Ішімдік

Қасымов ең "ішкіш" облыстарды атады

481
(Жаңартылды 14:33 15.06.2018)
ІІМ басшысының мәліметінше, Қазақстанда барлық қылмыстың 14 проценті мас күйінде жасалған

АСТАНА, 14 маусым — Sputnik. Ішкі істер министрі Қалмұханбет Қасымов ішімдіктің кесірінен жиі қылмыс жасалатын өңірлерді атады, деп хабарлайды Sputnik Қазақстан тілшісі.

"Елiмiзде iшiмдiкке салыну, отбасылық-тұрмыстық салада қылмыс жасау азаймай тұр. Қазiргi таңда учаскелiк полиция инспекторларының профилактикалық бақылауында 67 мың iшiмдiкке салынған азамат пен 10 мыңнан астам нашар отбасы бар. Мұндай отбасыларда 15 мың бала тәрбиеленiп жатыр. Әдетте, нашар отбасылардағы жанжал адам өлiмi мен басқа да тұрмыстық қылмыстарға әкеп соғады. Елiмiзде 2-3 аса ауыр қылмыс тiркелмеген бiр күн болмайды. Әдетте олар отбасылық-тұрмыстық салада iшiмдiкке салынған адамдар арасында болады. Елiмiздегi барлық қылмыстың 14 процентінің себебi – iшiмдiк", — дедi Қасымов халыққа есеп беру кездесуінде.

Осы орайда министр мас күйiнде жасалған қылмыс деңгейi ең жоғары өңiрлерді атады. 

"Ең жоғары деңгей Ақтөбе облысында байқалып отыр – 28%, Қостанай облысында –  25,5%, Павлодар облысында – 22%, Маңғыстау облысында – 20% және Ақмола облысында –19,5%. Әрине, бiз бақылауды күшейтiп, учаскелiк инспекторлардың жұмысын жетiлдiрiп жатырмыз. Осы салада әкiмдiктермен бiрiгiп, сәйкес шаралар қабылдаудамыз. Мұның басты проблемасы мекемелер саны тым аз әрi адамды емдеуге жiберу үшiн тым көп құжат талап етiледi. Осы мәселенi шешу керек", — дедi министр.

481
Кілт сөздер:
ішімдік, Ішкі істер министрлігі, Қалмұханбет Қасымов
Ыстық ауа райы

36 градус ыстық және жел: ертең ауа райы қандай болады

33
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

33
Кілт сөздер:
Қазгидромет, ауа райы
Улицы Шымкента

Шымкентте карантин талабы өзгерді жаңа қаулы шықты

70
Мегаполистегі карантин және шектеу шаралары 16 мамырдан бастап эпидемиологиялық жағдай тұрақталғанға дейін ұзартылды

НҰР-СҰЛТАН, 15 мамыр - Sputnik. Шымкент қаласының бас санитар дәрігері Әбдіманап Төлебаев жаңа қаулыға қол қойды. Оған сәйкес мегаполис аумағында коронавирустың таралуына байланысты енгізілген шектеу шаралары ұзартылады.

"Шымкент қаласында карантин режимін және коронавирустық инфекцияның таралуының алдын алу жөніндегі шектеу шаралары 2021 жылдың 21 мамырынан бастап эпидемиологиялық жағдай тұрақталғанға дейін ұзартылсын", ​​- делінген құжатта.

Қала тұрғындары мен қонақтарына адам көп жиналатын кез-келген іс-шараларды өткізуге тыйым салынған.

Оқи отырыңыз: Вакцина салдырмағандарға талап өзгерді – Қызылордада жаңа қаулы жарияланды

65-тен асқан адамдардың жүріп-тұруына шектеу қойылады. Көшеде және қоғамдық орындарда әлеуметтік арақашықтық пен маска режимін сақтау керек.

Құжаттың толық мәтінін мына жерден оқуға болады.

70
Кілт сөздер:
Шымкент, карантин, шектеу
Тақырып:
Төтенше жағдай және карантин