Шымкент

Шымкент қаласының мәртебесі туралы тарихи құжатқа қол қойылды

282
(Жаңартылды 15:23 07.06.2018)
Жуырда Шымкент Астана және Алматы қалалары сияқты республикалық маңызға ие болуы мүмкін

АСТАНА, 5 маусым  — Sputnik. Шымкент қаласы әкімдігі мен мәслихат депутаттары қала мәртебесі туралы бірлескен шешім қабылдады, деп хабарлайды әкімдіктің ресми сайты.

Нұрлан Сауранбаев
© Photo : пресс-служба акимата ЮКО/Самат Мырзалиев

Қалалық мәслихаттың кезектен тыс жиырма тоғызыншы сессиясына Оңтүстік Қазақстан облысы әкімі Жансейіт Түймебаев, қала әкімі Нұрлан Сауранбаев, қалалық мәслихат депутаттары мен қала белсенділері қатысқан. 

"Сессияда Шымкент қаласының әкімдігі мен мәслихаты Шымкент қаласына республикалық маңызы бар қала мәртебесін беруге ұсыныс жасау туралы бірлескен шешімге қол қойды. Енді бұл құжат Оңтүстік Қазақстан облыстық мәслихатының қарауына ұсынылады", — делінген хабарламада.

Халық қалаулыларының алдында сөз сөйлеген Шымкент қаласының әкімі Нұрлан Сауранбаев "Сессияда тарихи құжатқа қол қойылды, бұл Шымкенттің республикалық маңызы бар қала мәртебесін алуда ауқымды жұмыстың бастауы болды" деп атап өтті.

  • Шымкент қаласының мәртебесі туралы тарихи құжатқа қол қойылды
    Шымкент қаласының мәртебесі туралы тарихи құжатқа қол қойылды
    © Photo : пресс-служба акимата Шымкента
  • Шымкент қаласының мәртебесі туралы тарихи құжатқа қол қойылды
    Шымкент қаласының мәртебесі туралы тарихи құжатқа қол қойылды
    © Photo : пресс-служба акимата Шымкента
  • Шымкент қаласының мәртебесі туралы тарихи құжатқа қол қойылды
    Шымкент қаласының мәртебесі туралы тарихи құжатқа қол қойылды
    © Photo : пресс-служба акимата Шымкента
  • Шымкент қаласының мәртебесі туралы тарихи құжатқа қол қойылды
    Шымкент қаласының мәртебесі туралы тарихи құжатқа қол қойылды
    © Photo : пресс-служба акимата Шымкента
  • Шымкент қаласының мәртебесі туралы тарихи құжатқа қол қойылды
    Шымкент қаласының мәртебесі туралы тарихи құжатқа қол қойылды
    © Photo : пресс-служба акимата Шымкента
1 / 5
© Photo : пресс-служба акимата Шымкента
Шымкент қаласының мәртебесі туралы тарихи құжатқа қол қойылды

Республикалық маңызы бар қала мәртебесі жаңа мүмкіндіктерге жол ашпақ. Мұндай өзгеріс қаланың дамуына, сондай-ақ, мегаполистің әр тұрғынына да оң әсер алып келеді.

"Алда жоспар көп, олардың барлығы мәслихат депутаттары мен қала тұрғындарының қолдауымен ғана жүзеге асады", — деп Шымкент қаласы әкімі Нұрлан Сауранбаев сессияны қорытындылады.

282
Кілт сөздер:
Шымкент, қала мәртебесі, республикалық маңызы бар қала
Тақырып:
Шымкент жаңалықтары (57)
Шаңды дауыл, маска киген әйел, архивтегі сурет

Сабақ онлайнға ауысты: Маңғыстау облысында шаңды дауыл тұрды видео

2722
Қолайсыз ауа райына байланысты республикалық маңызы бар жолдарда полиция күшейтілген жұмыс режиміне ауысты

НҰР-СҰЛТАН, 24 қыркүйек – Sputnik. Маңғыстау облысының Бейнеу ауданын шаңды дауыл басты. Табиғаттың тосын мінезінен оқушылардың сабағы онлайн болды, ал жүргізушілерге жолда сақ болу керектігі ескертілді.

Бұл туралы жергілікті "Лада" басылымы аудан әкімдігіне сілтеме жасап хабарлады.

Тұрғындар шаңды дауылдың видеосын әлеуметтік желіде таратып жатыр.

Ауа райының күрт нашарлауы салдарынан күндізгі ауысымда оқитын 8451 оқушы мектепке бара алмады.

"Мектеп оқушыларының сабағы онлайн форматқа ауыстырылды. Оқушылардың үйден шықпауын қадағалауыңызды сұраймыз. Қолайсыз ауа райына байланысты аудан аумағы арқылы өтетін республикалық маңызы бар автожолдарда полиция экипажы күшейтілген жұмыс режиміне ауысты", - деді Бейнеу ауданының әкімдігі.

Оқи отырыңыз: 

2722
Кілт сөздер:
Маңғыстау облысы, шаңды дауыл, видео, ауа райы қолайсыздығы
Қар, архивтегі сурет

Жаңбыр қарға ұласады: синоптиктер алдағы үш күнге болжам жасады

1124
Елдің басым бөлігінде ауа райы құбылмалы болады. Бұған солтүстік-батыс және оңтүстік циклонның бірігуі әсер етеді

АЛМАТЫ, 24 қыркүйек – Sputnik. Синоптиктер 25-27 қыркүйек арасында Қазақстанда ауа райы қандай болатынын айтты, деп хабарлайды Sputnik Қазақстан.

Қазгидромет болжамына сәйкес, республиканың басым бөлігінде ауа райы құбылмалы болады. Бұған солтүстік-батыс және оңтүстік циклонның бірігуі әсер етеді. Жаңбыр жауып, республиканың солтүстік жартысы мен шығысында жаңбыр қарға ауысуы мүмкін.

Жел күшейіп, түнде және таңертең тұман түседі.

Батыста ауа температурасы түнде 7-15°C, күндіз 15-25°C-тан 10-20°C-қа дейін төмендейді.

Солтүстік-батыста түнде 3 градус аяздан 5-қа, күндіз 13-23°C-тан плюс 3-13 градусқа дейін төмендейді.

Елдің солтүстігінде және орталығында түнде сынап бағанасы 2-7 аяздан 3-8°C жылыға дейін, күндіз 10-20°C-тан 5-13°C дейін жылы болады.

Шығыста ауа температурасы түнде 5 аяз 5°C жылы, күндіз 7-17°C жылы болады.

Елдің оңтүстігі мен оңтүстік-шығысына келсек, түнде 5-15°C-тан 10-17°C-қа дейін жылы, күндіз 25-32°C-тан 18-25°C-қа дейін төмендейді.

Мегаполистегі ауа райы

Нұр-Сұлтан қаласында 25 қыркүйекте күн ашық, күндіз +12°C жылы, түнде -1°C болады. Ал 26 қыркүйекте күн бұлтты. Түнде +2°C, күндіз +10°C жылы. Ал 27 қыркүйекте қар аралас жаңбыр жауады, түнде +2°C, күндіз + 7°C жылы.

Алматыда 25-26 қыркүйекте күн ашық болады. 25 қыркүйекте ауа температурасы түнде +9°C, күндіз +19°C жылы болады. Ал 26 қыркүйекте түнде +12°C, күндіз +26°C жылы. Дүйсенбіде күн бұлтты, жаңбыр жауады. Түнде +17°C, күндіз +26°C жылы болады.

Шымкентте 25-26 қыркүйекте күн ашық, түнде +13...+16°C, түнде +31...+34°C жылы болады. 27 қыркүйекте жаңбыр жауады, ауа температурасы түнде +18°C, күндіз +23°C болады.

1124
Кілт сөздер:
ауа райы, қар, жаңбыр
Архивтегі фото

Тоқаев қордаланған мәселелерге назар аударды

0
Қазақстаннан Қытайға жүк тасымалдауға қойылған шектеулерге қатысты қордаланған мәселе ұзақ уақыттан бері шешілмей келеді, деді президент

НҰР-СҰЛТАН, 24 қыркүйек –  Sputnik. Мемлекет басшысы Қасым-Жомарт Тоқаев қазақстандық өнімдерді эспорттау саласындағы қордаланған мәселелерге назар аударды, деп хабарлады Ақорданың баспасөз қызметі.

Қасым-Жомарт Тоқаев сауда және интеграция министрі Бақыт Сұлтановтың экспортты ілгерілету жөніндегі жүйелі шаралар туралы баяндамасын тыңдай келе, шикізат экспортын ұлғайту үкіметтің күн тәртібіндегі өте маңызды мәселе екенін атап өтті.  

Оқи отырыңыз: Инфляция бекітілген межеден әлдеқашан шығып кеткен – Тоқаев

Оның пікірінше, экспортқа қатысты кедергілерді жою, экспорттың географиясы мен номенклатурасын кеңейту, ұлттық экономикалық мүдделерді қорғау үшін бүкіл үкіметтің күш-жігерін жұмылдыру керек. Сонымен қатар сыртқы істер министрлігі мен оның шетелдегі мекемелері экспортты ілгерілету, нарықтарға жол ашу және кедергілерді жою жөніндегі жұмыстарға белсенді атсалысуы қажет.

"Қазақстаннан Қытайға жүк тасымалдауға қойылған шектеулерге қатысты қордаланған мәселе ұзақ уақыттан бері шешілмей келеді. Транзиттік жүктер өтеді, ал біздің жүктеріміз шекарада қалып қояды. Қазақстандық тауарлар тиелген мыңдаған вагон бекеттерде тұр. Бизнес тікелей президенттен көмек сұрайды. Мұндай жағдайларда үкімет жедел әрекет етіп, серіктестермен арадағы барлық мәселені реттеуі тиіс", – деді мемлекет басшысы реформалар жөніндегі жоғары кеңестің отырысында.

 Отырыстың күн тәртібінде төрт мәселе қарастырылды. Олар: ұлттық жобалар, тиімді тауар өткізу жүйесін қалыптастыру, экспортты ілгерілету жөніндегі жүйелі шаралар және аумақтық даму жоспарының жобасы.

0