Өңірлер

Ақмола облысында жол апатынан 6 адам қаза болды: тірі қалғандардың жағдайы қалай?

© Photo : Pixabay / Michael Schwarzenberger Разбитое стекло автомобиля, иллюстративное фото
Разбитое стекло автомобиля, иллюстративное фото - Sputnik Қазақстан
Жазылу
Зардап шеккендердің бірі Нұр-Сұлтан ауруханасына жатқызылды, дәрігерлер оның жағдайын бірқалыпты ауыр деп бағалады

КӨКШЕТАУ, 9 шілде — Sputnik. Ақмола облысы Астрахань ауданындағы жантүршігерлік жол апатынан зардап шеккендердің бірі Нұр-Сұлтандағы қалалық ауруханаға жеткізілген. Аудандық ауруханада жатқан басқа науқастардың жағдайы бірқалыпты ауыр және қанағаттанарлық. Бұл туралы Instagram парақшасында өңір басшысының орынбасары Марат Иғали айтты, деп хабарлайды Sputnik Қазақстан тілшісі.

Иғали хабарлағандай, үш көлік соқтығысқан жол апатынан зардап шеккендердің жағдайын білуге Ақмола облысының әкімі Ермек Маржықпаевтың тапсырмасымен Астрахань ауданы әкімінің міндетін атқарушы Жанар Шахпутова барыпты.

"Қазір зардап шеккендердің бірі Нұр-Сұлтандағы қалалық ауруханаға жатқызылған. Жағдайы бірқалыпты ауыр. Тағы бір науқас аудандық ауруханада жатыр, жағдайы бірқалыпты ауыр, ол тасымалдауға болмайтын халде. Тағы бір әйелге ота жасалды", - деді облыс әкімінің орынбасары Марат Иғали.

Иғалидің парақшасындағы шағын видеороликте дәрігер ота жасалған әйелдің табан буыны шығып кеткенін айтты. Науқастың жағдайы қанағаттанарлық. Әрі қарай травматология бөлімінде қаралып, ем алу үшін оны да елордалық ауруханаға жөнелтпек.

Тағы оқыңыз: Павлодар облысындағы ірі жол апаты: бір адам қаза болды

"Екі баласы туыстарымен Нұр-Сұлтанға кетті. Апаттан зардап шеккендердің бәріне тиісті көмек көрсетіліп жатыр. Қаза тапқандардың туыстары мен жақындарына көңіл айтамыз", - деп жазды Иғали.

Видеороликте дәрігер тағы бір қыздың жағдайы қанағаттанарлық екенін айтты. Жарақатын тігіп берген соң науқас үйіне жіберіліпті.

Астрахань ауданындағы жол апаты

8 шілде күні Ақмола облысы Астрахань ауданы Ягодное ауылына жақын жерде Алматы – Екатеринбург тас жолында жантүршігерлік жол апаты болды.

Тас жолда үш жеңіл көлік соқтығысып, апаттан алты адам көз жұмды. Тағы алты адам ауруханаға жеткізілді.

Тағы оқыңыз: Алматы тұрғыны рөлде қалғып кетіп, бес көліктің быт-шытын шығарды - фото

Полиция хабарлағандай, ҚР ҚК 345-бабы, 3-бөлімі (Жол жүру немесе көлікті пайдалану ережелерін көлік жүргізушісінің бұзуы) бойынша сотқа дейінгі тергеу басталды. Бұл бап бойынша айыпталушы бес жылға дейін бас бостандығынан айырылып, белгілі бір қызметті атқару құқығынан өмір бойына айырылуы немесе белгілі бір қызметті атқаруға бес жылға дейін тыйым салынуы мүмкін.

Сот-медициналық сараптамалар тағайындалған.

Жаңалықтар
0