.

Анықталғандай, ұсталғанға дейін ер адамдар ақшаның бір бөлігін жұмсап үлгерген.

Қазіргі таңда екі күдікті де тергеу аяқталғанға дейін қамауға алынды. Олардың басқа да қылмыстарға қатысы бар-жоғы анықталуда.

Оқи отырыңыз: 

83
Кілт сөздер:
сейф, ақша, Риддер, ұрлық
Архивтегі фото

Қарағандыда досының үйінде бірнеше күн жатқан ер адам кредит алғанын ұмытып қалған

580
(Жаңартылды 16:07 28.09.2021)
"Жәбірленуші" бір ай бұрын туған күнін тойлап жатқан досына қонаққа келіп, бірнеше күн үйінде жатқан

НҰР-СҰЛТАН, 28 қыркүйек – Sputnik. Қарағанды облысында кредит алғанын ұмытып кеткен ер адам полицияға арызданды, деп хабарлайды Polisia.kz.

28 шілдеде Абай ауданының полиция бөліміне елді мекендердің бірінің 43 жастағы тұрғыны хабарласып, белгісіз біреу оның жеке деректерін қолдана отырып, микрокредиттік ұйымнан кредит алғанын айтқан. Келтірілген залал көлемі 76 мың теңгені құраған.

Жәбірленушінің айтуынша, бір ай бұрын туған күнін тойлап жатқан досына қонаққа келіп, бірнеше күн үйінде жатқан. Сол күндері белгісіз біреу ұялы телефонын пайдаланып кредит рәсімдеп алған көрінеді.

Жәбірленуші бұл туралы кредитті төлеу қажеттігі туралы SMS хабарлама алған кезде білгенін айтты.

Аталған факті бойынша Қазақстан Қылмыстық кодексінің 190-бабы (Алаяқтық) бойынша қылмыстық іс қозғалды.

Полицейлер тергеу барысында арызданушы кредитті мас күйде өзі алғанын анықтады. Қылмыс құрамының болмауына байланысты қылмыстық істі тоқтату туралы процессуалдық шешім қабылданды.

Бұрынғы "жәбірленушіге" қатысты 419-бап (Қылмыс жасалғаны туралы әдейі жалған ақпарат беру) бойынша қылмыстық іс қозғалды.  

Оқи отырыңыз:

580
Тоқаев Есеп комитетінің төрағасы Наталья Годунованы қабылдады

Есеп комитетінің басшысы 2022 жылы шығындарды төрттен бірге қысқартуды ұсынды

0
Келесі жылдың бюджет жобасында басым бағыттар бойынша 1,2 триллион теңге көлемінде қаржы қарастырылған

НҰР-СҰЛТАН, 28 қыркүйек – Sputnik. Президент Қасым-Жомарт Тоқаев Есеп комитетінің төрағасы Наталья Годунованы қабылдады.

Мемлекет басшысына 2022-2024 жылдарға арналған республикалық бюджеттің жобасына жүргізілген алдын ала бағалаудың негізгі нәтижелері жөнінде баяндалды, деп хабарлады Ақорданың баспасөз қызметі.  

Наталья Годунованың мәліметіне сәйкес 9 басым бағыт бойынша үш жылда жұмсалатын 3,2 триллион, оның ішінде 2022 жылға жоспарланған 1,2 триллион теңге көлеміндегі қаржыға бағалау жүргізілді. Оның қорытындысы бойынша Есеп комитеті жұмсалатын 1,16 триллион теңгені, оның ішінде 2022 жылға жоспарланған 306,3 миллиард теңгені оңтайландыруды ұсынды. Бюджетті жоспарлау кезінде жіберілген бірқатар кемшілік айтылды. Тиісті органдарға оларды жою жөнінде нақты ұсыныстар берілді.

Сонымен қатар Есеп комитетінің төрағасы жекелеген аудиторлық іс-шаралардың алдын ала қорытындылары туралы айтты.

Кездесу қорытындысы бойынша Қасым-Жомарт Тоқаев мемлекеттік аудит және қаржылық бақылау органдарының қызметін жетілдіру жөнінде бірқатар нақты тапсырма берді.

Оқи отырыңыз:

0