мемлекеттік қызметшілер

Шымкенттік шенеунік "үкіметтегі адамның арқасында отыр" деген әңгімеге нүкте қойды

568
(Жаңартылды 10:26 04.12.2018)
Шымкент қаласының спорт және дене шынықтыру басқармасының басшысы Әлібек Нұртаев көптеген маңызды сұраққа жауап берді

ШЫМКЕНТ, 23 қараша — Sputnik, Жансая Тәуекелқызы. Республикалық маңызы бар қалалардың қатарына енген Шымкенттің спорт саласы қалай дамып жатыр? Облыстан бөлініп шыққан шаһарда қай спортшы қайда қалды? Қалада бұқаралық спортты дамытуда нендей жұмыстар атқарылып жатыр? Ел көптен күткен "Шымкент арена" спорт кешені қашан пайдалануға беріледі? Бұл сұрақтарға жауап алу үшін тілшісі қалалық спорт және дене шынықтыру басқармасының басшысы Әлібек Нұртаевтан арнайы сұхбат алды. Айтпақшы, бірнеше басшылық қызметті атқарған шенеунік өзіне қатысты ел ішінде айтылып жүрген алып-қашпа әңгімеге қатысты да пікір білдірді. 

Шымкент қаласының спорт және дене шынықтыру басқармасының басшысы Әлібек Нұртаев
© Sputnik / Жансая Тәуекелқызы
Шымкент қаласының спорт және дене шынықтыру басқармасының басшысы Әлібек Нұртаев

"Шымкентте мыңға жуық бапкер мен 20 мың спортшы бар"

"Бұқаралық спортты дамыту бойынша басқарма тарапы нендей жұмыстар атқарып жатыр?" деген алғашқы сауалымызға жауап берген басқарма басшысы дәл бұқаралық спортты дамыту кәсіби спортшыларды тәрбиелеп шығарудың төте жолы екенін атап өтті.

"Болашақ спортшыларды қалың бұқараның ішінен іріктеп аламыз. Сәйкесінше, спорттың сол түрін дамытуға тиіспіз. Бізде қазіргі таңда қалада спорт алаңшалары мен көше спортын дамыту бойынша құрылғылар орнатылған. Алдағы уақытта бұл жұмыстар өз жалғасын табатын болады. Жыл соңына дейін бұқаралық спортпен айналысушылар саны қала халқының 27 пайызына жетеді деп жоспарлап отырмыз. Келер жылға бұқаралық, жоғары спорт және инфрақұрылымды дамыту бағыттары бойынша жұмыс жоспары түзілді. Орталық стадион басқаша форматта күрделі жөндеуден өтпек. Оны шетелдік инвесторлар жүзеге асырады", — деді Әлібек Нұртаев.

Мемлекеттік қызметкердің айтуынша, Шымкентте 140-қа жуық мектеп болса, соның 6-сында әзірге спорт залдары жоқ. Бұл мәселені шешуде де басқарма білім басқармасындағылармен тиісті келіссөздер жүргізіпті. Тағы бір атап өтерлігі, жуырда ғана елбасы Нұрсұлтан Назарбаевтың мектеп жасындағы балалардың бос уақытта спорт залдарына баруын тегін қамтамасыз ету мәселесі Шымкентте бұрыннан келе жатқан дәстүр екенін атап өтті. Қала облыс құрамында болғанда 12 мемлекеттік спорт мекемесі болса, бүгінде олардың қатары 31-ге артқан.

Қазіргі таңда басқарма баласын спортқа бергісі келген ата-ана ыңғайлылығын қарастырып жатыр. Жуық арада қаладағы спорт мектептері туралы ақпаратты үйде отырып-ақ ғаламтор арқылы біліп, тіпті спортқа баланы жаздыруға болатын жүйе қолданысқа енбек. Айтпақшы, Шымкент мегаполис атанған кезде спортшы мен бапкерге таласу мәселесі орын алған жоқ деп сендірді шенеунік.

"Облысқа тиесілі болған мекемелер сонда кетті. Қаладағылар осында қалды. Негізі кәсіби спортшылар бұған дейін де Шымкентте тұратын. Себебі заманауи жаттығу залдары облыс орталығында орналасқан. Бапкерлердің де көбі осында қызмет етті. Облыс бөлінгенде біз ешкімді қаласың не кетесің деп мәжбүрлемедік. Әркім өз таңдауын жасады. Біз облыс немесе қала спортшысы деп бөле-жармаймыз. Бәріміздің мақсатымыз бір. Ол — Ұлттық құрамаға енетін тәжірибелі спортшы дайындау. Ары қарай ел намысын әлемдік деңгейде қорғайтын спортшы тәрбиелеу",- деді ол.

Тағы оқыңыз:

"Шымкент арена" қашан салынады?

Әлібек Нұртаев шымкенттіктер тағатсыздана күтіп отырған "Шымкент арена" спорт кешені қала әкімінің тікелей бақылауында екенін айтты. Оған "Шымкент сити" қалашығынан тиісті жер бөлінген. Қазіргі таңда оның эскиздік жобасы әзірленіп жатыр. Жақын арада нысанның жобалық-сметалық құжаты жасалынады. Бірақ, кешенді кімнің салатыны әлі нақтыланбапты. Мүмкін мемлекет қазынасына немесе инвестор есебінен бой көтереді. Белгілісі, алдағы 4-5 жылда халықаралық стандарттарға сай спорт кешені пайдалануға берілмек.

"Спортта саясаттың да рөлі жүреді"

Басқарма басшысы бұған дейін жергілікті тілшілерге берген сұхбатында спорттың саясатқа айналып кеткенін айтып дабыл қаққан болатын. Шенеунік бұл ойын әлі де өзгертпепті. Айтуынша, әдемдік деңгейдегі жарыстарда саясат рөл ойнайды. Алпауыт мемлекеттер спорттық аренада өз биліктерін жүргізуге тырысады және онысы іске асып та жатыр екен.

"Спортта саясаттың кейбір белгілері көрінеді. Оны ірі әлемдік деңгейдегі жарыстарда жүрген кезде анық сеземіз" деген Әлібек Нұртаев ел спортында саясаттың рөлі орын алмайтынын кесіп айтты. "Бізде кім мықты, сол жеңеді" деп қысқа ғана қайырды ол. Одан өзге басқарма басшысы америкалық спорт шолушысы Джим Лэмплидің қазақстандық боксшы Геннадий Головкиннің қартайғанын және ары қарай карьерасына қауіп төніп тұрғанын айтқан шолушы пікіріне шымкенттік шенеунік үзілді-кесілді қарсы.

"Отызға келген спортшының жасы келді деген ой қалыптасып қалғаны бар. Бірақ, мен онымен келіспеймін. Спортшының өзіне байланысты. Тіпті қырық жасында мықтылығын жоғалтпаған талай саңлақтарды білеміз. Геннадий Головкинге келсем, қартайды деп болжам жасау меніңше, дұрыс емес. Шыны керек, соңғы жекпе-жегінде ол ойсырата ұтылды деуге келмейді. Керек десеңіз, менің есебім бойынша ол жеңілмеуі керек еді. Бірақ, онда да саясат болған шығар", — деді басқарма басшысы.

"Ордабасы" клубының ең қымбат ойыншысы айына 10 мың доллар алады

Әлібек Нұртаев шымкенттік "Ордабасы" футбол клубының ойыншылары алатын жалақы туралы алғашында айтқысы келмеді. Себебі ҚР Футбол федерациясының ережесіне сәйкес ол екі жақты құпия саналуы тиіс. Қай футболшының қанша алатынын нақты айтпаса да, жалпы жалақылары туралы айтуға келісті. Айтуынша, елімізде қымбат спортшылар "Астана" мен "Қайрат" клубында ойнайды. Ал "Ордабасы" ойыншыларының ай сайынғы табысы 300 мың теңге мен 10 мың доллар аралығында. Дегенмен шенеунік өз жалақысын жасырмады. Үш ұлды тәрбиелеп отырған оның ай сайын қолына алатыны — 175 мың теңге екен.

"Мықты спортшылар көбіне ауылдан шығады"

Ауылдан шыққан шенеунік сұхбат барысында өзінің жеке өмірі туралы да бөлісті. 

"Ауылда өскен кез келген бала мал баққан десем, қателеспейтін шығармын. Мен де солардың қатарында болдым. Он шақты сиырымыз, қой, жылқымыз болатын. Қора тазалап, талай қызықты бастан өткердік қой. Бірақ, сиыр сауған емеспін. Анам, әпкелерім жасады ол жұмысты. Негізі мал бағу физикалық күшті қажет етеді. Менің спорттық мансабымда жақсы нәтиже көрсетуім де соның арқасында шығар.

Не дегенмен ағза соған бейім қалыптасқан. Қара жұмыс – нағыз спорт дер едім", — деген басқарма басшысы өз балаларының спортшы болатынына сенімді. Бірақ, әзірге олар мамандық таңдайтын жаста емес екенін алға тартқан ол спорттың қай түріне баратынын өз еріктеріне беремін деп отыр.

Қызметтік мансабына кімнің ықпалы әсер етті?

Соңғы бес жылдан бері басшылық қызметті атқарып келе жатқан Әлібек Нұртаев (бұған дейін ОҚО спорт басқармасының басшысы болды — Sputnik) спорттың жекпе-жек түрі бойынша Қазақстанның спорт шебері. Тек белгілі себептерге байланысты спорттық мансабын ерте аяқтады. Содан мемлекеттік қызметке келеді. "Басшылық қызметіңізді бапкерлікке айырбастауға дайынсыз ба?" деген сауалымызға шенеунік былайша жауап берді.

"Спорттық карьерамды аяқтағаныммен мен спорттан ешқашан қол үзген емеспін. Әлі күнге дейін залда бапкерлермен, спортшылармен жаттығу жасап тұрамын. Жарыстарда өз кеңесімді беремін. Егер жұмыс бапкерлікті талап етсе, әрине, қызметімнен кетуге дайынмын", — деді ол.

Ел ішінде "Әлібек Нұртаев жоғары лауазымда отырған Үкімет мүшесінің күйеу баласы болғандықтан ұзақ жылдан басшылық қызметті атқарып келеді" деген әңгіме жиі айтылады. тілшісіне берген сұхбатта шенеунік бұл әңгімеге нүкте қойды.

"Мен осы күнге дейін жеткен жетістіктеріме ешкімнің ықпалы болмағанын кесіп айтамын. Қарапайым ғана отбасыдан шықтым, спортқа келуіме ата-анам себепші болды. Спорттағы жетістіктерім маңдай термен келген еңбек. Ал қызметке сол спорттағы еңбегімнің арқасында келдім. Мен бірден басшы бола салған адам емеспін. Басқармада алғашында маман болып, кейін қызметтік сатыда өстім. "Сен қызметке мына кісінің арқасында отырсың" деп ешкім келіп бетіме басып айта алмайды. Дәлелі бар ма, келсін. Мен сол күні арызымды жазып, жұмысымнан кетемін.

ҚР спорт шебері Әлібек Нұртаев
© Sputnik / Жансая Тәуекелқызы
ҚР спорт шебері Әлібек Нұртаев

Сенесіз бе, мен өзім туралы кітап жазуға дайын адаммын, әрине, өзімді зорға ұстап жүрмін (күліп). Әлі ерте секілді. Нәсіп етіп шығып жатса, сонда ел менің қызметке қалай келгенімді, нендей қиындықтан өткенімді білетін болады. Сондықтан сіз айтып отырған кісінің маған ешқандай ықпалы болмаған және мен ешқашан қызметке ұмтылған адам емеспін. Осы ретте қала әкіміне маған осындай жауапты істі сеніп тапсырғаны үшін алғыс айтамын. Және ол сенімді ақтауға барынша тырысамын", — деп сөзін түйді шенеунік.

 

568
Кілт сөздер:
шенеунік, спорт, Ордабасы, Әлібек Нұртаев, Шымкент
Тақырып:
Шымкент жаңалықтары (57)
Тақырып бойынша
Шымкентте төрт ай бұрын жоғалған бала полицияға келіп, бар шындықты айтты
Қазақтың белгілі спорт комментаторы қайтыс болды
Анасын өлтірді: Шымкентте сотталған жігіт "не үшін?" деп жылап жіберді
Шымкентте полицейге шабуыл жасалды
Шымкентте аяғы ауыр келіншекті үш айы бойы жезөкше болуға мәжбүрлеген
Шымкентте зорланған баланың әкесі қайтыс болды
Шымкентте бір балаға зар болып жүрген әйелдер емшіге алданып қалды
Боран, тас жол

Қазақстанның бірқатар өңірінде жолдар жабылды

4
Бұрқасын, қар, тұман және желге байланысты республиканың барлық дерлік өңірінде дабылды ескерту жарияланды

НҰР-СҰЛТАН, 4 наурыз – Sputnik. Қазақстанның жеті облысы мен Нұр-Сұлтан қаласында республикалық және облыстық маңызы бар жолдарда қозғалыс шектелді, деп хабарлайды төтенше жағдайлар министрлігінің баспасөз қызметі.

"Ауа райының нашарлауына байланысты (көктайғақ, қар аралас жаңбыр, бұрқасын, жолдың көрінбеуі) еліміздің жеті өңірінде – Ақмола, Алматы, Шығыс Қазақстан, Қарағанды, Қостанай, Павлодар, Солтүстік Қазақстан облыстарында және Нұр-Сұлтан қаласында республикалық және облыстық маңызы бар автожолдарда қозғалыс жабылды", - деді министрліктің ресми өкілі Талғат Уәли.

Сонымен қатар, Қазгидромет ақпаратынша, алдағы күндері Нұр-Сұлтан қаласы, Ақмола, Ақтөбе, Атырау, Шығыс Қазақстан, Жамбыл, Батыс Қазақстан,  Қарағанды, Қостанай,  Қызылорда, Маңғыстау, Павлодар, Солтүстік Қазақстан, Түркістан облыстарының кей жерлерінде көктайғақ, бұрқасын, қар, тұман болады, желдің жылдамдығы секундына 15-20 метрге жетеді.

ТЖ министрлігі қазақстандықтарды алыс жолға шығарда ауа райы болжамын қарап, сақтық шараларын сақтауға шақырды.

Қандай жолдар жабылуы мүмкін екенін 1403 немесе құтқару қызметінің "112" нөмірі, сондай-ақ "Дәрмен" мобильді қосымшасы арқылы нақтылауға болады.

4
Кілт сөздер:
ауа райы болжамы, Қазгидромет
Қар басып қалған бала арбасы

Шымкентте 41 жастағы әйел оныншы рет сәбилі болды

5
Жаңа босанған әйел мен нәрестенің жағдайы жақсы. Дәрігерлер оныншы рет бала босану үшйін әйел адамның денсаулығында мін болмауы керек екенін айтады

НҰР-СҰЛТАН, 4 наурыз – Sputnik. Шымкенттің перинаталдық орталығында 41 жастағы әйел оныншы перзентін дүниеге алып келді.

Айжан есімді жергілікті тұрғын 25 ақпан күні дені сау бала босанды, деп жазды жергілікті Otyrar.kz басылымы. Дәрігерлер ана мен баланың жағдайы тұрақты екенін хабарлады.

Көпбалалы анаға перзентхана қызметкерлері естелік сыйлық табыс етті.

"Бұл келіншектің он балаға өмір сыйлағаны үшін қуаныштымыз. Он бала туу үшін оның денсаулығында ешқандай кінәрат болмауы керек. Көпбалалы аналар біз үшін нағыз батыр", – дейді перинаталдық орталық мамандары.

Айта кетейік, жыл басынан бері Шымкентте 4 892 бала дүниеге келді. Жылдың алғашқы екі айында дүние есігін ашқан сәбилер арасында ұл балалар басым.

Оқи отырыңыз: Өскеменде көпбалалы ана полицияға өтініш жазып, балаларын алып кетуді сұрады

5
Кілт сөздер:
жаңа туған сәби, көп балалы отбасы, нәресте
Тақырып бойынша
25 жасында көпбалалы ана атанды: Маңғыстауда төртем дүниеге келді
Атырауда көпбалалы ана дәретханада босанып, сәбиді қоқыс жәшігіне тастап кетті
Павлодар облысында көпбалалы ана жантүршігерлік қылмыс жасады
Тоңазытқыштағы сәби өлімі: сотталғандардың әріптестері сот үкімін жеңілдетуді сұрады
Елордада сайлау күні қанша сәби дүниеге келді
Былтыр Қазақстанда қанша сәби дүниеге келді