Сәбилердің архивтегі фотосы

Шымкентте 12 жыл бойы бір перзентке зар болған келіншек үшем туды

1804
Қыздардың үлкені Айзия 2,400 грамм болып туды. Ал, Айзере мен Алуа 2 келіден сәл ғана асады

НҰР-СҰЛТАН, 27 маусым – Sputnik. Шымкентте 12 жыл бойы нәресте күткен ана дүниеге үшем әкелді.  

Шала туған шақалақтарды дәрігерлер бір ай бойы күтіп, апта басында перзентханадан шығарды.

Аида Баянболова – 33 жаста. Алғашқы жүктілігінде дүниеге үшем әкеліп отыр. Әйел бақытын 12 жыл күткен келіншек жасанды ұрықтандырудың арқасында үш қыздың анасы атанды, деп хабарлайды otyrar.kz.

"Өте қуаныштымын, Аллаға шүкір, осындай ана бақытын сезінуді бәріне тілер едім. Бұл керемет сезім", - дейді үшемнің анасы Аида Баянболова.

Қыздардың үлкені Айзия 2,400 грамм болып туды. Ал, Айзере мен Алуа 2 келіден сәл ғана асады. Сәбилер 21 күн дәрігерлердің бақылауында болып, перзентханадан шығарылды. Ата-анасы мен туыстарының қуанышында шек жоқ.

Тағы оқыңыз: Ош қаласында "жоғалған" нәрестеге қатысты тексеріс аяқталды

Сондай-ақ, тағы бір жас ана үшем дүниеге әкеліп, қаланың демографиялық өсіміне үлес қосты. 21 жасында 3 баланың анасы атанған Гүлмира Қуандықова жүктілігінің 32-ші аптасында босанды. Шала туған нәрестелер қазір жан сақтау бөлімінде жатыр.

"Қуаныштымын, үшем екенін жүктілігімнің 3-ші аптасында білдім", - дейді жас ана.

Жас ана мен сәбилерге қалалық денсаулық сақтау басқармасы атынан арнайы сыйлық табысталды.

"Бұл біздің қаламызда жыл басынан бері туған алғашқы үшемдер. Екеуі қатар дүниеге келіп отыр. Алғашқысын шығардық, міне екіншісі жан сақтау бөлімінде. Ерте туған нәрестелердің салмағы өте аз. Бірақ соған қарамай №1 перинатальдық орталық дәрігерлері бар күшін салып, сәбилерді оңалтуда. Анасының да көңілі тоқ", - дейді Шымкент қалалық денсаулық сақтау басқармасы ана мен бала денсаулығын қорғау бөлімінің басшысы Инна Глазебная.

Бір қуантарлығы күнгейде дүниеге келген үшемдер қатары көбейіп келеді.

1804
Кілт сөздер:
Шымкент, үшем
Тақырып бойынша
"Егіз күткен едік" Қостанай облысында жас келіншек үшем туды - видео
Ақтауда 35 жастағы әйел үшем туды
Өзбекстан президенті үшем дүниеге келген отбасыға ерекше тосынсый жасады
Егіздің сыңары болған қиын ба – күлкілі видео
Екі ұл, бір қыз: Астанада үшем дүниеге келді
Өткен жылы Қазақстанда қанша бала дүниеге келді
Қашықтан оқу

Ақтөбе облыстық білім басқармасының былығы ашылды

55
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

55
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады
Нұрсұлтан Назарбаев әуежайы, жолаушыларды тіркеу

Бекшин коронавирус жұқтырғандардың қай елдерден көп келетінін айтты

81
COVID-19 инфекциясын жұқтырғандардың барлығы демалыс орындарынан келіп жатыр, деп атап өтті Жандарбек Бекшин

АЛМАТЫ, 26 қазан – Sputnik. Алматының бас санитар дәрігері Жандарбек Бекшин шетелден коронавирус жұқтырып келгендердің көбісі Мысыр, Түркия және Біріккен Араб Әмірліктерінде болғанын айтты, деп хабарлайды Sputnik Қазақстан тілшісі.

"Инфекция жұқтырғандардың барлығы демалыс орындарынан келіп жатыр. Мысырдан келген 14 адамнан коронавирус табылды. Екінші орында Түркия тұр. Анталия, Ыстамбұл қаласынан келген сегіз адам ауру жұқтырған. Үшінші орында Біріккен Араб Әмірліктері тұр. Бұл жақтан оралған 6 қазақстандықтан инфекция табылды", - деді Жандарбек Бекшин.

Айтуынша, барлығы инфекциялық стационарға оқшауланған. Олармен байланыста болғандар тексеріліп, медициналық бақылауға алынды.

Оқи отырыңыз: Алматыда бас санитар дәрігердің жаңа қаулысы шықты 

Айта кетейік, 26 қазанда Алматының бас санитар дәрігері Жандарбек Бекшиннің жаңа қаулысы шықты. Оған сәйкес, шетелден дене қызуы көтеріліп келген жолаушылар стационарға жатқызылып, зертханалық тексерістен өтеді.

Сондай-ақ, коронавирустың бар-жоғын анықтайтын ПТР-тестен өтпеген қазақстандықтар карантиндік стационарларға орналастырылады.

81
Кілт сөздер:
коронавирус, Жандарбек Бекшин
Тақырып:
Коронавирус эпидемиясы
Тақырып бойынша
Кинотеатрға екі қаланың тұрғындары ғана бара алады  
Нұр-Сұлтанға келген 100-ден астам жолаушы карантинге жіберілді
Тоқаев карантин енгізген кезде кәсіпкерлердің мүддесін ескеруді тапсырды
Бекшин Алматыдағы кинотеатрлардың жұмыс істеу тәртібін түсіндірді
Төбелес, архивтегі сурет

Қарағандыда жаппай төбелес болғаны хабарланды

3
(Жаңартылды 08:58 27.10.2020)
Ер адамдар пабта отырған, мекеме жабылар алдында жанжал туындап соңы жаппай төбелеске дейін жетті

НҰР-СҰЛТАН, 27 қазан — Sputnik. Қарағандыда болған жаппай төбелес салдарынан үш ер адам жарақат алды, пышақ тиген. Біреуі ауруханада жатыр.

Олар қаладағы барлардың бірінде отырған. Бірге бармағаны хабарланып отыр. Паб жабылған соң далада жанжал туындаған, деп хабарлайды Astana телеарнасы.

Оқиға орнына жеткен полицейлер төбелесті тоқтатты. Қарағанды облысы полиия департаментінің ақпаратына сәйкес, жанжалға не себеп болғаны анықталып жатыр.

"Полиция қызметкерлері оқиғаға қатысы барларды ұстап, полиция бөліміне жеткізді. Үшеуі жарақат алып, ауруханаға түсті. Біреуі ауруханада жатыр. Оқиғаның мән-жайы анықталуда", - деді полиция департаментінің баспасөз хатшысы Жанатай Сембеков.

Ауруханада жатқан ер адамның бауырына пышақ тиген. Қазіргі уақытта жағдайы тұрақты.

Қару қолданумен болған "бұзақылық" бабы бойынша қылмыстық іс қозғалды.

3
Кілт сөздер:
жаппай төбелес, Қарағанды