Әйел жылап отыр, иллюстративті фото

"Жалаңаш суретіңді жариялаймын". Атырауда жас қыздарды зорлаған жігіт ұсталды

5738
(Жаңартылды 08:24 03.10.2018)
Атырау тұрғыны әйелдермен танысып, оларды бопсалау арқылы жыныстық қатынасқа түскен

АСТАНА, 1 қазан – Sputnik. Атырауда күштеп жыныстық қатынасқа түсті деген күдікпен 24 жастағы қалалық ұсталды.

Жігіт өзімен интимдік хат жазысқан әйелдерді жыныстық қатынасқа түсуге мәжбүрлеген, олардың арасында жас қыздар да болған, деп хабарлады "Ақ Жайық".      

Полицияның мәліметінше, ер адам әлеуметтік желілер арқылы әйелдермен танысып, олардың кейбірінен жалаңаш түскен фотосуреттерін алған, сосын менімен жыныстық қатынасқа түспесең, хаттар мен фотосуреттерді Интернетте жариялаймын деп бопсалаған. 

Қылмыскер осындай жолмен бір жылда бірнеше қызды құрығына түсіріп, пайдаланған, оның ішінде 18 жастағы студент пен 15 жасар оқушы да бар. Қыздар ата-аналарына бәрін айтып берген, ал олар құқық қорғау органдарына хабарласқан. 

Ұсталған жігіт тергеу абақтысына жабылды. "Сексуалдық сипаттағы зорлық-зомбылық әрекеттері" бабы бойынша алдын ала тергеу басталды.   

5738
Кілт сөздер:
Атырау, зорлау, оқушы қыз, студент, бопсалау
Тақырып бойынша
Футбол бапкері балаларды зорлаған сәтін видеоға түсіріп отырған
Туысы зорлаған әйелдің кемтар қызы анасының басынан кешкен қорлығын айтып берді
Он үш жастағы қызды азаптап, зорлаған педофил ерлі-зайыпты 100 жылға сотталды
Қызылордада анасын өлтіріп, 9 жасар қызын зорлаған – оқиғаның мән-жайы
ШҚО-да 12 жасар қызды екі еркек жабылып зорлаған
Архивтегі фото

Шымкентте ене мен келін ковидтен бір күнде қайтыс болды құрсақтағы бала аман қалды

523
Егде жастағы әжей той-томалаққа барып індет жұқтырған. Кейін үйіндегі аяғы ауыр келінінен де қауіпті індет анықталған

НҰР -СҰЛТАН, 31 шілде – Sputnik. Шымкентте бір үйде тұратын екі әйел коронавирустан көз жұмды, деп хабарлады Otyrar.kz.

Қалалық денсаулық сақтау басқармасының басшысы Бақытжан Пазыловтың сөзінше, егде жастағы әжей той-томалаққа барып індет жұқтырған.

Кейін үйіндегі аяғы ауыр келінінен де қауіпті індет анықталыпты. Емханаға екеуі де қиын жағдайда түскен, дейді қаланың бас дәрігері. Ақ халаттылар келіншектің баласын аман алып қалды.

"Енесі тойда коронавирус жұқтырып, ауруханаға түскен. Артынша аяғы ауыр келіні ауруханаға жатқызылды. Екеуі де вакцина салдырмаған. 1 күнде қайтыс болады. Баласын аман алып қалдық", - дейді Бақытжан Пазылов.

Айта кетейік, өткен тәулікте Шымкентте 18 адам коронавирустан көз жұмды. Мамандар індеттен қайтыс болғандардың вирусты той-томалақтан жұқтырғанын айтады.

523
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

2927
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

2927
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0