Сот отырысы, архивтегі фото

Оралда оқушыны өлтірген бозбалаға сот қатал үкім шығарды

694
2018 жылдың қысында Ақтөбе облысының Шалқар қаласында 17 жастағы бозбала мектеп оқушысын пышақтап тастаған

НҰР-СҰЛТАН, 2 қыркүйек – Sputnik. Сот 17 жастағы бозбалаға оқушыны өлтіргені үшін үкім шығарды, деп хабарлайды "Мой город" порталы.

Трагедия өткен жылдың қысында Ақтөбе облысының Шалқар қаласында болған. Шаһардағы мұз айдындарының бірінде жоғары сыныптың оқушылары сөзге келіп қалған. Оның соңы төбелеске ұласады. Салдарынан 17 жастағы бозбала пышақ алып шығып, оны 16 жастағы оқушының кеудесіне сұғып алған.  

Кейінірек қаза болған бала бокстан спортшы шебері екені белгілі болды.

Ақтөбеде ҰБТ қарсаңында "Алтын белгі" иегері мектеп түлегін өлтірді 

Сотта күдікті пышақты өзін қорғау үшін пайдаланғанын айтты. Алайда оны судья есепке алған жоқ. Ол іс материалдарын мұқият қарап шығып, айыпталушыны  9 жылға бас бостандығынан айыру туралы үкім шығарды.

Сондай-ақ айыпталушының отбасы зардап шеккен тарапқа моральдық шығын ретінде 3 миллион теңге (7,7 мың доллар), жерлеу рәсіміне жұмсалған 1,3 миллион теңге (3,3 мың доллар) көлеміндегі қаражатты қайтаруға, әрі адвокатты жалдауға жұмсалған 300 мың теңгені беруге міндеттелді.

Алайда айыпталушының отбасы соттың бұл үкімімен келіспейтінін, тым қатал шешім екенін атап өтіп, үкімге шағым түсіретінін жеткізді.

694
Кілт сөздер:
сот, бозбала, оқушы
Тақырып бойынша
Шымкентте 17 оқушы ұсталып, екеуі қамауға алынды
Мектептегі төбелес: қанды қырғын болған жерден видео жарияланды
Астанада оқушыны пышақтау оқиғасының мән-жайы белгілі болды
Мұз айдынындағы төбелес: Ақтөбе облысында мектеп оқушысы көз жұмды
Әпкесі көмекке шақырған: Талғар тұрғыны байқамай жездесін өлтіріп алды
жүк тиегіш, фото

Маңғыстауда жүк тиегіш техника айдаған екі баланы полиция тоқтатты - видео

1143
Рөлде болған баланың ата-анасына Әкімшілік құқық бұзушылық туралы кодекске сәйкес 145 мың теңге көлемінде айыппұл салынған

НҰР-СҰЛТАН, 27 қаңтар – Sputnik. Әлеуметтік желілер мен мессенджерлерде жүк тиегіш техника мінген екі баланың видеосы тарады. Жол-патрульдік полиция қызметкерлері оларды тас жолдың бойында ұстаған. Маңғыстау облыстық полиция департаменті оқиғаның мән-жайын айтты, деп хабарлайды Sputnik Қазақстан тілшісі.

Видеодан полиция қызметкерінің тас жолдың бойында ауыр жүк тиегішті тоқтатқанын көруге болады. Кабинадан екі бала шықты. Олар техниканы үйге апара жатқанын айтады. Сөйтсе, жас жүргізушінің жасы – 8-де, ал екіншісі – 9 жаста. Екеуі ағасына телефон шалып, жол полициясына ұсталып қалғанын жеткізеді. Полицей "Үйге жаяу барасыңдар" деп техниканың есігін жауып тастайды.

Маңғыстау облыстық полиция департаменті оқиғаның былтыр қазан айында болғанын хабарлады. Рөлде болған баланың ата-анасына Әкімшілік құқық бұзушылық туралы кодекстің 612-бабы 5-бөлігі бойынша хаттама рәсімделді. Осы бап бойынша 50 АЕК (145 мың теңге) көлемінде айыппұл қарастырылған.

Бұдан бөлек, кәмелетке толмағандардың істері жөніндегі қызметкерлер Әкімшілік құқық бұзушылық туралы кодекстің 127-бабы (кәмелетке толмағанды тәрбиелеу және (немесе) білім беру, оның құқықтары мен мүдделерін қорғау жөніндегі міндеттерді орындамау) және 128-бабы (кәмелетке толмағанды әкімшілік құқық бұзушылық жасауға тарту) бойынша әкімшілік хаттама толтырды.

Айта кетейік, 127-бап бойынша 15-20 айлық есептік көрсеткіш (43 755-58 340 теңге) көлемінде айыппұл немесе 5-10 тәулікке дейінгі мерзімге әкімшілік қамаққа алу жазасы көрсетілген. Ал 128-бап бойынша 50 АЕК (145 мың теңге)айыппұл қарастырылған.

1143
Кілт сөздер:
видео, Маңғыстау облысы
мұнайшылар

Мұнайшылар бас көтерді: Ақтөбе облысында не болып жатыр

813
Облыстың еңбек жөніндегі мемлекеттік инспекторы жағдайды жіті бақылауда ұстап отырғанын мәлімдеді

НҰР-СҰЛТАН, 27 қаңтар – Sputnik. Ақтөбе облысында "КМК Мұнай" компаниясының 200-ге жуық жұмысшысы екі күннен бері жұмысқа шықпады. Олар жалақыны 100 процентке көтеруді талап етіп отыр, деп хабарлайды Sputnik Қазақстан тілшісі.

Облыстың еңбек жөніндегі мемлекеттік инспекторы Аслан Бахатовтың айтуынша, қазіргі кезде "КМК Мұнай" АҚ-сы мен компанияның директорлар кеңесі осы мәселені пысықтап жатыр. Кеше басшылық мұнайшылардың жалақысын 20 процентке көтеруге келіскен.

"Бірақ мұнайшылар оған келіспей отыр. 100 процентке көтерсін дейді. Қазір олардың орташа жалақысы 200 мың теңгенің төңірегінде. Енді, 100 процентке көтерсін деп жатыр ғой. Сонда 400 мың теңгенің көлеміндегі жалақыны талап етіп отыр. Біз осы мәселені жіті бақылауда ұстап отырмыз", - деді Бахатов Sputnik Қазақстан тілшісіне берген сұқбатында.

Оның сөзіне қарағанда, мұнайшылардың барлығы - вахтамен келіп жүрген жұмысшылар. Олар екі бригадамен ауысып жұмыс істейді. 

Айта кетейік, бүгін мұнайшылар аштық жариялады деген ақпарат шыға бастады. Олар облыс басшысының келгенін қалайды. Ал Ақтөбе облыстық әкімідігі түстен кейін ресми ақпарат береміз дейді.

"КМК Мұнай" АҚ ресми сайтында компанияның екі ірі акционері көрсетілген. Олар - "СНПС-Ақтөбемұнайгаз" АҚ және Yukon Energy Holding S.A. Компания президенті -  Wang Jinbao (Ван Цзиньбао). Ал директорлар кеңесінің төрағасы - Вэй Юйсян (Wei Yuxiang).

Оқи отырыңыз: Ақтөбеде шахтада қаза тапқандардың әріптестері трагедия қалай болғанын айтты

813
Кілт сөздер:
мұнай, Ақтөбе облысы
Вакцина, коронавирус

COVID-19-ке қарсы вакцинаны 5 жағдайда салдыруға болмайды маман кеңесі

26
(Жаңартылды 15:53 27.01.2021)
АҚШ-тың Джордж Мэйсон университетінің жүйелі биология мектебі арнайы зерттеу жүргізген. Мамандар қорытындысын бөлісті

НҰР-СҰЛТАН, 27 қаңтар – Sputnik. Өткір респираторлық вирустық инфекция, коронавирус оң тесті, постковидтік жағдай, IgM антиденелері бар болғанда және ауыр сырқат кезінде вакцина салдыртуға болмайды. АҚШ-тың Джордж Мэйсон университеті жүйелі биология мектебінің мамандары осы бес жағдайда вакцина алуға болмайды деп отыр. 

"Мәселен, біз антиденеге қан тапсырып, М иммуноглобулиндері табылса, ағза вирусқа иммундық жауап беруді жалғастырып жатыр деген сөз. Демек, ПЦР-тест теріс нәтиже көрсетсе де, ағза вируспен байланыста. Вирус жасырын болуы мүмкін. Бұл жағдай персистенция деп аталады", - деді биологтар.

Ал постковидтік жағдай деген ағзада IgG, без IgM антиденелерінің болуы. Олар болса, вакцинациядан өтудің қажеттілігі жоқ, деп жазады Lenta.ru7

"Иммуносупрессия немесе склероз сырқаты барлар екпе салдырмас бұрын дәрігерге қаралуы тиіс. Бірақ дәрігерлер де мұндай жауапкершілік алғысы келмейді. Сондықтан ауыр сырқатқа шалдыққандарға вакцина салдырмаған жөн", - дейді мамандар.

Еске сала кетсек, 1 ақпанда қазақстандықтарға COVID-19-ға қарсы вакцина егу науқаны басталады. Денсаулық сақтау министрі Алексей Цой жыл соңына дейін 6 миллион адамға вакцина салу жоспарланып отырғанын айтқан болатын.

26
Кілт сөздер:
вакцина, коронавирус
Тақырып:
Коронавирус эпидемиясы
Тақырып бойынша
Алматылық дәрігер кімдерге вакцина салуға болмайтынын хабарлады
Қазақстанда коронавирусқа қарсы вакцина мәжбүрлі түрде салына ма – министрлік жауабы  
Қатерлі ісікке шалдыққан науқастарға коронавирусқа қарсы вакцина салуға бола ма?
Тоқаев қазақстандық вакцина салдырады
"Шешім қабылдаған жоқпын": министрлер мен депутаттар қандай вакцина салдыратынын айтты