Смартфон

Абай ауылында зорланған жігіттің ісі: күдіктілердің бірі видеоға түсіп қалған

2877
(Жаңартылды 16:02 17.01.2019)
Жасөспірімді зорлады деп айыпталып отырған күдіктілердің бірі Абай ауылының тұрғынымен сөйлесіп, өзінің кінәсін мойындаған сәті жазылған видео мен телефон әңгімесінің жазбасы полицияға берілді

АСТАНА, 16 қаңтар — Sputnik. Түркістан облысында бұрынғы полиция қызметкері жасөспірімді зорлады деп айыпталғанына қарамастан, күдікті дәл қазір бостандықта жүр. Бұл туралы тілшісіне адвокат Айман Омарова хабарлады.

Жәбірленушінің сөзі

2018 жылдың жаз айында Түркістан облысы Абай ауылының 22 жастағы тұрғынының жантүршігерлік оқиғасы туралы хабарлады. Жігіт өзін 16 жасынан бастап екі ер адамның зорлап келгенін және олардың біреуінің үстінде полиция формасы болғанын айтады. Алғаш рет оны 2012 жылдың наурыз айында зорлап, бұл үш жыл көлемінде созылған. Айтуынша, зорлап қана қоймай интимдік видеолармен бопсалап, ақша талап еткен. Баласының басынан өткен жағдай туралы білген кезде ата-анасы екі ер адамның үстінен шағымданған. Бірақ олар бірнеше жылдан бері тергеудің әділ жүргізілмей келе жатқанын айтады.

Осы оқиға сайтында жарияланғаннан кейін жігітке танымал қазақстандық адвокат Айман Омарова қол ұшын созады. Оның айтуынша, қолда аудио және видео жазбалардың бар екеніне қарамастан, полиция бұл іске күдіктілерді қамауға алуға асықпайды.

Омарова 2015 жылы жәбірленушінің ата-анасының екінші күдіктіні видеоға түсіріп алғанын айтып берді.

Тағы оқыңыз:

"Бұл видеода Ержан атты екінші күдікті бар. 2015 жылы Ержан үнемі жігітті іздеп, кейінгісі кездесуге келісімін береді. Бірақ жас жігіт бұл жолы өзімен бірге ата-анасын ала барады. Ата-анасы көрші бөлмеде болып, біраз уақыттан кейін ер адам мен баласы болған бөлмеге кіріп, барлығын видеоға түсіріп алады. Видеода ер адам өзінің есімін және не істегенін айтып береді", — деді адвокат Sputnik Қазақстанға.

Омарова полицияда күдікті ер адамның болған қылмысқа қатысы бар екенін айтқан сәті түсірілген видео бар екенін мәлімдеді. Сондай-ақ, ол екінші күдіктінің әңгіме барысында қылмысқа қатысы бар екенін мойындағанын айтты. Барлық мәлімет құқық қорғау органына тапсырылған.

Полициядан қуылған

Түркістан облысы полиция департаментіндегілер осы іс бойынша күдіктілердің бірінің полицей болғанын растады.

"Күдіктілердің бірі — бұрынғы полиция қызметкері. Ол ішкі істер органдарынан 2016 жылы теріс пиғылына байланысты жұмыстан шығарылды", — деді Түркістан облысы полиция департаментіндегілер тілшісіне.

Департаменттегілер күдіктінің Сарыағаш ауданы Абай ауылындағы полиция бөлімшесінде қызмет еткенін нақтылады.

"Осының барлығы қолда бар екеніне қарамастан, Түркістан облысы полициясы тергеуді жүргізуші ретінде ешқандай шара қолданбай отыр. Екі күдікті де әлі күнге дейін қамауға алынған жоқ. Менің қорғауымдағы жігіт көптен бері жазасын алмай жүрген қылмыскерлерді соттау үшін соңына дейін баруға әзір", — деп наразылығын білдірді Омарова.

Бұл іс сотқа дейінгі тергеулер тізілімінде 2015 жылдың 15 қыркүйегінде тіркелген. Қазіргі сәтте Түркістан облысы полиция департаменті қылмыстық кодекстің 121-бабы (Сексуалдық сипаттағы зорлық-зомбылық көрсету) бойынша сотқа дейінгі тергеу жұмыстарын жүргізіп жатыр.

Тағы оқыңыз:

Полициядағылар қылмыстық-процестік кодекстің 201-бабына сәйкес, сотқа дейінгі тергеу амалдарының мәліметі жария етілмейтінін нақтылады. Заңды процестік шешім тергеу аяқталғаннан кейін қабылданады.

Абай ауылында бірінші сынып оқушысының зорлануы

Қазақстанның оңтүстігіндегі Абай ауылы 2018 жылдың қыс айында бірінші сынып оқушысының зорлануы туралы хабар тарағаннан кейін ел аузында жүр. Төрт бала жеті жасар оқушыны қорлап келген. 2019 жылдың 10 қаңтарында 2002 жылы дүниеге келген жасөспірімдердің біріне үкім шықты. Ол жеті жылға бас бостандығынан айырылды. Үшеуі қылмыс жасаған кезде 14 жасқа толып үлгермегендіктен, түрмеден қашып құтылды.

2877
Кілт сөздер:
жас жігіт, күдікті, зорлау, полиция, Абай ауылы, Түркістан облысы
Тақырып бойынша
Шымкенттің 56 жастағы тұрғыны көршісінің 7 жасар қызын зорлады
Қыз зорлады деп айыпталған Криштиану Роналду түсініктеме берді
Туған қызын зорлады деп айыпталған ер адам итінің арқасында ақталып шықты
Дін қызметкері өзен жағасында оқушы қызды зорлады
Ақтөбеде жасөспірім жеті жасар баланы зорлады
ШҚО-да экс-депутатты зорлады деп айыптаған қыз сотталып кетті
ОҚО-да баланы зорлады деп айыпталған бозбала ақталып шықты
Алматылықтар Бораттың суреті салынған табытты АҚШ-тың Бас консулдығына алып келді

Алматылықтар Бораттың суреті салынған табытты АҚШ-тың Бас консулдығына алып келді

474
Белсенділер "Борат" фильмінің екі бөлімін де Америка Құрама Штаттарында көрсетуге тыйым салуды талап етті

АЛМАТЫ, 29 қазан – Sputnik. Алматыда белсенділер Америка Құрама Штаттарының Бас консулдығы ғимараты жанында плакат ұстап, ұрандатып, табыт әкеліп пикет ұйымдастырды. Осылайша АҚШ-та "Борат" фильмін көрсетуге тыйым салуға тырысып жатыр, деп хабарлайды Sputnik Қазақстан.

Алматинцы принесли гроб с фотографией Бората к генконсульству США
© Sputnik / Тимур Батыршин
Белсенділер "Борат" фильмінің екі бөлімін де АҚШ-та көрсетуге қарсы

Бір топ адам Американың Алматыдағы дипломатиялық миссиясының ғимаратына жиналды. Қолдарында үш тілде түрлі ұран жазылған плакаттар бар. Ол жерде Stop racism and discrimination against Kazakhs living in the USA (АҚШ-та тұратын қазақтарға қатысты нәсілшілдік пен кемсітушілікті тоқтатыңдар), құлап жатып сүрінгенге күлме, those that live in glass houses shouldn't throw stones (шыны үйдегі адам тас атпастан бұрын ойлануы керек) деп жазылған.

Сонымен қатар белсенділер өзімен бірге пенопластан жасалған табыт алып келді. Қақпағында "Америкаға әкетіп, Отанында жерлеңдер" деп жазылған.

Алматинцы принесли гроб с фотографией Бората к генконсульству США
© Sputnik / Тимур Батыршин
Табыттың қақпағында "Америкаға әкетіп, Отанында жерлеңдер" деп жазылған

Ал табыттың ішінде Бораттың фотосы бар, оны АҚШ туымен жауып қойған.

"Америкада фильмде көрсетілгеннің барлығы болып жатыр (...). Соған қарамастан Америкада тұратын қазақтарға қатысты нәсілшілдік мен кемсітушілік жайлы фильм шығарылып жатыр. Трамптың өзі Боратты сынға алды, бірақ өз елінде тыйым салмай отыр", - деді шараны ұйымдастырушы Сұлубике Жақсылықова.

Жиналғандар бір уақытта "Саша, өл. Фильмнің барлық актері өліп қалсын" деп айғайлады. Содан кейін өлген адамды жоқтағандай дыбыс шығарды.

Сонымен қатар белсенділер фильмді Америкада көрсетуге қарсы петиция алып келді. Ұйымдастырушылар егер фильмге тыйым салынбаса, нәсілшілдік пен кемсітушілік фактісін анықтау үшін сараптама жүргізетінін айтты. Содан кейін халықаралық сотқа шағым беру жоспары да бар.

Сонымен қатар белсенділер келесі аптада дәл осындай шараны Ұлыбритания консулдығында өткізуге уәде берді.

  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
1 / 5
© Sputnik / Тимур Батыршин
Алматылықтар Бораттың суреті салынған табытты АҚШ-тың Бас консулдығына алып келді

Сол жерде қала әкімдігінің өкілдері де болды. Олар жиналғандарға пикетті ұйымдастыру үшін билікпен келісу қажет екенін ескертті. Ал бүгінгі пикетке рұқсат берілмеген.

Белсенділерге АҚШ Бас консулдығынан ешкім шыққан жоқ.

Айта кетейік, өткен аптада бір топ азамат АҚШ дипломатиялық миссиясының ғимаратына жиналып, фильмге қатысты наразылық білдірді.

474
Кілт сөздер:
АҚШ, Алматы, Борат
Дәрігер, архивтегі фото

Батыс Қазақстанда денсаулық сақтау басқармасының басшысы ұсталды БАҚ  

580
(Жаңартылды 12:29 29.10.2020)
Шенеунік пара алды деген күдікке ілінді, деп хабарлады жергілікті БАҚ. Алайда сыбайлас жемқорлыққа қарсы қызмет бұл ақпаратқа қатысты түсініктеме бермеді

АЛМАТЫ, 29 қазан – Sputnik. Батыс Қазақстан облысы денсаулық сақтау басқармасының басшысы пара алды деген күдікпен ұсталды, деп хабарлады өңірлік "Мой Город" басылымы.

"29 қазанда БҚО денсаулық сақтау басқармасының басшысы Болатбек Қаюповтың пара алды деген күдікпен ұсталғаны белгілі болды. Алдын ала ақпарат бойынша пара сомасы шамамен 7 миллион теңгені құрайды", - деп жазды басылым.

Қазір облыстың бас дәрігері уақытша ұстау изоляторына қамалды.

Сонымен қатар басылым Қаюповқа қатысты тергеу басталғаны жайлы біраздан бері айтылып келе жатқанын жазды. Қыркүйекте облыстық денсаулық сақтау басқармасы басшысына қатысты ешқандай сотқа дейінгі тергеу жүргізіліп жатпағаны хабарланған.

"Қадағалау органдары басқармада коронавируспен күрес жөніндегі шараларға бөлінген қаражаттың жұмсалуына қатысты жоспарлы тексеру жұмыстарын жүргізіп жатыр. Болатбек Қаюпов күдікке ілініп отырған жоқ", - деп түсіндірген болатын денсаулық сақтау басқармасы.

Ал қазір облыстық қоғамдық денсаулық сақтау басқармасының баспасөз қызметі басшысы жайлы ештеңе білмейтінін хабарлады. Ал Қаюпов орнында болмай шықты.

Батыс Қазақстан облысы бойынша сыбайлас жемқорлыққа қарсы қызмет бұл ақпаратқа қатысты түсініктеме бермеді. Олар кез келген ақпараттың прокуратурамен келісілгеннен кейін хабарланатынын мәлімдеді.

Бас дәрігер мен басқарма басшысы арасындағы жанжал

2020 жылы маусымда Батыс Қазақстан облысындағы жұқпалы аурулар ауруханасының директоры Надия Ахметова облыс әкіміне коронавирус инфекциясын жұқтырған науқастарды емдеу үшін қосымша стационарлар құру туралы ұсыныс жасаған. Дәл осы жағдай денсаулық сақтау басқармасының басшысы Болатбек Қаюпов екеуінің арасындағы жанжалға себеп болды. Содан кейін әйел жұмыстан шығу туралы өтініш жазды.

Алайда 24 маусымда дәрігер облыстық денсаулық сақтау басқармасына жұмыстан босату туралы өтінішін қараусыз қалдыру туралы ресми хат жолдаған. Соған қарамастан аурухананың бас дәрігері 29 маусымда жұмыстан босатылды. Содан кейін Надия Ахметова сотқа шағым түсірді.

Сол кезде Батыс Қазақстан облысы денсаулық сақтау басқармасы басшысы Болатбек Қаюпов Надия Ахметова екеуінің арасында ешқандай жанжал болмағанын мәлімдеді. Айтуынша, дәрігер өз еркімен жұмыстан кеткен.

Облыстық жұқпалы аурулар ауруханасының қызметкерлері басшысын қорғап, Болатбек Қаюповтан Надия Ахметованы бұрынғы қызметіне қайтаруды сұрады. Ресми өтінішке аурухананың 18 қызметкері қол қойды.

11 қыркүйекте сот Надия Ахметованы қызметіне қайтару туралы шешім қабылдады.

580
Кілт сөздер:
пара, Денсаулық сақтау басқармасы
Тақырып бойынша
Нұр-Сұлтанда шенеунікті ұстау сәтінің видеосы жарияланды
Ғылым ордасының басшысы қызметкерімен қоса ұсталды
Ақтауда шенеуніктің көлігінен бума-бума ақша шықты – видео
Петропавлда әкімдікте істейтін жас жігіт парамен ұсталды – видео
Қазақстандық депутаттың заңсыз әрекеті әшкереленді – видео
Астана LRT бағандары

Сотта LRT құрылысына жауаптылар миллиардтарды қалай жымқырғаны айтылды

7
(Жаңартылды 14:37 29.10.2020)
Сұлтанбеков пен Ардан қылмыстық топ құрып, LRT құрылысына кететін шығындарды 24 миллиард теңгеге артық көрсеткен

НҰР-СҰЛТАН, 29 қазан – Sputnik. Елорданың қылмыстық істер жөніндегі мамандандырылған ауданаралық сотында LRT құрылысына қатысты сот отырысы басталды, деп хабарлайды Sputnik Қазақстан тілшісі.

Қылмыстық топтың басшылары іздеуде жүр

Сот алдында жеті адам жауап беріп жатыр. Олар – жолаушылар көлігі және автомобиль жолдары басқармасының бұрынғы бастығы Рәшид Аманжолов, Нұр-Сұлтан қалалық мәслихатының бұрынғы хатшысы және депутаты Жанат Нұрпейісов, "Astana Innovations" АҚ экс-басқарма төрағасы Талғат Әшім, сондай-ақ, әртүрлі кәсіпорындардың қызметкерлері Улугбек Ачилов, Тимур Қасабаев, Дулат Мусенов және Дәурен Әбдіхамитов.

Ал елорда әкімінің бұрынғы орынбасары Қанат Сұлтанбеков пен "Астана LRT" ЖШС бұрынғы басшысы Талғат Ардан халықаралық іздеуде жүр. Тергеу материалдарына сәйкес, Сұлтанбеков пен Ардан қылмыстық топ құрып, LRT құрылысына кететін шығындарды 24 миллиард теңгеге артық көрсеткен. Осы қылмысқа әкімдіктің басқарма басшылары, сондай-ақ, шетелдік және отандық компаниялардың өкілдері қатысқан.   

Жалған келісімшарттар жасалған

Бүгінгі процестің басында судья Қажымұқан Мекемтас барлық қатысушының құқықтары мен міндеттерін таныстырды. Ал прокурор Жангелді Есебаев айыптау актісін оқып берді. Оның айтуынша, 2012 жылы елорда әкімінің бұрынғы орынбасары Қанат Сұлтанбеков қылмыстық топ құрып, алдымен Талғат Ардан мен Рәшид Аманжоловпен сөз байласқан. Ал Ардан жақын досы Дәурен Әбдіхамитовты топқа қосылуға көндірген. Ал Сұлтанбеков әрқайсының міндетін анықтап берген.   

"Қылмыстық топтың барлық мүшесі бір-бірін тікелей танымаса да, әрбір сыбайласының мақсат-міндетін білген. Бәрі бір нәтиже – бюджет қаражатын аса ірі көлемде жымқыруды көздеді, соған жұмыс істеді. Мысалы, Аманжолов мемлекеттік органның басшысы ретінде кедергілерді анықтап, қылмысты жасауға жағдай жасаған. Сол үшін тиісті құжаттарды әзірлеп, қол қойып отырған. Соның ішінде ресми хаттар, артық шығындар туралы жобалық-сметалық құжаттар, техникалық-экономикалық негіздемелер, қаржы есептері және тағысын тағы. Осы құжаттардың негізінде бюджеттен ақша бөлінген", - деді Есебаев.

Ал Дәурен Әбдіхамитовқа қылмыстық жоспарды іске асыруға көмектесетін заңды тұлғаларды іздеу міндеті қойылды. Олар мердігер және қосалқы мердігер қызметін атқарған. "Астана LRT" ЖШС бұрынғы басшысы Талғат Ардан болса, техникалық-экономикалық негіздеменің шығындарын артық көрсетіп, мемлекеттік сатып алу конкурстарын өткізіп отырған. Конкурстық комиссияға өзі төрағалық еткен. Содан таныс компаниялардың көмегімен бәсекелестіктің бар екенін көрсетіп, қылмыстық топқа тәуелді заңды тұлғаларға конкурс жеңімпазы атануға жағдай жасаған. Артынан олармен келісімшарт жасалып, шын мәнінде орындалмаған жұмыстар мен қызметтердің актілері рәсімделіпті.

"Осылайша, қылмыстық топтың бақылауында болған ұйымдардың есепшоттарына бюджет қаржысы аударылған. Әбдіхамитов осы ақшаның бір бөлігін қолма-қол шығарып, жалған келісімшарттардың негізінде жымқырып отырған. Сөйтіп, одан кейінгі қаржының талан-таражға салынуына жағдай жасалды", - деп түсіндірді Есебаев.  

Қылмыстық топтың басшысы ауысты

2013 жылы Сұлтанбековтың тапсырмасымен техникалық бақылау және жобалау жұмыстарына француз және испан компаниялары тартылды. Бірақ бірлескен консорциум құру талабы қойылды. Ардан оның мүшелерін өзі таңдады. Шетелдік компаниялардың ішінен сыбайластар та табылды. Олар артық ақшаны қазақстандық компанияларға аударып отыруға көмектескен. Ал отандық кәсіпорындардың құрылтайшылары қылмыстық топ мүшелерінің өздері немесе олардың туыстары болған. Әбдіхамитов әрбір компанияның бас директоры қызметіне өз таныстарын тағайындаған. Олардың ішінде Улугбек Ачилов та бар.   

"Ачилов бұрын Әбдіхамитовтың қол астында жұмыс істеген. Ол - бухгалтерлік есептің шебері. Әбдіхамитов осыны біліп, бұрынғы әріптесін қылмыстық топқа тартқан. Ачилов консорциумның атынан орындалған жұмыстар туралы актілерге қол қойып отырған. Ал бюджет қаражатын алғаннан кейін жалған келісімшарттар арқылы қолды қылған", - дейді Есебаев.

2014 жылдың соңында Қанат Сұлтанбеков өз еркімен жұмыстан кетті. Алайда қылмыстық топтың әрекеті тоқтаған жоқ. Талғат Ардан басқаруды өз қолына алды. 2015-2016 жылдары оның басшылығымен бюджет қаражатын жымқыру жалғаса берді. Ал 2017 жылы шілде айында Арданның өкілеттілігі тоқтатылды. Сол кезде ғана қылмыстық топ тарқап кетті.

"Сұлтанбеков әкім орынбасары қызметінен кеткеннен кейін "Қазақстан инжиниринг" АҚ-ға барды. Сол жерде 2015-2016 жылдары тауарлар мен қызметтерді жеткізуші компаниялардан тұрақты түрде пара алып отырған. Заңсыз ақша әкелгендердің ішінде өзі құрған қылмыстық топтың өкілдері де болды. 2017 жылы ақпан айында Сұлтанбеков қамауға алынды", - деп атап өтті Есебаев.

Бүгінде қылмыстық топ мүшелері 5,8 миллиард теңгені жымқырғаны үшін айыпталып отыр.

Атышулы LRT

2013 жылы Қазақстанның тұңғыш президенті Нұрсұлтан Назарбаев LRT құрылысы тым қымбатқа түсетінін мәлімдеді. Бірнеше жылдан кейін қытайлық инвесторлар келді. Ал 2019 жылы шілде айында Қасым-Жомарт Тоқаев жеңіл рельсті көлік құрылысын сынға алып, осы жобаның тиімділігіне сенбейтінін айтты.

LRT-ның құрылысы 2019 жылдың соңында аяқталады деген жоспар болған. Алайда қытайлық инвесторлар қаржыландыруды тоқтатты. Артынан "Астана банкінде" тағы 200 миллион доллардың бұғатталып қалғаны туралы ақпарат тарады. Биыл наурыз айында Есеп комитеті осы жобаның өзін ақтамайтынын мәлімдеді. 

Қазан айында Нұр-Сұлтан қаласы әкімінің орынбасары Бақтияр Мәкен LRT-ның міндетте түрде аяқталатынын айтты. Қазіргі кезде жергілікті билік инвесторлармен келіссөз жүргізіп жатыр.

7
Кілт сөздер:
қылмыстық топ, Astana LRT
Тақырып бойынша
Нұр-Сұлтан әкімінің бұрынғы орынбасары қашып жүр
Қаржы министрі "ЛРТ" құрылысына қосымша қаржы қайдан тартылатынын айтты
Тоқаев Нұр-Сұлтандағы аса қымбат жобаны сынға алды
Елордадағы LRT-ның ендігі тағдыры не болады?
Тоқаевтың тапсырмасы: Нұр-Сұлтандағы LRT құрылысы қашан аяқталады