Өңірлер

Екібастұзда екі оқушы түнде бесінші қабаттан құлады, біреуі көз жұмған

CC0 / / Жасөспірімдер
Жасөспірімдер - Sputnik Қазақстан
Жазылу
Екінші қыз қалалық аурухананың жансақтау бөлімінде жатыр

АСТАНА, 13 қыркүйек – Sputnik. Екібастұзда 9-сыныпта оқитын екі қыз бесінші қабаттан құлады. Олардың біреуі жедел жәрдем көлігінде көз жұмған, деп хабарлайды pavlodarnews.kz.

Павлодар облысы ТЖД нақтылағандай, қайғылы оқиға түнгі сағат 3:16-да Бауыржан Момышұлы көшесінің бойындағы бес қабатты үйде болған. Қаза тапқан қыз №23 мектепте оқыған, ал екіншісі – №9.

Көпқабатты үй. Архивтегі фото - Sputnik Қазақстан
Өңірлер
Шымкентте әйел 14-қабаттан құлап кетті

Облыстық денсаулық сақтау басқармасының баспасөз хатшысы Элмира Темірғалиеваның ақпаратынша, қыздардың біреуі жедел жәрдем көлігінде жан тапсырған. Ал екіншісі қалалық аурухананың жансақтау бөлімінде жатыр. 

"Жағдайы тұрақты ауыр", — деді Темірғалиева. 

Қалалық әкімдіктің баспасөз қызметі де аталған оқиғаға қатысты түсініктеме берді. 

"Оқиға сабақтан тыс уақытта болған. Мектеп барлық баланы үнемі бақылауда ұстай алмайды. Балаларға, ең алдымен жақындары жауапты. Жақын арада мектептерде ата-аналармен жиналыс өтеді, ал жоғары сынып оқушыларымен психологтар жұмыс істейді", — деп хабарлады Екібастұз әкімінің баспасөз қызметі.

Сағадиев хиджаб киген қыздарды кіргізбеген мектеп басшылығын жақтады

Екібастұз білім бөлімінің басшысы Жанат Ибраевтың айтуынша, екі оқушы да трагедия күні Бауыржан Момышұлы көшесінде тұратын құрбыларының үйінде қонақта болған. 

"Қыздар құрбы болатын. Екеуі де толық емес отбасыдан шыққан. Қаза тапқан қыз "қиын бала" ретінде кәмелетке толмағандардың ісі жөніндегі бөлімде бір жыл есепте тұрғаны белгілі. Осы уақыт бойы ол бақылауда болған, ешқандай заң бұзушылық байқалмаған соң, тамызда есептен алынды. Кеше сабағына да келген еді", — деді Ибраев. 

Білім бөлімінің ақпаратынша, ведомство мамандары мен қамқорлық органдарының өкілдері үш қыз оқыған мектептердің басшылығымен әңгіме жүргізеді.

Жаңалықтар
0