Судебный молоток, архивное фото

Шымкенттегі даулы видеоның кейіпкерін сот ақтап шықты  

285
(Жаңартылды 11:27 01.02.2019)
Шымкентте полиция көлігімен соқтығысқан мотоциклшіге тағылған айып алынды

АСТАНА, 1 ақпан — Sputnik. Шымкентте жол көлік апатына түскен тәртіп сақшысы сотта жеңіліп қалды. Мотоцикл жүргізушісін жол апатына кінәлі деп, жала жапқан полицейдің уәжі дәлелін таппады. Керісінше өз былығы ашылып қалды.  

Пагон таққан инспектордың аузына келгенін айтқан видеосы көпшілікке жария болып, масқарасы шыққан еді.

Бәйдібек би даңғылында мотоциклді байқаған тәртіп сақшылары соғып тоқтатуға бел буады. Одан қалса, жарақат алған жолаушыға көліктен түскен бойда көмек көрсетпеген. Есесіне, дауыс көтеріп, бағынбадыңдар деп жала жапқысы келген, деп хабарлады otyrar.kz.

Осыдан кейін оқиға орнына өзіндік қауіпсіздік басқармасының кезекшісі шақырылады. Жарақат алған жолаушыны дәрігерлер ауруханаға әкеткен.

"Бізді соққаннан кейін оң жаққа қарай құлап түстім. Осыдан кейін оң қолым, жамбас сүйектерім ұзақ уақыт қалпына келді. Бірақ еш жерім сынбағанына шүкір деймін", - дейді Юлия.

Жол апатына қатысты іс мамандандырылған әкімшілік соттың қарауына түскен. Істің анық-қанығын судья Бекназаров анықтады. Жүргізуші Р. Галлямовқа іс қатысты қозғалған. Сотта жүргізушіден оқиғаның мән-жайы сұралды.

"Мен тағылған айыппен келіспеймін. Өйткені жол жиегінде достарымды күтіп тұрған едім. Енді ғана жүрейін дегенде арнайы автокөлікпен қысып жіберді. Соққыдан қашуға әрекеттенгенде олар мені керісінше көлікпен соғып жықты. Бір емес, екі рет соққы жасады", - дейді мотоцикл жүргізушісі Рафаэль Галлямов.

Іске төрағалық етуші судья ҚР ӘҚБҚ 741 бабына сәйкес жүргізушінің әрекетінде әкімшілік құқық бұзушылық болмауына байланысты істі тоқтатты.

"Соттың анықтағанындай, бұл жол апатына Р.Галлямов деген азаматтың еш кінәсі жоқ. Керісінше тәртіп сақшыларының өздері осы жол апатын жасауға ықпал еткен. Іс жүргiзудi бастауға нақты дәлел болмағандықтан iс тоқтатылады", - деді Шымкент қаласының мамандандырылған әкімшілік сотының судьясы Әбдіғаппар Бекназаров.

Сондай-ақ, тәртіп сақшыларының қызметте жүргенде жіберген кемшліктері үшін оларға жеке қаулы шығарылды. Демек инспекторларға тисті шара көру үшін жауапты органға соттың шешімі жолданған.

 

285
Кілт сөздер:
Шымкент, полицей, видео
Тақырып:
Шымкент жаңалықтары (57)
Тақырып бойынша
"Мы братва, банда" Атышулы видеоны таратқан полицей қайта жұмысқа тұра ала ма?
Астанада мас полицей жол апатын жасады – видео
Қостанай облысында полицей парадан бас тартты – видео
Талдықорғанда "полицей" қонақүй қызметкерінен ақша бопсалаған
Архивтегі форто

Көкшетауда қыздарды жезөкшелікке мәжбүрлеген сауналардың әкімшісі ұсталды

10
(Жаңартылды 21:46 24.09.2021)
Олар облыс орталығында 2 және 5 мың теңге көлемінде сыйақыға интимдік қызмет көрсету үшін қыздар ұсынған  

НҰР-СҰЛТАН, 24 қыркүйек – Sputnik. Ақмола облысында қыздарды жезөкшелікке жеккен екі сауна анықталды, деп хабарлады Polisia.kz.

Өңірде 19 қыркүйекте басталған "Стоп-трафик" республикалық арнайы операциясы аясында полиция қызметкерлері адам саудасына қатысты 5 қылмысты ашты (оның екеуі жезөкшелікпен айналысуға мәжбүрлеу қылмысы).

Мысалы, 21 және 23 қыркүйек күндері облыс орталығында полицейлер 2 және 5 мың теңге көлемінде сыйақыға клиенттеріне интимдік қызмет көрсету үшін қыздар ұсынған екі саунаның әкімшілерін ұстады. Олар кінәсін мойындады.

Қазақстан Қылмыстық кодексінің 309-бабы 1-бөлігі (Жезөкшелікпен айналысуға арналған притондар ұйымдастыру немесе ұстау немесе жеңгетайлық) бойынша сотқа дейінгі тергеу жүргізіліп жатыр.

Айта кетері, бұл баптың санкциясы мүлікті тәркілей отырып, бес жылға дейінгі мерзімге бас бостандығынан айыруды көздейді.

Сонымен қатар 19 қыркүйекте жедел алдын алу іс-шарасы барысында Көкшетау қаласының 32 жастағы тұрғыны ұсталды, ол жергілікті тұрғынның материалдық жағдайын пайдаланып, жезөкшелікпен айналысуға тартқан.  

Қазақстан Қылмыстық кодексінің 308-бабы 1-бөлігі (Жезөкшелікпен айналысуға тарту) бойынша сотқа дейінгі тергеу басталды.

Оқи отырыңыз:

 

10
Шаңды дауыл, маска киген әйел, архивтегі сурет

Сабақ онлайнға ауысты: Маңғыстау облысында шаңды дауыл тұрды видео

2982
Қолайсыз ауа райына байланысты республикалық маңызы бар жолдарда полиция күшейтілген жұмыс режиміне ауысты

НҰР-СҰЛТАН, 24 қыркүйек – Sputnik. Маңғыстау облысының Бейнеу ауданын шаңды дауыл басты. Табиғаттың тосын мінезінен оқушылардың сабағы онлайн болды, ал жүргізушілерге жолда сақ болу керектігі ескертілді.

Бұл туралы жергілікті "Лада" басылымы аудан әкімдігіне сілтеме жасап хабарлады.

Тұрғындар шаңды дауылдың видеосын әлеуметтік желіде таратып жатыр.

Ауа райының күрт нашарлауы салдарынан күндізгі ауысымда оқитын 8451 оқушы мектепке бара алмады.

"Мектеп оқушыларының сабағы онлайн форматқа ауыстырылды. Оқушылардың үйден шықпауын қадағалауыңызды сұраймыз. Қолайсыз ауа райына байланысты аудан аумағы арқылы өтетін республикалық маңызы бар автожолдарда полиция экипажы күшейтілген жұмыс режиміне ауысты", - деді Бейнеу ауданының әкімдігі.

Оқи отырыңыз: 

2982
Кілт сөздер:
Маңғыстау облысы, шаңды дауыл, видео, ауа райы қолайсыздығы