Зорлық-зомбылық

Қызылордада анасын өлтіріп, 9 жасар қызын зорлаған оқиғаның мән-жайы

2280
(Жаңартылды 12:12 06.08.2018)
Дастархан басында ішімдік ішіп отырған қонақтардың бірі қыз баланы зорламақ болған

ҚЫЗЫЛОРДА, 30 шілде — Sputnik. Кедей отбасында анасын өлтіріп, тоғыз жастағы қызды зорлап кеткен.

Sputnik тілшісі жазғандай, "Ягодка" бақ шаруашылығы бірлестігінің халық саны – мың шақты адам. Жергілікті тұрғындар қайғылы оқиғаға тап болған жанұяны берекелі, тыныш отбасы деп біледі екен.  

"Үшеуі ғана болатын, — дейді жергілікті тұрғын Вера Асанова. – Анасы, бастауыш сыныпта оқитын қызы және әкесі. Шыны керек, саяжайды жалдап тұрғанына қарағанда, жұпыны отбасы болатын. Әкесі оларды асырау үшін жұмыс істеуге кеткен".

Қайғылы оқиға отағасы жоқ кезде болыпты.

"Білуімізше, саяжайға екі бейтаныс адам қонаққа келді, — дейді Вера Асанова. – Бірлестікке кірер жолда шағын дүкенім бар, қылмыс жасаған қонақ азық-түлік, қызға балмұздақ алып кеткен болатын".

Ягодка бақ шаруашылығы бірлестігінде жолдар салынбаған
© Sputnik / Ляля Лилова
"Ягодка" бақ шаруашылығы бірлестігінде жолдар салынбаған

Дастархан басында ішімдік ішіп отырып, бір кезде қонақтардың бірі қызды зорламақ болады. Анасы баласын қорғауға ұмтылғанда, азғын арам ойын іске асыру үшін әйелді белдікпен буындырып өлтірген.

"Екінші ер адам аулаға жүгіріп шығып, "кісі өлтіргелі жатыр" деп айғайлап көршілерді шақырып, хабар беруін сұрапты", — деп еске алады Вера Асанова.

Күдікті оқиға орнында ұсталды. Әйел адам сол жерде жан тапсырған, ал сексуалды сипаттағы зорлық-зомбылық жасалған қыз ауруханаға жеткізілді.

Жантүршігерлік оқиғаның құрбанын ауыл тұрғындары бірігіп жерлейді, қызына медициналық жәрдем көрсетілген соң, кәмелеттік жасқа толмағандарды бейімдеу орталығына тапсырыпты. Әзірше әкесі оны өз қолына ала алмайды, өйткені тұрақты табысы да, баспанасы да жоқ.

Қызылорда облысы ішкі істер департаменті хабарлағандай, әйел адамды өлтіру және баланы зорлау деректері бойынша Қылмыстық кодекстің 120-бабы 4-тармағы және 99-бабына сәйкес тергеу жүргізіліп жатыр. Ұсталған күдікті 15 жылдан 20 жылға дейін бас бостандығынан айырылуы немесе өмір бойына сотталуы мүмкін.

"Қылмыс жасады деген күдікпен Қызылорда облысы тұрғыны ұсталды, қазір уақытша ұстау абақтысына қамауға алынған", — деп мәлімет берді  полиция.

Тағы оқыңыз: Бес мың педофил мен қанішер бостандыққа шыға ма?— Бас прокуратура жауап берді

"Ягодка" бірлестігінің тұрғындары атқарушы биліктен елді мекендегі ушығып тұрған проблемаға назар аударуды сұрайды.

Жергілікті дүкенде ауыз судың бір бөтелкесі 220 теңге тұрады
© Sputnik / Ляля Лилова
Жергілікті дүкенде ауыз судың бір бөтелкесі 220 теңге тұрады

"Жоғары жаққа" айта-айта, күдерімізді үздік", — дейді бақ шаруашылығы бірлестігінің төрағасы Виктор Быков. – Саяжайлар облыс орталығынан екі шақырымдай жерде орналасқан. Газ құбыры тура қасымыздан өтеді, бірақ электр жарығынан басқадан құр алақанбыз. Ауыз суы, жол жоқ, газ тарту дегенді мүлдем ойға алмайды, облыс әкімдігіне талай өтініш бердік".

Ягодка бақ шаруашылығы бірлестігінің төрағасы Виктор Быков
© Sputnik / Ляля Лилова
"Ягодка" бақ шаруашылығы бірлестігінің төрағасы Виктор Быков

Оның айтуынша, көптеген отбасыға әлеуметтік жәрдем керек, өйткені қалада тұруға жағдайы жоқтар көбінесе саяжайға келіп орналасады. Бұл жерде белең алып тұрған проблеманың тағы бірі – маскүнемдік.

2280
Кілт сөздер:
азғын, педофил, қылмыстық іс, қызды зорлау, кісі өлтіру, ана өлімі, Қызылорда облысы
Тақырып бойынша
Ауылдастары Денис Тенді өлтірді деген Арман Құдайбергенов туралы айтып берді
Шымкентте зорланған баланың әкесі қайтыс болды
Президент ОҚО-да зорланған баланың ісі неге ұзаққа созылып кеткенін айтты
Қорғаныш киіміндегі адамдар

Қазақстанның бірқатар өңірлерінде карантин күшейтілді не өзгерді

1121
Өңірлердің мемлекеттік бас санитар дәрігерлері қалыптасқан эпидемиологиялық жағдайға байланысты жаңа қаулыларды жария етті

НҰР-СҰЛТАН, 24 қазан – Sputnik. Шымкент қаласы мен Ақмола және Қарағанды ​​облысында мемлекеттік бас санитар дәрігер бұйрықтары жарияланды.

Шымкентте карантин мерзімі ұзартылды

Шымкент қаласының мемлекеттік бас санитар дәрігері Әбдіманап Төлебаев карантиндік шектеулерді 2020 жылдың 9 қарашасына дейін ұзарту туралы шешім қабылдады.

Қаулының толық мәтінімен мына жерден танысуға болады.

Ақмола облысында түнде көшеде жүруге болмайды

Ақмола облысының мемлекеттік бас санитар дәрігері Айнагүл Мусина 23:00-ден 6:00-ге дейінгі аралықта облыс аумағындағы елді-мекен тұрғындарының қозғалысын шектеу туралы қаулы шығарды.

Жаңа қаулыдағы бұл ерекшеліктер әкімдік пен полиция, жедел жәрдем мен төтенше жағдайлар қызметі, ауруханалар, санитарлық-эпидемиологиялық қызметтер, өрт сөндіру, әскери қызметшілер, сондай-ақ стратегиялық нысандар мен тіршілікті қамтамасыз ету нысандарын күтіп-ұстауды қамтамасыз ететін жұмысшыларға қатысты емес.

Ал қаулының толық мәтінін мына сілтемеден таба аласыз.

Қарағанды ​​облысында демалыс күндері қандай нысандар жұмыс істейді 

Қарағанды ​​облысының мемлекеттік бас санитар дәрігері Юрий Залыгиннің жаңа қаулысымен қаладағы сауда үйлері мен сауда орталықтарына демалыс күндері 17:00-ге дейін жұмыс істеуіне рұқсат берілді.

Сондай-ақ, жалпы сыйымдылықтың 30%-тен артық мөлшерде адамдардың  шоғырлануына жол берілмейді.

Оқи отырыңыз: Алматыда карантин күшейтіле ме – бас санитар дәрігердің жауабы

Сонымен қатар, сенбі күндері азық-түлік және азық-түліктік емес жабық базарлардың жұмыс істеуіне де рұқсат етіледі.

Қаулының толық мәтінін мына сілтемеден көруге болады.

1121
Кілт сөздер:
шектеу, қозғалысты шектеу, карантин
Тақырып:
Төтенше жағдай және карантин
Тақырып бойынша
Қазақстанның облыстары мен қалаларында карантин күшейтілді: неге тыйым салынды
Алматыда екі күнде карантин талабын бұзған 65 нысан анықталды
Қазақстандағы карантин: комиссия жаңа шешімді жариялады
Маңғыстау облысында карантин жеңілдетілді
Нұр-Сұлтанда карантин күшейтіле ме – әкім астаналықтарға үндеу жасады
Шымкентте вагондар рельстен шығып кетті

Шымкенттегі апаттан кейін пойыз қозғалысы қалпына келтірілді

375
(Жаңартылды 14:31 24.10.2020)
Жолаушылар аударылған вагондарды теміржолдан тазарту жұмыстары аяқталғанша күтті, кейбір пойыздар 8-9 сағатқа дейін кешікті  

НҰР-СҰЛТАН, 24 қазан – Sputnik. Шымкентте вагондардың рельстен шығып кетуіне байланысты уақытша тоқтатылған пойыздар жолға шықты, деп хабарлады төтенше жағдайлар министрлігі.  

Ведомствоның ресми өкілі Талғат Уәлидің айтуынша, қозғалыс сағат 12.49-да қалпына келтірілген. Барлығы 7 жолаушылар пойызы кешікті, атап айтқанда:

  • Шымкент стансасында Ақтөбе – Алматы №34 жолаушылар пойызы 9 сағатқа, Қызылорда – Петропавл №76 пойызы 7 сағатқа;
  • Қорғасын стансасында Қызылорда – Көкшетау № 56 жолаушылар пойызы 5 сағатқа;
  • Қызылсай стансасында Алматы – Ақтөбе №23 жолаушылар пойызы 8 сағатқа;
  • Манкент-2 стансасында Алматы – Шымкент №11 жолаушылар пойызы 5 сағатқа, Нұр-Сұлтан – Сарыағаш №85 пойызы 1,5 сағатқа;
  • Састөбе стансасында Алматы – Ақтөбе № 33 жолаушылар пойызы 1 сағатқа кешікті.

Қозғалысы кешіктірілген пойыздарда 1 393 жолаушы болған. Сонымен қатар, жергілікті атқарушы органдар Шымкент қаласына жолаушыларды тасымалдау үшін 5 шағын автобус пен 2 автобус ұйымдастырды.

Еске сала кетейік, 24 қазан күні түнде 14 вагон жолдан шығып, аударылып кеткен болатын.

375
Кілт сөздер:
пойыз апаты, вагон
Тақырып бойынша
Шығыс Қазақстанда локомотив пен 23 вагон рельстен шығып кетті
Шығыс Қазақстанда он екі вагон рельстен шығып кетті
Павлодарда жүк пойызы электровозбен соқтығысты – видео
Сыртқы істер министрлігінің ғимараты

"Дүрліктіруге ниетті": министрлік атышулы фильмге қатысты түсініктеме берді

152
Сыртқы істер министрлігінің мәлімдемесінде ел азаматтары ашық нәсілшіл шабуылдарға наразы екені айтылады

НҰР-СҰЛТАН, 24 қазан – Sputnik. Фильм авторлары арандату жолымен Қазақстанның мемлекеттік рәміздерін мазақ етіп, дүрліктіруге ниетті, деп хабарлады сыртқы істер министрлігі.

"Арандатушылық мақсатта Қазақстан халқы да, оның мемлекеттік рәміздері де мазаққа ұшыруда. Наразылық нота жолдау мағынасыз, өйткені оның адресаты жоқ. Неғұрлым дүрліктіре берсек, соғұрлым фильм авторлары пайда табады. Үлкен пайда табу авторларды фильмді жалғастыруға итермелейді. Негізінде, фильмде нәсілшілдік пен ксенофобияның айқын формасы бар. Біздің азаматтарымыз ашық нәсілшіл шабуылдарға әділ наразы", – делінген хабарламада.

Айта кетейік, 23 қазанда бір топ жас АҚШ Бас консулдығына жиналып, "Борат-2" фильмінің шығуына қарсы шықты. Олар фильмге тыйым салуды талап етіп, петициясын ұсынды.
Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.

Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы "Борат-2" фильмі туралы пікір білдірген еді. 

Министрдің айтуынша, сенсациялық фильмнің Қазақстанда пайда болуы фактісін елемеуге болмайды. 

"Борат" тарихы

"Журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар жұмсап, оны дайындағандар 261,5 миллион доллар пайда тапты. Тіпті, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.

Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.

Оқи отырыңыз: АҚШ-тың Қазақстандағы елшісі "Борат" фильміне қатысты пікір білдірді

Жаңа трейлер шыққаннан кейін көптеген қазақстандық фильмді теріс бағалады. Осыдан кейін әлеуметтік желіде "Бораттың" жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен фильмге қарсы шығып жатыр.

152
Кілт сөздер:
сыртқы істер министрлігі, Борат