АСТАНА, 12 қыркүйек — Sputnik. Қостанайда жаяу жүргіншілер жолымен өтіп бара жатқан әйел мен оның бас жасар баласын автобус соғып кетті, деп жазады kstnews.kz.
"Зардап шеккен ұл бала бес жаста. Ол ауруханаға жеткізілді, бірден жансақтау бөліміне жатқызылды. Екі күннен кейін баланы травматология бөлімшесіне ауыстырдық. Ол анасымен бірге жатыр. Бассүйек-ми жабық жарақаты, басынан жеңіл деңгейдегі соққы алды", — деді облыстық балалар ауруханасының бас дәрігері Игорь Белобржицкий.
Жол апаты фактісіне қатысты қылмыстық кодекстің "Жол қозғалысы ережелерін бұзу" бабы бойынша сотқа дейінгі тергеу басталды.
