Лопата

Атырауда жантүршігерлік қылмыс жасаған отбасының ісіне қатысты тың дерек шықты

6942
(Жаңартылды 09:50 08.09.2019)
2012 жылы болған қанды оқиғаға қатысты қылмыстық іс сотқа жолданды

НҰР-СҰЛТАН, 8 қыркүйек – Sputnik. Келесі аптада Атырау облысының қылмыстық істер жөніндегі мамандандырылған сотында "отбасылық" кісі өлтіру ісін қарау басталады, деп хабарлады azh.kz.

Осыдан тура бір жыл бұрын Атыраудағы жеке үйлердің бірінде 6 жыл бұрын болған "отбасылық" кісі өлтіру оқиғасы жария етілді, оған қылмысқа қатысушылардың бірі серіктесін бопсалауы себеп болды.

2012 жылы 48 жастағы әйел күйеуіне ұйықтататын дәрі беріп, жастықпен тұншықтырып өлтірген, содан кейін үлкен қызы мен жиенінің көмегімен денесін бөлшектеп, оны үйдің ауласына көміп, кейінірек ол жерге тауық қора салып тастайды.

Атырау тұрғынын қыздары мен әйелі өлтіріп, үстіне бетон құйып тастаған

Ол кезде қанды қылмыс туралы ешкім білмеді – туыстары отағасы қандай-да бір діни сектаға кіріп, үйден кетіп қалды деген сыбыс таратады. Бірақ бірнеше жылдан кейін жиен әйелден ақша талап ете бастайды, бермесең полицияға бәрін айтып беремін деп қорқытқан. Әйел туысына бопсалады деп арыз жазған. Жиен ұсталған соң полицияға шындықты жайып салған.

Кісі өлтіру және бопсалау ісі қаралды. Жиен "Бопсалау" бабы бойынша кінәлі деп танылып, "өз кінәсін толық мойындап, өкінгені" және "аса ауыр қылмысты ашуға белсенді көмек көрсеткені" ескеріліп, шартты түрде бес жылға сотталды.

Кісі өлтіру ісіне келек, ол осы жылдың сәуір айында сотқа жолданды, бірақ судья ҚР Қылмыстық-поцестік кодексі бойынша бірнеше заң бұзушылықты анықтап, істі прокуратураға қайтарды. Тамыздың соңында ол тағы да сотқа түсті, сотқа дейінгі тергеу барысында жіберілген заң бұзушылықтардың жойылғаны анықталды. Айтпақшы, марқұмның жұбайы ғана айыпталушы ретінде қаралмақ – қызы мен жиені куәгер ретінде қатысады.

6942
Кілт сөздер:
кісі өлтіру, бопсалау, Атырау
Тақырып бойынша
Туысы бөлшектеп тастаған: Алматы облысында аса ауыр қылмыс ашылды
Анасы мен әжесін өлімші етіп сабады: мән-жайды туысы айтып берді - видео
Күйеуін өлтіріп, анасының қабіріне көмген: елордалық әйелдің адам шошырлық қылмысы
Алматы облысының тұрғыны анасын өлтіріп, әкесін ауыр жарақаттады  
Тауық, архивтегі сурет

Құс тұмауы Шығыс Қазақстанға жетті

69
Қауіпті дерттің таралуына жол бермеу үшін вакцинация жүргізілді. Мұның арқасында құстың қырылуына жол берілмеді

НҰР-СҰЛТАН, 19 қазан — Sputnik. Шығыс Қазақстан облысында ауылдық округтердің бірінде құс тұмауы анықталды. Ветеринарлық ақпаратына сәйкес, аурудың таралуына жол берілген жоқ.

Қазіргі уақытта жағдай тұрақты, деп хабарлады YK-news.kz.

"Бесқарағай ауданында құс тұмауы анықталды. Ауылдық округ бірден карантинге жабылды. Қазір бәрі тоқтатылды, вакцинация жасалды, жағдай тұрақты. Құс қырылып жатқан жоқ", - деді Шығыс Қазақстан облысы ветеринария басқармасында. 

Мамандар жұмыс істеп жатыр.

Бұған дейін Қазақстанның құс өсірушілер одағының президенті Руслан Шәріпов құс тұмауының таралуы бір ай ішінде тоқтайтынын хабарлаған болатын.

"Бізде құс фабрикалары жабық типті. Мәселен, бір фабрика жетекшісі мен жұмысшылары кәсіпорында тұрады. Оларға азық-түлік терезе арқылы жеткізіледі. Тұмаудың таралуына жол бермеу үшін осындай қатаң шара қолданылды", - деді Шәріпов. 

Ауыл шаруашылығы министрлігі жеті облыста құс тұмауы расталғанын айтты.

69
Кілт сөздер:
Шығыс Қазақстан, тұмау, құс
Тақырып бойынша
Құс тұмауы адам үшін қауіпті ме - ауыл шаруашылығы министрлігі жауап берді
Тоқаев құс тұмауы жайлы: жағдай өте күрделі
Қазақстан құс еті импортынан жыл сайын 77 млрд теңге жоғалтып отыр
Солтүстік Қазақстанда 256 мың құстың қырылуына тұмаудың қатысы жоқ болып шықты
Одақ президенті құс тұмауына қатысты болжам жасады
Оқушы қыз

Атырау облысында оқушы қыз әкесімен болған жанжалды желіде жариялады

5799
(Жаңартылды 20:11 19.10.2020)
Мектепте ата-аналар, педагог, психологтар мен полиция қызметкерлерінің кездесуі өтпек. Құқық қорғау органдары тергеу жүргізіп жатыр

АЛМАТЫ, 19 қазан — Sputnik. Әлеуметтік желіде Атырау облысында жасөспірім қыз жүктеген видео тарап кетті. Кадрда әкесі ыдыс жумағаны үшін қызға ұрсып жатыр. Оқиғаға қатысты облыстық білім басқармасы түсініктеме берді. 

Ведомствода видео авторы анықталғанын хабарлады. Ол қыз 11- сыныпта оқиды. 

Мектептегі шараларға белсенді қатысады, оқуы да жаман емес.

"Ол көпбалалы отбасының тұңғышы. Әкесі арнайы техниканың жүргізушісі. Видео жарияланған соң жасөспірімге психологиялық-педагогикалық көмек көрсетілді. Ата-анасымен де жұмыс жүргізілді", - деді білім басқармасында. 

Қыз болған жағдайды 18 қазан күні видеоға түсіріп, желіде жариялаған. 

"Жасөспірімді соққыға жығу фактісі анықталған жоқ. Мәселе талқыланған соң, қыз мектептің чатында сыныптастарынан кешірім сұрап, видеоны таратпауды сұрады", - деді ведомствода. 

Мектепте ата-аналар, педагог, психологтар мен полиция қызметкерлерінің кездесуі өтпек. Құқық қорғау органдары тергеу жүргізіп жатыр.

5799
Кілт сөздер:
желі, жанжал, әкесі, оқушы қыз, Атырау облысы
Тақырып бойынша
Полицейлер өгей әкесі мен ағасы зәбірлеген қыздың тағдыры туралы әңгімеледі
Мемлекеттік мекемедегі трагедия: марқұмның әкесі Назарбаев пен Тоқаевқа үндеу жолдады
Блок бекеттегі трагедия: күдіктінің әкесі тағы мәлімдеме жасады
Алматы тұрғыны әкесі сыйға берген үйді сатып, зейнеткерді қуып шықты
Телефонмен сөйлесіп тұрғанда ажал құшты: марқұмның әкесі не болғанын айтты
Күзгі астана

Қазақстанда 20 қазанда қандай маңызды оқиғалар болады

0
Sputnik Қазақстан 20-29 қазан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

20 ҚАЗАНҒА ЖОСПАРЛАНҒАН ШАРАЛАР

09:00 – Үкімет отырысы. Күн тәртібінде ветеринарлық, фитосанитарлық қауіпсіздік, дәрі-дәрмекпен қамту мәселелері талқыланады. Отырыс PrimeMinister.kz сайтында және әлеуметтік желідегі ресми аккаунттарда көрсетіледі. Байланыс: 8 (7172) 75 00 10, press.kpm@mail.ru.

11.00 – Бернард Шоудың "Пигмалион" пьесасын онлайн оқу. Максим Горький атындағы Мемлекеттік академиялық орыс драма театрының актрисасы оқиды (трансляция театрдың Instagram парақшасында жасалады).

12.30 - Sputnik Қазақстан баспасөз орталығында диктант жазудан халықаралық акцияға арналған Спикерлер: ғарышкер Айдын Айымбетов (диктант оқитын адам), жоба үлестірушісі Лаура Ілиясова, Нұр-Сұлтандағы Ресейдің ғылым және мәдениет орталығының директоры Алексей Коропченко. Байланыс үшін: +7 (747) 2207401 (WhatsApp). Трансляция Sputnik Қазақстан сайты мен YouTube-каналда жасалады.

21 ҚАЗАНҒА ЖОСПАРЛАНҒАН ШАРАЛАР

14.00 – Мәскеу - Ереван - Минск - Нұр-Сұлтан бейнекөпірі. Іс-шара Еуразиялық даму банкінің басқарма төрағасының орынбасары Тигран Саркисянның қатысуымен Еуразиялық кеңістіктегі COVID-19 пандемиясының таралуына және жағымсыз салдарларын жеңуге және еңсеруге арналған үздік цифрлық шешімдерге арналған Еуразиялық даму банкінің (ЕДБ) цифрлық бастамалар қоры конкурсының қорытындылары аясында өтеді. Бейнекөпірдің трансляциясы Sputnik.kz сайтында және біздің Facebook парақшасында қолжетімді. Спикерге қойылатын сұрақтарды a.nurgazinova@sputniknews.com мекен-жайына жіберуге болады.

23 ҚАЗАНҒА ЖОСПАРЛАНҒАН ШАРАЛАР  

19.00 – "Женитьба" қойылымы, Максим Горький атындағы Мемлекеттік академиялық орыс драма театры (Нұр-Сұлтан, Желтоқсан көшесі 11-13).

26 ҚАЗАНҒА ЖОСПАРЛАНҒАН ШАРАЛАР  
Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0