Бала

Тірідей жанып кете жаздаған жеткіншектің анасы көршінің егіз ұлдарын айыптайды

781
(Жаңартылды 12:31 24.06.2018)
Денесінің 18 пайызы күйіп кеткен бала үш күн жансақтау бөлімінде жатып, жалпы палатаға ауысты

ТАРАЗ, 22 маусым — Sputnik. Тірідей жанып кете жаздаған жеткіншектің анасы оның үстіне көрші үйдің балалары әдейі от қойған деп есептейді. Сондықтан бұзақылар мен олардың ата-анасын қатаң жауапқа тартқызуды талап етіп отыр, деп хабарлайды КТК арнасы. 

Бұдан бұрын хабарланғандай, Таразда 6 жастағы бала көшеде жүріп отқа оранған. Оны туған ағасы дер кезінде байқамағанда тірідей жанып кетуі мүмкін еді. Жан ұшыра айғайлаған бауырының дауысын естіген ол дереу жетіп арқасындағы лапылдаған отты сөндірген. Зардап шегушінің анасы бұл жағдайға көрші үйдің 7 жастағы егіздерін айыптайды.

"Есін жиғаннан кейін ұлымның өзі айтты. Рома дегені Максимнің үстіне бензин шашып жіберген. Артынша Данил сіріңкені тұтатып лақтырған. Қойыңдаршы деп жалынған, бірақ олар дегендерін істеген", — дейді Максимнің анасы Вера Легостаева.

Вера Легостаеваның айтуынша, көршісі жанармай бекетінде оператор болып істейді екен. Балалар бензинді үйден алып шыққан көрінеді. Оның үстіне, олардың бұзақылықпен көзге түсуі бірінші рет емес деп отыр.

"Меніңше, бұл балаларды ата-анасынан ажыратып, арнайы тәртібі нашар балалар оқитын мектепке беріп, әке-шешесін де қатаң жазалау керек. Мұндай жағдай шетелде болса, дәл осылай жасар еді", — дейді ашынған ана.

Ал егіздедің анасы Наталья тентектерін ақтап әлекке түсті. Оның сөзіне сүйенсек, Максим байқаусызда өзін-өзі өртеп алған. 

"Мұны қанішерлік, әдейі істеді деп айтуға келмейді. Олар ойнап жүріп, ішінде сұйықтығы бар құты  тауып алған. Ішіндегісін екінші ыдысқа  құйып сапырған. Осы сәтте өрт шыққан болуы мүмкін", — дейді ол.

Автокөлік салонында қараусыз қалған бала тірідей өртеніп кетті>>

Денесінің 18 пайызы күйіп қалған Максим үш күн жансақтау бөлімінде жатып, жалпы палатаға бүгін шықты. 

"Баланың қазіргі хәлі тұрақты ауыр деп бағалаймыз. Бір аптадан кейін екінші кезеңдегі операцияға дайындап жатырмыз. Ол операция денедегі күйген терілерді тазалап алу үшін қажет. Содан кейін үшінші кезеңде ол жерге басқа тері жабыстырамыз", – деп мәлімет берді Тараз қалалық №2 ауруханасы күйік бөлімінің меңгерушісі Әбілсейіт Сыдықов.

Максимнің анасы қанша тырысса да, баласына жәбір көрсеткендер жазасыз қалатын сияқты. Себебі  кінәлі екені дәлелден жағдайда жас ерекшелігіне байланысты жауапқа тартылмайды. Дегенмен істің анық-қанығын білу мақсатында тергеу жұмыстары жүргізіліп жатыр.

Өзбекстанда қаскөйлер кәсіпкерді тірідей өртеп жіберді>>

Мектептегі жөндеу жұмысы кезінде мұғалім күйіп қалды>>

781
Кілт сөздер:
айыптау, жеткіншек, өртеу, Жамбыл облысы, Тараз
Астанадағы қар

Көктайғақ, тұман және қар бүгін ауа райы қандай болады

230
(Жаңартылды 08:36 26.10.2020)
Синоптиктер аптаның алғашқы күнінде өңірлердің басым бөлігінде жауын-шашын болатынын хабарлады

НҰР-СҰЛТАН, 26 қазан — Sputnik. Циклон әсерінен елдің басым бөлігінде жаңбыр мен қар жауады. Оңтүстік-батыс пен оңтүстік-шығыста ғана жауын-шашынсыз. Кей жерлерде тұман, көктайғақ болып, жел күшейеді.

Өңірлердегі ауа райы

қазгидромет орталықтың хабарлауынща, Ақмола, Қостанай, Солтүстік Қазақстан облыстарында тұман, көктайғақ болады. Күндіз Ақмола және Солтүстік Қазақстанда желдің екпіні секундына 23-28 метрге дейін жетеді.

Қарағанды, Шығыс Қазақстан облыстарында да тұман мен көктайғақ. Желдің жылдамдығы - 15-20 м/с.

Қызылорда, Павлодар облыстарында жел күшейеді. Желдің екпіні секундына 25 метрге дейін жетеді. Павлодар облысында - көктайғақ.

Маңғыстау, Батыс Қазақстан, Ақтөбе облыстарында кей жерде тұман болады. 

Атырау, Жамбыл облыстарында жел күшейіп, 15-20 м/с-ке дейін жетеді. Алматы облысында таңертең тұман болады.

Ірі қалалардағы ауа райы

Елордада 26 қараща күні жаңбыр жауады. Сынап бағанасы плюс  4-7 градус шамасында көрсетеді. Желдің жылдамдығы - 7-14 м/с.

Алматыда күн ашық, жел жоқ. 15 градусқа дейін жылы. 

Шымкентте де жауын-шашынсыз, күн ашық, плюс 16 градус.

Тағы оқыңыз: Биылғы қыс қандай болады – синоптиктер болжам жасады

230
Кейуана Гүлсара Байташова 1918 жылы 25 қазанда Қазығұрт ауданының Қарабастау ауылында дүниеге келген

"Жүзден асқан жеті адам бар": Қазығұртта кейуана 102 жасқа толды

276
(Жаңартылды 19:55 25.10.2020)
Жыл сайын кейуананы тек жақындары ғана емес, сонымен қатар жергілікті билік өкілері де құттықтайды

АЛМАТЫ, 25 қазан – Sputnik. Түркістан облысы Қазығұрт ауданында Гүлсара Байташова есімді кейуана 102 жасқа толды, деп хабарлайды Sputnik Қазақстан.

Гүлсара Байташова 1918 жылы 25 қазанда Қазығұрт ауданының Қарабастау ауылында дүниеге келген. Кейуананың әкесі ерте қайтыс болған. Ал анасы шамамен 80 жасында дүниеден өткен, оның жалғыз ғана бауыры бар. Ұзақ жасау қанында бар Гүлсара апаның түп нағашысы 105 жасында қайтыс болған.

Гүлсара Байташова бір ұл, бір қыздан 8 немере мен жиен сүйген, қазір 25 шөбере, 4 шөпшегі бар. Жыл сайын кейуананы тек жақындары ғана емес, сонымен қатар жергілікті билік өкілері де құттықтайды.

"Гүлсара Байташованы және аудандағы басқа да жүз жастан асқан кісілерді тек туған күн кезінде ғана емес, әр мереке сайын құттықтап барамыз. Ол кісілерге де, үйіндегі немерелеріне де сыйлық береміз. Әдетте шай мен тәттілер, орамал апарамыз", - деді Қазығұрт ауданы әкімдігінің баспасөз қызметі.

Сонымен қатар  әкімдік ауданда жүз жастан асқан жеті әйелдің бар екенін айтты. Оның ең үлкені 103 жаста, ал ер адамдар арасында ең қарт кісі 99 жаста. 

"Біздің аудан тау етегінде орналасқан. Таза су, таза ауа. Жергілікті тұрғындар сүт, қымыз, шұбат ішеді. Мұның бәрі осында жасалады. Жақсы экология да әсер етуі мүмкін. Қазығұрт адамдарға тұруға ыңғайлы жер, сондықтан бізде жүз жасайтындар көп", - деді аудан әкімдігінің баспасөз хатшысы.

Айта кетейік, бұған дейін кейуана мен Гүлсара Байташеваның жақындары Sputnik Қазақстан тілшісіне сұқбат берді.

276
Кілт сөздер:
кейуана, Қазығұрт ауданы
Тақырып бойынша
"Жылаған адам көп болды": 102 жасқа келген қазығұрттық кейуананың әңгімесі
"Әлі дәрі ішіп көрген жоқ" 104 жастағы кейуана ұзақ жасаудың құпиясымен бөлісті
Әйелінің соңынан кеткен: түркістандық кейуана 28 жыл көрмеген ұлымен жылап қауышты
"Кіріме дейін жуды": Індетті жеңген 89 жастағы кейуана дәрігерлерге алғыс айтты
Кейуана жат ағымның жетегінде кеткен қызын қайтара алмай жүр
Медицина қызметкері

Өткен тәулікте коронавирус пен пневмониядан алты адам қайтыс болды

0
(Жаңартылды 10:18 26.10.2020)
Жүзден аса науқастың жағдайы ауыр, 18 адам жасанды тыныс алу аппаратына қосылған. Коронавирус инфекциясынан 240 бала ем алып жатыр

АЛМАТЫ, 26 қазан – Sputnik. Өткен тәулікте Қазақстанда коронавирус пен пневмониядан 6 адам қайтыс болды, деп хабарлайды денсаулық сақтау министрлігі.

Ведомствоның хабарлауынша, бес адам коронавирустан қайтыс болды, бір адам коронавирус белгілері бар пневмониядан көз жұмды. Ал өткен тәулікте 26 адамнан коронавирус инфекциясы табылды.

Қазір коронавирус инфекциясынан 3 042 адам ем қабылдап жатыр, арасында 246 бала бар. Стационарларда 2 283 науқас жатыр. 759 адам амбулаториялық жағдайда емделуде. 

Науқастар арасында 119 адамның жағдайы ауыр, 13 науқастың жағдайы аса ауыр деп бағаланып отыр. 18 науқас жасанды тыныс алу аппаратына қосылған.

Пандемия басталғалы коронавирус инфекциясынан 1 825 адам көз жұмды. Бірінші тамыздан бері коронавирус белгілері бар пневмониядан 394 адам қайтыс болды.

0
Кілт сөздер:
коронавирус
Тақырып:
Коронавирус эпидемиясы
Тақырып бойынша
Ғалымдар коронавирус қалай таралатынын видео арқылы көрсетті
Қысқы қолғап коронавирустан қорғай ма – вирусолог жауап берді
Жасанды тыныс алдыру аппаратынсыз коронавирустан емделудің жаңа әдісі табылды
Қазақстандағы коронавирус: комиссия соңғы ақпаратты бөлісті
Нұр-Сұлтанға келген 100-ден астам жолаушы карантинге жіберілді