Бала

Шымкентте төрт ай бұрын жоғалған бала полицияға келіп, бар шындықты айтты

10923
(Жаңартылды 14:25 23.11.2018)
Баланың жоғалғаны туралы әкесі бір жарым айдан соң бір-ақ арыз берген

АСТАНА, 22 қараша — Sputnik. Шымкент полициясы мен еріктілер 22 шілдеден бастап іздеп жатқан 12 жастағы бала әл-Фараби ауданы полиция басқармасының кезекші бөліміне өзі келіп, бар шындықты айтты.

Жетінші сынып оқушысы 20 қарашада полицияға келіп, үйінен өз еркімен кетіп қалғанын айтқан.

"Әкесі мен өгей шешесінің қолында тұрып жатқан бала отбасыда қысым көріп, зорлық-зомбылыққа ұшыраған, әрі қарай бұған төзгісі келмеген. Ақыры соңында үйінен кетіп қалуға бел байлапты", — деп хабарлайды Шымкент қаласы полиция департаментінің баспасөз қызметі.

Құқық қорғаушылардың айтуынша, әкесі баланың жоғалып кеткеніне бір жарым ай болғанда ғана полицияға арыз берген. 

Жасөспірімді іздеген еріктілер оның осы уақыт бойы Алматыда болғанын пайымдайды.

Ювеналды полиция оқиғадан кейін баланың әкесін назарға алды.

Баланы дәрігерлер мен психологтар қарап жатыр. Сонымен бірге ер адам жауапқа тартыла ма және әрі қарай баласын тәрбиелей ала ма деген мәселелер шешілуде.

10923
Кілт сөздер:
полиция, жоғалып кету, бала, Шымкент
Тақырып:
Шымкент жаңалықтары (57)
Тақырып бойынша
Оралда студент жұмбақ жағдайда жоғалып кетті
Қазақстанның шығысында үш баласымен жоғалып кеткен әйел табылды
Төрт ай бұрын жоғалып кеткен жасөспірімге қатысты суыт хабар жетті
Боран, тас жол

Қазақстанның бірқатар өңірінде жолдар жабылды

73
Бұрқасын, қар, тұман және желге байланысты республиканың барлық дерлік өңірінде дабылды ескерту жарияланды

НҰР-СҰЛТАН, 4 наурыз – Sputnik. Қазақстанның жеті облысы мен Нұр-Сұлтан қаласында республикалық және облыстық маңызы бар жолдарда қозғалыс шектелді, деп хабарлайды төтенше жағдайлар министрлігінің баспасөз қызметі.

"Ауа райының нашарлауына байланысты (көктайғақ, қар аралас жаңбыр, бұрқасын, жолдың көрінбеуі) еліміздің жеті өңірінде – Ақмола, Алматы, Шығыс Қазақстан, Қарағанды, Қостанай, Павлодар, Солтүстік Қазақстан облыстарында және Нұр-Сұлтан қаласында республикалық және облыстық маңызы бар автожолдарда қозғалыс жабылды", - деді министрліктің ресми өкілі Талғат Уәли.

Сонымен қатар, Қазгидромет ақпаратынша, алдағы күндері Нұр-Сұлтан қаласы, Ақмола, Ақтөбе, Атырау, Шығыс Қазақстан, Жамбыл, Батыс Қазақстан,  Қарағанды, Қостанай,  Қызылорда, Маңғыстау, Павлодар, Солтүстік Қазақстан, Түркістан облыстарының кей жерлерінде көктайғақ, бұрқасын, қар, тұман болады, желдің жылдамдығы секундына 15-20 метрге жетеді.

ТЖ министрлігі қазақстандықтарды алыс жолға шығарда ауа райы болжамын қарап, сақтық шараларын сақтауға шақырды.

Қандай жолдар жабылуы мүмкін екенін 1403 немесе құтқару қызметінің "112" нөмірі, сондай-ақ "Дәрмен" мобильді қосымшасы арқылы нақтылауға болады.

73
Кілт сөздер:
ауа райы болжамы, Қазгидромет
Қар басып қалған бала арбасы

Шымкентте 41 жастағы әйел оныншы рет сәбилі болды

17
Жаңа босанған әйел мен нәрестенің жағдайы жақсы. Дәрігерлер оныншы рет бала босану үшйін әйел адамның денсаулығында мін болмауы керек екенін айтады

НҰР-СҰЛТАН, 4 наурыз – Sputnik. Шымкенттің перинаталдық орталығында 41 жастағы әйел оныншы перзентін дүниеге алып келді.

Айжан есімді жергілікті тұрғын 25 ақпан күні дені сау бала босанды, деп жазды жергілікті Otyrar.kz басылымы. Дәрігерлер ана мен баланың жағдайы тұрақты екенін хабарлады.

Көпбалалы анаға перзентхана қызметкерлері естелік сыйлық табыс етті.

"Бұл келіншектің он балаға өмір сыйлағаны үшін қуаныштымыз. Он бала туу үшін оның денсаулығында ешқандай кінәрат болмауы керек. Көпбалалы аналар біз үшін нағыз батыр", – дейді перинаталдық орталық мамандары.

Айта кетейік, жыл басынан бері Шымкентте 4 892 бала дүниеге келді. Жылдың алғашқы екі айында дүние есігін ашқан сәбилер арасында ұл балалар басым.

Оқи отырыңыз: Өскеменде көпбалалы ана полицияға өтініш жазып, балаларын алып кетуді сұрады

17
Кілт сөздер:
жаңа туған сәби, көп балалы отбасы, нәресте
Тақырып бойынша
25 жасында көпбалалы ана атанды: Маңғыстауда төртем дүниеге келді
Атырауда көпбалалы ана дәретханада босанып, сәбиді қоқыс жәшігіне тастап кетті
Павлодар облысында көпбалалы ана жантүршігерлік қылмыс жасады
Тоңазытқыштағы сәби өлімі: сотталғандардың әріптестері сот үкімін жеңілдетуді сұрады
Елордада сайлау күні қанша сәби дүниеге келді
Былтыр Қазақстанда қанша сәби дүниеге келді
Мысық, архивтегі фото

Нұр-Сұлтанда үйдің кіреберісінен денесінің 70 процентін күйік шалған мысық табылды

0
Ветеринарлар үй жануары ашық оттан зардап шеккен деген болжам жасап отыр. Мысыққа жәбір көрсеткен адам туралы әзірге еш мәлімет жоқ

НҰР-СҰЛТАН, 4 наурыз — Sputnik. Нұр-Сұлтанда тұрғын үй кешендерінің біріндегі кіреберістен күйік шалған мысық табылды.

Жартылай жанып кеткен мысықтың суреті әлеуметтік желіде жарияланғаннан кейін zverohelp_astana волонтері Вероника Бродецкая көмек көрсету үшін оны алып кетті.

Посмотреть эту публикацию в Instagram

Публикация от Zverohelp Astana (@zverohelp_astana)

"Кеше түнгі 11 шамасында "Сырдария" тұрғын үй кешенінде жанып кеткен мысық табылғаны туралы ақпарат алдық. Адамдар 109 желісіне хабарласып, мысыққа көмек көрсеткісі келген. Бірақ біз тез арада пост авторымен байланысып, мекенжайға жеттік. Мысық 11-ші қабатта болған. Оның үсті-басының бәрі жанып кеткен, табанының барлығы күлге айналған", - деді Вероника Бродецкая.

Хэлл Бой деген есім қойылған мысықтың денесінің 70%-ін күйік шалған. Ветеринарлық клиникада оған жедел көмек көрсетілді. Ол жазылу үшін бірнеше ай ем қабылдауы керек. Қазір марғау ветеринарлардың бақылауында.

Посмотреть эту публикацию в Instagram

Публикация от Zverohelp Astana (@zverohelp_astana)

"Оның тіндерінде некроз пайда болып, интоксикация туындау қаупі бар. Қазір дәрігерлер қолдан келгеннің барлығын жасады. Ашық отқа жанып кететіндей бұл мысық қайда кіріп кеткенін түсінбеймін. Оның үстіне ол әдейі отқа түспейді. Түсініксіз жағдай", - дейді астана тұрғыны.

Посмотреть эту публикацию в Instagram

Публикация от Zverohelp Astana (@zverohelp_astana)

Волонтер Вероника Бродецкая мысық аман қалса, оған жаңа үй табатынына сенімді.

0