Ота жасау, архивтегі сурет

Көкшетаудағы футболшының өліміне қатысты қылмыстық іс қозғалды

90
Қайтыс болған спортшының ата-анасы баласының өліміне дәрігерлерді кінәлап отыр

НҰР-СҰЛТАН, 22 тамыз – Sputnik. Көкшетаулық "Оқжетпес" жастар клубының 19 жастағы футболшысы Роман Зюзиннің өліміне қатысты қылмыстық іс қозғалды, деп хабарлайды Sputnik Қазақстан.

Дәрігерлер кеш қарады

Жас футболшы осы жылдың 14 тамызында сепсистен (іріңдеу) көз жұмған. Оған дейін Роман Зюзиннің ыстығы көтеріліп, ауруханаға жатқызылыпты. Алайда анасы дәрігерлер баласына дұрыс қарамағанын айтады.

"Дәрігер тек 13 тамызда ғана пайда болды. Онда ұлымның жағдайы өте ауыр еді. Елордадан санавиация келді. Олар емдеу тәсілін өзгертті", - дейді Татьяна Мишина.

Қара жамылған ана ұлы жедел жәрдем қызметі мен қалалық аурухана мамандарының диагнозды дұрыс қоймауы салдарынан көз жұмды деген пікірде.

13 тамызда Роман Зюзин комаға түсіп, ертеңінде қайтыс болыпты. Ата-анасы баласының мәйітін тексертуден бас тартқан. Олар өлім туралы куәлікті алу да оңай соқпағанын айтады. Алайда Татьяна Мишина жауапсыз мамандар жазасын тартады деген үмітте.

"Ұлымды қайтара алмаймын. Бірақ біз мұндай дәрігерлердің қолынан өзге адамның зардап шеккенін қаламаймыз", - деді ол.

Қылмыстық іс қозғалды

Ақмола облысының полиция департаменті Романа Зюзиннің өліміне байланысты ҚР қылмыстық кодексінің 317 бабы 3-бөлігі бойынша (медицина қызметкерінің кәсiптік мiндеттерiн тиiсiнше орындамауы салдарынан адам өліміне әкеп соққан іс-әрекет) қылмыстық іс қозғалды. Сотқа дейін тергеу амалдары жүргізіліп жатыр.

Егер сотта күдіктінің кінәсі дәлелденсе, ол белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айырылады. Бес жылға дейiн бас бостандығынан айыру жазасына кесілуі мүмкін.

Бұл іс Ақмола облысының әкімі Ермек Маржықпаевтың жеке бақылауында. Шұғыл кеңес барысында өңір басшысы бұл іске жауапты мамандардың барлығы қатысуы қажет екенін атап өтті.

Тағы оқыңыз: "Қайраттың" бұрынғы футболшысын атып өлтірді

"Барлық медиктен жауап алыңыздар. Мәселені шешіңіздер! Егер қажет болса, ата-анасының рұқсатын алып, эксгумация жүргізуге тырысыңыздар", - деді облыс әкімі өңірдегі полиция департаментінің басшысы Берік Біляловқа.

90
Кілт сөздер:
қылмыстық іс, дәрігер, өлім, футболшы, Көкшетау
Тақырып бойынша
Он тоғыз жастағы қазақстандық футболшы қаза болды
Қазақстандық футболшының өліміне қатысты мән-жай белгілі болды
Футболшы матч кезінде көз жұмды – қайғылы оқиғаның видеосы
Танымал ресейлік әнші қайтыс болды
Терезеге қарап отырған бүлдіршін қыз

Бағасы бір теңге: Солтүстік Қазақстанда бірнеше ауыл мектебі саудаға шығарылды

244
(Жаңартылды 12:17 25.10.2020)
Соңғы жиырма жыл ішінде Солтүстік Қазақстан облысында 302 мектеп жабылып, білім ошақтарының саны 478-ге дейін азайды

НҰР-СҰЛТАН,  25 қазан – Sputnik. Солтүстік Қазақстан облысында бірнеше ауылдың бос қалған мектеп ғимараттары аукцион арқылы саудаға шығарылды. Өйткені, ол жерлерде оқитын ешкім жоқ. Жергілікті тұрғындар қалаға көшіп, ауылда тек қарттар ғана қалған.

Солтүстік Қазақстан облысының Жамбыл ауданы Үлгі ауылында қазіргі кезде он сегіз адам ғана тұрады, деп хабарлайды жергілікті Петропавловск.news порталы.

Он жыл бұрын бұл жердегі тұрғындар саны 235 болса, тұрмыс тәуір жылдары мұндағы халық саны 400 адамнан асқан екен.

Сапалы салынған мектеп ғимараты көптеген жылдар бойы бос тұрған. Енді ол сатылымға қойылды. Бағалаушылар ең қарапайым стандарттар бойынша есептегенде ғимарат құны кем дегенде 3,7 миллион теңгені құрайды деп санайды.

Солай десек те, оны сатып алушы болмай тұр: тұрғындары қалмаған ауылда бұл ғимарат ешкімге қажет емес. Сарапшылар аукцион шарты бойынша сауда-саттық тым төмендеген жағдайда, мектепті бір теңгеге сатып алуға болады дейді. Бірақ соның өзінде оны сатып алуға ешкім құлықты емес.

Осыған ұқсас жағдай Жамбыл ауданының Рождественка ауылында да кездеседі. Мұнда ауданы 1 264 шаршы метр болатын екі қабатты үлкен мектеп сатылымға шығарылуда. Оның сметалық құны – 9,4 миллион теңге, ал ең төмені – бір теңге. Ал бұл қазір он үш адам ғана тұрады. Өткен жылы ауылда 44 тұрғын болған. 20 жыл бұрын мұнда 372 адам өмір сүрген.

Мұндай тізімді Ақбалық ауылындағы 1980 жылы салынған екі қабатты мектеппен жалғастыруға болады. Аумағы 562 шаршы метрді құрайтын оқу орнының бастапқы бағасы – 1,7 миллион теңге. Айта кетерлігі сол, Ақбалық ауылы қазір жоқ. Ол 2018 жылы жойылған. Ал  жиырма жыл бұрын мұнда 260 адам тұрған.

Сатылатын мектеп ғимараттары санатында Есіл ауданының Новоузенка ауылында аумағы 3 327 шаршы метр болатын үш қабатты бұрынғы білім ошағы да бар. Оның сметалық құны – 27,2 миллион теңгені құрайды. Мектеп 1983 жылы салынған, сол кезде Новоузенка ауылында 950 адам өмір сүрген. Қазір ауылда 30 тұрғын бар. Бұл жердегі басты проблеманың бірі – судың жетіспеушілігі. Тұрғындар сол үшін көрші ауылдарға көшкен.

Оқи отырыңыз: Одақ төрағасы ауыл мәселесімен айналысатын арнайы комитет құруды ұсынды

Статистика комитетінің мәліметтері бойынша, соңғы онжылдықта Солтүстік Қазақстан облысында мектептердің жалпы саны 127-ге азайды. Ал бастауыш және орта мектептердегі оқушылардың жалпы саны сегіз мың адамға төмендеген.

Жалпы алғанда, соңғы 20 жылда Солтүстік Қазақстан облысында 302 мектеп жабылды (478 қалды). Ал оқушылар саны 135,2 мыңнан 78 мыңға дейін азайды.

244
Кілт сөздер:
аукцион, Солтүстік Қазақстан облысы, мектеп
Тақырып бойынша
Табысы 35 мың теңге: депутат кедейлердің көпшілігі ауылда тұрып жатқанын айтты
Қарағанды облысының бір ауылы карантинге жабылды
Қазақстанда халықаралық әуежай банкрот деп танылады
Солтүстікке қоныс аударатындарға берілетін жәрдемақы екі есе артады
Ауылда әр отбасының мойнында 900 мың теңге кредит бар – ҰКП төрағасы
Қорғаныш киіміндегі адамдар

Қазақстанда бір қала мен екі өңірде карантин күшейтілді не өзгерді

1348
(Жаңартылды 12:28 25.10.2020)
Өңірлердің мемлекеттік бас санитар дәрігерлері қалыптасқан эпидемиологиялық жағдайға байланысты жаңа қаулыларды жария етті

НҰР-СҰЛТАН, 24 қазан – Sputnik. Шымкент қаласы мен Ақмола және Қарағанды ​​облысында мемлекеттік бас санитар дәрігер бұйрықтары жарияланды.

Шымкентте карантин мерзімі ұзартылды

Шымкент қаласының мемлекеттік бас санитар дәрігері Әбдіманап Төлебаев карантиндік шектеулерді 2020 жылдың 9 қарашасына дейін ұзарту туралы шешім қабылдады.

Қаулының толық мәтінімен мына жерден танысуға болады.

Ақмола облысында түнде көшеде жүруге болмайды

Ақмола облысының мемлекеттік бас санитар дәрігері Айнагүл Мусина 23:00-ден 6:00-ге дейінгі аралықта облыс аумағындағы елді-мекен тұрғындарының қозғалысын шектеу туралы қаулы шығарды.

Жаңа қаулыдағы бұл ерекшеліктер әкімдік пен полиция, жедел жәрдем мен төтенше жағдайлар қызметі, ауруханалар, санитарлық-эпидемиологиялық қызметтер, өрт сөндіру, әскери қызметшілер, сондай-ақ стратегиялық нысандар мен тіршілікті қамтамасыз ету нысандарын күтіп-ұстауды қамтамасыз ететін жұмысшыларға қатысты емес.

Ал қаулының толық мәтінін мына сілтемеден таба аласыз.

Қарағанды ​​облысында демалыс күндері қандай нысандар жұмыс істейді 

Қарағанды ​​облысының мемлекеттік бас санитар дәрігері Юрий Залыгиннің жаңа қаулысымен қаладағы сауда үйлері мен сауда орталықтарына демалыс күндері 17:00-ге дейін жұмыс істеуіне рұқсат берілді.

Сондай-ақ, жалпы сыйымдылықтың 30%-тен артық мөлшерде адамдардың  шоғырлануына жол берілмейді.

Оқи отырыңыз: Алматыда карантин күшейтіле ме – бас санитар дәрігердің жауабы

Сонымен қатар, сенбі күндері азық-түлік және азық-түліктік емес жабық базарлардың жұмыс істеуіне де рұқсат етіледі.

Қаулының толық мәтінін мына сілтемеден көруге болады.

1348
Кілт сөздер:
шектеу, қозғалысты шектеу, карантин
Тақырып:
Төтенше жағдай және карантин
Тақырып бойынша
Қазақстанның облыстары мен қалаларында карантин күшейтілді: неге тыйым салынды
Алматыда екі күнде карантин талабын бұзған 65 нысан анықталды
Қазақстандағы карантин: комиссия жаңа шешімді жариялады
Маңғыстау облысында карантин жеңілдетілді
Нұр-Сұлтанда карантин күшейтіле ме – әкім астаналықтарға үндеу жасады
Таразы, архивтегі сурет

134 кг болған: жас жігіт 60 келі артық салмақтан арылды видео

0
Бір жыл бұрын бұл жігіттің салмағы 134 келі болған. Алайда ол бар болғаны бір жыл ішінде алпыс келіге арықтады

НҰР-СҰЛТАН, 25 қазан – Sputnik. Қырғызстандық Орозбек Мейманбек уулуның салмағы бір жыл бұрын 134 келі болған. Ол өзі артық салмақтан арылып, өзгелерге үлгі болып жүр.

Жігіт жас кезінде арық болған, алайда 5-сыныпта салмақ қоса бастады. 16 жасында 93 келі, бірер жылдан соң салмағы 134 келіге жетті, деп жазады Sputnik Қырғызстан.

Орозбектің айтуынша, артық салмақ салдарынан тыныс алу қиындаған. Қозғалып, дұрыс ұйықтаудың өзі арманға айналған. Сол кезде жігіт спортзалға барамын деп шешті. 

"Бәрі дұрыс тамақтанбау салдарынан туындады деп ойлаймын. Мен фастфудты көп жедім... Бастапқыда жаттығу қиын болды, сүйектерім ауырды. Кейін дәрумендер іше бастадым. Алғашқы айда 13 келіге арықтадым, бірден өзіме деген сенім пайда болды", - дейді Орозбек.

Жігітке пауэрлифтингтен Қырғызстанның абсолютті чемпионы - кәсіби бапкер, бодибилдингтен Азия чемпионы Келдибек Атайбек уулу көмектесіп жүр.

Чемпион жаттықтырған адамдар ішінде арықтау көрсеткіші бойынша Орозбек рекорд орнатты. Жаттықтырушының айтуынша, жігіт өзі ғана артық салмақтан арылып қана қоймай, өзгелерге үлгі болып жүр.

"Мен арықтаған кезде анам қатты қуанды. Туыстарым мен достарым өте таңғалды. Жастардың көп уақыты телефон мен компьютерге кетеді. Күніне бір сағатты жаттығуға арнасаңыз тиімділігі мен пайдасы көп болады", -  деді Орозбек.

Енді ол тағы біршама арықтап, әскерге бармақ. Бұдан соң Қырғызстанның ішкі істер министрлігінің академиясына оқуға түсуді жоспарлап отыр.

0
Кілт сөздер:
жас жігіт, видео, артық салмақ
Тақырып бойынша
"Адам танымастай өзгерді": хирург бір көліктің құнына ота жасатқан қыз туралы айтып берді
"Өзімді басқаша сезінемін": жігіт 3 жылда адам танымастай өзгеріп кетті - фото
Қыста артық салмақ жинамау үшін не істеу керек – дәрігер құпияны ашты
Ғалымдар артық салмақ пен коронавирус арасында қандай байланыс барын айтты
110 келіге арықтады: белгілі дәрігер салмақтан арылудың бірегей тәсілі туралы айтты