Балтаның архивтегі фотосы

Қостанайда қонағын балталап өлтірген әйелге жеңіл жаза берілді

333
(Жаңартылды 16:39 28.06.2018)
Елена Жұмабаева балтаны алып, зардап шегушінің басынан алты рет ұрған. Ер адам тіл тартпай кеткен

АСТАНА, 28 маусым — Sputnik. Қостанайда 32 жастағы төрт баланың анасы қасақана адам өлтіргені үшін сегіз жылға сотталды, деп хабарлады alau.kz. 

Қылмыстық іс материалына сүйенсек, қылмыс осы жылдың 5 наурызында Қарасу ауылында жасалған. Кешке Елена Жұмабаеваға таныстары – ер адам мен әйел қонаққа келеді. Олар асханада бірге ішімдік ішкен. Қонақ әйел кішкентай қызымен түн ортасында үйіне кеткен, ал мас қонақ үйдің дәлізінде қалып қойған. 

Үй иесі балаларды ұйқыға жатқызып, есікті жауып келуге сыртқа шығып, еденде жатқан ер адамды көреді. Ол оны шығарып жіберу үшін оятып, орнынан тұрғызбақ болған. Алайда қонақ кеткісі келмей, екеуінің арасында жанжал шығады. Салдарынан Жұмабаева балтаны алып, зардап шегушінің басынан алты рет ұрған. Ер адам тіл тартпай кеткен. Сот Жұмабаеваны кінәлі деп тауып, сегіз жылға бас бостандығынан айырды.

Шымкентте бүтіндей бір отбасын аяусыз өлтірген жігітке сот үкімі шықты>> 

 "Жұмабаеваға сот барынша жеңіл жаза берді. Сот оның кінәсін жеңілдететін барлық жағдайды – тұрғылықты жерінен алынған мінездемені, кәмелетке толмаған балаларының болуын ескерді. Сотталушының мас күйінде болғаны қылмыстық жауапкершілікті ауырлататын мән-жай ретінде қарастырылды. Қылмыс жсалғанға дейінгі және кейінгі іс-әрекеті, істеген ісіне өкінетіні ескерілді", — деп атап өтті судья Алтынай Сағындықова.  

Қазақстанға Грузиядан аса қауіпті қылмыскер жеткізілді>>

333
Бердібек Сапарбаев

Сапарбаев ел арасында тараған өзіне қатысты қауесетке жауап берді

380
(Жаңартылды 15:06 02.12.2020)
Облыс әкімінің сөзіне қарағанда, адамдар осы мәселені Шығыс Қазақстан облысын басқарған кезден бері айтып келеді

НҰР-СҰЛТАН, 2 желтоқсан – Sputnik. Жамбыл облысының әкімі Бердібек Сапарбаев жиектас шығаратын зауыты жоқ екенін мәлімдеді, деп хабарлайды Sputnik Қазақстан тілшісі.

Президент жанындағы орталық коммуникациялар қызметінде өткен онлайн брифингте облыс әкіміне осы мәселеге қатысты сұрақ қойылды. "Жамбыл облысына әкім болып келгелі жиектастар жаппай ауыстырыла бастады. Сіздің жиектас шығаратын зауытыңыз бар ма?", - деді тілшілер. 

Облыс әкімінің сөзіне қарағанда, адамдар осы мәселені Шығыс Қазақстан облысынан бастап сұрап келеді. 

"Маған бұл сұрақты, шамамен, 15 жылдай қойып келе жатқан сияқты. Шығыс Қазақстан облысында (Сапарбаев ШҚО-ның 2009-2014 жылдары басқарды - Sputnik) басталып, Жамбыл облысында жалғасып келеді. Мен Шығыс Қазақстанда жүргенде зауытымның жоқ екенін айтқанмын. Менде зауыт болғанда, бәлкім, әкім болып жұмыс істемейтін едім", - дейді Сапарбаев. 

Осы орайда аймақ басшысы жол құрылысына да тоқталды. Оның айтуынша, жол жөндеу жұмыстары кезінде жиектастың бар-жоғы ескеріледі. Сосын жиектастың сапасына да баса назар аударылады. Осының негізінде оны ауыстыру немесе ауыстырмауға қатысты шешім қабылданады.

"Жол салғанда міндетте түрде жиектас қою қажет. Бірақ басқа жағдайлар да болып жатады. Мәселен, Тараз қаласында кейбір мердігерлер жақсы жиектасты ауыстырған. Сол үшін жазаланды. Себебі жақсы жиектасты қайта пайдалануға болады", - деп атап көрсетті Сапарбаев. 

Әкім халықты айтқан сөзіне сенуге үндеді.

"Тағы айтамын, тексеріп алсаңыз да болады. Менде ешқандай зауыт жоқ. "Сапарбаевтың Алматыда зауыты бар", "Сапарбаев әдейі барлық жиектасты ауыстырып жатыр" деп жазады. Бүгінде нақты норма бар. Соған сәйкес, жиектастар ауыстырылады", - деді Сапарбаев.

380
Кілт сөздер:
Бердібек Сапарбаев
Тақырып бойынша
Жамбыл облысы әкімі Қазан қаласына 20 млн теңгеге ұшып барғаны рас па
Бердібек Сапарбаевтың ұлы жаңа қызметке ауысты
"Шулы мәлімдеме жасап, көзге түспек": депутат Әлтаевтың әрекетін сынға алды
"Айына 100 миллион табады": карантин пайдасын кімдер көріп отыр
"Бұл масқара ғой": Реформалардың нәтижесі Сапарбаевтың ашуын келтірді  
Стоматология

Орал тұрғыны стоматологияда күйіп қалып, ауруханада қайтыс болды

2549
Полицейлер қылмыстық іс қозғап, жәбірленушінің өрт шықпаған ғимаратта қалай күйіп қалғанын анықтап жатыр

НҰР-СҰЛТАН, 1 желтоқсан – Sputnik. Орал стоматологиясында жазатайым оқиға болды, 31 жастағы әйел белгісіз затқа күйіп қалып, ауруханада есін жимастан қайтыс болды.

"Мой город" өңірлік басылымының хабарлауынша, трагедия 30 қарашада "Строитель" шағын ауданында орналасқан стоматологияда болған.

Оқи отырыңыз: Біртанов стоматологияда көз жұмған баланың өліміне қатысты түсініктеме

Батыс Қазақстан облысы ТЖД мемлекеттік өрт бақылау басқармасы бастығының міндетін атқарушы Мереке Жұмағалиев қалалық көпсалалы ауруханаға белгісіз жағдайда күйіп қалған әйел жеткізілгенін айтты.

Өрт шыққаны туралы хабарлама түспегендіктен өрт сөндіру қызметі оқиға орнына жіберілмеген.

"Оқиға орнына Орал қаласы төтенше жағдайлар басқармасының қызметкерлері барды. Стоматология иесі жәбірленушінің стоматология бөлмесін тазартып жатқан кезде белгісіз жағдайда және белгісіз затқа күйіп қалғанын айтты. Материал облыстық полиция басқармасына тапсырылды", - деді Жұмағалиев.  

Батыс Қазақстан облысы денсаулық сақтау басқармасының баспасөз қызметі зардап шегушінің денесінің 80%-ін күйік шалғанын хабарлады. Сол күні әйел алған жарақатынан есін жимастан жансақтау бөлімінде қайтыс болды.

Іске қатысты бірқатар сараптама тағайындалды, сотқа дейінгі тергеу жүріп жатыр.

2549
Тақырып бойынша
Ақтауда балаға күш қолданған стоматолог қамауға алынды
Нұр-Сұлтанда тісін емдеткеннен кейін екі жастағы бала комаға түсті  
вакцина

БҰҰ-да ресейлік вакцина таныстырылады

0
Онлайн іс-шара БҰҰ Бас Ассамблеясы арнайы сессиясының алаңында өтеді, отырыс барысында ресейлік препарат туралы толық ақпарат ұсынылады

НҰР-СҰЛТАН, 2 желтоқсан – Sputnik. Екінші желтоқсанда БҰҰ жанындағы Ресейдің тұрақты өкілдігі және денсаулық сақтау министрлігі коронавирусқа қарсы ресейлік "Спутник V" вакцинасының презентациясын өткізеді.

"Бұл іс-шараға Ресей Федерациясының Денсаулық сақтау министрлігінің басшысы Михаил Мурашко, БҰҰ жанындағы Ресейдің тұрақты өкілі Василий Небензя, Ресей тікелей инвестициялар қорының (РТИҚ) басшысы Кирилл Дмитриев қатысады", - деді РИА Новости агенттігіне тұрақты өкілдіктің баспасөз хатшысы Федор Стржижовский.

Ол "Спутник V: COVID-19-ке қарсы вакцина" виртуалды іс-шарасы БҰҰ Бас Ассамблеясы арнайы сессиясының алаңында өтетінін мәлімдеді. Отырыс барысында ресейлік препарат туралы толық ақпарат ұсынылатын болады.

Ресейдің денсаулық сақтау министрлігі жаздың соңында Гамалея атындағы ұлттық эпидемиология және микробиология зерттеу орталығында әзірленген COVID-19 вирусының алдын алуға арналған әлемдегі ең алғашқы вакцинаны тіркеген болатын. Препаратқа "Спутник V" деген атау берілді. Ол адамның егжей-тегжейлі тексерілген аденовирусты векторлары платформасында дайындалды. Қауіпсіздік, тиімділік және ұзақ мерзімге созылатын жағымсыз әсерлерінің жоқтығы осы әдіспен әзірленген вакцинаның басты артықшылығы болып отыр.

0