Нұрсұлтан Назарбаев

"Халыққа жақын болу керек": Назарбаев әкімдерге ескерту жасады

244
Президент әкімдердің халық алдында есеп беру тәртібін өзгертуді ұсынды

Астана, 27 ақпан – Sputnik. Президент Нұрсұлтан Назарбаев әкімдерге ескерту жасап, халыққа жақын болуға кеңес берді, деп хабарлайды Sputnik Қазақстан тілшісі.

Мемлекет басшысы әр облыстың даму қарқыны әртүрлі екенін атап өтіп, облыс әкімдерінің жұмысын сынға алды.

"Неге бір облыста жолдың сапасы жақсы, ал екіншісінде сын көтермейді? Неге бір өңірде тұрғын үй-коммуналдық қызмет тұрақты жұмыс істейді де, ал басқа жақта кемшіліктер кетіп жатыр? Демек, жұмыс істейтін әкімдер бар. Халықтың жағдайын түсініп, мәселесін шешіп береді. Бірақ халықпен сөйлесуден қашатын әкімдер де бар. Олар өңір тұрғындарының қажеттілігін елемейді. Әкім халыққа жақын болуы керек. Елдің тұрмысын жақсарту үшін қолдан келгеннің бәрін жасауы тиіс", - деді Назарбаев Астанадағы "Нұр Отан" партиясының съезінде.

Сонымен қатар, президент жыл сайын өтетін әкімдердің халық алдында есеп беруіне тоқталды. Оның пікірінше, бұл шара ресми жиынға айналып кеткен.

Назарбаев білім саласындағы олқылықтар туралы айтты

"Әкім халыққа есеп беру кездесуін жылына бір рет өткізеді. Қазір бұл ресми жиынға айналып кетті. Негізінде әкім бір жылда әртүрлі санаттағы азаматтармен кездесуі керек, халық алдына шығып, есеп беріп кету үшін жыл бойы күтудің қажеті жоқ. Осыны дұрыс өткізуді ойластырайық. Түрлі бағдарламаға ақша бөлініп жатыр, бірақ халық нәтижесін көріп отырған жоқ. Ешкім түсіндірмейді. Бұлай болмауы тиіс", - деді Назарбаев.

Сонымен қатар, президент үкімет пен барлық әкімге халықтың әлеуметтік мәселелерін шешуге тапсырма берді.

"Біз үшін әр облыс стратегиялық тұрғыдан маңызды. Әр өңірдегі халықтың өмір сүру сапасын жақсартуға негізделген жаңа карта әзірлеуіміз керек", - деді ол.

Нұрсұлтан Назарбаев еліміздің барлық өңіріндегі әлеуметтік жағдайды зерттей келе, "Нұр Отан" партиясы жаңа бағдарлама жасағанын мәлімдеді. Оның айтуынша, бұл бағдарлама 3 жылға жоспарланып отыр.

"Өздеріңізге белгілі, елімізде үкімет ауысып, құрамы 70%-ға жаңарды. Облыстар мен министрлер кабинетіне қатысты мәселелер бар. Әкімдердің бәрі осы міндеттерді орындауға кірісуі қажет. Мен, үкімет, партия мүшелері, өңірлердегі партия ұйымдары - бәріміз бірге жұмылып, бүгінгі айтылған мәселелерді бақылауда ұстап, нақты іске көшуіміз керек. Құрылысқа бөлінген қаражатты қалай игеріп жатқанымызды білуге тиіспіз. Бұл оңай шаруа емес", - деді президент.

Сөз соңында мемлекет басшысы алға қойылған міндеттерді қалай орындау қажеттігіне тоқталды.

"Осының бәрін әр облыс, әр қала, әр ауыл бөліп алып, бірлесе қолға алатын болса, ешқандай қиындық болмайды. Әкімдер бұдан басқа не істеуі керек?", - деп Назарбаев сөзін түйіндеді.

244
Кілт сөздер:
әлеуметтік проблема, әкімдер, Назарбаев
Тақырып бойынша
Президент көпбалалы және тұрмысы нашар отбасыларды баспанамен қалай қамтитынын айтты
Назарбаев: алдымызда президент сайлауы бар
"Халыққа көмек": Мемлекет басшысы жаңа жоба туралы айтты
Жасанды тыныс алдыру аппараты, архивтегі сурет

Павлодар ауруханасына ескі аппарат сатқан компанияны полиция тексеріп жатыр

21
(Жаңартылды 19:14 26.11.2020)
Әкімдік жаңа жасанды тыныс алдыру аппаратын сатып алуға конкурс жариялаған, ал компания бұрын қолданыста болған құрылғыны жеткізген

АЛМАТЫ, 26 қараша – Sputnik. Павлодар облысының әкімі Әбілқайыр Ысқақов өңірге жаңа жасанды тыныс алу аппаратының орнына бұрын қолданылған құрылғы жеткізілгенін мәлімдеді.

Облыс басшысының айтуынша, әкімдік жаңа жасанды тыныс алу аппаратын сатып алуға конкурс жариялаған. Ал жеткізушілер аппараттардың әрбірін 17,5 миллион теңгеден сатып алған.

"Кейіннен құзырлы органдар арқылы бұл аппараттардың бұрын қолданыста болғаны анықталды. Сол себепті оның бағасы өндіруші зауытқа қарағанда төмен болған", – деп мәлімдеді Ысқақов орталық коммуникациялар қызметінің алаңында өткен брифингте.

Қазір бұл істі құқық қорғау органдары қарап жатыр. Тергеу тендерді жеңіп алған компанияның неге бұрын қолданыста болған жабдықты жеткізгенін анықтайды. Содан кейін сотқа дейінгі тергеу қорытындылары бойынша заңнамаға сәйкес шаралар қабылданады.

Сонымен қатар өңірдегі барлық медициналық ұйым компаниямен жасалған шарттарды бұзу және жасанды тыныс алу аппаратын жеткізу үшін төленген аванс сомасын талап ету бойынша талап-арыз дайындап жатыр.

Әкімнің айтуынша, компания өңірге 21 аппарат жеткізуі қажет болған, тапсырыстың жалпы сомасы – 300 миллион теңге. Ауруханалар келісімшарт жасап, аванс беріп қойған. Қазір екі тарап келісімшартты бұзып жатыр.

Оқи отырыңыз: Су жаңа аурухана тым суық: науқас шағымына Алматы облысының дәрігерлері жауап берді

Сондай-ақ, әкім үкімет резервінен сатып алынған жасанды тыныс алу аппаратының жеткізілуіне қатысты түсініктеме берді.

"Өңірге үкімет резервінен 20 медициналық ұйымға 139 жасанды тыныс алу аппараты жеткізілді. Дәрігерлермен сөйлестім, оны қолданып жатқан жоқ, себебі дәл қазіргі уақытта оған қажеттілік жоқ. Барлық жасанды тыныс алу аппараты қабылданды, жұмысқа жарамды күйде тұр. Оларға байланысты ешқандай мәселе жоқ", – деді әкім.

Айта кетейік, бүгінге дейін бұл өңірде алты мыңға жуық адам коронавирус жұқтырды.

21
Кілт сөздер:
Павлодар облысы, аурухана
Тақырып:
Коронавирус эпидемиясы
Тақырып бойынша
Павлодар облысында күдіктінің кесірінен полицейлер COVID жұқтырды
Алматыда тағы бір модульді аурухана салынып жатыр
COVID-19: Алматыда балалар бөлімшесі бар аурухана ашылды – фото
Қостанай облысында аурухана отқа оранды – видео
Қазақстан Қырғызстанға 2 млн бетперде мен 400 аппарат жібереді
Дәрігер карантиндік блокбекетте термометр ұстап тұр

Ақмола облысында карантин тағы да күшейтілді

171
(Жаңартылды 18:29 26.11.2020)
Көкшетау мен Степногорск қалаларын қоспағанда, облыс тұрғындары басқа елді мекендерге еш кедергісіз бара алады

НҰР-СҰЛТАН, 26 қараша – Sputnik. Ақмола облысының бас санитарлық дәрігері өңір аумағында карантиндік шектеу шараларын одан әрі күшейту туралы қаулыға қол қойды, деп хабарлайды Sputnik Қазақстан.

Құжатқа сәйкес, Көкшетау  (Красный Яр, Чайкино, Станционный кенттері) мен Степногорск қалаларының аумағында жүріп-тұру сағат 21.00-ден 06.00-ге дейін шектелді. Облыстағы қалған елді мекендер үшін шектеу –  23.00-ден 06.00-ге дейін.

Көкшетау мен Степногорск қалаларында азаматтардың карантин аймағынан кіріп-шығуына тыйым салынады.

Бірақ, Көкшетау мен Степногорскті қоспағанда, облыс тұрғындарының бір ауданнан/қаладан екінші ауданға/қалаға кедергісіз жүріп-тұруына рұқсат етілген.

Тиісті құжаттарды көрсеткен жағдайда, санитарлық бекеттерден мына азаматтарға кедергісіз кіруге және шығуға рұқсат беріледі:  

  • медициналық көрсеткіштер бойынша кіретін және шығатын адамдар;
  • транзиттік жолаушылар мен жүк тасымалдаушылары;
  • вахта қызметкерлерін тасымалдайтын көліктер;
  • вирустың таралуының алдын алу шараларына тартылған көліктер мен адамдар, ұйымдар;
  • тіршілікті қамтамасыз ететін кәсіпорындар, көліктер мен адамдар, ұйымдар;
  • Stopcorona.kz сайтында тіркелген, ПТР анықтамасы бар, Ақмола облысында тұрмайтын тамақ өнімін өндірушілер мен ауыл шаруашылығы тауар өндірушілерінің көліктері мен қызметкерлері;
  • құқық белгілейтін құжаттарды ұсынған жағдайда, қала сыртындағы үйлеріне баратын облыс тұрғындары;

Сонымен қатар, Көкшетау (Красный Яр, Чайкино, Станционный кенттерінің) және Степногорск қалаларында жұмыс күндері қоғамдық тамақтану орындарына сағат 07.00-ден 20.30-ға дейін, сенбі күні  10.00-ден 20.30-ға дейін жұмыс істеуге рұқсат етіледі.

Ал жексенбі және мереке күндері жабылады, тек 07.00-ден 23.00-ге дейін тамақ жеткізу қызметімен айналысады.

Бұқаралық, отбасылық шараларға, оның ішінде үйде өткізуге сол күйі тыйым салынған.

Жасы 65-тен аспаған адамдарға үйден шықпауға кеңес берілді.

Жаңа қаулы 28 қараша сағат 00.00-ден бастап күшіне енеді.

171
Кілт сөздер:
коронавирус, карантин, Ақмола облысы
Тақырып:
Төтенше жағдай және карантин
Тақырып бойынша
СҚО-да карантин күшейтілді - не өзгерді
Шығыс Қазақстанда карантин қатаңдатыла ма – әкім жауап берді
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы