Шымкент, қала келбеті

Ғабидолла Әбдірахымовтың уәдесі орындалмай қалды

752
(Жаңартылды 11:04 14.09.2019)
Экс-әкімнің Шымкентті мың қоғамдық көлікпен қамтимыз деген сөзі желге ұшты. Басшы уәде еткен автобустың тек 30 пайызы ғана келген

НҰР-СҰЛТАН, 14 қыркүйек – Sputnik. Шымкент уәде етілген автобустардан құр қалды. Осыған дейін қала әкімі болған Ғабидолла Әбдірахымов биыл жыл соңына дейін мың қоғамдық көлікпен қамтимыз деген сөзі желге ұшты.

Өзі лауазымынан айырылған соң, сөзі де салмағынан айырылған болcа керек, басшы уәде еткен автобустың тек 30 пайызы ғана келген, деп хабарлады КТК.

Жаңа автобустар үшінші мегаполиске керек-ақ. Қазір қызмет көрсетіп жатқан көлік компанияларының тым сапасыз екенін билік те талай мәрте мойындаған. Жұртшылық дер кезінде қатынамай, билеттендіруден  жұрдай деген шағымдарынан соң жыл басында муниципалды заманауи автопарк жасап, мың автобус әкелетін болған еді. Бірақ бұрынғы әкім қызметінен кеткен соң, оның бастамасы да ысырылып қалды.

Тағы оқыңыз: Ғабидолла Әбдірахымов жаңа қызметке тағайындалды

Қоғамдық көліктердің қозғалысына тікелей жауап беретін "Шымкент" әлеуметтік-кәсіпкерлік корпорациясы бұл жағдайға бейқам отыр. Осыған дейін бұл мекеме ескі автобустарды жаңасына уақтылы ауыстырамыз деп уәде берген-ді. Ол әзірге тек сөз жүзінде қалғандай.

Жергілікті билік қаладағы 27 көлік компаниясының алтауы ғана талапқа сай екенін мойындайды. Тағы 700 автобус қалаға ауадай қажет деген әкімдік, келер жылдан бастап Шымкентте қоғамдық көлік проблемасы болмайды деп сендіреді.

"200 автобусымыз бар, оларды бағдарға шығарамыз. Одан кейін 2020 жылы 700 автобус алдырып жатырмыз. Оларды шығаратын болсақ, жағдайымыз жақсарады. Яғни, кондуктор дұрыс сөйлемейді, билет бермей жатыр, кешкі уақытта жүрмейді деген сөз болмайды. Осы мәселелерді түбегейлі шешу жолдарын қарастырып жатырмыз", - деп түсіндірді Шымкент қалалық автомобиль жолдары және жолаушылар көлігі басқармасының басшысы Қуатжан Жұматаев.  

Айта кетейік, кеше Ғабидолла Әбдірахымов Қазақстан Республикасы премьер-министрінің кеңесшісі болып тағайындалды. 

752
Кілт сөздер:
Ғабидолла Әбдірахымов, автобус, Шымкент
Тақырып бойынша
"Сенімнен айырылды": Көшербаев Әбдірахымовтың қызметінен не үшін алынғанын айтты
Шымкент қаласының жаңа әкімі тағайындалды
"Әр нәрсенің соңы болады": Ғабидолла Әбдірахымов отставкасына қатысты пікір білдірді
Тоқаев Шымкент әкімі "болмай қалған" шенеунікті басқа қызметке тағайындады
Архивтегі форто

Көкшетауда қыздарды жезөкшелікке мәжбүрлеген сауналардың әкімшісі ұсталды

10
(Жаңартылды 21:46 24.09.2021)
Олар облыс орталығында 2 және 5 мың теңге көлемінде сыйақыға интимдік қызмет көрсету үшін қыздар ұсынған  

НҰР-СҰЛТАН, 24 қыркүйек – Sputnik. Ақмола облысында қыздарды жезөкшелікке жеккен екі сауна анықталды, деп хабарлады Polisia.kz.

Өңірде 19 қыркүйекте басталған "Стоп-трафик" республикалық арнайы операциясы аясында полиция қызметкерлері адам саудасына қатысты 5 қылмысты ашты (оның екеуі жезөкшелікпен айналысуға мәжбүрлеу қылмысы).

Мысалы, 21 және 23 қыркүйек күндері облыс орталығында полицейлер 2 және 5 мың теңге көлемінде сыйақыға клиенттеріне интимдік қызмет көрсету үшін қыздар ұсынған екі саунаның әкімшілерін ұстады. Олар кінәсін мойындады.

Қазақстан Қылмыстық кодексінің 309-бабы 1-бөлігі (Жезөкшелікпен айналысуға арналған притондар ұйымдастыру немесе ұстау немесе жеңгетайлық) бойынша сотқа дейінгі тергеу жүргізіліп жатыр.

Айта кетері, бұл баптың санкциясы мүлікті тәркілей отырып, бес жылға дейінгі мерзімге бас бостандығынан айыруды көздейді.

Сонымен қатар 19 қыркүйекте жедел алдын алу іс-шарасы барысында Көкшетау қаласының 32 жастағы тұрғыны ұсталды, ол жергілікті тұрғынның материалдық жағдайын пайдаланып, жезөкшелікпен айналысуға тартқан.  

Қазақстан Қылмыстық кодексінің 308-бабы 1-бөлігі (Жезөкшелікпен айналысуға тарту) бойынша сотқа дейінгі тергеу басталды.

Оқи отырыңыз:

 

10
Шаңды дауыл, маска киген әйел, архивтегі сурет

Сабақ онлайнға ауысты: Маңғыстау облысында шаңды дауыл тұрды видео

2970
Қолайсыз ауа райына байланысты республикалық маңызы бар жолдарда полиция күшейтілген жұмыс режиміне ауысты

НҰР-СҰЛТАН, 24 қыркүйек – Sputnik. Маңғыстау облысының Бейнеу ауданын шаңды дауыл басты. Табиғаттың тосын мінезінен оқушылардың сабағы онлайн болды, ал жүргізушілерге жолда сақ болу керектігі ескертілді.

Бұл туралы жергілікті "Лада" басылымы аудан әкімдігіне сілтеме жасап хабарлады.

Тұрғындар шаңды дауылдың видеосын әлеуметтік желіде таратып жатыр.

Ауа райының күрт нашарлауы салдарынан күндізгі ауысымда оқитын 8451 оқушы мектепке бара алмады.

"Мектеп оқушыларының сабағы онлайн форматқа ауыстырылды. Оқушылардың үйден шықпауын қадағалауыңызды сұраймыз. Қолайсыз ауа райына байланысты аудан аумағы арқылы өтетін республикалық маңызы бар автожолдарда полиция экипажы күшейтілген жұмыс режиміне ауысты", - деді Бейнеу ауданының әкімдігі.

Оқи отырыңыз: 

2970
Кілт сөздер:
Маңғыстау облысы, шаңды дауыл, видео, ауа райы қолайсыздығы