Көліктің жүк салғышында жатқан доллар, травматикалық тапанша, оқ-дәрі

Шалтабаевтың қатысы бар ма: бір бума ақша табылған көлік кімге тиесілі екені анықталды

430
(Жаңартылды 18:05 16.04.2019)
Көліктің жүк салғышынан травматикалық қару, оқ-дәрі және айналымға арналмаған бір бума доллар табылған еді

АЛМАТЫ, 16 сәуір — Sputnik. Қазақстанның мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департаменті Талдықорғанның бұрынғы әкіміне қатысты қызметтік тексерістің нәтижесін жария етті, деп хабарлайды Sputnik Қазақстан.

Құзырлы органның мәліметінше, Алматыда 19 наурызда тоқтатылған 055 QQQ 05 мемлекеттік нөмірдегі Toyota Camry көлігі Дастан Шалтабаевтың ұлы Тұрлыхан Тұрарбектікі екен. Бірақ көлікті бұрынғы әкімнің баласы емес, оның сыныптасы Арлан Шәріпов тізгіндеген. Одан бөлек, көлік ішінде С. Бейсен және Н.Мақұл есімді жолаушылар отырыпты.

"Н.Мақұл деген азаматқа қатысты Қылмыстық кодекстің 287-бабы, яғни "газды қаруды заңсыз сақтау" бойынша қылмыстық іс тіркелді. Ал жүргізуші Шәріповке қатысты әкімшілік құқық бұзушылық бойынша үш бірдей іс қозғалды", - делінген хабарламада.

Анықталғандай, сол күні көлік иесі Тұрлыхан Тұрарбек әл-Фараби атындағы Қазақ ұлттық университетінде сабақта болған.

"Қызметтік тексерістің нәтижесінде Дастан Шалтабаевтың тарапынан заң бұзушылық орын алған жоқ деген қорытынды шығарылды", - деді департаменттен.

Тағы оқыңыз: Тапанша, оқ-дәрі және бір бума ақша: Алматы орталығында мұздай қаруланған ер адам ұсталды

Айта кетсек, 19 наурызда Алматы қаласының орталығында полицейлер жедел қызметтің арнайы сигналы орнатылған Toyota Camry 70 көлігін тоқтатқан. Тексеру кезінде жүк салғыштан травматикалық қару, оқ-дәрі және айналымға арналмаған бір бума доллар табылған. Кейін жүргізушінің көлікті заңсыз жүргізгені анықталды.

Осы шулы оқиғадан соң, көп ұзамай, 12 сәуірде Дастан Шалтабаев Талдықорған әкімі қызметінен кетті. Кейіннен оның облыстық әкімдіктегі "Қорғас" шекара маңы ынтымақтастығы халықаралық орталығы бойынша жұмыстың жетекшісі боп тағайындалғаны белгілі болды.

430
Кілт сөздер:
жүргізуші, доллар, тапанша, көлік, әкім, Талдықорған
Алматы, архивтегі фото

Алматы полициясы күшейтілген жұмыс тәртібіне көшті

29
Тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді

НҰР-СҰЛТАН, 23 қараша – Sputnik. Алматы полициясы күшейтілген жұмыс тәртібіне көшірілді, деп хабарлады Polisia.kz.

Қазақстан аумағында осы жылдың 23 қарашасында басталған "Құқық тәртібі" жедел алдын алу іс-шарасы 30 қараша айына дейін жалғасады. Осыған байланысты Алматы полициясы күшейтілген жұмыс тәртібіне көшірілді. 

Қалалық полиция департаменті жергілікті полиция қызметінің бастығы Манап Саттаровтың айтуынша, аталған іс-шараға полиция қызметкерлерімен қоса Ұлттық ұлан сарбаздары да жұмылдырылады.

"Іс-шара барысында қоғамдық тәртіпті қадағалау үшін полицияның жеке құрамы күшейтілген жұмыс тәртібіне көшірілді. Қала бойынша полиция жасақтары көбейтіліп, "Құқық бұзушылыққа мүлдем төзбеушілік" қағидасы бойынша тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді", - дейді ол.

Сондай-ақ көші-қон заңдарын бұзатын келімсектерді анықтау үшін құрылыс алаңдары мен тамақтану орындары тексеріледі. Арнайы есепте тұратын адамдар мен азаматтық қару иелері де полицияның назарынан тыс қалмайды.

"Ал жедел басқарма қызметкерлері пәтер тонау, көлік ұрлығы сияқты қылмыстарды жасайтын қылмыстық топтар мен із-түзсіз жоғалған адамдарды және бұрын қылмыс жасап іздеу жарияланған адамдарды анықтауға бағытталған жұмыстарды атқарады", – деп түйіндеді Саттаров.

Алматыда 10 адамды өлтірген қылмыскерге сот үкімі шықты

Айта кетейік, кең көлемде ұйымдастырылып отырған аталған іс-шара қылмыстық ахуалды тұрақтандыруға, қылмыстар мен құқық бұзушылықтардың алдын алуға бағытталған.

29
Кілт сөздер:
полиция, Алматы
Тақырып бойынша
Жалған 900 мың долларды сатпақ болған Алматы тұрғыны ұсталды
Алматылық ағайындылар қылмысы әшкере болды
Дәретханада қыздарға порно көрсеткен ер адам 10 жылға сотталды
Нұр-Сұлтанда әйелдерге шабуыл жасаған шетелдік ұсталды
Дәрігер, архивтегі фото

Бес облыс "қызыл" аймаққа кірді: Мамин қандай тапсырма берді

2313
(Жаңартылды 20:27 23.11.2020)
Коронавируспен ауырғандардың саны Қазақстанның барлық өңірінде өскен. "Қызыл" аймаққа бес облыс, "сарыға" Батыс Қазақстан облысы мен Нұр-Сұлтан қаласы кірді  

НҰР-СҰЛТАН, 23 қараша – Sputnik. Қазақстанның премьер-министрі Асқар Мамин коронавирус инфекциясының таралуына жол бермеу жөніндегі ведомствоаралық комиссияның селекторлық отырысын өткізді. Бұл туралы үкімет басшысының баспасөз қызметі хабарлады.  

Коронавируспен ауырғандардың саны Қазақстанның барлық өңірінде өскен. Республика бойынша вирустың репродуктивтілік көрсеткіші – 1,07. Инфекциялық төсек-орындардың 22%,  реанимациялық төсек-орындардың 17% толған.

"Қызыл аймақта" 5 өңір қалып отыр:

  • Шығыс Қазақстан;
  • Павлодар;
  • Қостанай;
  • Солтүстік Қазақстан;
  • Ақмола.

"Сары аймақта" 2 өңір бар: Батыс Қазақстан облысы және Нұр-Сұлтан қаласы.

Үкімет басшысы денсаулық сақтау, индустрия министрліктеріне әкімдіктермен бірлесіп, медициналық жабдықтарды жеткізуді аяқтауды және инфекциялық стационарлардың реанимациялық бөлімшелерін толық жабдықтауды қамтамасыз етуді тапсырды.

Премьер-министр эпидемиологиялық ахуал нашарлаған жағдайда оған ведомстволық ауруханалар мен госпитальдар 100% дайын болу қажеттігін атап өтті.

Ішкі істер, еңбек, білім, қорғаныс министрліктері әкімдіктермен бірлесіп, ұжымдарда профилактикалық және эпидемияға қарсы іс-шаралардың сақталуын бақылауды күшейтуі тиіс.

Оқи отырыңыз: Коронавирус жұқтырғандарды жасыру деректері анықталды – президент 

Денсаулық сақтау министрлігіне, әкімдіктерге коронавирус инфекциясына жасалған зертханалық зерттеулердің дұрыстығын (қайта тестілеуді) қамтамасыз ету бойынша шаралар қабылдау тапсырылды. Бұл ретте зерттеулердің ашықтығын қамтамасыз ету мақсатында осы жылғы 1 желтоқсанға дейін зертханаларды бірыңғай ақпараттық жүйемен интеграциялау жұмысы аяқталады.

Денсаулық сақтау министрлігі бір апта мерзімде дәрі-дәрмектің шекті құнын төмендету мақсатында коронавирусқа қарсы препараттардың бағасын реттеу тәртібін өзгертеді.

Бәсекелестікті қорғау және дамыту агенттігіне коронавирусқа қарсы препараттар құнының жоғарылауына жол бермеу мақсатында шетелдік фармацевтикалық нарықтардағы баға конъюнктурасына талдау жүргізу тапсырылды.

2313
Кілт сөздер:
Асқар Мамин, коронавирус
Тақырып:
Коронавирус эпидемиясы
Тақырып бойынша
Павлодар облысында күдіктінің кесірінен полицейлер COVID жұқтырды
СҚО-да карантин күшейтілді - не өзгерді
Украиналық шенеуніктер Маминмен кездесуге жалған анықтамамен келді
ДДҰ коронавирустың үшінші толқыны туралы ескертті