Қыз, архивтегі фото

Тараздағы балалар үйінде түсірілген жаға ұстатарлық видео: тәрбиешіге іс қозғалды

7295
(Жаңартылды 16:42 08.10.2019)
Балалар үйіне көрші тұратын тұрғындар дабыл қақты: олар балалардың үнемі жылап, айқайлайтынын айтты  

НҰР-СҰЛТАН, 8 қазан – Sputnik. Тараздағы "Үміт" балалар үйінің тәрбиешісіне балаларға қатыгездік танытты деген күдікпен қылмыстық іс қозғалды. Бұл туралы балалар құқықтары жөніндегі уәкіл Аружан Саин әлеуметтік желідегі парақшасында жазды.

Дүйсенбі, 7 қазан күні желіде жаға ұстатарлық видео жарияланды. Видеода әйелдің балаларға қатыгездік жасағанын байқауға болады. Ол "Үміт" балалар үйінде жұмыс істейтіні анықталды.

Тағы оқыңыз: Астанада тәрбиеші баланың ата-анасы ақша бопсалап жүргенін айтты 

Әйел балаларды ұрып-соғып, оларға орындыққа отыруға рұқсат бермей жатқанын, ал бағынбағандарды басын төмен қаратып ұстап тұрғанын көруге болады.   

Аталған мекемеге көрші тұратын куәгерлердің айтуынша, балалар үйінің ауласынан тәрбиешілердің айқайы мен балалардың жылаған дауысы үнемі естіліп тұрады екен.

Балалар омбудсмені Аружан Саин Тараз қаласының білім, денсаулық сақтау басқармалары мен полиция департаментіне сұрау салды. Осыдан кейін әкімдік балалар үйінің ұжымымен кеңес өткізу үшін арнайы комиссия құрды.

"Облыстық денсаулық сақтау басқармасы полицияға сотқа дейінгі шаралар өткізу туралы арыз түсірді. Сол күні Жамбыл облысының департаменті балалар үйінің 54 жастағы тәрбиешісіне қатысты Қазақстан Қылмыстық кодексінің 140-бабының екінші бөлігі бойынша сотқа дейінгі тергеуді бастады", - деп жазды Саин Facebook-те.

Тергеу барысында мекеме қызметкерлерінен жауап алынып, камералардан видеоматериалдар алынды. Қажетті сараптама тағайындалды. Сот шешімі шыққанға дейін тәрбиеші жұмыстан шеттетілді.

Жамбыл облысы денсаулық сақтау басқармасының "Үміт" мамандандырылған балалар үйі 1984 жылдан бері Тараз қаласында жұмыс істейді. Онда ата-анасының қамқорлығынсыз қалған жетім балаларға, жалғызбасты аналардың немесе ата-ана құқығынан айырылған азаматтардың балаларына, сондай-ақ ақыл-ой және физикалық дамуында кемістігі бар балаларға көмек көрсетіледі.

Қазір онда бес жасқа дейінгі 70 бала тәрбиеленіп жатыр, олардың 30% –мүмкіндігі шектеулі.  

7295
Кілт сөздер:
видео, балалар үйі
Тақырып бойынша
Намазды дұрыс оқымаған өгей баласын ұрып өлтірген Шымкент тұрғыны сотталды
Қазақстанда бала асырап алу үшін не істеу керек?
13 тастанды балаға қамқор болған отбасы қандай қиындыққа тап болғанын айтты - фото
Балалар үйіндегі қанды қырғын: павлодарлық үш жасөспірім 6 адамды қалай өлтірді
Аружан Саин барлық балалар үйін жауып тастамақшы
жүк тиегіш, фото

Маңғыстауда жүк тиегіш техника айдаған екі баланы полиция тоқтатты - видео

1351
Рөлде болған баланың ата-анасына Әкімшілік құқық бұзушылық туралы кодекске сәйкес 145 мың теңге көлемінде айыппұл салынған

НҰР-СҰЛТАН, 27 қаңтар – Sputnik. Әлеуметтік желілер мен мессенджерлерде жүк тиегіш техника мінген екі баланың видеосы тарады. Жол-патрульдік полиция қызметкерлері оларды тас жолдың бойында ұстаған. Маңғыстау облыстық полиция департаменті оқиғаның мән-жайын айтты, деп хабарлайды Sputnik Қазақстан тілшісі.

Видеодан полиция қызметкерінің тас жолдың бойында ауыр жүк тиегішті тоқтатқанын көруге болады. Кабинадан екі бала шықты. Олар техниканы үйге апара жатқанын айтады. Сөйтсе, жас жүргізушінің жасы – 8-де, ал екіншісі – 9 жаста. Екеуі ағасына телефон шалып, жол полициясына ұсталып қалғанын жеткізеді. Полицей "Үйге жаяу барасыңдар" деп техниканың есігін жауып тастайды.

Маңғыстау облыстық полиция департаменті оқиғаның былтыр қазан айында болғанын хабарлады. Рөлде болған баланың ата-анасына Әкімшілік құқық бұзушылық туралы кодекстің 612-бабы 5-бөлігі бойынша хаттама рәсімделді. Осы бап бойынша 50 АЕК (145 мың теңге) көлемінде айыппұл қарастырылған.

Бұдан бөлек, кәмелетке толмағандардың істері жөніндегі қызметкерлер Әкімшілік құқық бұзушылық туралы кодекстің 127-бабы (кәмелетке толмағанды тәрбиелеу және (немесе) білім беру, оның құқықтары мен мүдделерін қорғау жөніндегі міндеттерді орындамау) және 128-бабы (кәмелетке толмағанды әкімшілік құқық бұзушылық жасауға тарту) бойынша әкімшілік хаттама толтырды.

Айта кетейік, 127-бап бойынша 15-20 айлық есептік көрсеткіш (43 755-58 340 теңге) көлемінде айыппұл немесе 5-10 тәулікке дейінгі мерзімге әкімшілік қамаққа алу жазасы көрсетілген. Ал 128-бап бойынша 50 АЕК (145 мың теңге)айыппұл қарастырылған.

1351
Кілт сөздер:
видео, Маңғыстау облысы
мұнайшылар

Мұнайшылар бас көтерді: Ақтөбе облысында не болып жатыр

853
Облыстың еңбек жөніндегі мемлекеттік инспекторы жағдайды жіті бақылауда ұстап отырғанын мәлімдеді

НҰР-СҰЛТАН, 27 қаңтар – Sputnik. Ақтөбе облысында "КМК Мұнай" компаниясының 200-ге жуық жұмысшысы екі күннен бері жұмысқа шықпады. Олар жалақыны 100 процентке көтеруді талап етіп отыр, деп хабарлайды Sputnik Қазақстан тілшісі.

Облыстың еңбек жөніндегі мемлекеттік инспекторы Аслан Бахатовтың айтуынша, қазіргі кезде "КМК Мұнай" АҚ-сы мен компанияның директорлар кеңесі осы мәселені пысықтап жатыр. Кеше басшылық мұнайшылардың жалақысын 20 процентке көтеруге келіскен.

"Бірақ мұнайшылар оған келіспей отыр. 100 процентке көтерсін дейді. Қазір олардың орташа жалақысы 200 мың теңгенің төңірегінде. Енді, 100 процентке көтерсін деп жатыр ғой. Сонда 400 мың теңгенің көлеміндегі жалақыны талап етіп отыр. Біз осы мәселені жіті бақылауда ұстап отырмыз", - деді Бахатов Sputnik Қазақстан тілшісіне берген сұқбатында.

Оның сөзіне қарағанда, мұнайшылардың барлығы - вахтамен келіп жүрген жұмысшылар. Олар екі бригадамен ауысып жұмыс істейді. 

Айта кетейік, бүгін мұнайшылар аштық жариялады деген ақпарат шыға бастады. Олар облыс басшысының келгенін қалайды. Ал Ақтөбе облыстық әкімідігі түстен кейін ресми ақпарат береміз дейді.

"КМК Мұнай" АҚ ресми сайтында компанияның екі ірі акционері көрсетілген. Олар - "СНПС-Ақтөбемұнайгаз" АҚ және Yukon Energy Holding S.A. Компания президенті -  Wang Jinbao (Ван Цзиньбао). Ал директорлар кеңесінің төрағасы - Вэй Юйсян (Wei Yuxiang).

Оқи отырыңыз: Ақтөбеде шахтада қаза тапқандардың әріптестері трагедия қалай болғанын айтты

853
Кілт сөздер:
мұнай, Ақтөбе облысы
Ақша, теңге

Министрлік атаулы әлеуметтік көмекке қатысты жаңа мәлімет таратты

3
2020 жылы республика бойынша 184,7 мың отбасында 936,2 мың адамға атаулы әлеуметтік көмек тағайындалған болатын

НҰР-СҰЛТАН, 27 қаңтар – Sputnik. Еңбек және халықты әлеуметтік қорғау министрлігі карантин кезінде қолға алынған шаралар биыл да жалғасатынын мәлімдеді, деп хабарлайды Sputnik Қазақстан тілшісі.

"2020 жылы IV тоқсанда 119,7 мың отбасындағы 614,3 мыңнан астам қазақстандыққа атаулы әлеуметтік көмек тағайындау мемлекеттік инстанцияға жүгінбей-ақ автоматты түрде ұзартылды. Оған дейін II және III тоқсанда төтенше жағдай мен карантиндік шектеу шараларының қолданылуына байланысты көмек тағайындау ұзартылған болатын. Аталған тәжірибе 2021 жылдың 1 тоқсанында барлық атаулы әлеуметтік көмек алушыларға қолданылды", - делінген ресми хабарламада.

Министрлік осы шаралардың арқасында вирустық инфекцияның таралу қаупін азайтуды көздейді.

Ресми мәліметке сәйкес, 2020 жылы республика бойынша 184,7 мың отбасындағы 936,2 мың адамға атаулы әлеуметтік көмек тағайындалған болатын. Осы мақсатта бюджеттен 75,3 миллиард теңге бөлінді. Заңға сәйкес, атаулы әлеуметтік көмек отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70 процентінен төмен азаматтарға тағайындалады.

"Бұдан бөлек, атаулы әлеуметтік көмек көрсетудің жаңа тетігін іске асыру шеңберінде еліміздің барлық өңірінде табысы аз отбасылардың мектеп жасына дейінгі балаларын кепілдік берілген әлеуметтік топтамамен қамтамасыз етіледі. 2020 жылы осы санаттағы 218,2 мың бала азық-түлік және тұрмыстық химия жиынтығы түрінде әлеуметтік топтама алды", - дейді министрлік мамандары.

3
Кілт сөздер:
атаулы әлеуметтік көмек
Тақырып:
Жәрдемақы қалай төленеді
Тақырып бойынша
Шолпанның көз жасы: алты баласы бар 29 жастағы келіншек халықтан көмек сұрады
Көпбалалы ана жаңа оқу жылы туралы: бес балам бір телефон қолданады
"Өтірік айтасың деп сенбеді": алты баланың анасы атанған 23 жастағы келіншектің әңгімесі
"Бізге де солай көмектессін": Алматы тұрғындары президенттен көмек сұрады
7 әйелден 6 баласы бар: Алматыда жөргекпұл алып, ізін суытатын жігітке іздеу жарияланды