Көлік

Қарағандыда өз отбасын қағып өлтірген жүргізушіге үкім шықты

991
Былтыр қараша айында мас жүргізуші өзінің әйелі мен қызын қағып өлтірген еді

ҚАРАҒАНДЫ, 3 сәуір – Sputnik. Қарағанды облысында әйелі мен қызын қағып өлтірген жүргізушіге үкім шықты, деп хабарлайды Sputnik Қазақстан тілшісі.

Қайғылы оқиға 2018 жылдың қарашасында Қарақұдық ауылынан үш шақырым жерде болған. Кешкісін отбасы Қарағандыдан шығып, үйіне келе жатады. Олар қаладағы туыстарының үйлену тойына барыпты. Негізінде рөлде сотталушының бауыры отырған еді, себебі ер адам ішімдік ішетінін біліп, той алдында көлікті айдап қайтуды өтінген. 

Бірақ қайтар жолда мас ер адам көлікті өзім жүргіземін деп айғайға басады. Әйелімен де, бауырымен де жанжалдасып, көліктегілердің бәрін сыртқа қуып шығады.

Әйел қызымен бірге ауылға қара жаяу жүре береді, олар асфальт жолдан шығып, жан жолмен кетіп бара жатқан. Сотталушының бауыры олардан бірнеше метр озып кетеді, тағы бір жолаушы әйел – сол ауылдың тұрғыны, керісінше, артта қалып қойыпты. Рөлге мінген мас отағасы санаулы минуттарда әйелі мен қызын қағып кетеді.

Сотталушының айтуынша, рөлге қалай отырғанын білмейді екен, соққыдан соң ғана есін жиған. Атып шығып қараса, қызы жолаушы әйелдің қолында, әйелі көліктің арт жағында алты метрдей жерде жатыр. Әйел сол жерде жан тапсырса, ауруханаға жеткізілген жеті жасар қыз бірден комаға түскен. Миына қатты зақым келіп, өздігінен тыныс ала алмаған көрінеді. Дәрігерлер баланың өмірін сақтап қалу үшін консилиум шақырыпты, бірақ жарақаты тым ауыр болғандықтан, бүлдіршін қыз бір тәулікке жетпей көз жұмады.

Отағасы кінәсін толығымен мойындады. Сот оны 345-баптың 4-бөлімі бойынша айыпты деп танып, бес жылға бас бостандығынан айырды. Сондай-ақ көлік айдауға тыйым салды.

991
Кілт сөздер:
үкім, жүргізуші, Қарағанды
Алматы, архивтегі фото

Алматы полициясы күшейтілген жұмыс тәртібіне көшті

46
Тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді

НҰР-СҰЛТАН, 23 қараша – Sputnik. Алматы полициясы күшейтілген жұмыс тәртібіне көшірілді, деп хабарлады Polisia.kz.

Қазақстан аумағында осы жылдың 23 қарашасында басталған "Құқық тәртібі" жедел алдын алу іс-шарасы 30 қараша айына дейін жалғасады. Осыған байланысты Алматы полициясы күшейтілген жұмыс тәртібіне көшірілді. 

Қалалық полиция департаменті жергілікті полиция қызметінің бастығы Манап Саттаровтың айтуынша, аталған іс-шараға полиция қызметкерлерімен қоса Ұлттық ұлан сарбаздары да жұмылдырылады.

"Іс-шара барысында қоғамдық тәртіпті қадағалау үшін полицияның жеке құрамы күшейтілген жұмыс тәртібіне көшірілді. Қала бойынша полиция жасақтары көбейтіліп, "Құқық бұзушылыққа мүлдем төзбеушілік" қағидасы бойынша тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді", - дейді ол.

Сондай-ақ көші-қон заңдарын бұзатын келімсектерді анықтау үшін құрылыс алаңдары мен тамақтану орындары тексеріледі. Арнайы есепте тұратын адамдар мен азаматтық қару иелері де полицияның назарынан тыс қалмайды.

"Ал жедел басқарма қызметкерлері пәтер тонау, көлік ұрлығы сияқты қылмыстарды жасайтын қылмыстық топтар мен із-түзсіз жоғалған адамдарды және бұрын қылмыс жасап іздеу жарияланған адамдарды анықтауға бағытталған жұмыстарды атқарады", – деп түйіндеді Саттаров.

Алматыда 10 адамды өлтірген қылмыскерге сот үкімі шықты

Айта кетейік, кең көлемде ұйымдастырылып отырған аталған іс-шара қылмыстық ахуалды тұрақтандыруға, қылмыстар мен құқық бұзушылықтардың алдын алуға бағытталған.

46
Кілт сөздер:
полиция, Алматы
Тақырып бойынша
Жалған 900 мың долларды сатпақ болған Алматы тұрғыны ұсталды
Алматылық ағайындылар қылмысы әшкере болды
Дәретханада қыздарға порно көрсеткен ер адам 10 жылға сотталды
Нұр-Сұлтанда әйелдерге шабуыл жасаған шетелдік ұсталды
Дәрігер, архивтегі фото

Бес облыс "қызыл" аймаққа кірді: Мамин қандай тапсырма берді

2759
(Жаңартылды 20:27 23.11.2020)
Коронавируспен ауырғандардың саны Қазақстанның барлық өңірінде өскен. "Қызыл" аймаққа бес облыс, "сарыға" Батыс Қазақстан облысы мен Нұр-Сұлтан қаласы кірді  

НҰР-СҰЛТАН, 23 қараша – Sputnik. Қазақстанның премьер-министрі Асқар Мамин коронавирус инфекциясының таралуына жол бермеу жөніндегі ведомствоаралық комиссияның селекторлық отырысын өткізді. Бұл туралы үкімет басшысының баспасөз қызметі хабарлады.  

Коронавируспен ауырғандардың саны Қазақстанның барлық өңірінде өскен. Республика бойынша вирустың репродуктивтілік көрсеткіші – 1,07. Инфекциялық төсек-орындардың 22%,  реанимациялық төсек-орындардың 17% толған.

"Қызыл аймақта" 5 өңір қалып отыр:

  • Шығыс Қазақстан;
  • Павлодар;
  • Қостанай;
  • Солтүстік Қазақстан;
  • Ақмола.

"Сары аймақта" 2 өңір бар: Батыс Қазақстан облысы және Нұр-Сұлтан қаласы.

Үкімет басшысы денсаулық сақтау, индустрия министрліктеріне әкімдіктермен бірлесіп, медициналық жабдықтарды жеткізуді аяқтауды және инфекциялық стационарлардың реанимациялық бөлімшелерін толық жабдықтауды қамтамасыз етуді тапсырды.

Премьер-министр эпидемиологиялық ахуал нашарлаған жағдайда оған ведомстволық ауруханалар мен госпитальдар 100% дайын болу қажеттігін атап өтті.

Ішкі істер, еңбек, білім, қорғаныс министрліктері әкімдіктермен бірлесіп, ұжымдарда профилактикалық және эпидемияға қарсы іс-шаралардың сақталуын бақылауды күшейтуі тиіс.

Оқи отырыңыз: Коронавирус жұқтырғандарды жасыру деректері анықталды – президент 

Денсаулық сақтау министрлігіне, әкімдіктерге коронавирус инфекциясына жасалған зертханалық зерттеулердің дұрыстығын (қайта тестілеуді) қамтамасыз ету бойынша шаралар қабылдау тапсырылды. Бұл ретте зерттеулердің ашықтығын қамтамасыз ету мақсатында осы жылғы 1 желтоқсанға дейін зертханаларды бірыңғай ақпараттық жүйемен интеграциялау жұмысы аяқталады.

Денсаулық сақтау министрлігі бір апта мерзімде дәрі-дәрмектің шекті құнын төмендету мақсатында коронавирусқа қарсы препараттардың бағасын реттеу тәртібін өзгертеді.

Бәсекелестікті қорғау және дамыту агенттігіне коронавирусқа қарсы препараттар құнының жоғарылауына жол бермеу мақсатында шетелдік фармацевтикалық нарықтардағы баға конъюнктурасына талдау жүргізу тапсырылды.

2759
Кілт сөздер:
Асқар Мамин, коронавирус
Тақырып:
Коронавирус эпидемиясы
Тақырып бойынша
Павлодар облысында күдіктінің кесірінен полицейлер COVID жұқтырды
СҚО-да карантин күшейтілді - не өзгерді
Украиналық шенеуніктер Маминмен кездесуге жалған анықтамамен келді
ДДҰ коронавирустың үшінші толқыны туралы ескертті
Газ конфоркасы

Қазақстанда елді мекендердің тек 24 проценті газбен қамтылған

0
(Жаңартылды 09:43 24.11.2020)
2015-2020 жылдар аралығында республикалық бюджет есебінен әкімдіктерге газдандыру шараларына 125 миллиард теңге нысаналы трансферт бөлінген

НҰР-СҰЛТАН, 24 қараша – Sputnik. Қазақстанда 6 мыңнан астам елді мекеннің тек 1468-іне газ тартылған. Бұл туралы энергетика министрі Нұрлан Ноғаев мәлімдеді, деп хабарлайды Sputnik Қазақстан тілшісі. 

Министр 2020 жылдың 1 қаңтарындағы жағдай бойынша газдандыру деңгейі 90%-тен асатын неғұрлым газдандырылған өңірлерді атады. 

Олар: Атырау облысы – 99,6%, Маңғыстау облысы – 99%, Алматы қаласы – 98,8%, Батыс Қазақстан облысы – 96,2%, Шымкент қаласы – 92,1% және Ақтөбе облысы – 90,1%.

"Жалпы, еліміздегі 6 162 елді мекеннің 1 468-і немесе елді мекендердің жалпы санының 24%-ы газдандырылған", - деді Ноғаев үкімет отырысында.

Сондай-ақ, айтуынша, соңғы бес жылда 1 334 шақырым магистральдық газ құбырлары және 20 мың шақырымнан астам газ тарату желілері салынды.

Магистральдық газ құбырлары құрылысының өсуі 7%-ті, газ тарату желілері құрылысының өсуі 49%-ті құрады.

Биылғы жылдың қорытындысы бойынша газдандыру деңгейін 53,07%-ке жеткізу күтілуде, бұл 2015 жылғы деңгейден 10%-ке артық.

2015-2020 жылдар аралығында республикалық бюджет есебінен әкімдіктерге газдандыру шараларына 125 миллиард теңге нысаналы трансферт бөлінген, оның ішінде соңғы екі жылда 76 миллиард теңге бағытталды.

0
Кілт сөздер:
газ, Қазақстан
Тақырып бойынша
Нұр-Сұлтанда дәмханада жойқын жарылыс болды – видео
Нұр-Сұлтанда дәмханада қайтыс болған адамның отбасына 1 млн теңге төленеді
Газ нарығының болашағы қандай?
Павлодарда ТЖД қызметкері газ баллонын үйден шығарып жатқанда жарылыс болды
Мамин әкімдіктерге бір ай ішінде газ-техникалық инспекция құруды тапсырды