Қыз, архивтегі фото

14 еркек зорлағанын айтқан қызды жала жапты деп айыптап жатыр

683
(Жаңартылды 21:12 11.09.2019)
13 жігіттен ДНҚ-тест қайта алынбақшы, себебі адвокат алдыңғы сараптаманың жалған екенін мәлімдеген

НҰР-СҰЛТАН, 11 қыркүйек – Sputnik. Қостанай облысында топтасып қыз зорлады деп айыпталған жігіттердің ата-аналары күдіктілердің кінәсіз екенін мәлімдеді, деп хабарлады "Наша Газета".

Күдіктілердің туыстары "балаларымызды жазықсыздан жазықсыз полиция әуреге салып жатыр" деп наразылық білдірді.

Қызды 14 еркек зорлаған: күдіктілер неліктен ұсталмағаны анықталды 

"Біздің балаларымыздың барлығы әкелікті анықтауға ДНҚ-тест тапсырды, ешқайсысы баланың әкесі болмай шықты. Енді бізге оны қайтадан тапсыру керек деп жатыр. Біз Қостанайға баруға мәжбүрміз, өйткені оны қылмыстық іс аясында ғана ақысыз тапсыруға болады, бірақ онда 3-4 күн өз қаржымызға тұруымыз керек", - дейді ауыл тұрғындары.

ДНҚ-тест ауылдағы 13 жас жігіттен қайта алынбақшы, себебі жәбірленушінің адвокаты алдыңғы сараптаманың жалған екенін мәлімдеген.   

"Бұл қашанға дейін жалғасады? Біз ол қызды білеміз, басқа ауылдарға барып жүретін, Алматыда да болды. Сонда ДНҚ-тест үшін сол жақтан да материал алу керек пе? Біздің балаларымыз жала жабылғаны туралы арыз жазуға дайын", - дейді туыстар.

Әке тану тестінен 13 адам өтті. 14-ші күдіктіні полиция таба алмаған, өйткені жәбірленуші оның кім екенін білмейді және оның сыртқы көрінісі есінде жоқ.

"Осыған байланысты прокуратура тоқтатылған істі қайта қозғады. Біз 14-ші жігітті жедел тергеу жолымен анықтаймыз. Екідін елді мекені мен жақын маңдағы екі ауылдың барлық ер адамынан қайта жауап аламыз. Егер әлдекім қызбен байланыста болса, біз одан ДНҚ-тестіне биоматериал аламыз. Әкелікті анықтаған кезде зорлау оқиғасының болған-болмағаны анықталады", - дейді тергеуші Қанағат Шәуенов.

Төрт жігіттің адвокаты Бектас Әміров бұл іс қылмыс құрамының болмауына байланысты әлдеқашан тоқтатылуы керек еді деп санайды.

"Тексерілген 13 адамға қатысты қылмыс құрамы жоқ деп санаймын. Неліктен оларды қайта тексеру керек? Іс тоқтатылуы тиіс. Менің қорғауымдағы азаматтар ауылдасына жала жапқаны үшін арызданады. Бұл үшін қылмыстық жаза қарастырылған", - дейді адвокат.  

Естеріңізге сала кетсек, ұлттық қоғамдық сенім кеңесінің алғашқы отырысында адвокат Айман Омарова 14 еркектің қызды жабылып зорлағанын айтып, Қасым-Жомарт Тоқаевтан істі жеке бақылауына алуды сұрады.

Жантүршігерлік оқиғадан кейін жәбірленушінің аяғы ауырлап, бала босанған екен.

Алайда күдіктілердің бәрі қылмысқа қатысы жоқтығын дәлелдей алды. Тергеушілер олардың арасынан баланың әкесі табылмады деп істі тоқтатқан.

683
Кілт сөздер:
жала, адвокат, сараптама, зорлау
Тақырып бойынша
"Бір жыл бойы зорлаған": Белгілі адвокат Тоқаевқа Сарыағаштағы сұмдықты айтты
Құрылыс алаңына ерекше селфи жасауға барған оқушыларды зорлап кетті
Дене шынықтыру пәнінің мұғалімі 13 жастағы оқушыны жарты жыл бойы спортзалда зорлаған
Қызды 14 еркек жабылып зорлаған: прокуратура тың деректермен бөлісті
Архивтегі сурет

Шымкентте ер адам аттракционда көз жұмды

33
Технопаркке келген ер адам шамамен 45-50 жаста, "Молоток" аттракционында оның жағдайы нашарлаған

НҰР-СҰЛТАН, 23 қыркүйек – Sputnik. Шымкентте "Қиял әлемі" технопаркінде ер адам қайтыс болды. Алдын ала мәлімет бойынша марқұмның жүрек талмасы ұстаған. Оқиға орнына жеткен дәрігерлер оған көмектесе алмады. Құқық қорғау органдарының қызметкерлері өлім себебін анықтап жатыр.

Технопаркте демалған куәгерлердің айтуынша, "Молоток" аттракционында 45-50 жастағы ер адам өзін жайсыз сезінген, деп хабарлайды otyrar.kz порталы.

Ер адамның жағдайы нашарлағанын байқаған адамдар бірден жедел жәрдем шақырады, алайда дәрігерлер оны аман алып қала алмады. Алдын ала қорытынды бойынша ер адамның жүрек талмасы ұстаған.

Сондай-ақ куәгерлер дәрігерлер келгенше дейін технопарк қызметкерлері де оған көмектесуге тырысқанын айтты. Бірақ оларда тіпті қарапайым дәрі қобдишасы да болмапты.

Бұл факті бойынша тексеріс басталды. Технопарк жұмысы уақытша тоқтатылды.

Өкінішке қарай, бұл "Қиял әлемі" технопаркінде болған алғашқы қайғылы оқиға емес. Биыл мамыр айында жазатайым оқиғадан 17 жастағы жігіт мерт болған еді. Жігіт мектеп бітірген, саябақта қосымша жұмыс істегені хабарланды. Ол аттракционың металл құрылымына шығып, құлап кеткен. Бозбала жедел жәрдем қызметі келгенше, оқиға орнында жан тапсырды.

Оқи отырыңыз: 

33
Кілт сөздер:
Шымкент, аттракцион
сиырлар

Малдары бруццелезге шалдыққан Солтүстік Қазақстан тұрғындары дабыл қақты

263
(Жаңартылды 10:33 23.09.2021)
Ауру жұқтырған сиырдың саны өткен жылмен салыстырғанда 10 есе көп. Соңғы айда 50 жағдай тіркелген

АЛМАТЫ, 23 қыркүйек – Sputnik. Қазақстанның солтүстігіндегі бірнеше ауданда бруцеллез тіркелді, деп хабарлады "Астана" телеарнасы.

Ауыл тұрғындары жалғыз табыс көзінен айырылғанын жеткізді. Адамдар көктемнен бері ветеринарлық қызмет аурудың асқынуын не себепті тоқтата алмағанын түсіне алар емес.

Михайловка ауылының тұрғыны Маргарита Кучерованың екі сиыры бруцеллезге шалдыққан, енді олардың да көзін жою көзделіп отыр.

Әйелдің сөзінше, барлығы көктемде басталған. Сол уақытта жергілікті фермердің 30-дан астам сиыры ауру жұқтырғаны анықталды.

"Сиырлар жаппай ауырып, бізде ауру өршіп жатыр. Толмачевкада, Асановода ауылында қазір тыныш, бірақ ветстанция әрекет етпей отыр. Неге олар дабыл қақпайды? Неге олар келіп, карантин енгізіп, аулаларды тазартпайды?", - деді Маргарита Кучерова.

Қазір ауыл тұрғындары келесі кезекте кімнің малынан бруцеллез шығуы мүмкін екенін білмей отыр. Барлығы биліктің не себепті карантин енгізбей отырғанына аң-таң. Адамдар осындай тәсіл арқылы өздерін етті арзан бағаға сатуға мәжбүрлейді деп болжады.

Асаново ауылының тұрғыны Евгений Маргердің сегіз сиырын алып кеткен. Оның сөзінше, мал – отбасының жалғыз табысы. Енді төрт баланың әкесі оларды қалай асырайтынын білмейді.

"Менің сегіз сиырымды алып кетті, осылайша маған жарты миллионнан астам шығын келді. Оларды бізден арзан бағаға сатып алып кетіп жатыр, әр килограммы үшін 700 теңге төледі. Бұл күлкілі баға, себебі килограммы 1 200 теңгеден сатылады, ал жас малдың еті 1 600 теңге. Мүмкін олардың жоспары осындай шығар", - деді Маргер.

Қызылжар ауданының мал дәрігерлері құрамына төрт ауыл кіретін Асанов ауылдық округінде бруцеллездің тарауы биыл 10 есе өскенін айтты. Соңғы айда 50 жағдай тіркелген. Мамандар аурудың таралуын тоқтату үшін ауылдарды карантинге жапқан.

"Зерттеу қорытындысы бойынша 9 шілдеден Плоское ауылына және 10 қыркүйектен Толмачевка ауылына карантиндік шектеулер енгізілді. Былтыр барлығы 11 жағдай тіркелген еді. Былтырмен салыстырғанда биыл ауырған мал басы 90 басқа артық. Барлық жерде механикалық тазалау жүргізілді. Содан кейін толық дезинфекция жасаймыз. Артынша дезинфекцияның сапасын зертхана арқылы тексереміз", - деді Қызылжар ауданының ветеринарлық станциясының директоры Ербол Бағенов.

Мамандардың пікірінше, аурудың күрт өсуіне малдың бақылаусыз қозғалысы себеп болған. Бруцеллез Есіл ауданында да тіркелген. Ол жерде жыл басынан бері 125 ауру мал анықталды. Қазір өңірде әрбір сиыр жоспарлы түрде тексеріліп жатыр.

Оқи отырыңыз: 

263
Кілт сөздер:
Солтүстік Қазақстан облысы, бруцеллез, мал
портфель ұстаған адам

"Айына 643 мың теңге алады": сенатор мәслихат басшыларының жалақасын жариялады

0
Сондай-ақ сенат депутаттары тексеру комиссия мүшелерінің жалақысын көтеру керек деп санайды

НҰР-СҰЛТАН, 23 қыркүйек – Sputnik. Сенаторлар жергілікті мәслихат хатшылары мен тексеру комиссияларының мәртебесін ғана емес, жалақысын да көтеруді талап етті, деп хабарлайды Sputnik Қазақстан тілшісі.

Депутат Мұрат Бақтиярұлының айтуынша, бұл мәселе көптен бері көтеріліп келеді. Бірақ әлі күнге дейін шешілген жоқ.

"Біз өңірлерге іс-сапармен шыққанда жергілікті мәслихаттардың мәртебесін көтеру бойынша әлі де шешімін таппаған мәселелердің бар екеніне куә болдық. Атап айтқанда, үкіметтің 2021 жылғы маусымдағы қаулысына орай, жергілікті деңгейде қызмет атқаратын мемлекеттік қызметшілердің жалақысы екі еседен артық көтерілген. Алайда барлық деңгейдегі мәслихат хатшыларының еңбекақысы сол бұрынғы қалпында қалып қойды. Ондай жағдай 2016 жылы да болған", - деді Бақтиярұлы сенаттың жалпы отырысында.

Осы орайда ол мәслихат хатшыларының жалақысын да жариялады. Оның айтуынша, аудандық деңгейдегі мәслихат хатшысы аудандық мәслихат аппарат басшысынан екі есе, ал бөлім басшысынан 50 процентке төмен жалақы алады.

"Мысалы, Қызылорда облысында аудандық деңгейде мәслихат хатшысы 200 мың теңге, ал мәслихаттың аппарат басшысы 453 мың теңге, бөлім басшысы 302 мың теңге алады. Ал облыстық деңгейде мәслихат хатшысы 467 мың теңге, мәслихаттың аппарат басшысы 634 мың теңге, ал бөлім басшысы 400 мың теңге жалақы алады. Мәслихат хатшыларының аппарат қызметкерлерінен төмен жалақы алуы лауазымдық иерархия қағидаларының сақталмауына әкеліп соғуда", - деп атап көрсетті Бақтиярұлы.

Сондай-ақ сенат депутаттары тексеру комиссия мүшелерінің жалақысын көтеру керек деп санайды.

"Тексеру комиссиялары төрағаларының жалақысы тек 33 процентке, тексеру комиссиясы мүшелерінің жалақысы 17 процентке ғана көбейді. Ал басқа мемлекеттік қызметшілердің жалақысы екі немесе одан көп есеге өсті. Бұл ретте тексеру комиссиясының мүшелері өз өкілеттіліктеріне сәйкес, жергілікті атқарушы органдарының жұмысына баға беріп, тиімділігінің тәуелсіз қорытындысын әзірлейтінін атап өткен жөн", - дейді Бақтиярұлы.

Бұдан бөлек, сенаторлар мәслихаттарға қол жинау және петиция жасау құзіретін беруді ұсынды. Олар үкімет басшысына депутаттық сауал жолдап, мәслихат хатшылары мен тексеру комиссияларының мәртебесін ғана емес, жалақысын да көтеруді сұрады.

Оқи отырыңыз: 

0
Кілт сөздер:
жалақы, сенатор, мәслихат
Тақырып бойынша
Аймағамбетов мектеп директорларына жалақы төлеу жүйесі өзгеретінін мәлімдеді
Министр қай өңірде орташа жалақы 321 мың теңгеге дейін өсетінін айтты
Ең төменгі жалақы 60 мың теңгеге дейін көтеріледі – жолдау
2022 жылы зейнетақы мен ең төменгі жалақы қанша болады