Өңірлер

Қазақстанның батысында ғайыптан көл пайда болды

© Photo : СС0 / kordula vahleОзеро
Озеро - Sputnik Қазақстан
Жазылу
Жаңа су қоймасы бірнеше күн бұрын шөл даланың қақ ортасында пайда болған

НҰР-СҰЛТАН, 7 маусым — Sputnik. Атырау облысы Мақат ауданында екі шоқының арасындағы сайда тұщы көл пайда болды, деп хабарлайды "Хабар" телеарнасы.

Осы маңдағы жаңа әрі жалғыз тұщы су осыдан бірнеше күн бұрын ғана пайда болыпты. Мамандар әлі судың құрамын тексерген жоқ, бірақ оның тұщы екені анық. Адамдар әзірге өз пайдасына жаратпаса да, төрт түлік мал мен құс біткен табиғаттың "тосынсыйының" рахатын көріп жатыр.

Тағы оқыңыз: Ресей Қазақстанға көл сыйға тартты

Мамандардың пайымдауынша, көлде кем дегенде 5 мың метр куб су бар. Көлдің қайдан пайда болғаны анықталуы тиіс. Бәлкім, жер астында әжептәуір су қоры болуы мүмкін.

Алайда мамандар әуелі судың химиялық құрамын анықтап, ауыр металл және басқа қоспалардың барын тексереді.Сараптама нәтижелерін жергілікті фермерлер асыға күтіп отыр, олар аяқ асты пайда болған су қорын шаруашылықта пайдалансақ дейді.

Тағы оқыңыз: Ақтөбе мен Атырау облыстары бес-алты жылда шөл далаға айналуы мүмкін

Айта кетсек, бұл ауданның 21 елді мекенінде орталық сумен қамту жоқ.

Жаңалықтар
0