Балалар

Арыстағы жарылыс: министрлік жоғалған балалар туралы айтты

951
Ішкі істер вице-министрі хабарлағандай, жарылыстан зардап шеккен 19 бала Шымкентке жеткізілген

НҰР-СҰЛТАН, 25 маусым – Sputnik. Арыс қаласында жоғалған және адасып кеткен балалар жоқ. Бұл туралы ішкі істер министрінің орынбасары Юрий Ильин мәлімдеді, деп хабарлайды Sputnik Қазақстан тілшісі.

Ильиннің айтуынша, зардап шеккен 19 бала Арыс қаласынан Шымкентке жеткізілген. Бір жасқа дейінгі үш сәбиді ата-анасы түн ішінде алып кетіпті.

Тағы оқыңыз: Арыста әлі де жарылыс қаупі бар - министрлік

"Басқа елді мекендерде қалған балалар бар. Ата-анасы олардың қайда екенін біледі. Дәл қазір жоғалған балалар жоқ", - деді ол орталық коммуникациялар қызметінде өткен брифингте.

Бұған қоса, Ильин денсаулық сақтау министрлігі мен ішкі істер министрлігінің жарылыстан зардап шеккендердің санына қатысты мәліметі неге әртүрлі екенін түсіндірді. Айтуынша, денсаулық сақтау министрлігі қан қысымы көтерілген адамдарды есепке алса, ішкі істер министрлігі жарылыс салдарынан жарақат алғандарды ғана есептейді екен.

"Өкінішке қарай, мемлекеттік органдардың әрқайсысы әртүрлі цифр келтіріп жатыр. Қазір бәрін бір ретке келтіру үшін төтенше жағдайлар комитетінің базасында жедел басқару орталығының жұмысы ұйымдастырылды", - деді министрдің орынбасары.

Сонымен қатар, брифинг барысында БАҚ өкілдері Арыс перзентханасындағы аналардың жағдайы туралы сұрады. Денсаулық сақтау вице-министрі Олжас Әбішевтің айтуынша, 26 жедел жәрдем бригадасы (оның төртеуі Жамбыл облысынан қосылған) перзентхана қызметкерлері мен онда жатқан әйелдерді Шымкент қаласына көшірген.

Тағы оқыңыз: Жарылыстан кейінгі Арыс - жантүршігерлік видео

"Қазір әйедердің жағдайы орташа, өміріне ешқандай қауіп-қатер төніп тұрған жоқ. Шымкентте барлық медициналық қызмет толығымен көрсетіліп жатыр", - деп сендірді ол.

Арыстағы жарылыс

Қазақстандықтарды дүрліктірген жарылыс 24 маусым күні таңертең болды. Түркістан облысы Арыс қаласындғы әскери бөлім аумағында өрт шығып, оқ-дәрілер жарылған.

Қауіпсіздік мақсатында қала тұрғындары жақын маңдағы елді мекендерге көшірілді.

Төтенше оқиға салдарынан екі адам қаза тапты, оның бірі – әскери қызметкер. Денсаулық сақтау министрлігінің мәліметіне сүйенсек, жарылыстан кейін 165 тұрғын дәрігерлердің көмегіне жүгінген.

Жарылыстан кейін қару, басқаларға қауіп тудыратын заттар мен нәрселерді сақтау ережесін бұзу бабы бойынша қылмыстық іс қозғалды. Ішкі істер органдары жағдайды өз бақылауына алды.

Қазақстан президенті Қасым-Жомарт Тоқаев Арыс қаласына аралап, сондай-ақ эвакуация бекетіндегі тұрғындармен кездесті. Мемлекет басшысы жарылысқа кінәлілердің заң жүзінде қатаң жазаланатынын айтты.

951
Кілт сөздер:
із-түзсіз жоғалу, балалар, жарылыс
Тақырып:
Арыстағы жарылыс (90)
Тақырып бойынша
Арыстағы жарылыс: Тоқаев зардап шеккендердің көңілін сұрауға барды
Арыста қаза тапқан екі адамның туыстарына көңіл айтамыз - Асқар Мамин
Арыстағы төтенше оқиға: 15 адам жансақтау бөліміне түсті
"Ұрлық бар": ішкі істер министрі Арыс қаласындағы ахуал туралы айтты
Арыста әскери қызметкер қаза тапты – қорғаныс министрлігі мән-жайды түсіндірді
Арыстағы жарылыс: апелляциялық комиссия жұмысын тоқтатуға мәжбүр болды
Архивтегі фото

Павлодарда ТЖД қызметкері газ баллонын үйден шығарып жатқанда жарылыс болды

573
(Жаңартылды 15:43 27.10.2020)
Үй иесі жарылыс салдарынан күйіп қалды, төтенше жағдайлар департаментінің қызметкері де зардап шекті

АЛМАТЫ, 27 қазан – Sputnik. Павлодар төтенше жағдайлар департаментінің қызметкері Уәлиханов көшесіндегі үйлердің бірінде газ шығып жатқанын естіген бойда көрсетілген мекенжайға аттанған.

Үйде шынымен де ақаулы баллоннан газ шығып жатқан болып шықты. Құтқарушы жарылыстың алдын алу үшін үй иесімен бірге баллонды сыртқа шығаруға шешім қабылдаған.   

"Газ баллонын тасымалдау кезінде газ-ауа қоспасы тұтанып, артынша 40 шаршы метр аумақтағы тұрмыстық заттар өртенген. Оқиға орнында 8 адам болды", - деп хабарлады төтенше жағдайлар министрлігі.

Күйіп қалған 1957 жылғы үй иесі ауруханаға түсті. Төтенше жағдайлар департаментінің қызметкері Сабыржан Тастембеков те зардап шекті – оның беті мен аяқ-қолының 8%-ін күйік шалған.

Ауызашарға тамақ пісіріп жатқан: Шымкентте дәмхана қожайыны мен немересі көз жұмды

Оқиға орнына келген өрт сөндірушілер 83 жастағы әйелді үйден шығарып үлгерді. Оған медициналық көмек қажет болмады. Өртті сөндіруге 18 қызметкер мен 5 техника қатысты.  

573
Кілт сөздер:
Павлодар, жарылыс, газ баллоны
Тақырып бойынша
Нұр-Сұлтанда ГАЗель жарылды – видео
Шымкентте бір отбасы газдан уланып қайтыс болды
Ақтөбеде газ жарылды: зардап шеккендер бар
Солтүстік Қазақстанда үйден ағалы-інілі екі ер адамның денесі табылды
Жасөспірім

Қостанайда педофил қолынан мерт болған қыздың ағасы жоғалып кетті

670
(Жаңартылды 13:03 27.10.2020)
Қостанай облысы Бағаналы ауылының жиырма жастағы тұрғыны Олег Ганя 15 қазанда үйінен шығып, хабар-ошарсыз кеткен

АЛМАТЫ, 27 қазан – Sputnik. Қостанай облысында полицейлер мен еріктілер 15 қазанда үйінен шығып, содан бері хабар-ошарсыз кеткен 20 жастағы Олег Ганяны іздестіріп жатыр.

20 жастағы жігітті іздеу жұмыстары жүргізіліп жатқаны туралы еріктілер әлеуметтік желілерде жариялады.

"2000 жылы 23 шілдеде дүниеге келген Олег Ганя Викторович іздестіріліп жатыр. Ол 15 қазанда Бағаналы ауылындағы үйінен Павлов ауылына шығып кеткен. Қостанай қаласында болуы мүмкін", – деп нақтылады еріктілер әлеуметтік желіде.

Олег Ганяның бойы 175 сантиметр, дене бітімі орташа, ақшыл сары шашты, сұр-көк көзді. Үстіне көгілдір түсті камуфляжды костюм киген.

"Оныншы аймақ" пен "Дос" тобының өкілдері іздеу жұмыстарына кірісті. Біз Киев ауылындағы пәтер иелерінің кооперативі аймағынан іздеп жатырмыз. Сол жақтан адамдар хабарласып, көргендерін айтты. Бұл жұмысқа 60-қа жуық ерікті жұмылдырылды. Барлық шара полициямен бірлесіп атқарылуда", – деді Sputnik Қазақстан тілшісімен телефон арқылы сөйлескен қостанайлық еріктілер.

Ал қандай да бір ақпарат беремін деген адамдар 8-777-973-19-40, 8-707-197-18-48, 8-707-252-15-00 телефон нөмірі арқылы хабарласа алады.

Сондай-ақ, еріктілер Олег Ганя Виктория Ганяның үлкен ағасы екенін хабарлады.

Еске салайық, 2014 жылы жеті жастағы қыз педофилдің құрбаны болды.

Виктория Ганя 2014 жылдың 24 сәуірінде жоғалып кетті. Сол күні онымен бірге ойнаған балалардың айтуынша, оны бейтаныс адам белгісіз бағытқа алып кеткен.

Баланы іздеу бір айға жуық уақытқа созылды. Жеті жастағы Викторияның денесін еріктілер Рудный-Тобыл тас жолы бойындағы қараусыз қалған гараж ғимаратынан тапты.

ДНҚ сараптамасы арқылы қылмыскердің жеке басы анықталды.

Оқи отырыңыз: "Ақылымнан адастым": Рудныйда 7 жасар қызды зорлаған педофил қылмысы туралы айтты

Құқық қорғаушылар күдікті Лесниковты ідестіре бастағанда оның түрмеде отырғанын анықтаған. Сөйтсе, ол бұған дейін мерзімінен бұрын бостандыққа шыққанымен, тұрғылықты жері бойынша учаскелік инспектордың тіркеуіне бармай қойған. Сол үшін оған түрмеге қайта отырғызу жазасы қарастырылып, 2014 жылы 29 сәуірде қамады. Ал Виктория Ганя ол қамалардан бес күн бұрын жоғалған.

Тергеу нәтижелері бойынша Денис Лесниковтың Виктория Ганяны өлтіргені толық дәлелденіп, ол өмір бойына бас бостандығынан айырылды.

670
Кілт сөздер:
Қостанай облысы, оқиға, педофил
Тақырып бойынша
Павлодар облысында 4 айдан бері жоғалған әскери қызметкер іздестірілуде
Қостанай облысында алты тәулік бойы жоғалған аңшы іздестірілуде
Үнді азаматына тұрмысқа шыққан тараздық келіншек Америкада іздестірілуде
Ақмола облысында жұмбақ жағдайда жоғалып кеткен ер адам іздестірілуде
Алматыда ер адамды қағып өлтіріп, қашып кеткен жүргізуші іздестірілуде
Орталық сайлау комиссиясының ғимараты

Орталық сайлау комиссиясы қазақстандықтарға үндеу жасады

75
Әрбір қазақстандық сайлау күні белгіленген кезден бастап тиісті жергілікті атқарушы органда сайлаушы ретінде тіркелуге құқылы, деп хабарлады орталық сайлау комиссиясы

НҰР-СҰЛТАН, 27 қазан – Sputnik. Орталық сайлау комиссиясы мәжіліс пен мәслихат депутаттарының сайлауы қарсаңында қазақстандықтарға үндеу жасады, деп хабарлайды Sputnik Қазақстан тілшісі.

Орталық сайлау комиссиясының отырысында белсенді сайлау құқығына ие Қазақстан азаматтарын сайлаушылар тізіміне енгізу бойынша үндеу қабылданды.

Мәжіліс пен мәслихат сайлауында 18 жасқа толған және белсенді сайлау құқығына ие кез келген қазақстандық дауыс бере алады.

"Сіздің сайлаушылар тізімінде болуыңыз – сайлауға қатысуға конституциялық құқығыңыздың кепілі. Сайлаушылар тізімдерін жергілікті атқарушы органдар жасайды. Сіздің нақты сайлау учаскесінің аумағындағы тұрғылықты жеріңіз бойынша тіркелуіңіз сізді сайлаушылар тізіміне енгізу үшін негіз болып табылады. Сайлау учаскелерінің шекаралары жергілікті бұқаралық ақпарат құралдарында 2020 жылы 5 қарашадан кешіктірілмей жарияланады", - делінген үндеуде.

Әрбір қазақстандық сайлау күні белгіленген кезден бастап тиісті жергілікті атқарушы органда сайлаушы ретінде тіркелуге құқылы. Егер азамат басқа өңірде жүріп, дауыс беретін күні сайлаушы ретінде тіркелген қаласына бара алмайтынын білсе, онда өзі жүрген қаланың әкімдігіне 10 желтоқсанға дейін жазбаша өтінішпен жүгіне алады. 

"26 желтоқсаннан бастап сізге өз сайлау учаскеңіздегі сайлаушылар тізімінен өзіңіз жайлы деректерді тексеру мүмкіндігі беріледі", - деді сайлау комитеті.

Айта кетсек, мәжіліс пен мәслихаттар сайлауы 2021 жылы 10 қаңтарда өтеді. Кандидаттарды ұсыну 10 қарашада басталып, 30 қараша күні кешкі сағат 18:00-де аяқталады.

10 желтоқсан күні сайлауалды үгіт-насихат басталып, 2021 жылы 9 қаңтарда 00:00-де аяқталады. 9 қаңтар – тыныштық күні.

Ал 10 қаңтарда қазақстандықтар таңғы жетіден кешкі сегізге дейін дауыс  береді.

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

75
Кілт сөздер:
сайлау
Тақырып:
Мәжіліс сайлауы