Қартаң әйел, архивтегі сурет

Қарабұлақта болған қайғылы оқиға ауыл тұрғындарын дүрліктірді

7567
(Жаңартылды 10:49 29.10.2018)
Алматы облысында полицейлер жас ананың қаза табу дерегі бойынша қылмыстық іс қозғаудан бас тартты

АСТАНА, 27 қазан — Sputnik. Алматы облысындағы Қарабұлақ ауылының 21 жастағы тұрғыны жұмыс орнында көз жұмды.

Шағын дүкенге екі апта бұрын сатушы болып жұмысқа орналасқан келіншекті тоңазытқыштардың бірін ашқан кезде тоқ соққан, деп хабарлады КТК.  

Марқұмның артында өзін жалғыз тәрбиелеп өсірген әжесі мен төрт жасар қызы қалды.

Зоя Юртаева немересінің қазасына кінәлінің жауапқа тартылғанын қалайды. Қартаң әйел жазықты адам марқұмның қызын кәмелетке толғанға дейін асырасын дейді, өйткені оның салғырттығынан бала жетім қалған. 

Бірақ полиция қызметкерлері оқиғадан қылмыс құрамын таппай, іс қозғаудан бас тартты.

Бұл жаңалық жергілікті тұрғындардың ашуын келтірді. Олар оқыс оқиғаға немқұрайлылық себеп болды деп есептейді. Айтуларынша, тоңазытқыштар арнайы резеңке төсеніштерде тұруы керек, ал олар жұмыс істейтін желі жерге дұрыс қосылмаған көрінеді.

Ауылдықтар тоңазытқышты орнатқан адамдар қылмыстық немқұрайлылық танытты деген пікірде. Сондай-ақ, адамдар шағын дүкенде тоңазытқыш көп екенін, ал желі мұндай кернеуге шыдамайтынын айтады.

Сонымен қатар тұрғындар дүкен орналасқан ғимаратта шатырдан су ағатынын жеткізді.

Дегенмен сауда орнының иесі болған жағдайға кінәлі емес екеніне сенімді. Ол шатырды таяуда жөндеуден өткізгенін алға тартып, дүкенде ешқандай заң бұзушылық жоқ деп мәлімдеді. 

Ауыл тұрғындары қайғылы жағдайды жазатайым оқиға ретінде қарастыруға қарсы шығып отыр. Олар кісі өлтірген тоңазытқышты тексеруге жіберуді сұрайды және полицияның қылмыстық іс қозғаудан бас тарту туралы шешімімен келіспейді.

Прокуратура әзірге бұл жағдайға араласқан жоқ. 


7567
Кілт сөздер:
тоңазытқыш, дүкен, тоқ соғу, қайғылы оқиға, Алматы облысы
Тақырып бойынша
Ауылда бұзауды шұңқырдан шығармақ болған бірнеше жігіт қаза болды
Қостанай облысындағы ауылда ерлі-зайыптылардың денесі табылды
Ауылға қонаққа барып, жоғалып кеткен бала өлі табылды
Көрші ауылға жаназаға барған 25 адам үйлеріне қайта алмай қалған
Нәресте, архивтегі фото

Тоңазытқыштағы бала өлімі: прокурор бас дәрігерді 20 жылға соттауды сұрады

1222
Айыптаушы тарап сотталушылардың кінәсі куәгерлердің айғағымен, сот-медициналық сараптаманың қорытындысы арқылы толық дәлелденді деп есептейді

АЛМАТЫ, 2 желтоқсан – Sputnik. Атыраудың перинаталдық орталығында сәбиді өлтіру ісі бойынша сот отырысында тараптардың жарыссөзі басталды. Прокурор Нұржан Жангереев бес сотталушыға қатысты айыптау қорытындысын оқыды, деп хабарлады "Ақ Жайық" басылымы.

Айыптаушы соттан перзентхананың бұрынғы бас дәрігері Қуаныш Нысанбаевты кінәлі деп тануды және қылмыстардың жиынтығы бойынша оны 20 жылға бас бостандығынан айыру жазасын беруді сұрады.

Нысанбаев алдын ала сөз байласу арқылы адамдар тобымен бірге кәмелетке толмаған адамды өлтірді, сеніп тапсырылған бөтен мүлікті иеленді, лауазымдық өкілеттігін асыра пайдаланды, пара алды және берді, алаяқтық жасады деп айыпталып отыр.

Акушер-гинеколог Асқар Қайыржан мен акушер Жәмила Құлбатырованы прокурор 17 жылға бас бостандығынан айыруды сұрады. Оларға алдын ала сөз байласу арқылы адамдар тобымен бірге кәмелетке толмаған адамды өлтірді деген айып тағылды.

Тоңазытқыштағы бала өлімі: куәгер тірі нәрестені өз көзімен көргенін айтты

Неонатолог-дәрігерлер Руслан Нұрмұхамбетов пен Дариға Жұмабаеваға қатысы қылмыс туралы хабарламағаны үшін үш жылға бас бостандығын шектеу жазасын сұрады.

Айыптаушы тарап сотталушылардың кінәсі куәгерлердің айғағымен, БҚО-дағы сот-медициналық сараптаманың алғашқы қорытындысы және Қарағандыдағы қайталама (комиссиялық) сараптама қорытындысы нәтижесінде толық дәлелденді, Тұрымбетова мен Молдағалиеваның сәбиі тірі туды деп есептейді.

Прокурордан кейін жәбірленушілер Нұржамал Тұрымбетова мен Роза Молдағалиева сөз сөйледі, олар айыптаушы тарапты толық қолдады. Сондай-ақ моральдық зиянды өтеу туралы өз талаптарын қанағаттандыруды сұрады.

Екеуі де Нысанғалиевтен 10 миллион теңгеден, ал Тұрымбетовтен 10 миллион теңгеден, Құлбатыровадан бес миллион теңгеден және екі неонатологтан екі миллион теңгеден өндіріп алуды сұрады.

Тұрымбетова тірідей тоңазытқышқа салынған баланың анасы, ал Молдағалиева 2019 жылдың 13 қыркүйегінде Даун синдромы және трисомия диагнозы қойылған сәбиді дүниеге әкелген. Дүниеге келген кезде сәбидің жүрегі соғып тұрған, ол 29 минуттан кейін көз жұмды. Сол аралықта оған ешқандай реанимациялық көмек көрсетілмеген. Нысанбаев ауру тарихында сәби босануға дейін іште жатып қайтыс болды деп жазған.

Ал  2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқандықтан, дәрігерлер сәбиді өлі туды деп тіркеген. Алайда сәбиді тоңазытқыш камераға апарған кезде оның аяғы қимылдай бастаған. Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған.

1222
Тақырып бойынша
Тоңазытқыштағы бала өлімі: перзентхананың бұрынғы басшысы сотталып жатыр
Тоңазытқыштан табылған мәйіт: Жамбыл облысында педофилдің қылмысын әйелі жасырған
Үштөбеде тоңазытқыштан екі жасар баланың денесі табылды: анасы ұсталды
"Құдай бізді кешірсін": Атырауда сәбиді өлтірген дәрігерлердің әңгімесі жарияланды  
Бердібек Сапарбаев

Сапарбаев ел арасында тараған өзіне қатысты қауесетке жауап берді

1211
(Жаңартылды 15:06 02.12.2020)
Облыс әкімінің сөзіне қарағанда, адамдар осы мәселені Шығыс Қазақстан облысын басқарған кезден бері айтып келеді

НҰР-СҰЛТАН, 2 желтоқсан – Sputnik. Жамбыл облысының әкімі Бердібек Сапарбаев жиектас шығаратын зауыты жоқ екенін мәлімдеді, деп хабарлайды Sputnik Қазақстан тілшісі.

Президент жанындағы орталық коммуникациялар қызметінде өткен онлайн брифингте облыс әкіміне осы мәселеге қатысты сұрақ қойылды. "Жамбыл облысына әкім болып келгелі жиектастар жаппай ауыстырыла бастады. Сіздің жиектас шығаратын зауытыңыз бар ма?", - деді тілшілер. 

Облыс әкімінің сөзіне қарағанда, адамдар осы мәселені Шығыс Қазақстан облысынан бастап сұрап келеді. 

"Маған бұл сұрақты, шамамен, 15 жылдай қойып келе жатқан сияқты. Шығыс Қазақстан облысында (Сапарбаев ШҚО-ның 2009-2014 жылдары басқарды - Sputnik) басталып, Жамбыл облысында жалғасып келеді. Мен Шығыс Қазақстанда жүргенде зауытымның жоқ екенін айтқанмын. Менде зауыт болғанда, бәлкім, әкім болып жұмыс істемейтін едім", - дейді Сапарбаев. 

Осы орайда аймақ басшысы жол құрылысына да тоқталды. Оның айтуынша, жол жөндеу жұмыстары кезінде жиектастың бар-жоғы ескеріледі. Сосын жиектастың сапасына да баса назар аударылады. Осының негізінде оны ауыстыру немесе ауыстырмауға қатысты шешім қабылданады.

"Жол салғанда міндетте түрде жиектас қою қажет. Бірақ басқа жағдайлар да болып жатады. Мәселен, Тараз қаласында кейбір мердігерлер жақсы жиектасты ауыстырған. Сол үшін жазаланды. Себебі жақсы жиектасты қайта пайдалануға болады", - деп атап көрсетті Сапарбаев. 

Әкім халықты айтқан сөзіне сенуге үндеді.

"Тағы айтамын, тексеріп алсаңыз да болады. Менде ешқандай зауыт жоқ. "Сапарбаевтың Алматыда зауыты бар", "Сапарбаев әдейі барлық жиектасты ауыстырып жатыр" деп жазады. Бүгінде нақты норма бар. Соған сәйкес, жиектастар ауыстырылады", - деді Сапарбаев.

1211
Кілт сөздер:
Бердібек Сапарбаев
Тақырып бойынша
Жамбыл облысы әкімі Қазан қаласына 20 млн теңгеге ұшып барғаны рас па
Бердібек Сапарбаевтың ұлы жаңа қызметке ауысты
"Шулы мәлімдеме жасап, көзге түспек": депутат Әлтаевтың әрекетін сынға алды
"Айына 100 миллион табады": карантин пайдасын кімдер көріп отыр
"Бұл масқара ғой": Реформалардың нәтижесі Сапарбаевтың ашуын келтірді  
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

0
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

0
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады