Жүк көлігі

Көзін байлап, далаға тастаған: жүк көлігін тоқтатқан жігіттер ұры болып шықты

1008
(Жаңартылды 14:16 02.05.2019)
Күдіктілер 25 тонна бидайды ұрламақшы болған

НҰР-СҰЛТАН, 2 мамыр – Sputnik. Петропавл - Жезқазған тас жолында КамАЗ жүргізушісін тонаған күдіктілер ұсталды, деп хабарлайды Ақмола облысы полиция департаментінің баспасөз қызметі.

19 сәуірде Арқалық қаласындағы полиция басқармасының кезекші бөліміне 30 жастағы КамАЗ жүргізушісінен арыз түскен. Оның айтуынша, Жарқайың ауданы арқылы өтетін Петропавл - Жезқазған тас жолында бейтаныс азаматтар тоқтатып, тонап кетіпті.

Тағы оқыңыз: Нағашысы 9 жастағы жиенін көліктің артына байлап сүйреген - фото

Полицияның мәліметіне сәйкес, күдіктілер жүргізушінің көзін байлап тастаған. Зардап шегуші бірнеше сағат бойы күдіктілермен бір көлікте отырады, тонаушылар машинаны белгісіз бағытта айдаған көрінеді.

Жүк көлігі
© Photo : Ақмола облысы полиция департаментінің баспасөз қызметі
Жүк көлігі

Тергеу барысында анылтақғандай, күдіктілер жүк көлігіне тиелген 25 тонна бидайды ұрламақшы болыпты. Көліктің дөңгелегі жарылып, жолда қалып қояды. Ақыры жүргізушіні жіберуге мәжбүр болған.

Содан кейін 30 жастағы көлік иесі Арқалық қаласына барып, полицияға арызданған екен. Ақшасы мен ұялы телефонын тонаушылар ұрлап кетіпті.

Тағы оқыңыз: Көкшетаулық жігіт әкесінің қол-аяғын байлап, далаға тастап кетті

Шұғыл іздестіру барысында Қостанай қаласының 25 және 27 жастағы екі тұрғыны ұсталды. Қазір сотқа дейінгі тергеу жүргізіліп жатыр.

1008
Кілт сөздер:
жүк көлігі, жүргізуші, Ақмола облысы
Жел, боран

Синоптиктер ертең ауа райы қандай болатынын айтты

1548
30 қараша күні елдің басым бөлігінде дабылды ескерту жарияланып отыр. Жел күшейіп, боран болатыны хабарланды

АЛМАТЫ, 29 қараша — Sputnik. Антициклон әсерінен елдің басым бөлігінде жауын-шашынсыз ауа райы болады, бірақ бұрқасын жүреді, деп хабарлады "Қазгидромет".

"Солтүстік, шығыс, орталық және оңтүстік-шығыста кей жерлерде қар жауады. Көптеген өңірде тұман, бұрқасын болып жел күшейеді. Солтүстік-шығыста  - көктайғақ", - делінген хабарламада. 

Дабылды ескерту

Ақмола, Шығыс Қазақстан облыстарында тұман, бұрқасын, желдің жылдамдығы - 15-20 м/с. 

Алматы облысында тұман, көктайғақ болады.

Жамбыл, Қызылорда облыстарында тұман, ал күндіз көктайғақ. 

Түркістан, Маңғыстау, Атырау облыстарында жел күшейеді, жылдамдығы секундына 15-20 метр.

Түркістан облысында - тұман.

Солтүстік Қазақстан, Павлодар, Батыс Қазақстан, Қостанай, түнде Ақтөбе облысында да тұман болады.

Ірі қалалардағы ауа райы

Елордада түнде минус 19-21 градус, күндіз 15-17 градус суық

Алматыда жауын-шашынсыз. Түнде минус 7-9 градус, күндіз – 2-4 градус салқын.

Шымкентте түнде – 7-9 градус, күндіз 3-5 градус нөлден жоғары.

1548
кісен, архив

Қарағандылық полицейлер қауіпті банда ұсталған сәттің видеосын жариялады

1656
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

1656
Құлаққап, телефон

Құлаққап денсаулыққа зиян келтірмеуі үшін қалай қолдану қажет дәрігер кеңесі

3
(Жаңартылды 10:36 30.11.2020)
Дамыған елдер халқының 25%-інде 50 жасқа дейінгі азаматтардың есту қабілеті нашарлаған. Дәрігер құлаққап таққан кезде дыбыс деңгейінің қандай болуы қажет екенін айтты

АЛМАТЫ, 30 қараша – Sputnik. Дәрігер әрі тележүргізуші Александр Мясников құлаққаптың адам денсаулығына қандай зиян келтіретінін айтты, деп хабарлайды РИА Новости.

"Қауіпсіз құлаққап болмайды. Қауіпсіз – бұл 80 децибел, ал құлаққаптарда 100 және 120 децибел болуы мүмкін", - дейді Мясников "Россия 1" телеарнасының эфирінде.

Дәрігердің айтуынша, адам құлаққапты үш-төрт жыл қолданғаннан кейін есту қабілеті нашарлай бастайды.

Осыған байланысты дамыған елдер халқының 25%-інде 50 жасқа дейінгі азаматтардың есту қабілеті нашарлаған.

Ал құлаққап тағып жүрген кезде адам өз даусы мен жанындағы адамның сөзін еститіндей болса, бұл қалыпты болып саналады. Ал басқа жағдайда дыбысты бәсеңдету керек. Сондай жағдайда құлаққаптар аз зиян келтіреді.

3
Кілт сөздер:
пайдалы кеңес, дәрігер, есту қабілеті
Тақырып бойынша
Ай сайын смартфоннан нені өшіріп тұру қажет - маман кеңесі
Мамандар телефонда қандай смс сақтауға болмайтынын ескертті
Дәрігер телефонның жарығы орны толмас өкінішке әкелуі мүмкін екенін айтты
Ғалымдар ұялы телефонның қауіпті функциясын анықтады
Шымкенттікті телефонның "зарядкасынан" тоқ соқты: жігіт тіл тартпай кетті