Нәресте, архивтегі сурет

Атырау облысында сәбилердің неден шетінегені белгілі болды

1060
Өңірде тоғыз айдың ішінде бір жасқа дейінгі 156 сәби шетінеген, оның ішінде 98 бала облыстық перинаталдық орталығында көз жұмды

НҰР-СҰЛТАН, 23 қазан – Sputnik. Тоғыз айдың ішінде Атырау облысында бір жасқа дейінгі 156 сәби шетінеген. Бұл туралы бүгін денсаулық сақтау министрлігі тауарлар мен қызметтер сапасы мен қауіпсіздігін бақылау комитетінің төрағасы Людмила Бюрабекова мәлімдеді, деп хабарлайды Sputnik Қазақстан тілшісі.

"Атырау облысы биыл нәресте өлім-жітімінің көрсеткіші бойынша алдыңғы орында тұр. 9 айдың ішінде облыста бір жасқа дейінгі 156 сәби шетінеген, оның ішінде 98 бала облыстық перинаталдық орталығында көз жұмды. Қалған 54-і басқа медициналық ұйымдарда, ал төртеуі үйде шетінеген",- деді Бюрабекова орталық коммуникациялар қызметінде Атырау облысында нәресте өліміне қатысты жүргізілген тексерістің қорытындысы туралы брифингте.

Айтуынша, сәби өлімінің негізгі себептері – перинаталдық кезеңдегі жағдай, инфекциялық аурулар, туа біткен кемістіктер және жазатайым оқиғалар.

Тағы оқыңыз: Баланың көзін жой: Атыраулық дәрігердің телефонын тыңдағандар есеңгіреп қалды

Бұдан бөлек, Бюрабекова Атырау облысында нәресте өлімі тамыз бен қыркүйек айларында өскенін атап өтті.

"Осыған байланысты тамызда шетінеген 26, ал қыркүйекте көз жұмған 16 сәбидің медициналық картасына егжей-тегжейлі талдау жүргізілді. Шетінеген сәбилердің арасында 73,4 проценті – шала туғандар. Медициналық карталар мен гистологиялық материалдардың талдауынан көргеніміздей, тамызда Атырау облыстық перинаталдық орталығын инфекция жайлаған. Санитарлық-эпидемиологиялық режим сақталмағандықтан, қыркүйек айында туған сәбилер де ауруханадан инфекция жұқтырған. Эпидемиологиялық тергеу нәтижесі осы фактіні растап отыр", - деді ол.

Айта кетсек, Атырау перзентханасында тоңазытқыштағы бала өлімінен кейін денсаулық сақтау министрлігінің бастамасымен комиссия құрылды.

Комиссия құрамына 26 маман – тәуелсіз сарашылар, министрлікке қарасты ғылыми институттардың өкілдері кірген. Оны денсаулық сақтау вице-министрі басқарды. Комиссия 5-18 қазан аралығында жұмыс істеді.

1060
Кілт сөздер:
сәби, Атырау облысы
Тақырып бойынша
"Бәрі жылап жүр": сәби өлімінен кейін перзентхана дәрігерлері арыз жазды
Нәресте тоңазытқыштан табылды: атыраулық дәрігерлердің ауыр қылмысы ашылды
Тоңазытқыштағы бала өлімі: облыстық басқарма басшысы қызметінен кетті
Дәрігерлер 277 нәрестенің өлімін жасырған – министр Біртанов
Тірі туған сәбиді тоңазытқышта сақтаған: президент әкімшілігі тапсырма берді
Валюта айырбастау

Маңғыстау облысында 500 доллар айырбастауға барған әйел 5 жылға түрмеге қамалды

2757
(Жаңартылды 17:55 20.10.2020)
Экономикалық тергеу департаментінің қызметкерлері жалған қаражатты сақтау және өткізу фактісі бойынша қылмыстық істі тергеуді аяқтады

НҰР-СҰЛТАН, 20 қазан – Sputnik. Маңғыстау облысында жалған шетелдік валютаны айырбастаған әйел бес жылға бас бостандығынан айырылды, деп хабарлайды Sputnik Қазақстан қаржы мониторингі комитетіне сілтеме жасап. 

Ресми мәліметке сәйкес, экономикалық тергеу департаментінің қызметкерлері Маңғыстау ауылының тұрғынына қатысты жалған қаражатты сақтау және өткізу фактісі бойынша қылмыстық істі тергеуді аяқтады. 

"Айыпталушы 2020 жылдың басында тауып алған 1500 АҚШ долларының жалған ақша екенін біле тұра, 1000 доллармен таныстарынан алған қарызын өтеген. Ал қалған 500 АҚШ долларын Мұнайлы ауданының Маңғыстау ауылында орналасқан "Халық Банкнің" кассасында айырбастамақ болған. Бірақ сол жерде қолға түсті", - дейді тергеушілер. 

Аудандық соттың үкімімен ауыл тұрғыны Қылмыстық кодекстің 231-бабы, 2-бөлігі бойынша ("жалған ақша немесе бағалы қағаздар жасау, сақтау, алып өту немесе өткізу") кінәлі деп танылып, 5 жылға бас бостандығынан айырылды.

2757
Кілт сөздер:
Маңғыстау облысы, әйел, түрме, доллар
Тақырып бойынша
"Сотқа жүгіну керек": сарапшы телефон арқылы ақша аударатындарға кеңес берді
Қолма-қол ақша арқылы вирус жұқтыру қаупі бар – ұлттық банк түсініктемесі
Коронавирус ақша мен телефон экранында қанша уақыт сақталады – ғалымдар зерттеу жасады
Алматы тұрғыны халықты бір миллион долларға алдап кеткен
Жаппай сатылым: долларды басып шығарудың арты не болады?
Первый снег в Нур-Султане

Биылғы қыс қандай болады синоптиктер болжам жасады

7916
(Жаңартылды 13:51 20.10.2020)
Алдағы қыс өткен жылғыдай болады деп болжанып отыр, жылы және жауын-шашын көп түседі, дейді мамандар

НҰР-СҰЛТАН, 20 қазан – Sputnik. Қазгидромет 2020 жылдың қарашасы мен 2021 жылдың наурызы аралығындағы ауа райы болжамын жариялады.

Қарашаға ауа-райы болжамы

Болжамға сәйкес, келесі айдың бірінші жартысында республиканың солтүстік бөлігінде, шығысында және орталығында қыстағыдай ауа райы болады.

"Жауын-шашын, көбінесе қар, қарлы боран, сондай-ақ көктайғақ пен тұман жиі түседі. Айдың бірінші жартысында ең суық күндерде термометр бағанасы түнде -10-23°C, күндіз -2-10°C дейін төмендейді. Суық ауа массалары жылыға ауысқанда термометрлердің бағаналары +5+12°С белгісіне жетеді", - дейді синоптиктер.

Ал еліміздің оңтүстігінде жауын-шашын (жаңбыр, жабысқақ қар) айдың екінші жартысында күтіліп отыр. Таулы жерлерде ертерек түсуі мүмкін. Температура түнде -5-12°С, күндіз -1+5°С дейін төмендейді.

"Бір ай бойы, көбінесе, солтүстік өңірлерде жылы күндер аязды күндермен алмасып тұрады. Осылайша, Қазақстанның басым бөлігінде ауа температурасы норма шамасында, мәселен, солтүстік-батыста – нормадан 1°С жоғары, ал оңтүстік, оңтүстік-шығыс және шығыстың таулы және тау бөктерлі аудандарында нормадан 1°С төмен болады деп болжанып отыр", - деді мамандар.

Биыл қыс қандай болады

Алдағы қыс өткен жылғы қысқа ұқсас болады деген болжам бар. Ауа-райы жылы және жауын-шашын көп түседі.

"Өткен жылдың қысында Қазақстан аумағына Атлантика аудандарынан жылы және ылғалды ауа массалары келген. Сол себепті республиканың басым бөлігінде мол жауын-шашын жауады. Алдағы қыста Қазақстан аумағы бойынша температуралық фон климаттық нормадан 1-2°С жоғары, тек еліміздің оңтүстік, оңтүстік-шығыс, шығыс аймақтарының таулы және тау бөктерлі аудандарында норма шамасында күтілуде", - дейді синоптиктер.

Желтоқсан мен қаңтар айларында еліміздің басым бөлігінде ауа райы жауын-шашынды болады, тек батыста аз түседі. Ал ақпан айында жауын-шашын мөлшері елдің басым бөлігінде нормадан көп, ал оңтүстік-батыс жартысында норма шамасында болады.

Наурызда ауа райы қандай болады

Мамандардың айтуынша, келесі жылы көктемнің басы, атап айтқанда, наурыз айы жылы және жауын-шашының мөлшері аз болады. Қазіргі болжам бойынша Қазақстан аумағының басым бөлігінде орташа ауа температурасы нормадан 1-2°С жоғары көтеріледі.

"Алматы және Шығыс Қазақстан облыстарының таулы және тау бөктеріндегі аудандарында нормаға жуық болжанады. Жауын-шашын мөлшері басым бөлігінде нормадан аз, қиыр солтүстікте және Шығыс Қазақстан мен Алматы облыстарының оңтүстік-шығыс бөлігінде норма шамасында, Шығыс Қазақстан обласының тауларда нормадан көп күтілуде", - деп атап көрсетті синоптиктер.

7916
Кілт сөздер:
ауа райы, қыс
Зертхана қызметкері

Өткен тәулікте Қазақстанда коронавирус жұқтырғандардың саны артты

9
(Жаңартылды 08:10 21.10.2020)
Бүгінгі күнге дейін республика бойынша коронавируспен ауырған науқастардың саны 109 766 адамға жетті

НҰР-СҰЛТАН, 21 қазан – Sputnik. Қазақстанда өткен тәулікте 143 адамда коронавирус індеті ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронавирус жұқтырғандардың ең көбі Нұр-Сұлтан қаласында (29) анықталды. Одан кейін Шығыс Қазақстан облысы (19) мен Алматы қаласында (13) тіркелді", – делінген хабарламада.  

Қалалар мен өңірлер бойынша:

  • Нұр-Сұлтан қаласы - 29
  • Алматы қаласы - 13
  • Ақмола облысы - 6
  • Ақтөбе облысы - 3
  • Алматы облысы - 14
  • Атырау облысы - 11
  • Шығыс Қазақстан облысы - 19
  • Жамбыл облысы - 3
  • Батыс Қазақстан облысы - 5
  • Қарағанды облысы - 16
  • Қостанай облысы - 5
  • Маңғыстау облысы - 1
  • Павлодар облысы - 10
  • Солтүстік Қазақстан облысы - 8.

Айта кетейік, бүгінге дейін республика бойынша індет жұқтырған адамдар саны 109 766-ға жетті.

9
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Ғалымдар шілдеде коронавирустың неліктен күшейіп кеткенін анықтады
Қара бұрыш коронавирустан қалай қорғайды – ғалымдар жауабын айтты
Ғалымдар мезгілсіз өлімнің белгілерін атады
Коронавирус ақша мен телефон экранында қанша уақыт сақталады – ғалымдар зерттеу жасады
COVID-19-бен байланысты қауіпті синдром байқала бастады: ғалымдар дабыл қақты