Қыз терезеге қарап тұр

Бес миллион теңге қарыз болып қалған тәрбиеші өзіне қол салды

832
(Жаңартылды 14:07 20.09.2018)
Әйелдің туыстарының айтуынша, оның көңіл қосқан азаматы сеніміне кіріп, қарызға белшесінен батырған

АСТАНА, 19 қыркүйек – Sputnik. Жамбыл облысында асылып өлген келіншектің туыстары оның қазасына жігітін айыптап жатыр.  

Олардың айтуынша, көңіл қосқан азаматы әйелдің сеніміне кіріп, әбден қарызға батырған. Берешегін өтей алмаған Әйгерім Молдатаева күйзеліске түсіп, ақыры өз-өзіне қол салуға мәжбүр болған дейді ата-анасы. Сондықтан марқұмның жақындары әлгі жігітке қарызды төлетіп, өзін жауапқа тартқызуды талап етеді.

Әйгерім Молдатаева ауладағы қораның ішінде 3 мамырда өзіне қол салған. Бұрын тұрмысқа шығып, ажырасқан Әйгерімнің бір баласы бар. Ол өзінен екі жас кіші жігітпен көңіл қосып, ғашықтардың құпиясы Әйгерім қаза болғаннан кейін жария болған. Әрі сол азамат оның өліміне себепкер дейді марқұмның жақындары. Олардың айтуынша, 27 жастағы жігіт оны қарызға белшеден батырып, ақыры берешекті өтей алмаған келіншек өмірімен қош айтысқан, деп хабарлады КТК.     

"Бұл жерден  200 мың алыпты. Ақшалай алған. Тауармен алғаны 300 мың. Тауар деп рәсімдеген, бірақ ақшалай алған. Ең соңғысы Каспиден миллион алған ғой. Сонда кредиттердің бәрін қалай бере берген түсінбеймін. Оның арасында құбыларынан алған", — дейді марқұмның анасы Жеңіскүл Молдатаева.

Әйгерім қаза болған соң жігіті әкесімен бірге оның туыстарына көңіл айтуға келген. Сол кезде 27 жастағы азамат сүйіктісіне әр жерден қыруар қаржы алдырғанын мойындаған дейді марқұмның туыстары. Ал оның әкесі барлық берешекті өтеп беруге уәде етіпті. 

 Алайда кейін бұл сөз құрғақ уәде ретінде қалып, екінші тарап айтқанынан айныған. Бет-жүзін көрсеткісі келмеген баласы да, әкесі де берешекті өтеуге қарсымыз дейді. Айтуларынша, банктен 27 жастағы азамат алдырды деген 2 жарым миллион теңгені толық өтеп берген.  Басқасына қатысымыз жоқ дейді. 

Қара жамылған отбасы қыздың өліміне болмай қалған күйеу бала айыпты  және ол 5 миллионға жуық қаржыны өтесін деген сарында үстінен арыз түсірген. Алайда қылмыс құрамының жоқтығына  байланысты іс жабылып тынды. 

"Қазіргі таңда осы дерек бойынша қылмыстық құқық бұзушылық құрамының болмауына байланысты, ҚР ҚК 35-бабы, 1-бөлігі, 2-тармағымен қылмыстық іс өндірістен толық тоқтатылды", — дейді Жамбыл облыстық ІІД баспасөз хатшысы Гүлсара Мұхтарқұлова.  

Күндерін әзер көріп отырған отбасы мұнымен шектеліп қалмақ емес. Олар арызды қайта қарату үшін, прокуратураға шағым түсіргелі жатыр.

 

832
Кілт сөздер:
кредит, әйел, суицид, Жамбыл облысы
Тақырып бойынша
Ақтөбе әкімдігі жанындағы суицид: құқық қорғаушы оқиғаға қатысты пікір білдірді
Қостанай облысының тұрғыны ұлын өлтіріп, артынша өзіне қол салды
ОҚО-да өзіне қол салған полицейдің хаты: "Бәріне сендер кінәлісіңдер!"
Полиция әйелін пышақтап, өзіне қол салған ер адамға қатысты мәлімет берді
Шымкентте өзіне қол жұмсаған мұғалімге қатысты жаңа деректер шықты
Шымкентте 16 жастағы жасөспірім өзіне көмектескен баланы зорлаған
Қырау басқан жапырақтар

Тұман, жаңбыр және қатты жел ертеңге ауа райы болжамы жарияланды

49
Республиканың басым аумағында ауа райы жауын-шашынсыз болады, солтүстікте жаңбыр жауады деп болжануда

НҰР-СҰЛТАН, 31 қазан – Sputnik. Қазақстанда, синоптиктердің болжамынша, 1 қарашада күн ашық болады.

Қазақстанның басым аумағында антициклон әсерінен ауа райы жауын-шашынсыз болады. Тек елдің солтүстігінде жаңбыр жауады деп болжануда. Республиканың кей жерлерінде тұман түсіп, оңтүстік және оңтүстік-шығыста жел күшейеді.

Өңірлердегі ауа райы

Алматы облысында түнде және таңертең кей жерлерде тұман түседі, күндіз Жалаңашкөл ауданында секундына 15-20 метр жылдамдықпен жел соғады.

Тағы оқыңыз: Төтенше жағдайлар министрлігі автокөлік иелеріне үндеу жасады

Жамбыл, Ақмола, Батыс Қазақстан, Павлодар, Шығыс Қазақстан, Солтүстік Қазақстан облыстарында кей жерлерді тұман басады, Жамбыл облысында түнде желдің екпіні 15-20 м/c дейін күшейеді.

Дабылды ескерту

Қызылорда облысында күндіз желдің жылдамдығы секундына 15-20 метрге дейін барады.

Ақмола облысында 1 қарашада тұман түседі деп болжанып отыр.

Мегаполистерде ауа райы қандай болады

Нұр-Сұлтанда күн ашық болады. 3-5 м/c жел тұрады. Түнде ауа температурасы -3-4 градус, ал күндіз – 5-8 градус жылы.

Алматыда да ауа райы жауын-шашынсыз. Секундына 1-8 метр жылдамдықпен жел соғады. Сынап бағанасы түнде +4... +5 градусты, ал күндіз +9... +10 градусты көрсетеді.

Шымкентте күн жылы әрі ашық,  2-5 м/c жел соғады. Ауа температурасы түнде +3... +5, күндіз +17... +19 градус болады.

49
Кілт сөздер:
ауа райы болжамы
Қалыңдық, архивтегі сурет

Батыс Қазақстанда полиция қалыңдықты "күйеуінің" үйінен әрең шығарды видео

2462
(Жаңартылды 12:30 31.10.2020)
Әйел қызы кешкі алты кезінде үйден шығып, оралмағанын айтқан. Отбасының жағдайы жақсы, бұған дейін мұндай оқиға болмаған

НҰР-СҰЛТАН, 31 қазан – Sputnik. Батыс Қазақстанда жоғалып кеткен 16 жастағы оқушы қыз  "күйеужігіттің" үйінен табылды. Ол үйіне оралғысы келмеген. 

Облыстың полиция департаментінің хабарлауынша, 28 қазан күні сағат 21:00-де Бәйтерек ауданы полиция бөліміне хабар түскен. Кәмелетке толмаған қыздың анасы хабарласты, деп хабарлайды Polisia.kz.

Әйел қызы кешкі алты кезінде үйден шығып, оралмағанын айтқан. Отбасының жағдайы жақсы, бұған дейін мұндай оқиға болмаған. Полиция бөлімінің барлық қызметкері оқушыны іздеуге жұмылдырылды. Мектеп ұжымы мен тұрғындар да атсалысты", - деді БҚО полиция департаментінің ресми өкілі Болатбек Белгібеков.

Әлеуметтік желіге мониторинг жүргізу кезінде жоғалған қыздың орамалмен түскен суреті анықталды. Ол "күйеуге шыққан". Полицейлер оқушыны ата-анасының үйіне жеткізді.

Ол өз еркімен қалыңдық болғанын айтып, үйіне оралғысы келмек, қарсылық білдірген.

2462
Кілт сөздер:
видео, қалыңдық, полиция, Батыс Қазақстан облысы
Тақырып бойынша
Той үстінде күйеу жігіт қалыңдықтың бетінен салып жіберді – видео
Атырау облысында бір апта "тұрмыста" болған 13 жасар қалыңдық үйіне қайтарылды
Қалыңдықтың үйлену тойында жасаған әрекеті қайғылы жағдайға әкеп соқты
Үйлену тойының фотосессиясы кезінде бірнеше адам көз жұмды: арасында қалыңдық та бар
Қалыңдық Оралда, күйеу жігіт Кореяда: Қазақстанда ерекше той өтті