Полиция

Ақтөбеде тұрғындардан көлігімен қашқан полицей жұмыстан қуылмақ

562
(Жаңартылды 09:08 19.02.2019)
Ақтөбе тұрғындары ішімдікке тойып алып, көлік жүргізген полицейді қуып жүріп әрең тоқтатты

АСТАНА, 21 қыркүйек – Sputnik. Ақтөбеде арақ ішіп алып, қызметтік көлігін тізгіндеген полицейді жүргізушілер қуып жүріп әрең тоқтатты. 

Тұрғындар мас тәртіп сақшысынан көліктің кілтін тартып алып, патруль шақыртқан. 

Жүргізушілер жолда теңселіп келе жатқан полицейдің қызметтік көлігінен күдіктеніпті. Оны тізгіндеген сақшының мас екенін байқаған соң, қуып жүріп тоқтатады. Ақыры көше бойына көлігін тастап, жайына кете барған, деп хабарлады КТК. 

Бұл оқиғадан ішкі істер департаментінің басшылары бейнетаспа ғаламторға шыққанша хабарсыз болыпты. Сондықтан тексеруді енді бастап жатыр. Мас полицейді жұмыстан қуып жібермек ойлары бар.

562
Кілт сөздер:
заң бұзу, ішімдік, полицей, Ақтөбе
Тақырып бойынша
Астанада автокөлік шам бағанасына соғылып, полицей көз жұмды
Жасөспірім қызбен жыныстық қатынасқа түскен полицей ұсталды
Астанада 400 полицей автокөлік базарларын тексеріп жатыр
Шымкентте 2 жылға созылған тергеу аяқталды: сот алдына 30 полицей келді
"Ондай сәтте ештеңе ойламайсың". Үш мәрте ерлік жасаған жас полицей нені армандайды?
Жандарбек Бекшин

Алматыда карантин күшейтілді Бекшин себебін түсіндірді

10145
(Жаңартылды 14:20 24.07.2021)
Қаулыға медициналық инфрақұрылымға қысымды азайту мақсатында қол қойылды, деп атап өтті қаланың бас санитар дәрігері  

НҰР-СҰЛТАН, 24 шілде – Sputnik. Алматы қаласының бас санитар дәрігері Жандарбек Бекшин карантинді күшейтуге індетті жұқтырғандар санының артуы себеп болғанын мәлімдеді – өткен тәулікте мегаполисте 1080 науқас тіркелді.

"Қаулыға медициналық инфрақұрылымға қысымды азайту мақсатында қол қойылды. Біздің дәрігерлер ауруханаларда 12-14 сағаттан жұмыс істеп жатыр. Бұл жағдай аптап ыстықта болып жатқанын ескеру керек", - деді ол баспасөз конференциясында.

Ол сондай-ақ дәмханалар мен мейрамханалар азық-түлік сатып алып қойғандықтан, кәсіпкерлерге дайындалуға 3 күн (қаулы 23 шілдеде шықты, 26 шілдеде күшіне енеді) берілгенін атап өтті, сондай-ақ олардың экономикалық жағдайы да ескерілуі керек.

Оқи отырыңыз: Цой Тоқаевқа коронавирустың жаңа штамы пайда болғанын хабарлады 

Кеше Нұр-Сұлтан мен Алматыда және бірқатар облыста карантин күшейтілді. Түркістан облысынан басқа барлық өңір мен мегаполистер эпидемиологиялық жағдайдың қызыл аймағына кірді. Бір тәулік ішінде Қазақстанда коронавирус пен пневмониядан 74 адам қайтыс болды, 6,5 мыңнан астам науқас тіркелді. Билік жағдайдың өте қиын екенін мәлімдеп, халықты мүмкіндігінше тезірек вакцина салдыруға шақырды.

10145
Кілт сөздер:
Жандарбек Бекшин, карантин, коронавирус
Тақырып:
Коронавирус эпидемиясы
Архивтегі фото

Оралда өгей қызын зорлаған педофилдің анасы кінәні келініне жапты

791
Сотталушының кінәсі жәбірленуші мен куәгерлердің сөзімен және бірнеше сараптама нәтижесімен толық дәлелденген

НҰР-СҰЛТАН, 24 шілде – Sputnik. Оралда сот педофил әкеге кесілген үкімді өзгеріссіз қалдырды.

Айта кетейік, 13 жастағы өгей қызына азғындық жасаған 34 жастағы жігіт 20 жылға сотталған болатын. Бірақ сотталушы мұнымен келіспей, апелляциялық шағым түсірді, деп хабарлады "Астана" арнасы.

Судьяның айтуынша, сотталушының кінәсі жәбірленуші мен куәгерлердің сөзімен және бірнеше сараптама нәтижесімен толық дәлелденген.

"Әділ үкім шығарған сотқа алғысымды айтқым келеді. Тергеу ісіне де көңілім толады", - дейді жәбірленуші Самира Дусталиева.

Ал сотталушының анасы үкіммен келіспейтінін айтады. Оның сөзінше, келіні баласына жала жауып, осының бәрін қасақана ұйымдастырған.

Оралдағы сұмдық: оқушы өгей әкесі жіберген аудио хабарламаны анасына көрсеткен  

"Келінім ұлымның қымбат көлігін сатқаннан түскен ақшаны алғысы келді. Бірақ ұлым ақшаны бермеген соң осының бәрін әдейі ұйымдастырды. Осыған дейін өткен сотта ол күйе жағып, жеңіп шықты. Сот үкімімен келіспеймін, қажет болса Жоғары сотқа да барамын", - дейді сотталушының анасы Айсұлу Аймағамбетова.

791
Кілт сөздер:
Орал, педофил
Тақырып бойынша
32 педофил бостандыққа шығады – депутат алаңдаушылық білдірді
11 жасар қыз педофилден қашып құтылды – видео
"Көршілер педофилді ұстады": полиция желіде тараған видеоға түсініктеме берді
7 жасында зорланған қыздың анасы Тоқаевқа хат жазды
Қасым-Жомарт Тоқаев

Тоқаев Үндістан президентіне көңіл айтты

0
Махараштра штатында су тасқыны мен лай көшкінінен кем дегенде 138 адам көз жұмды

НҰР-СҰЛТАН, 25 шілде – Sputnik. Мемлекет басшысы Қасым-Жомарт Тоқаев Үндістан президенті Рам Нат Ковиндке көңіл айту жеделхатын жолдады, деп хабарлайды Ақорда.

Қазақстан президенті Махараштра штатында болған су тасқыны мен лай көшкіні салдарынан көптеген адамның қаза тапқаны және үйлер мен ғимараттардың қирағаны туралы суыт хабарды терең күйзеліспен қабылдады.

"Қазақстан халқының және жеке өзімнің атымнан қаза болған адамдардың отбасыларына көңіл айтамын және зардап шеккендердің тезірек сауығып кетуіне тілектестік білдіремін. Із-түзсіз жоғалған отандастарыңыз өз отбасыларына аман-есен оралсын. Осындай қиын-қыстау шақта біз Үндістан халқымен біргеміз", – делінген жеделхатта.

Тағы оқыңыз: "Қайғырып көңіл айтамын": Тоқаев Си Цзиньпинге жеделхат жолдады

Үндістанның орталығындағы Махараштра штатында су тасқыны мен лай көшкінінен кем дегенде 138 адам көз жұмды, деп хабарлайды РИА Новости.

84 мыңнан астам адам штатттың оңтүстігіндегі Пуна округінде қауіпсіз аймаққа орналастырылды.

Үнді метеорология бюросы Махараштра штатының әкімшілік орталығы Мумбаидағы нөсер жауынға байланысты дабылдың қызыл деңгейін жариялады. Табиғи апат салдарынан қала тұрғындарын жарық және сумен қамтамасыз етуде қиындықтар туындады.

0
Кілт сөздер:
көңіл айту, Үндістан, Қасым-Жомарт Тоқаев