Қыз терезеден қарап тұр

Павлодарда бүлдіршін 6-қабаттан құлап кетті: жаяу жүргінші құтқарып қалды

894
(Жаңартылды 08:30 22.10.2018)
Бастапқыда ер адам қызды қағып алмақ болады. Алайда үлгермей, кейін тынысы тарылып жатқан баланы жасанды жолмен демалдырады

ПАВЛОДАР, 21 қазан — Sputnik. Алтыншы қабаттың терезесінен құлап кеткен бес жасар қыз Павлодардағы ауруханалардың біріне жатқызылды, деп хабарлайды Sputnik Қазақстан облыстық полиция департаментіне сілтеме жасап.

Полиция ведомствосының хабарлауынша, 20 қазан күні сағат 18:09 кезінде Катаев көшесінде орналасқан көпқабатты үйдің алтыншы қабатынан 2013 жылы дүниеге келген қыз құлап кетеді. Бала әртүрлі жарақатпен ауруханаға жеткізілді.

Жерге құлап түскен қыз балаға 41 жастағы Александр Жұмабаев дер кезінде қол ұшын созып, құтқарып қалған болуы мүмкін.

"Мен кешке қарай жұмыстан келе жатқан әйелімді күтіп алмақ болып далаға шықтым. Катаев көшесінің бойымен келе жатқанымда жаныма терезенің темір торы құлап түсті. Басымды жоғары көтергенімде баланың құлап келе жатқанын көрдім.

Мен оны қағып алмақ болдым, бірақ үлгермей қалдым. Жерге құлаған кезде қыз бала екенін көрдім.Ол шөптің арасына кейін жерге құлап түсті. Жанына жүгіріп барғанымда қыздың қозғалып, бірақ тынысы тарылып жатқанын көрдім.

Шалқасынан жатқызғанымда ернінің қанап жатқанын байқадым. Мұрнын саусағыммен басып, жасанды жолмен демалдыра бастадым. Ол тез есін жиып, айғайлады. Телефон арқылы бірден жедел жәрдем қызметін шақырдым", — деді ол.

Сондай-ақ, куәгерлер қыз балаға қарияның да көмектескенін айтты. Ол үстіндегі күртесін шешіп, оны балаға кигізген.

"Анасы жүгіріп шығып жылап, айқайлай бастады. Тіпті, қызын жерден көтеріп алмақ болды. Алайда бұған жол бермедік. Себебі, қыздың омыртқасы сынған болуы мүмкін еді. Көп ұзамай полицейлер мен жедел жәрдем келді. Мен ауруханаға онымен бірге бармақшы болдым. Алайда полицейлер маған тыйым салды. Түнімен ұйықтамадым. Тірі болса екен деп алаңдадым", — деді Жұмабаев.

41 жастағы азамат өзінің жүргізуші екенін айтты. Алайда көптен бері жұмыс таба алмай жүр екен.

Денсаулық сақтау басқармасының баспасөз хатшысы Эльмира Темірғалиеваның хабарлауынша, 2013 жылы туған қыздың ернінің жоғарғы бөлігі зақымданып, жабық бас-сүйек жарақатын алған. Қазіргі жағдайы тұрақты.

894
Кілт сөздер:
көмек, ер адам, қыз бала, терезе, жедел жәрдем, Павлодар облысы
Тақырып бойынша
Екібастұзда екі оқушы түнде бесінші қабаттан құлады, біреуі көз жұмған
Шымкентте әйел 14-қабаттан құлап кетті
Қытайда екі баланы анасы 5-қабаттан тастап жіберді – видео
Балконда үлкен дәретке отырмақшы болған жігіт алтыншы қабаттан құлап түсті
Балаларын шақырмақ болған астаналық келіншек 12-қабаттан құлап кетті
Павлодарда 11-қабаттан құлаған әйел жас жігітті өлтіре жаздады
Қостанайда күйеуі әйелін пышақтап тастап, жоғары қабаттан секіріп кетті
Полицей, архивтегі фото

Түркістанда жүргізуші полиция қызметкерін көлігімен сүйрей жөнелді видео

1069
Ол мұндай әрекеті үшін миллиондаған айыппұл төлеп, қоғамдық жұмыстарға тартылуы немесе үш жылға дейін бас бостандығынан айырылуы мүмкін

НҰР-СҰЛТАН, 13 сәуір — Sputnik. Түркістан облысында полиция тәртіп сақшысын 30 метр қашықтыққа сүйреген жүргізушіге қатысты сотқа дейінгі тергеу жүргізіп жатыр.

Оқиға Жетісай ауданында болған. Жергілікті полиция қызметкерлері көшелердің бірінде патрульдеу кезінде терезесі қараңғыланған автокөлікті тоқтатқан, деп хабарлады Түркістан облысы полиция департаментінің баспасөз қызметі.

Құжат тексеру барысында патрульдік қызмет инспекторы полиция майоры Ертау Саурамбаев автокөлік терезесін қараңғылау неліктен заңға қайшы екенін түсіндіріп жатқан. Полиция қызметкері Әкімшілік құқық бұзушылықтар туралы кодекстің 590-бабының 5-бөлімі "Көлік құрадарын пайдалану ережелерін бұзу" бойынша әкімшілік хаттама толтырған. Аталған бапқа сәйкес көлік иесі 5 айлық есептік көрсеткіш (14,5 мың теңге немесе 4 доллар) көлемінде айыппұл төлеуге тиіс.

"Тәртіп сақшысы автомобиль иесінен көліктегі қараңғылайтын қабыршақты алып тастауды сұраған кезде жүргізуші талапқа бағынбай, жасырынбақ болған. Адам өміріне төнген қауіпке қарамастан, құқық бұзушы полиция қызметкерін автокөлікпен 30 метр қашықтыққа сүйрей жөнелген. Мұның барлығы патрульдік полицейдің бейнежетонына түсіп қалған", - деді департамент.

Нәтижесінде полиция Қылмыстық кодекстің 380-бабының 1-бөлімі – "Билік өкіліне қатысты күш қолдану" бойынша сотқа дейінгі тергеуді бастады. Бұл бап 3 000 АЕК (8,7 миллион теңге немесе 20 мыңнан астам доллар) көлемінде айыппұл төлеуді немесе үш жылға бас бостандығын шектеуді немесе дәл осы мерзімге бас бостандығынан айыруды қарастырады.

Заңға қайшы әрекет жасаған азаматтың көлігі айып тұрағына қойылды. Істің мән-жайын анықталып жатыр.

1069
өлі балық

Ақтөбе облысында балық қырылды экологтар зерттеу жүргізеді

22
Балықтың жаппай қырылуы тіркелген су айдыны малды суару үшін қолданылады, жақын маңда өндірістік нысан жоқ

НҰР-СҰЛТАН, 13 сәуір — Sputnik. Суаттан бірнеше тонна өлі балық табылғаннан кейін экологтар Кузьмин тоғанындағы суға лабораториялық зерттеу жүргізетін болды.

Экология министрлігінің ақпараты бойынша, өлі балықтың жалпы салмағы 4 тоннаны құрады. Мөңке балықтарды жою бойынша жұмыстар ұйымдастырылды.

12 сәуірде балықтың жаппай қырылуы тіркелді. Бұл туралы хабарлама Экология, геология және табиғи ресурстар министрлігінің балық шаруашылығы комитетінің Тобыл-Торғай облысаралық бассейн инспекциясына келіп түсті.

Дәл сол күні инспекция мамандары ветеринарлық бақылау және қадағалау комитетінің Ақтөбе облыстық өңірлік инспекциясы және Ақтөбе облыстық табиғи ресурстар басқармасының қызметкерлерімен бірлесіп аталған тоғанға тексеру жүргізді.

"Лабораториялық зерттеу жүргізу үшін су мен балық сынамалары алынды. Алдын ала болжам бойынша балықтың жаппай қырылуына қыс мезгілінде су деңгейінің төмендігіне байланысты (1,0-1,5 метр) судағы оттегінің жетіспеушілігі себеп болған", - деп жазылған хабарламада.

Лабораториялық зерттеу жүргізілгеннен кейін балықтың жаппай қырылуының нақты себебі туралы хабарланады.

Кузьмин тоғаны Ақтөбеден 140 километр қашықтықта Қобды ауданындағы Жарсай ауылдық округінде орналасқан. Тоған аумағы шамамен 3 гектарды құрайды. Ол балық шаруашылығы суаттары тізіміне енбеген.

Суат малды суару үшін қолданылып келген. Оған жақын маңда өндірістік нысандар жоқ.

22
Кілт сөздер:
балық, Ақтөбе
Нұр-Сұлтан

Нұр-Сұлтанда әлеуметтік пәтер саны 2018 жылмен салыстырғанда 9 есе өседі

0
(Жаңартылды 20:00 13.04.2021)
Көлгінов үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырды

НҰР-СҰЛТАН, 13 сәуір – Sputnik. Нұр-Сұлтан әкімі Алтай Көлгінов әлеуметтік пәтерлер саны артқанын, сол сияқты Алматы ауданында бірқатар мектептің құрылысы жүргізіліп жатқанын мәлім етті, деп хабарлады елорда әкімдігінің ресми сайты.

"Елорда аудандарын "Нұр-Сұлтан - жайлы қала" мастер-жоспары аясында дамытып жатырмыз. Аудандар полиорталық қағидатына сай дамуда, яғни қажетті әлеуметтік нысандар жаяу қашықтықта орналасқан", — деп жазды қала әкімі Instagram парақшасында.

Көлгінов бүгін жеңілдікпен берілетін бірқатар қолжетімді тұрғын үй құрылысының барысымен танысты. Әлеуметтік тұрғын үй Алматы ауданында орналасқан. Тұрғын үй кешенінің бірінші қабаттарында оңалту орталықтары, балабақшалар, балаларға арналған үйірмелер және тағы басқа әлеуметтік нысандар ашылады.

Әкімнің айтуынша, Алматы ауданында бірқатар мектептің құрылысы жүргізіліп жатыр. Бұл бір мезгілде жаңа ТК тұрғындарының оқушы орындарына деген қажеттілігін жабуға мүмкіндік береді.

Оқи отырыңыз: "Бақытты отбасы" бағдарламасы бойынша өтінім қабылдау басталды 

"Үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырдым. Сапасыз жұмыс қабылданбайды", - деді ол.

Көлгінов мемлекет басшысының тапсырмасына сәйкес жеңілдікпен берілетін қолжетімді тұрғын үй көлемін ұлғайту бойынша жоспарлы жұмыс жүргізіліп жатқанын атап өттіз. Биыл көрсеткішті 10 мың әлеуметтік пәтерге дейін көтеру жоспарланған. Көрсеткіш 2018 жылмен салыстырғанда 9 есеге артады.

2019 жылы 2900 әлеуметтік пәтер салынып, пайдалануға берілсе, өткен жылы 7 мыңнан астам пәтер салынды.

0