Пара, архивтегі сурет

Қарағандыда пара берген университет ректоры ұсталды

634
Жоғары оқу орнының басшысы 5 мың доллар көлеміндегі параны "Ғылым қоры" АҚ басқарма төрағасына бермекші болған

НҰР-СҰЛТАН, 10 қыркүйек — Sputnik. Ебіней Бөкетов атындағы Қарағанды мемлекеттік университетінің ректоры пара берді деген күдікке ілінді, деп хабарлайды ҚР сыбайлас жемқорлыққа қарсы іс-қимыл агенттігінің баспасөз қызметі.

"Ғылым қоры" АҚ басқарма төрағасына пара беру фактісі бойынша іс тергеліп жатыр. Күдіктінің қаншалықты айыпты екенін сот шешеді", - делінген хабарламада.

Ведомствоның мәліметіне сәйкес, ер адам (аты-жөні аталмайды) "Ғылым қоры" АҚ басқарма төрағасына 5 мың доллар көлемінде пара бермек болған. Осылайша, ол ғылыми жобаларды қаржыландыру мәселесін шешуді жоспарлапты.

Тағы оқыңыз: Депутат 76 миллион теңге пара алды деген күдікпен ұсталды - видео

Осыған дейін сыбайлас жемқорлыққа қарсы іс-қимыл агенттігі қордың бұрынғы басшысы өз кінәсін мойындап, тергеу тобымен бірігіп жұмыс істеуге келісім бергенін хабарлаған.

634
Кілт сөздер:
күдікті, пара, Қарағанды
Тақырып бойынша
"Таразда кездесейік деді": студент қызды алдап соққан декан ұсталды
"Астана Су арнасының" бұрынғы басшысы пара ретінде 3 бөлмелі пәтер алған
Жамбыл облысында бас дәрігер пара алды деген күдікпен ұсталды
ШҚО-да лауазымды тұлғалар Қытайдан Қазақстанға тауар өткізу үшін 13 млн теңге пара алған
Көкшетау теміржол станциясының басшысы пара үшін ұсталды
дала

Мәйітті далада өртеп жіберген - Түркістан облысында болған қылмыстың мән-жайы

494
Ұсталған төрт жас жігіт – бұрын бірнеше рет сотталған Түркістан облысы мен Шымкент қаласының тұрғындары

АЛМАТЫ, 20 қазан – Sputnik. Түркістан облысында көлік жүргізушісін тұншықтырып өлтіріп, денесін өртеп жіберген қылмыстық топ ұсталды, деп хабарлады Polisia.kz.

Ордабасы аудандық полиция бөліміне жергілікті тұрғын ағасының "Мазда-626" автокөлігімен жұмыстан шығып, әлі күнге дейін үйге қайтып келмегенін айтып арызданған. Із-түзсіз жоғалған адамды іздеу барысында оның автокөлігі Шымкент қаласының шетінен табылды.

Кейіннен полицейлер жүргізушінің өртенген мәйітін Ордабасы ауданы Шұбарсу ауылының маңынан тапты. Содан кейін криминалдық полиция мен тергеудің тәжірибелі қызметкерлерінен тұратын жедел-тергеу тобы құрылып, бір аптадан кейін осы қылмысқа қатысы бар деген күдікпен Жамбыл облысынан келе жатқан "ВАЗ" автокөлігін ұстады.

Ұсталған төрт жас жігіт – бұрын бірнеше рет сотталған Түркістан облысы мен Шымкент қаласының тұрғындары.

"Тергеу барысында күдіктілердің екеуі Шымкент көшелерінің бірінде жәбірленушінің көлігін тоқтатып, белгілі бір мекенжайға апарып тастауды сұрағаны анықталды. Діттеген мекенжайға келгеннен кейін қаскүнемдер жүргізушіге пайдакүнемдік мақсатта шабуыл жасап, тұншықтырып өлтіріп, оның ұялы телефонын алған. Ал мәйітті далаға шығарып өртеген", - делінген полиция таратқан ақпаратта.

Олар бұл қылмыспен тоқтамай, тағы екі серіктесімен бірге Ордабасы ауданындағы тас жолда "ВАЗ" автокөлігінің жүргізушісіне шабуыл жасап, 45 мың теңгелік барсетканы күшпен тартып алған.

Қазір аталған фактілер бойынша Қылмыстық кодекстің 99-бабы ("адам өлтіру") және 191-бабы ("тонау")  бойынша сотқа дейінгі тергеу амалдары жүргізіліп жатыр.

Күдіктілер қамауға алынды. Полиция қызметкерлері ұсталғандардың басқа да осындай қылмыстарға қатысы бар-жоғын анықтауда.

494
Кілт сөздер:
қылмыс, Түркістан облысы, мәйіт
Түркістан облысындағы қоршалған жер

Түркістан облысында сотты болған экс-әкімнің тағы бір заңсыз әрекеті әшкере болды

32
(Жаңартылды 10:43 20.10.2020)
Сыбайлас жемқорлық үшін сотталған бұрынғы әкім мен оның туыстары мемлекеттік табиғи саябаққа тиесілі жерді заңсыз сатып алды деген күдікке ілінді

АЛМАТЫ, 20 қазан – Sputnik. Түркістан облысында сыбайлас жемқорлық үшін сотталған экс-шенеуніктің 150 гектар жерді қалай жеке меншігіне айналдырып алғаны анықталып жатыр, деп хабарлады "Еуразия бірінші арнасы".

760 гектар жерді күзететін Мырзахан Атаханов – "Сырдария-Түркістан" мемлекеттік табиғи паркінің инспекторы. Ол бұл аймақта жеке меншік жердің де бар екенін айтты. Сонымен қатар оларды жақында қоршап та алған.

"Жақында жердің саябаққа кіретіні, ерекше қорғалатын аймаққа жататыны белгілі болды. Мұны тек екі апта бұрын білдік. Алайда бізді ол жаққа кіргізбей отыр, жеке аймақ, бәрі жабық. Ал біз мұнараға көтеріліп, бәрін бақылап отыруымыз керек", – дейді ол.

Мемлекеттік инспектордың айтуынша, бұл жерде өсімдіктің мың түрі өседі, оның ішінде 40 түрі Қызыл кітапқа енген. Сол себепті бұл жерде ешкім өз еркімен ештеңе тұрғыза алмайды.

Инспекторларға арналған кордон мен өрт мұнарасы 10 жыл бұрын аудан әкімі Бейбіт Сыздықов болып тұрған кезде салынған. Бірақ кейінірек бұл аймақ әкім туыстарының меншігіне айналды.

Осыған байланысты құқық қорғаушы Еркін Қахаров наразылық танытып, полицияға жүгінді. Нәтижесінде паркке тиесілі 150 гектар жер жеке меншікке айналып кеткені анықталды. Оның ішінде кордон мен өрт мұнарасы да бар. Ол тергеу нәтижесі жайлы кейінірек айтып беретінін мәлімдеді.

Сыбайлас жемқорлық үшін сотталған Отырар ауданының бұрынғы әкімі жерді мемлекетке қайтаруға дайын екенін білдірді.

"2009-2013 жылдары су тасқыны болды. Содан кейін олар кордон салғысы келді. Маған Асқаров келді. Ол сол кезде орман шаруашылығы комитетінде жұмыс істеген болатын. Менің жерімнің биікте екенін айтып, мұнара салуға рұқсат сұрады. Содан кейін жер бөлдім. Енді 10 жыл өткен соң осы мәселені көтеріп жатыр. Неге бұл инспекторлар осы уақытқа дейін үнсіз жүрген?", – деп мәлімдеді Сыздықов.

Оқи отырыңыз: "Мұны есептеуге білімнің де керегі жоқ": Ордабасы мақташылары жанайқайын жеткізді

Ең қызығы, ол аудан әкімі бола тұра бұл аймақтан жер сатып алуға болмайтынын білмеген. Ал табиғи саябақтың заңды өкілдері жерді қайтаруын талап етіп, сотқа жүгінгелі жатыр.

32
Кілт сөздер:
жер, жер дауы, Түркістан облысы
Тақырып бойынша
Ұлттық парк аумағынан небәрі 35 гектар жер жалға берілді – экология вице-министрі
12 миллион жылдық жартастар: Шарын шатқалының ғажайып көріністері – фото
Полиция Көк Жайлаудағы отырыс ұйымдастырушыларын іздестіріп жатыр
Алтынемел ұлттық саябағы аумағында жер сілкінді
Қазақстандық диқандар астық алқабының 93 процентін орып үлгерді
Жандарбек Бекшин

Алматыда карантин күшейтіле ме Бекшин жауабы

0
Қаланың бас санитар дәрігері топтасып жиналмауға, отбасылық іс-шара өткізбеуге шақырып, тұрғындарға шетелге шықпауға кеңес берді

АЛМАТЫ, 16 қазан – Sputnik. Алматының бас санитар дәрігері Жандарбек Бекшин қалада карантиннің күшейтілуіне байланысты пікір білдірді, деп хабарлайды Sputnik Қазақстан.

Айтуынша, егер тұрғындар медициналық масканы тағып, әлеуметтік арақашықтықты сақтайтын болса, адам көп жиналатын жерге бармаса, карантин күшейтілмейді.

"Қалада коронавирустың таралуына жол бермеу үшін шаралар қабылданып жатыр. Ең қауіпті нысан – жабық мекемелер, оның ішінде түнгі клуб, бильярд, караоке секілді жерлер. Оларға әлі де тыйым салынған. Барлығы қалыптасқан эпидемиологиялық жағдайға байланысты болады", – деді Бекшин.

Қаланың бас санитар дәрігері локдаун енгізілмеуі үшін қала басшылығы тексеру жүргізіп, халықты ақпараттандырумен айналысып жатқанын айтты.

"Жастарға түнгі клуб, мейрамханаға бармауға кеңес беремін. Ал мейрамхана иелері залдың 30%-нен артық адамды қабылдауға болмайтынын ескеруі қажет. Егер санитарлық талаптарды сақтайтын болсақ, локдаун мен төтенше жағдайды айналып өте аламыз", – деді ол.

Сонымен қатар қаланың бас санитар дәрігері топтасып жиналмауға, отбасылық іс-шара өткізбеуге шақырды, тұрғындарға шетелге шықпауға кеңес берді.

"Инфекция жұқтырған азаматтарымыздың басым бөлігі Түркия, БАӘ мен Мысырдан келіп жатқаны байқалады. Қазір Ресейде, Түркияда жағдайдың қаншалықты күрделене түскенін көріп отырмыз", – деді ол.

Оқи отырыңыз: Қазақстандағы карантин: комиссия жаңа шешімді жариялады

Айта кетейік, шетелден келген азаматтардың қолында анықтама болмаса, коронавирустың бар-жоғы анықталғанша екі күн карантинге жатқызылады.

0
Кілт сөздер:
Алматы, коронавирус, карантин
Тақырып:
Төтенше жағдай және карантин
Тақырып бойынша
Қатаң карантин енгізілсе, халық әлеуметтік төлем ала ма?  
Карантин күшейтіледі – облыстың бас санитар дәрігерінің жаңа қаулысы шықты
Қазақстандағы COVID-19: тағы бір облыста карантин күшейтілді
Қазақстанның облыстары мен қалаларында карантин күшейтілді: неге тыйым салынды
Коронавирус індеті: Нұр-Сұлтанда карантин күшейтіледі