Өңірлер

45 мың теңге үшін жолаушыны буындырып өлтірген. Такси жүргізуші сотталды

© Sputnik / Алексей Вовк / Медиабанкке өтуҚұқық қорғау органдарының қызметкері кісенді шешіп жатыр, архивтегі фото
Құқық қорғау органдарының қызметкері кісенді шешіп жатыр, архивтегі фото - Sputnik Қазақстан
Жазылу
Жолаушысын айуандықпен өлтірген түркістандық такси жүргізуші 19 жылға бас бостандығынан айырылды

АСТАНА, 17 мамыр – Sputnik. Жолаушыны айуандықпен өлтірген түркістандық такси жүргізуші 19 жылға бас бостандығынан айырылды. Қылмыскер алғашқы сот отырысының өзінде-ақ кінәсін толық мойындаған. Бұған қоса 25 жастағы азамат сот процесі барысында тағы бір қылмысын мойындап, бірнеше бап бойынша заң алдында жауапқа тартылды, деп жазды otyrar.kz. 

Сотталушының архивтегі фотосы - Sputnik Қазақстан
Өңірлер
Түркістанда жас келіншекті өлтірген таксист оқиғаның қалай болғанын баяндады

Сот залына келген қылмыскер өзіне тағылған үкімді үнсіз тыңдап, процес біткенше басын көтере алмады. Жолаушысын өлтірген такси жүргізушіні судья 19 жыл бас бостандығынан айырып, жазасын қатаң режимде өтеуге шешім шығарды. Айыпталушы тарап судья шығарған шешімге қарсылық танытпады.

Қылмыскер деп танылған 25 жастағы азаматтың жақындары камера алдында сөйлегісі келмеді. Белгілі болғандай, такси жүргізушінің өзі сот барысында тағы бір кінәсін мойындаған. Мұны ескерген судья екі бап бойынша шешім шығарған. Ал марқұм келіншектің жақындары судьяның шешіміне көңілдері толмады. Айтуларынша, қыздарын айуандықпен өлтірген қылмыскерге кемінде 25 жыл беруі керек дейді.

"Шешімге қанағаттанбадым. Кемінде 20-25 жылға сотталуы керек еді. Мен ешқашан кешірім бермеймін", — деді марқұмның анасы Дариға Айдарова.

Жасөспірім - Sputnik Қазақстан
Такси жүргізуші көлігіне жылынып алу үшін отырған 12 жасар қызды зорлады

Сондай-ақ, судья сотталушыны қаза болған қыздың жақындарына 1 миллион теңге көлемінде моральдық- материалдық шығынды өтеуге шешім шығарды. 

Естеріңізге сала кетейік, із-түзсіз жоғалып кеткен Әйгерім Тасболатованы жақындары екі аптадан кейін өлі тапқан.

Марқұм келіншектің денесі ауылдың шетіндегі қамыстардың арасынан табылған. Куәгерлер соңғы рет қызды таксиге отырған жерінен көрген. Аталған істе күдікті ретінде 25 жастағы такси жүргізушісі ұсталған болатын. Сот кезінде айыпталушы қызды 45 мың теңгесі мен телефоны үшін буындырып өлтіргенін мойындады.


Жаңалықтар
0