Тонаушы

Қостанайда тонаушылар үй иесіне электрошокермен шабуылдаған

70
(Жаңартылды 18:57 16.07.2018)
Қазір күдіктілер қамауда. Сотқа дейінгі тергеу амалдары жүргізіліп жатыр

ҚОСТАНАЙ, 16 шілде — Sputnik. Қостанайда қарақшылар өздерін коммуналдық шаруашылық қызметкерлері ретінде таныстырып, пәтер тонамақ болған, деп хабарлайды Қостанай облысы ІІД баспасөз қызметі.

Ведомство мәліметі бойынша, полицияға жергілікті тұрғын хабарласып, пәтерін белгісіз біреулердің тонамақ болғанын жеткізген. Қарақшылар әуелі коммуналдық шаруашылық қызметкерлеріміз деп танысып, электрошокермен арам ойларын іске асырғысы келіпті. Жәбірленуші оларға қарсылық көрсетіп, ақыры тонаушылар оқиға орнынан қашып кетеді. 

Жедел іздеу шаралары нәтижесінде полиция күдіктілерді ұстады. Олар 31 жастағы әйел мен 37 жастағы ер адам екен.

Қазір аталған тұлғаларға қатысты ҚР ҚК "Қарақшылық" 192-бабы бойынша сотқа дейінгі тергеулер жүріп жатыр. Бұл екеуінің былтыр тамызда Қостанай спорт кешенінен екі миллион теңгенің ұрлануына қатысы бар болып шықты. Күдіктілер қамауға алынған. 

70
Кілт сөздер:
электрошокер, тонаушылық, Қостанай
Дәрігер, архивтегі фото

Талғар аудандық ауруханасының бас дәрігері коронавирустан қайтыс болды

47
Нұрлан Құлсейітов сенбі, 16 қаңтарда өмірден өтті. Ол коронавирус инфекциясынан қайтыс болғаны хабарланды

АЛМАТЫ, 16 қаңтар – Sputnik. Талғар аудандық ауруханасының бас дәрігері Нұрлан Құлсейітов коронавирустан қайтыс болды, оның өкпесі 90-95 процентке зақымданды, деп хабарлады аудан әкімдігінің баспасөз қызметі.

"Жұмыс барысында ол өзін жауапты басшы ретінде танытты. Оның бай тәжірибесі мен кең теориялық және практикалық білімі болды. Отбасы мен жақындарына көңіл айтамыз", - делінген әкімдіктің хабарламасында.

Онда сондай-ақ шамамен тоғыз жыл бұрын Құлсейітов жол апатына ұшырап, бір ажалдан аман қалғаны айтылған. Бұл жағдай оның денсаулығына әсер еткен. Ол инфекциямен 2020 жылдың 30 желтоқсанынан бері күресіп келген.  

Нұрлан Құлсейітов желіде тараған видеодан кейін қайтыс болардан біраз уақыт бұрын тәртіптік жауапкершілікке тартылды.

Роликтен кездесуге қатысушылардың бірі дәрі-дәрмек жетіспеушілігі туралы сұраққа жауап алуға тырысып жатқанын көруге болады.

Бірақ оның сөзі медициналық мекеме басшысының ашуын келтіреді, ол айқайлап, үстелді жұдырығымен бір ұрған. Содан кейін ол жиналыстан кетіп қалады. Осыдан кейін оған тәртіптік жаза тағайындалды.   

47
Кілт сөздер:
коронавирус, бас дәрігер
Тақырып бойынша
Олжас Сүлейменов әйелімен бірге Алматыда ауруханада жатыр
Теңізде коронавирустан емделіп жатқандар саны 700-ден асты
Ер адам коронавирустан емделемін деп өліп кете жаздады
Алматының бас дәрігері тұрғындарға үйден көп шықпауға кеңес берді   
Министрлік коронавирус пен пневмониядан неше адам қайтыс болғанын жариялады
Алматы келбеті, архивтегі фото

Қазақстандық әйел баннердегі сурет үшін әкімдіктен миллион теңге сұрап отыр

90
(Жаңартылды 20:08 16.01.2021)
Коронавирусқа қарсы науқанның символына айналып үлгерген суретті қазір әр қадам сайын кездестіруге болады

НҰР-СҰЛТАН, 16 қаңтар – Sputnik. Алматы облысының тұрғыны Самал Омарова Алматы әкімдігінен өзінің суретін баннерде коронавирусқа қарсы насихат ретінде пайдаланғаны үшін гонорар төлеуді сұрап отыр, деп хабарлады 31 арна.

Бетперде киген қыздың суреті COVID-ке қарсы науқанның символына айналып үлгерді. Ол алғаш рет былтыр көктемде Алматыдағы баннерлерде көзге шалынды. Қазір оны әр қадам сайын – қоғамдық көліктерде, аялдамаларда және ғимараттардың кіреберісінде кездестіруге болады.

Посмотреть эту публикацию в Instagram

Публикация от Информбюро 📺📲🎤 (@informburo31)

Өткен жылы Алматы әкімдігі баннер кейіпкері филиппиндік әйел екенін, ал сурет интернеттен алынғанын мәлімдеді. Бірақ Алматы облысының тұрғыны, қазақ әйел Самал Омарова маңдайшадағы фото өзінікі екеніне сенімді. Оның суретін біреу рұқсатсыз пайдаланған көрінеді.

Самал Алматы облысының Жанашыр ауылында тұрады. Үш қыз тәрбиелеп отыр, сүт зауытында лаборант болып жұмыс істейді. Баннерлерде бетперде киген қыздың суреті пайда болған кезде, оның суретін неге барлық жерге іліп қойғанын бірінші болып Самалдың анасы сұраған. Дәл осы сұрақты күйеуі мен қызы да қойыпты.

Самал оны кім және қашан түсіріп алғанын білмейді. Мұны банкте жасырын жасаған деп топшылайды.    

Самал өзінің бейнесін пайдаланғандықтан гонорар алуға құқылымын деп санайды. Ол жарнама агенттігіне хат жазып үлгерген. Ондағылар әкімдікке жіберіпті.

"Менің фотосуретімнің барлық жерде болғанына қуаныштымын. Жарнамаға алты миллион бөлінген, ең болмағанда маған миллион теңге беруге болады ғой", - дейді келіншек.

Фотограф-дизайнер Максим Леонидов мұндай суреттерді сапалы құралды қолдану арқылы ғана жасауға болатындығын айтады.

"Мұндай суретті банкте адамға байқатпай, жасырын түсіріп алу мүмкін емес. Шынында да, көздері ұқсас. Бірақ филиппиндік модельдің тұтас фотосессиясы бар, онда сәнгер маскасыз да түскен", - деп атап өтті Леонидов.

90
Кілт сөздер:
коронавирус, баннер